Skip to main content

மணல் மாஃபியாவிடம் பேரம் பேசிய அண்ணாமலை; கொள்கை இல்லாத எடப்பாடி; சிண்டு முடியும் நடிகை கஸ்தூரி!

Published on 12/10/2023 | Edited on 12/10/2023

 

Rajagambiran Interview

 

சமகால அரசியல் நிகழ்வுகள் குறித்தும், பாஜக அரசியல் செயல்பாடுகள் குறித்தும், எதிர்க்கட்சித் தலைவர் எடப்பாடி பழனிசாமியின் சட்டமன்ற செயல்பாடுகள் குறித்தும், நடிகை கஸ்தூரியின் கருத்துக்களைப் பற்றியும் அரசியல் விமர்சகர் ராஜகம்பீரன் பல்வேறு விதமான கருத்துக்களையும், விமர்சனங்களையும் நம் முன் வைக்கிறார். 

 

தமிழக பாஜக தலைவர் அண்ணாமலையைப் பொறுத்தவரை அவர் கட்சியின் தலைவராக நீடிப்பாரா இல்லையா என்பது தெரியாத நிலையில், அவருடைய எதிர்கால அரசியல் வாழ்க்கை இருண்டு போயிருக்கிற நிலையில், பாஜக தலைமைக்கே 5 மாநில தேர்தலின் மீது அச்சத்தில் இருக்கும் போது எதிர்காலம் ஒன்றே இல்லாமல் இருக்கிற அண்ணாமலை எப்படி வேண்டுமானாலும் பேசலாம். 

 

பாஜகவிற்கும் தமிழகத்திற்குமே சம்பந்தம் இல்லை. ஆனால் பாராளுமன்ற தேர்தலுக்கு பொறுப்பாளர்களை நியமிக்கிறோம் என்பது அவர்களின் தனிப்பட்ட வளர்ச்சிக்கு உதவுமே தவிர, தேர்தலுக்கு உதவாது. கடந்த முறை தேர்தல் பொறுப்பாளராக இருந்த ஹெச்.ராஜா நான்கு கோடிக்கு வீடு கட்டினார் என்று பாஜக நிர்வாகிகளே கூறிக்கொள்கிறார்கள் என்பது குறிப்பிடத்தக்கது. 

 

Annamalai

 

3 சதவீதம் மட்டுமே வாக்கு வங்கி வைத்திருக்கிற பாஜக, அதை விட பத்து மடங்கு அதிக வாக்கு வங்கி வைத்திருக்கிற திமுகவிற்கு சரிசமம் என்று நினைத்துக் கொள்கிறது. பூனைக்குட்டிக்கும் புலிக்குட்டிக்குமான போட்டி என்பது இதுதான். ஓரமா போயி விளையாடுங்க உங்களுக்கு இங்கே களமே இல்லை. நீட்டிற்கு விலக்கு வாங்கி தந்தார்களா? தமிழக வளர்ச்சிக்கு எதாவது செய்தார்களா? தமிழகத்திற்கு பாஜக செய்தது என்னவென்று கேட்டால் இவர்களிடம் பதில் இல்லை. ஆருத்ரா வழியாக கோடிக்கணக்கான தொகை மோசடி செய்திருக்கிறார்கள் அதை காரணமாக சொல்லி ஓட்டு கேட்பார்களா? 

 

மோடி ஒன்பது ஆண்டுகளாக சாதனை செய்திருக்கிறார் என்கிறார்கள். அதுவும் மணிப்பூரில் கலவரம் பண்ணியிருக்கீங்க, காஷ்மீரை யூனியன் பிரதேசமாக மாத்தியிருக்கீங்க, இதனால பல மாநில தேர்தலில் தோல்வி அடைஞ்சிருக்கீங்க. பிளவு அரசியல், சக மனிதன் மீது வெறுப்பு அரசியல் செய்ததை விட பாஜக செய்த சாதனை என்னவென்று கேட்டால் சொல்லத் தெரியாது. 

