Skip to main content

"ஹெச். ராஜா நீதிமன்றத்தைப் பற்றி பேசாத பேச்சையா நான் பேசிவிட்டேன்" - தமிழன் பிரசன்னா கேள்வி!

Published on 16/05/2020 | Edited on 16/05/2020


உலகம் முழுவதும் கரோனா பாதிப்பு உச்சத்தில் இருந்து வருகின்றது. இதுவரை 46 லட்சத்துக்கும் அதிகமானவர்களை இந்த நோய்த் தாக்கியுள்ளது. 3 லட்சத்துக்கும் மேற்பட்டவர்கள் இந்த நோயினால் உலகம் முழுவதும் உயிரிழந்துள்ளனர். இந்தியாவில் 2,000- க்கும் மேற்பட்டவர்கள் இதனால் உயிரிழந்துள்ளனர். 82,000- க்கும் மேற்பட்டவர்கள் மருத்துவமனைகளில் சிகிச்சை பெற்று வருகிறார்கள். உலகின் பல நாடுகளுக்கு கரோனா வைரஸ் பரவியுள்ள நிலையில், தமிழக அரசியல் களம் வழக்கமான பரபரப்புகளுடனே இருந்து வருகின்றது. பிரதமர் மோடி குறித்து தி.மு.க.வின் தமிழன் பிரசன்னா சில கருத்துகளை தன்னுடைய சமூக வலைத்தள பக்கத்தில் தெரிவித்தற்கு பா.ஜ.க.-வைச் சேர்ந்த ஹெச்.ராஜா எதிர்வினையாற்றி உள்ளார். தமிழன் பிரசன்னாவைக் கண்டிப்பாகக் கைது செய்ய வேண்டும் என்று தெரிவித்திருந்தார். இதுதொடர்பாக தமிழன் பிரசன்னாவிடம், கேள்விகளை முன்வைத்தோம். நம்முடைய கேள்விகளுக்கு அவரின் பதில்கள் வருமாறு,
 


இந்த கரோனா நேரத்தில் நீட் தேர்வுக்கான தேதியை அறிவிக்கிறார்கள், 10 ஆம் வகுப்பு பொதுத்தேர்வுக்கான தேதியைச் சொல்லியிருக்கிறார்கள். மின்சார திருத்த மசோதாவைக் கொண்டுவந்துள்ளார்கள். காவிரி ஆணையத்தை மத்திய நீர்வளத்துறையோடு இணைத்துள்ளார்கள், இதை எப்படிப் பார்க்கிறீர்கள்?

இது அனைத்துமே மாநில அரசின் முதுகெலும்பு இல்லாத காரணத்தால் மட்டுமே நடக்கின்றது. மத்திய அரசைப் பார்த்து, பக்கத்தில் இருக்கின்ற சந்திர சேகர் ராவ் சொல்கிறார் 'ஒன்று நீ செய், இல்லை என்னை செய்யவிடு' என்று. இந்த மாதிரி கேட்க நம் மாநிலத்தை ஆள்பவருக்குப் போதிய துணிச்சல் இல்லை. காவிரி ஆணையத்தில் மீண்டும் நமக்குத் துரோகம் செய்துள்ளார்கள். இது சம்பந்தமாக இதுவரை இவர்கள் என்ன அறிக்கை விட்டுள்ளார்கள். மத்திய அரசின் அணுகு முறையை எதிர்த்து இவர்கள் ஏதேனும் கேள்வி கேட்டார்களா? அவர்களின் அடிமைகளாக இருக்கும் இவர்கள் அவர்களை எதிர்த்து எப்படிக் கேள்வி கேட்பார்கள். இப்போது நான் ஒரு கேள்வியைக் கேட்கிறேன். 10 ஆம் வகுப்பு தேர்வு தேதியை அறிவித்துள்ளார்கள், நீட் தேர்வை அறிவித்துள்ளார்கள். இப்போது லாக் டவுன் முடியுமா அல்லது முடியாதா என்று கெள்வி எழுகின்றது. தேர்வுக்கு மாணவர்கள் எப்படிப் போவார்கள். பலர் ஹாஸ்டலில் படிக்கிறார்கள். அவர்கள் எப்படி அங்கு போவார்கள். பேருந்து வசதி இருக்கிறதா? அவர்களுக்குச் சாப்பாடு கிடைக்குமா என்ற ஆயிரம் கேள்வி இருக்கின்றபோது எதற்கு அவசர அவசரமாகத் தேர்வு தேதியை அறிவிக்க வேண்டும். 
 

 


இந்தியப் பிரதமரைத் தொடர்ந்து அவமரியாதையாகப் பேசுவதாக கூறி உங்கள் மீது பாஜக தலைவர் ஹெச்.ராஜா குற்றம் சாட்டியுள்ளார். இதற்காக உங்களைக் கைது செய்ய வேண்டும் என்றும் தெரிவித்துள்ளார். இதற்கு உங்களின் பதில் என்ன? 

