Skip to main content

படத்தைப் படமாகப் பாருங்கள்... பெயரில் அரசியலைக் கொண்டு வந்தால் இனி ஏ,பி,சி,டி என்றுதான் வைக்க முடியும் - சூர்யா சேவியர் தடாலடி!

Published on 19/11/2021 | Edited on 20/11/2021

 

jl


சூர்யா நடித்து பெரிய வரவேற்பை பெற்றுள்ள ‘ஜெய் பீம்’ திரைப்படம் தொடர்பாக பல்வேறு சர்ச்சைகளை தினந்தோறும் ஏதாவது ஒரு குழுவினர் எழுப்பிவருகிறார்கள். குறிப்பிட்ட சமூகம் சார்ந்த சில அமைப்புகள் இந்தப் படத்தைக் கடுமையாக எதிர்ப்பதுடன் நடிகர் சூர்யாவுக்கு மிரட்டலும் விடுத்துள்ளன. இந்நிலையில், இந்தப் படம் தொடர்பாகவும், அதில் வரும் பெயர் அரசியல் தொடர்பாகவும் அரசியல் விமர்சகர் சூர்யா சேவியரிடம் நாம் கேள்வியை முன்வைத்தோம். நம்முடைய கேள்விக்கு அவரின் அதிரடியான பதில்கள் வருமாறு, 

 

ஜெய்பீம் படம் வெளியாகி அனைவரிடமும் நல்ல முறையில் விமர்சனம் வந்துகொண்டிருக்கும் நிலையில், சிலர் அந்த படத்தில் தங்கள் சமூகத்தை அவமானப்படுத்தியுள்ளனர் என்று தொடர்ந்து கூறி வருகிறார்கள். படத்தில் மற்ற கேரக்டர்கள் உண்மை சம்பவத்தில் உள்ளது போல் இருக்கின்ற நிலையில் குருமூர்த்தி என்ற பெயர் மட்டும் எதற்காக வைக்க வேண்டும், அதில் உள்நோக்கம் இருக்கிறது என்று எதிர்தரப்பினர் கூறி வருகிறார்கள். மேலும் காலண்டர் விவகாரத்தில் வேண்டும் என்றே அவ்வாறு செய்ததாக வருத்தப்படுகிறார்கள், எங்கள் சமூக மக்களை கோபக்காரர்களாக காட்ட வேண்டும் என்று படம் எடுத்தவர்கள் முடிவு செய்து இப்படி காட்சிகளை அமைத்துள்ளனர் என்று கூறுவதை பற்றி என்ன நினைக்கிறீர்கள்? 

 

ஜெய்பீம் படம் தொடர்பான விவாதங்கள் தொடர்ந்து சென்று கொண்டிருக்கிறது. இந்த படம் ஒரு குறிப்பிட்ட சமூகத்தை உயர்த்துவதற்காக, வேறொரு சமூகத்தை தாழ்த்துவதாக நான் பார்க்கவில்லை. இந்த படத்தில் ஆதிக்கத்திற்கும், அடக்கு முறைக்கும் எதிரான ஒரு கருத்தைத்தான் முன்வைக்கிறார்கள். பாமகவினர் அவர்களின் சமூகத்தின் பின்னால் ஒளிந்துகொண்டு தான் செய்த தவறுகளை மறைக்க பார்க்கிறார்கள். அதற்கான எல்லா முயற்சிகளையும் அவர்கள் தொடர்ந்து செய்து வருகிறார்கள். அவர்கள் கட்சிக்கு பாட்டாளி மக்கள் கட்சி என்று தானே பெயர் வைத்துள்ளார்கள், வன்னியர் கட்சி என்று பெயர் வைக்கவில்லையே? அவர்கள் தன்னை கார்ல் மார்க்ஸ் என்று பேசி வரும் சூழலில் இந்த மாதிரியான எதிர் கருத்துக்களை வைக்க வேண்டிய அவசியம் என்ன, அப்படி என்ன இதில் தவறாக சொல்லிவிட்டார்கள். அனைத்து கட்சிகளிலும் இவர்கள் குறிப்பிடும் சமூகத்தை சேர்ந்தவர் உறுப்பினர்களாக இருக்கிறார்கள். இவர்கள் மட்டுமே அந்த சமூகத்தின் அடையாளம் என்று கூறி அனைவரும் அதற்கு ஆதரவு தருவதை போன்ற ஒரு பொய்யான தோற்றத்தை ஏற்படுத்தப்பார்க்கிறார்கள். 