 

மணல் மாஃபியாக்களின் மீது ரெய்டு நடந்தது. அவர்களிடம் பாஜக தரப்பில் தேர்தல் நிதி தருமாறு கேட்டிருக்கிறார்கள். தர மறுக்கும் பட்சத்தில் அமலாக்கத்துறை, வருமானவரித் துறையினரைக் கொண்டு ரெய்டு நடத்துகிறார்கள். மணல் மாஃபியாக்களோ ரெய்டிற்கு பயந்து பெரும் தொகையினை கொடுக்கிறார்கள். அதனால் விடுவிக்கப்படுகிறார்கள். இதுதான் நடக்கிறது. பாஜகவின் ஒரு பிரிவாக அமலாக்கத்துறை செயல்படுகிறது. 

 

Eps

 

சிறுபான்மையின மக்களிடம் நம்பிக்கையை பெறுவதற்காக சட்டமன்றத்தில் எதிர்க்கட்சி தலைவர் எடப்பாடி சிறையிலிருக்கும் சிறுபான்மையினத்தைச் சேர்ந்த கைதிகளின் விடுதலையைப் பற்றி பேசுகிறார். ஒரு சலசலப்பை உண்டாக்குகிறார். ஆனால் அவர் அதிமுக ஆட்சிக் காலத்தில் இது பற்றி பேசவில்லை. சிஏஏ சட்டத்திற்கு ஓட்டு போட்டவர்கள் இவர்கள் தான். எடப்பாடி பேசியதால் பெரும்பான்மை மக்களிடம் இந்த பிரச்சனை போய் சேர்ந்திருக்கிறது என்பதும் உண்மை தான். 

 

அதிமுகவிற்கு சிறுபான்மை வாக்கு வங்கி இருக்கிறது என்பது, இது இட்லி என்றால் சட்னி கூட நம்பாது என்று சொல்லும் நகைச்சுவைக்கு ஒப்பானது தான். அதிமுக என்ற கட்சியை காப்பாற்ற பாஜக உடன் கூட்டணி முறித்துக் கொண்டது என்பது ஒருபுறம் இருக்கும் பட்சத்தில், கூட்டணியில் பெரிய முடிவுகளை பாஜக எடுப்பதால் அதைப் பொறுத்துக் கொள்ள முடியாமல் தான் கூட்டணி முறிந்தது என்பது தான் காரணமாகும். விதை இல்லாத பழம் என்பார்களே கொட்டை இல்லாத பழம் அதைப்போல கொள்கை இல்லாதவர்களே அதிமுகவின் இரண்டாம் கட்ட தலைவர்களாக உருவெடுத்தார்கள். கொள்கை சிக்கலால் இவர்கள் பாஜக உடன் கூட்டணியை முறித்துக் கொள்ளவில்லை. 

 

Kasthuri

 

காவிரி பிரச்சனை என்பது பிரிட்டிஷ் காலத்திலிருந்து இருக்கிறது. காவிரி தண்ணீரை பிரித்துக் கொடுத்தால் தற்கொலை செய்து கொள்வோம் என்கிற அளவிற்கு அங்கே விவசாயிகளை மடைமாற்றி ஒரு இனவெறி அரசியல் செய்து வைத்திருக்கிறார்கள். அதற்கு மாற்றாக தமிழகத்திலும் அதற்கு இணையாக இனவெறியை உண்டாக்க வேண்டும் என்று சிலர் பேசுகிறார்கள். இது நியாயமில்லை. ஒரே நாட்டில் நதிநீர் பங்கீடு என்பது சட்ட ரீதியில் தான் சரி செய்து கொள்ள வேண்டும். இது குறித்தெல்லாம் காங்கிரசுக்கும் திமுகவிற்கும் இடையே சிண்டுமுடியுற வேலையை நடிகை கஸ்தூரி போன்றவர்கள் செய்கிறார்கள். பாஜகவின் வார்த்தையின் வேறு வடிவமாகத்தான் அவர் செயல்படுகிறார்.

 

நக்கீரனுக்கு அளித்த பேட்டியினை வீடியோ வடிவில் முழுமையாகக் காண....