வானொலி மூலம் பல மணி நேரம் பேசும் பிரதமர், பத்தரிகையாளர்களின் ஒரு கேள்விக்குக் கூட பதிலளிக்க மறுத்துவிடுகிறார். 56 இன்ச் மார்பளவு உடையவர் என்று சொல்லிக்கொள்ளும் யாரும் இத்தகைய செயல்களைச் செய்ய மாட்டார்கள். மேலும் அணிந்திருக்கும் உடையை வைத்தே யார் கலவரக்காரர்கள் என்று என்னால் அடையாளப்படுத்த முடியும் என்று தன் சொந்த நாட்டு மக்களையே பிரிக்கும் போதும், தன்னை எதிர்க்கும் மாநிலங்களுக்கு ஒரு பைசா கூட நிதியினை ஒதுக்க மாட்டேன் என்று சொல்வதாகட்டும், இப்படி மாநில உரிமைகளுக்கு எதிராகச் செய்ல்படும் ஒருவரை எப்படி எங்களின் பிரதமராக நாங்கள் ஏற்றுக்கொள்ள முடியும். பிரதமர் எனக்கு முதலாளி அல்ல, இந்தியக் குடிமகனாகிய நான்தான் அவருக்கு முதலாளி.
 

http://onelink.to/nknapp


நீங்கள் பேசக்கூடிய வெறுப்பரசியல்தான் எங்களைப் பேச செய்கிறது. ஒருமுறை அவ்வாறு பேசியதற்கே என்னைக் கைது செய்ய வேண்டும், தீவிரவாதி பட்டியலில் சேர்க்க வேண்டும் என்று சொல்கிறீர்களே எங்களின் தலைவர்களின் குடும்பத்தைக் நீங்கள் கொச்சைப்படுத்தி பேசவில்லையா, நாங்கள் அதற்குக் கூட பதிலுக்குப் பதில் பேசவில்லை, அப்படிப் பேசினால் அவர்களால் இருக்க முடியாது. நீதிமன்றம் குறித்து ஹெச்.ராஜா பேசாத பேச்சுக்களாா, பத்திரிகை துறை பெண்களைப் பற்றி எஸ்.வி சேகர் என்ன கூறினார், இதெல்லாம் சரியா? அவர்கள் பேசுவதற்கு எந்தத் தகுதியும் இல்லாதவர்கள் என்பதே என்னுடைய கருத்து.

 


 

 

Next Story

41 ஆண்டுகளுக்குப் பிறகு பிரதமர் மோடிக்கு கிடைத்த பெருமை!

Published on 08/07/2024 | Edited on 08/07/2024
After 41 years, Prime Minister Modi go to austria

ரஷ்யாவில் இந்தியா - ரஷ்யா இடையிலான 22வது உச்சி மாநாடு இன்று (08-07-24) நடைபெறுகிறது. இந்த மாநாட்டில் கலந்துகொள்வதற்காக இந்தியப் பிரதமர் மோடி இன்று ரஷ்யாவிற்குச் செல்கிறார். 

அங்குச் சென்ற பிறகு, இரு நாட்டு உறவுகள், உலகளாவிய முக்கிய பிரச்சனைகள் குறித்து ரஷ்ய அதிபர் விளாடிமர் புடினுடன் பிரதமர் மோடி பேச்சுவார்த்தை நடத்தவுள்ளார். அதனைத் தொடர்ந்து மோடி, இந்திய வம்சாவளியினர் மத்தியில் உரையாற்ற உள்ளார். கடந்த 2019ஆம் ஆண்டிற்குப் பிறகு சுமார் 5 ஆண்டுகள் கழித்து பிரதமர் மோடி, ரஷ்யா பயணிக்கிறார். 2019ஆம் ஆண்டில் ரஷ்யாவில் நடைபெற்ற பொருளாதார மாநாட்டில் பிரதமர் மோடி நேரில் பங்கேற்றார் என்பது குறிப்பிடத்தக்கது. 

இதனையடுத்து, பிரதமர் மோடி ரஷ்யாவில் இருந்து நாளை (09-07-24) ஆஸ்திரியா செல்கிறார். அங்குச் சென்ற அவர், அந்நாட்டு அதிபர் அலெக்ஸாண்டர் வான்டெர் பெல்லனை சந்தித்துப் பேசுகிறார். அதனைத் தொடர்ந்து, அந்நாட்டுப் பிரதமர் கார்ல் நெகமருடன் மோடி பேச்சுவார்த்தை நடத்தவுள்ளார். 41 ஆண்டுகளுக்குப் பிறகு ஆஸ்திரியாவிற்குச் செல்லும் முதல் இந்தியப் பிரதமர் என்ற பெருமையை மோடி பெற்றுள்ளார். 