 

பெயர் வைப்பதை பிரச்சனையாக்கி வருகிறார்கள் என்றால் இவர்களின் நோக்கம் என்னவாக இருக்கும் என்பதை நம்மால் யூகிக்க முடியும். ஏன் குரூமூர்த்தி என்று பெயர் வைத்தீர்கள் என்றால், பிறகு என்ன பெயர் வைத்தால் இவர்கள் திருப்திப்படுவார்கள். கதாநாயகன், கதாநாயகிக்கு இனி ஏ,பி,சி,டி என்று தான் பெயர் வைக்க வேண்டும். பாட்ஷா படத்தில் வில்லன் பெயர் மார்க் ஆண்டனி என்று பெயர் வைத்திருப்பார்கள். அதற்காக ஏன் எங்கள் சமுதாய பெயரை வைத்தீர்கள் என்று கேட்க முடியுமா? என்ன பேசுகிறோம் என்று ஓரளவுக்காவது தெரிந்து பேச வேண்டும். ருத்ரதாண்டவம் படம் பாருங்கள், அதில்  அம்பேத்கார் படம் போட்ட சட்டை அணிந்த ஒரு நபர் கஞ்சா விற்பதை போன்று காட்சிகளை அமைத்துள்ளார்கள். திருமாவளவனை குறியீடாக வைத்துள்ளார்கள். இதை அந்த இயக்குநரே பேட்டிகளில் கூறியிருக்கிறார். இந்த மாதிரியான காட்சிகளை அவர்கள் படத்தில் காட்டிவிட்டு பெயர் வைப்பதை குற்றம் சொல்லி வருகிறார்கள். சேகுவேரா படத்தை போட்டு ஒருவர் போதை மருந்து கடத்துவதாக காட்டியுள்ளார். சேகுவேரா என்றைக்கு போதை மருந்து கடத்தினார் என்று தெரியவில்லை. இந்த காட்சிகளை படத்தில் அவர் வைக்கிறார். அதனை மக்கள் ஏற்றுக்கொள்கிறாரா அல்லது நிராகரிக்கின்றார்களா என்பதுதான் முக்கியம். இங்கே ஜெய்பீம் படத்தை வெகுமக்கள் ஏற்றுக்கொண்டு ஆதரிக்கிறார்கள், நாடு கடந்து அதனை பாராட்டி வருகிறார்கள். புதிய புதிய சாதனைகளை அந்த திரைப்படம் படைத்து வருகிறது. அதனை பொறுக்க முடியாமல் சிலர் அதன் மீது புழுதி அள்ளி வீசப்பார்க்கிறார்கள்.  

 

எல்லா மதத்திலும் நல்லவர்களும் இருப்பார்கள், கெட்டவர்களும் இருப்பார்கள், எனவே சிலரை தனியாக அடையாளப்படுத்தி பேசுவது என்பது மிகவும் தவறான ஒரு செயலாகும். சாதியை அவமானப்படுத்திவிட்டீர்கள், மதத்தை அவமானப்படுத்திவிட்டீர்கள்  என்று இதை போன்று தொடர்ந்து கூறி வந்தால் இனி வரும் காலத்தில் சினிமாவே எடுக்க முடியாமல் போய்விடும். பார்வதிக்கு அப்போது உதவி செய்து இந்த வழக்கை அடுத்தகட்டம் எடுத்து செல்ல உதவியதே கோவிந்தன் என்ற அதே சமூகத்தை சேர்ந்தவர் தான். அவரை மிரட்டுகிறார்கள், எப்போது மிரட்டுகிறார்கள், நேற்று முன்தினம் வழக்கறிஞர்கள் அவர் வீட்டுக்கு சென்று நம் சமூகத்தை சேர்ந்தவர்கள் இதை செய்தார்கள், நாம் இந்த வழக்கில் பார்வதிக்கு நிறைய உதவிகள் செய்திருக்கிறோம்,எனவே நம் சமூகத்தை குறைத்து காட்டுவதை ஏற்றுக்கொள்ள முடியாது, எதிர்ப்பு தெரிவியுங்கள் என்று கூறியுள்ளார்கள். ஆனால் அதனை அவர் நிராகரித்துள்ளார். இவ்வாறு படத்தை படமாக பார்க்காமல் அதை பூதக்கண்ணாடி வைத்து பார்த்தோம் என்றால் எந்த கலை படைப்பும் வெளியே வர முடியாது. எனவே இந்த படம் தொடர்பாக தொடர்ந்து சர்ச்சைகளை எழுப்ப வேண்டாம். சமூகத்திற்கு சொல்ல வேண்டிய கருத்துக்கள் நிறைய படைப்பாளிகளுக்கு இருக்கிறது. இத்தோடு இதனை கடந்துவிட வேண்டும். 