 
 

 

Next Story

'அடுத்த தலைமுறையைப் பற்றி யோசிக்கும் முயற்சியே திமுகவிற்கு கிடையாது' - பிரேமலதா விஜயகாந்த் பேச்சு

Published on 27/06/2024 | Edited on 27/06/2024
'DMK has no attempt to think about the next generation' - Premalatha Vijayakanth's speech

கள்ளக்குறிச்சி மாவட்டம் கருணாபுரத்தில் கள்ளச்சாராயம் குடித்து 6 பெண்கள் உட்பட 60க்கும் மேற்பட்டோர் உயிரிழந்த சம்பவம் நாட்டையே உலுக்கிக் கொண்டிருக்கிறது. சிகிச்சையில் இருப்பவர்களில் பலர் சிகிச்சை பலனின்றி உயிரிழந்து வருகின்றனர். இதனால் இறப்புகளின் எண்ணிக்கையும் தொடர்ந்து அதிகரித்து வருகிறது. அதே சமயம் கள்ளச்சாராயம் குடித்துப் பாதிக்கப்பட்டவர்களுக்கு கள்ளக்குறிச்சி, சேலம் மற்றும் விழுப்புரம் அரசு மருத்துவமனை, புதுச்சேரி ஜிப்மர் மருத்துவமனையில் தொடர்ந்து தீவிர சிகிச்சை அளிக்கப்பட்டு வருகிறது.

இதற்கிடையே தமிழக சட்டப்பேரவையின் நேற்றைய கூட்டத்தொடரின் போது கேள்வி நேரத்தை ஒத்திவைத்து விட்டு கள்ளக்குறிச்சி விவகாரம் தொடர்பாக விவாதம் நடத்தக் கோரி அதிமுக உறுப்பினர்கள் நான்காவது நாளாக நேற்றும் (26.06.2024) அமளியில் ஈடுபட்டனர். அப்போது கேள்வி நேரத்திற்குப் பின்பு பேச அனுமதி தருகிறேன் எனச் சபாநாயகர் அப்பாவு சட்டப்பேரவை விதிகளைச் சுட்டிக்காட்டிப் பேசினார். அதன் பின்பும் தொடர்ந்து அதிமுகவினர் இருக்கையில் அமராமல் தொடர்ந்து அமளியில் ஈடுபட்டதால் அதிமுக உறுப்பினர்களை வெளியேற்ற அவை காவலர்களுக்குச் சபாநாயகர் உத்தரவிட்டார். மேலும் அதிமுக உறுப்பினர்கள் நடப்பு கூட்டத்தொடர் முழுவதும் சஸ்பெண்ட் செய்யப்படுவதாகச் சபாநாயகர் அப்பாவு உத்தரவிட்டிருந்தார்.

இந்நிலையில் சென்னை எழும்பூர் ராஜரத்தினம் மைதானம் அருகே அதிமுக எம்எல்ஏக்கள் இன்று (27.06.2024) காலை முதல் உண்ணாவிரதம் இருந்து வருகினறனர். சட்டமன்றக் கூட்டத்தொடரில் இருந்து அதிமுக எம்எல்ஏக்கள் சஸ்பெண்ட் செய்யப்பட்டதைக் கண்டித்தும், கள்ளக்குறிச்சி கள்ளச்சாராய விவகாரத்தில் சிபிஐ விசாரணை கேட்டும் உண்ணாவிரதப் போராட்டத்தில் ஈடுபட்டுள்ளனர்.