Next Story

“சொந்த மாநிலத்தில் மோடியை தோற்கடிப்போம்” - ராகுல் காந்தி பேச்சு

Published on 06/07/2024 | Edited on 06/07/2024
Rahul Gandhi speech they will defeat Modi in our own state

கடந்த 1ஆம் தேதி நடைபெற்ற நாடாளுமன்ற மக்களவை பேரவையில் எதிர்க்கட்சி தலைவராக தேர்ந்தெடுக்கப்பட்டுள்ள ராகுல் காந்தி முதல் முறையாக உரையாற்றினார். அப்போது, ராகுல்காந்தி மற்றும் பாஜக உறுப்பினர்கள் இடையே காரசார விவாதம் நடைபெற்றது. நீட் தேர்வு, அக்னி வீரர் திட்டம், பணமதிப்பிழப்பு உள்ளிட்ட பல்வேறு முடிவுகள் குறித்து ராகுல்காந்தி பாஜகவுக்கு கேள்வி எழுப்பி இருந்தார். 

குறிப்பாக அவர், “பாஜகவினர் உண்மையான இந்துக்கள் அல்ல. உண்மையான இந்துக்கள் வெறுப்பு, வன்மம் ஆகியவற்றை தூண்ட மாட்டார்கள். ஆனால், பாஜகவினர் வெறுப்பை விதைக்கிறார்கள். 24 மணி நேரமும் பாஜகவினர் வெறுப்பை விதைத்து வருகின்றனர். பாஜகவும், பிரதமர் மோடியும் இந்துக்களின் ஒட்டுமொத்த பிரதிநிதி அல்ல' என பல்வேறு குற்றச்சாட்டுகளை சாரம்சமாக வைத்து ராகுல் காந்தி உரையாற்றியிருந்தார். அதேநேரம் இந்துக்கள் குறித்த பேச்சுக்கு ராகுல் மன்னிப்பு கேட்கவேண்டும் என வலியுறுத்திய பாஜக எம்.பிக்கள், ராகுலின் கேள்விகளுக்கு பதிலளித்ததோடு கண்டனங்களையும் தெரிவித்தனர். இதனால் நாடாளுமன்றத்தில் பரபரப்பு ஏற்பட்டது.

ராகுல் காந்தி பேசியதன் எதிரொலியாக குஜராத் மாநிலம், அகமதாபாத்தில் பா.ஜ.கவினர் போராட்டம் நடத்தினர். அப்போது, பா.ஜ.க இடையே காங்கிரஸ் தொண்டர்களிடையே மோதல் ஏற்பட்டது. இதனால், ஐந்து காங்கிரஸ் தொண்டர்களை போலீசார் கைது செய்தனர். இந்தச் சம்பவத்தைக் கண்டித்து காங்கிரஸ் தலைவர் ராகுல் காந்தி இன்று அகமதாபாத்தில் உள்ள காங்கிரஸ் தொண்டர்களுக்கு ஆறுதல் தெரிவித்து பொதுக்கூட்டத்தில் கலந்துகொண்டு பேசினர். அப்போது அவர், “நாம் அனைவரும் ஒன்றாக இணைந்து குஜராத்தில் அவர்களை தோற்கடிக்கப் போகிறோம். நரேந்திர மோடியையும் பா.ஜ.கவையும் அயோத்தியில் தோற்கடித்தது போல் குஜராத்தில் தோற்கடிப்போம். 

விமான நிலையம் கட்டப்பட்டபோது அயோத்தி விவசாயிகள் தங்கள் நிலத்தை இழந்தனர். ராமர் கோயில் திறப்பு விழாவுக்கு அயோத்தியில் இருந்து யாரையும் அழைக்காததால் அயோத்தி மக்கள் கொந்தளித்தனர். அயோத்தியை மையமாக கொண்டு அத்வானி தொடங்கிய இயக்கம், அயோத்தியில் அந்த இயக்கத்தை இந்தியா கூட்டணி தோற்கடித்துள்ளது.

நமது அலுவலகத்தை அவர்கள் உடைத்த விதத்தில், நாம் அவர்களின் ஆட்சியை உடைக்கப் போகிறோம். ஆனால், குஜராத் காங்கிரசில் குறைபாடுகள் உள்ளன. கடந்த தேர்தலில் பா.ஜ.க.வை எதிர்த்து சரியாக போட்டியிடவில்லை. 2017ஆம் ஆண்டில் 3 மாதங்கள் கடுமையாக உழைத்து நல்ல பலன் கிடைத்தது. இப்போது நமக்கு 3 வருடங்கள் உள்ளன, இறுதிக்கட்டத்தை பின்தள்ளுவோம். 30 ஆண்டுகளுக்குப் பிறகு குஜராத்தில் ஆட்சி அமைக்கப் போகிறீர்கள். கட்சித் தலைமை, நான், என் சகோதரி உட்பட அனைவரும் உங்களுடன் நிற்கப் போகிறோம்” எனக் காங்கிரஸ் தொண்டர்களிடம் பேசினார்.