 

 

 

Next Story

“இடைத்தேர்தல் முடிவுகளை ஏற்றுக்கொள்கிறோம்” - அன்புமணி!

Published on 13/07/2024 | Edited on 13/07/2024
We accept the by election results Anbumani 

விக்கிரவாண்டி சட்டமன்றத் தொகுதி திமுக எம்.எல்.ஏ புகழேந்தி உயிரிழந்ததைத் தொடர்ந்து அந்தத் தொகுதிக்குக் கடந்த 10 ஆம் தேதி இடைத்தேர்தல் நடைபெற்றது. இந்த இடைத்தேர்தலில் திமுக சார்பில் அன்னியூர் சிவா, நாம் தமிழர் கட்சி சார்பில் அபிநயா, பாஜக கூட்டணியில் உள்ள பாமக சார்பில் அக்கட்சியின் மாநிலத் துணைத் தலைவர் சி.அன்புமணி ஆகியோர் போட்டியிட்டனர். அதே சமயம் அதிமுக, தேமுதிக ஆகிய இருகட்சிகளும் இந்த இடைத்தேர்தலைப் புறக்கணித்திருந்தது. இந்தத் தேர்தலில் பதிவான வாக்குகள் இன்று (13.07.2024) எண்ணப்பட்டன. அதன்படி காலை 8 மணிக்கு வாக்கு எண்ணிக்கை தொடங்கிய நிலையில் முதலில் தபால் வாக்குகள் எண்ணப்பட்டது.

அதனைத் தொடர்ந்து மின்னணு வாக்குப்பதிவு இயந்திரத்தில் பதிவான வாக்குகள் எண்ணப்பட்டது. இந்நிலையில் 20 சுற்றுகள் முடிவில் திமுக வேட்பாளர் அன்னியூர் சிவா 1 லட்சத்து 24 ஆயிரத்து 53 வாக்குகள் பெற்று 67 ஆயிரத்து 757 வாக்குகள் வித்தியாசத்தில் வெற்றி பெற்றதாக தேர்தல் ஆணையம் அதிகாரப்பூர்வமாக அறிவித்தது. அதே வேளையில் பாமக வேட்பாளர் சி.அன்புமணி 56 ஆயிரத்து 26 வாக்குகளும், நாதக வேட்பாளர் அபிநயா 10 ஆயிரத்து 479 வாக்குகளும் பெற்றனர். இந்தத் தேர்தலில் நாம் தமிழர் கட்சி சார்பாக போட்டியிட்ட அபிநயா டெப்பாசிட்டை இழந்தார். இதனையடுத்து விக்கிரவாண்டி சட்டப்பேரவை தொகுதி இடைத்தேர்தலில் வெற்றி பெற்ற திமுக வேட்பாளர் அன்னியூர் சிவா வெற்றி பெற்றதற்கான சான்றிதழை தேர்தல் நடத்தும் அலுவலரிடம் இருந்து பெற்றுக்கொண்டார். 

We accept the by election results Anbumani 

இந்நிலையில் சென்னையில் பாமக தலைவர் அன்புமணி ராமதாஸ் செய்தியாளர்களை சந்தித்து பேட்டியளித்தார். அப்போது அவர் பேசுகையில், “அனைத்துக் கூட்டணிக் கட்சித்தலைவர்கள், குறிப்பாக பாமக நிர்வாகிகள் மற்றும் தொண்டர்களுக்கு நன்றியைத் தெரிவித்துக் கொள்கிறேன். பாமகவுக்கு வாக்களித்த அனைத்து வாக்காளர்களுக்கும் நன்றிகளை தெரிவித்துக்கொள்கிறோம். இந்த இடைத்தேர்தல் முடிவுகளை முழுமையாக ஏற்றுக்கொள்கிறோம். பணம் மற்றும் அதிகாரத்தை வைத்து திமுக பெற்ற வெற்றி உண்மையான வெற்றி அல்ல. இடைத்தேர்தலுக்காக சுமார் 200 கோடி ரூபாய்க்கும் அதிகமாக திமுக செலவிட்டுள்ளது.