இந்தக் கூட்டத்தில் அதிமுக கூட்டணியில் உள்ள கட்சித் தலைவர்களும் கலந்து கொண்டு தங்களது பங்களிப்பை தெரிவித்து வருகின்றனர். அந்த வகையில் தேசிய முற்போக்கு திராவிட கழக பொதுச்செயலாளர் பிரேமலதா விஜயகாந்த் கலந்து கொண்டார். அப்போது அவர் செய்தியாளர்களிடம் பேசுகையில், ''காலையில் எழுந்தவுடன் குடிப்பவர்களைக் குடிகாரன் என்று சொல்லக்கூடாது என ஒரு புதிய விளக்கத்தை அமைச்சர் ஒருவர் சொல்கிறார். காலையில் எழுந்தவுடன் குடிப்பவர்களைக் குடிகாரன் என்று சொல்லாமல் என்னவென்று சொல்வார்கள். அமைச்சர் முத்துசாமி அவர்களே உங்களுக்கு உண்மையிலேயே மனசாட்சி இருந்தால், தன்மானம் இருந்தால் இந்த 63 பேர் மரணத்திற்கும் நீங்கள் முழுமையாக பொறுப்பேற்று உங்களுடைய மந்திரி பதிவையே ராஜினாமா செய்ய வேண்டும். அதுதான் மக்களுக்கு செய்யும் நியாயமான செயலாக இருக்கும். இதை சிபிஐ வழக்காக மாற்ற வேண்டும். 40க்கு 40 நாங்கள் ஜெயித்து விட்டோம் அதனால் தான் பொறாமையில் செய்கிறார்கள் என்று ஸ்டாலின் சொல்கிறார். 40க்கு 40 ஜெயிச்சு என்ன செய்யப் போறீங்க கேண்டினுக்குத்தான் போகப் போறீங்க. கேண்டினில் இருந்து தமிழ்நாட்டுக்கு வரபோறீங்க. இதுதான் நடந்து கொண்டிருக்கிறது. அடுத்து 200க்கு 200, விக்கிரவாண்டி தேர்தலில் எதிர்த்துப் போட்டியிட்ட எல்லோரையும் டெபாசிட் இழக்க வைப்பது. இதுதான் இவர்கள் யோசனை. திமுகவிற்கு அடுத்த தலைமுறைகளைப் பற்றி யோசிக்கும் முயற்சியே கிடையாது. அடுத்த தேர்தலை நோக்கித்தான் இவர்கள் ஆட்சி செய்கிறார்களே ஒழிய, இவர்கள் அடுத்த தலைமுறைக்கு எதையும் விட்டுவிட்டு போவதாக இல்லை'' என்றார்.

படம்:எஸ்.பி.சுந்தர் 

Next Story

'அப்போதே சீப் ஏஜென்ட் ஓபிஎஸ்தான்' - எடப்பாடி பகிர்ந்த சுவாரஸ்ய தகவல்

Published on 19/06/2024 | Edited on 19/06/2024
'That's when the cheap agent became an ops' - Interesting information shared by Edappadi

'ஓபிஎஸ் எந்தக் காலத்திலும் அதிமுகவிற்கு விசுவாசமாக இருந்ததில்லை' என எடப்பாடி பழனிசாமி விமர்சித்துள்ளார்.

அதிமுக பொதுச்செயலாளர் எடப்பாடி பழனிசாமி இன்று தஞ்சையில் செய்தியாளர்களைச் சந்தித்தார். அப்போது அவர் பேசுகையில், ''78.67 கோடி ரூபாய் வழங்கப்படும் என அறிவித்தார்கள். ஆனால் அதில் 24.50 கோடி தொகை மகாத்மா காந்தி தேசிய வேலைவாய்ப்புத் திட்டத்திற்கு ஒதுக்கி இருக்கிறார்கள். இது இரண்டையும் சேர்த்துதான் 78.67 கோடி ரூபாய். அதை வைத்து பார்த்தால் குறுவை தொகுப்புக்கு 54.17 கோடி ரூபாய் விவசாயிகளுக்கு கிடைக்கும். இது போதாது. ஏனென்றால் குறுவை சாகுபடிக்கும் முழுமையாக தண்ணீர் கிடைக்கவில்லை''என்றார்.

அதனைத் தொடர்ந்து 'சசிகலா மீண்டும் அரசியலில் ரீஎன்ட்ரி கொடுத்திருப்பதாகக் கூறியுள்ளார். அதிமுகவை காப்பாற்றப் போகிறேன் என்று சொல்கிறாரே' என்ற செய்தியாளர்கள் கேள்விக்கு, ''இத்தனை நாள் அதிமுகவை யார் காப்பாற்றிக் கொண்டிருந்தார். இப்பதான் காப்பாற்ற வந்திருக்கிறார்களா? இது என்ன வேலையா ரீஎன்ட்ரி கொடுக்க. ஒரு வேலைக்கு சென்று விட்டு மூன்று வருஷம் நின்று விட்டு மறுபடியும் வேலைக்கு சேர்வதா ரீஎன்ட்ரி. 2021-இல் என்ன சொன்னார்கள் நான் பொதுவாழ்க்கையில் இருந்து விலகி விட்டேன் என்று சொன்னார்கள். இப்பொழுது ரீ என்ட்ரி  என்கிறார்கள். இத்தனை நாட்கள் கட்சியைக் காப்பாற்றியது யாரு? தொண்டன்'' என்றார்.

இறுதியாக செய்தியாளர் சந்திப்பை முடித்துவிட்டு எழ முயன்றபோது எடப்பாடி பழனிசாமியிடம் செய்தியாளர்கள், 'ஓபிஎஸ்-ஐ மீண்டும் கட்சியில் சேர்த்துக் கொள்வீர்களா?' எனக் கேள்வி எழுப்பினர். அதற்குப் பதிலளித்த எடப்பாடி பழனிசாமி, ''அவரை எப்படி அதிமுகவில் சேர்த்துக்கொள்ள முடியும். அவர்தான் அதிமுகவுக்கு எதிராக, இரட்டை இலைக்கு எதிராக போட்டியிட்டுள்ளார். ஒரு தொண்டன் கூட அவரை மதிக்க மாட்டான். ஒவ்வொரு தொண்டனும் ரத்தத்தை வியர்வையாக சிந்தி உழைத்து அதிமுகவை வெற்றி பெற வைக்க வேண்டும் எனச் செயல்பட்டு கொண்டிருக்கும் நேரத்தில் அவர் போய் பலாப்பழத்தை வைத்து பூஜை செய்கிறார். ஏற்கெனவே ஒருமுறை இதே தவறை செய்தார். அதிமுக ஆட்சியில் நான் முதலமைச்சராக இருந்தபோது பெரும்பான்மையை நிரூபிக்க வேண்டும் என்று சட்டப்பேரவைத் தலைவர் அறிவித்து வாக்கெடுப்பு நடந்த பொழுது, எதிர்த்து ஓட்டு போட்டார்.

ஓபிஎஸ் கட்சிக்கு விசுவாசமாக எப்பொழுதுமே இருந்ததில்லை. சுயநலமாகத்தான் செயல்படுவார். 1989 ஆம் ஆண்டு ஜெயலலிதா தன்னந்தனியாக சேவல் சின்னத்தில் போட்டியிட்டபோது நானும் நின்றேன். அப்பொழுது வெண்ணிற ஆடை நிர்மலா, ஜானகி அணி சார்பாக போட்டியிட்டார். அப்பொழுது அவருக்கு சீப் ஏஜென்டாக இருந்தவர் இதே ஓபிஎஸ். அப்பொழுதே ஜெயலலிதாவிற்கு எதிராக இருந்தவர் ஓபிஎஸ். எப்பொழுதும் ஜெயலலிதாவுக்கும், அதிமுகவுக்கும் விசுவாசமாக இருந்ததில்லை. சுயநலம்தான் அவரிடம் உண்டு. இப்பொழுது கூட சுயநலத்தில்தானே அங்கே போய் போட்டியிட்டார். ஜெயிச்சா மத்திய மந்திரி ஆகலாம் என்று, ஆனால் நாட்டு மக்கள் சரியான தண்டனையைக் கொடுத்துள்ளார்கள். பலாப்பழத்தை வைத்து பூஜை போடுபவரை எப்படி தொண்டன் ஏற்றுக் கொள்வான். இந்தக் கட்சிக்கு எவர் ஒருவர் துரோகம் செய்தாலும் ஓபிஎஸ் நிலைதான் வரும்'' என்றார்.