பணம், பொருளை கொடுத்து பெறுவது வெற்றி அல்ல; ரூ.6 ஆயிரம் பணமும், ரூ.4 ஆயிரத்திற்கு பொருளும் திமுக கொடுத்திருக்கிறது. குறிப்பாக 3 தவணைகளாக வாக்காளர்களுக்கு திமுக பணத்தை கொடுத்துள்ளது. இத்தனை பொருட்கள் கொடுத்தது, பொதுமக்கள் அனைவருக்கும் தெரியும். ஆனால் தேர்தல் ஆணையத்திற்கு தெரியவில்லையா?. திமுகவுக்கும் சமூக நீதிக்கும் சம்பந்தம் கிடையாது. விக்கிரவாண்டி இடைத்தேர்தல் நேர்மையான முறையில் நடந்திருந்தால் திமுக டெபாசிட் இழந்திருக்கும். இந்த வெற்றி குறித்து தமிழக முதலமைச்சர் மு.க.ஸ்டாலின் பெருமைப்படுவதற்கு என்ன இருக்கிறது?” எனப் பேசினார். 

Next Story

“தமிழகத்திற்கு தண்ணீர் தர மறுப்பது அநீதி” - அன்புமணி ராமதாஸ்

Published on 12/07/2024 | Edited on 12/07/2024
Anbumani Ramadoss said that it is injustice to deny water to Tamil Nadu

காவிரி நீர் ஒழுங்குமுறைக் குழு ஆணைப்படி தமிழ்நாட்டிற்கு  தண்ணீர் திறக்க கர்நாடக துணை முதல்வர் சிவகுமார் மறுப்பது அநீதி என பாமக தலைவர் அன்புமணி ராமதாஸ் தெரிவித்துள்ளார்.

இது தொடர்பாக அவர் வெளியிட்டுள்ள அறிக்கையில், “காவிரி பாசன மாவட்டங்களில் குறுவை சாகுபடி செய்ய வசதியாக தமிழ்நாட்டிற்கு காவிரியில் தினமும் ஒரு  டி.எம்.சி வீதம் தண்ணீர் திறக்க வேண்டும் என்று காவிரி நீர் ஒழுங்குமுறைக் குழு ஆணையிட்டுள்ள நிலையில், தமிழ்நாட்டிற்கு திறந்து விட கர்நாடகத்தில் தண்ணீர் இல்லை என்றும், நல்ல மழை பெய்ய வேண்டும் என்று இறைவனை வேண்டிக் கொள்வதாகவும் கர்நாடக துணை முதலமைச்சர் டி.கே.சிவக்குமார் கூறியிருக்கிறார்.  கர்நாடக அணைகளில் போதிய அளவு தண்ணீர் இருக்கும் நிலையில், தமிழகத்திற்கு தண்ணீர் திறக்க கர்நாடக அரசு மறுப்பது கண்டிக்கத்தக்கது.

கர்நாடக அணைகளில் போதிய தண்ணீர் இல்லை என்றும்,  அதனால் தமிழ்நாட்டிற்கு தண்ணீர் தர இயலாது என்றும் கர்நாடக துணை முதலமைச்சர் கூறுவது முழுக்க முழுக்க பொய் ஆகும். கர்நாடகத்தில் காவிரி ஆற்றின் குறுக்கே கட்டப்பட்டுள்ள  கபினி, கிருஷ்ணராஜசாகர், ஹேமாவதி, ஹாரங்கி ஆகிய அணைகளில் இன்று காலை நிலவரப்படி, 72.50 டி.எம்.சி தண்ணீர் உள்ளது. அணைக்கு வினாடிக்கு சுமார் 20,000 கன அடி வீதம் தண்ணீர் வந்து  கொண்டிருக்கிறது. கர்நாடக அணைகளின் நீர்இருப்பு கடந்த 19 நாட்களில் 35 டி.எம்.சி அதிகரித்துள்ளது. மொத்தம் 114.57 டி.எம்.சி கொள்ளவுள்ள அணைகளில் மூன்றில் இரு பங்கு அளவுக்கு தண்ணீர் இருக்கும் நிலையில், அணைகளில் தண்ணீர் இல்லை என்று கூறுவதை எவரும் நம்ப மாட்டார்கள்.

உச்சநீதிமன்றம் அளித்தத் தீர்ப்பின்படி நடப்பாண்டின் ஜூன் மாதத்தில் 10 டி.எம்.சி, ஜூலை மாதத்தில் 34 டி.எம்.சி என இம்மாத இறுதிக்குள்ளாக 44 டி.எம்.சி  தண்ணீரை திறந்து விட வேண்டும்.  இன்று வரை  23 டி.எம்.சி தண்ணீரை கர்நாடகம் வழங்கியிருக்க வேண்டும். ஆனால், இதுவரை ஒரு டி.எம்.சி தண்ணீரைக் கூட  தமிழ்நாட்டுக்கு கர்நாடகம் வழங்கவில்லை.

காவிரி நீர் ஒழுங்குமுறைக் குழுவின் ஆணையை காவிரி மேலாண்மை ஆணையம் அடுத்த சில நாட்களில் உறுதி செய்த பிறகு தான்  கர்நாடகம் தண்ணீர் திறப்பதற்கான முறைப்படியான ஆணை பிறப்பிக்கப்படும். அதன்படி பார்த்தால் இம்மாத இறுதி வரை அதிகபட்சமாக 15 டி.எம்.சி தண்ணீர் மட்டும் தான் கிடைக்கும். அது  இம்மாத இறுதி வரை தமிழகத்திற்கு கிடைக்க வேண்டிய தண்ணீரில் மூன்றில் ஒரு பங்கு தான். அதைக் கூட தமிழகத்திற்கு வழங்க முடியாது என்று கர்நாடகம் மறுப்பது பெரும் அநீதி ஆகும்.  இதை அனுமதிக்க முடியாது.

கர்நாடக அணைகளில்  72 டி.எம்.சி தண்ணீர் இருந்தால் கூட தமிழகத்திற்கு தண்ணீர் திறக்க மாட்டோம், அணைகள் முழுமையாக நிரம்பினால் தான் தண்ணீர் திறப்போம் என்று கூறுவதன் மூலம் தமிழ்நாட்டை  உபரி நீரை வெளியேற்றுவதற்காக வடிகாலாக கர்நாடகம் பயன்படுத்தி வருகிறது  என்பது மீண்டும் ஒருமுறை உறுதிப்படுத்தப்பட்டிருக்கிறது.  காவிரி விவகாரத்தில் கர்நாடகத்தின் அனைத்து அத்துமீறல்களையும், அநீதிகளையும்  திமுக  அரசு வேடிக்கைப் பார்த்துக் கொண்டிருப்பதால் தான் அம்மாநிலத்திற்கு இந்த அளவு துணிச்சலைக் கொடுத்துள்ளது.

காவிரி சிக்கலில் கர்நாடகம் இழைக்கும் அநீதியை தொடர்ந்து தமிழகம் வேடிக்கைப் பார்த்துக் கொண்டிருக்கக் கூடாது. காவிரி மேலாண்மை ஆணையத்தின் கூட்டத்தை அடுத்த சில நாட்களில் கூட்டி, இநத சிக்கலில் அதிகாரப்பூர்வ ஆணை பிறப்பிக்கும்படி தமிழக அரசு வலியுறுத்த வேண்டும். அதன்பிறகும் தமிழகத்திற்கு தண்ணீர் திறக்க கர்நாடக அரசு மறுத்தால் காவிரி மேலாண்மை ஆணைய விதி எண் 16-இன்படி  கர்நாடக அரசு மீது மத்திய அரசின் வாயிலாக நடவடிக்கை எடுக்குமாறு காவிரி மேலாண்மை ஆணையத்தை வலியுறுத்த வேண்டும்.

இவை அனைத்துக்கும் மேலாக, காவிரி நடுவர் மன்றம் ஆணையிட்டவாறு, அதன் தீர்ப்பை செயல்படுத்த காவிரி ஆற்றின் குறுக்கே கட்டப்பட்டுள்ள அணைகள் அனைத்தையும்  காவிரி மேலாண்மை ஆணையத்தின் கட்டுப்பாட்டில் கொண்டு வர  ஆணையிடக் கோரி உச்சநீதிமன்றத்தில்  தமிழக அரசு வழக்கு தொடர வேண்டும் என்று வலியுறுத்துகிறேன்” எனக் குறிப்பிட்டுள்ளார்.