Skip to main content

இந்தியா கூட்டணியின் ஒற்றை நோக்கம் இதுதான்  -  விவரிக்கிறார் புதுமடம் ஹலீம் 

Published on 05/09/2023 | Edited on 05/09/2023

 

 Pudhumadam Haleem  interview

 

தற்கால அரசியல் நிகழ்வுகள் குறித்த தன்னுடைய கருத்துக்களை மனிதநேய மக்கள் கட்சியின் மாநில அமைப்புச் செயலாளர் புதுமடம் ஹலீம் நம்மோடு பகிர்ந்துகொள்கிறார்

 

ஒரே நாடு ஒரே தேர்தல் என்பது பாஜகவின் கொள்கைகளில் ஒன்று. ஒருகாலத்தில் இந்த தேர்தல் முறை தான் இந்தியாவில் நடைமுறையில் இருந்தது. ஆனால் அதனால் பல்வேறு சிக்கல்கள் ஏற்பட்டன. இந்தியாவில் இது சாத்தியப்படாது என்று கைவிடப்பட்ட திட்டம் இது. ஒரே நாடு ஒரே தேர்தல் என்று கொண்டுவந்துவிட்டால் ஐந்து வருடத்திற்கு ஒருமுறை மக்களை சந்தித்தால் போதும் என்று நினைக்கிறது பாஜக. ஒரே நாடு ஒரே தேர்தல் என்றால் இப்போதுள்ள அனைத்து மாநில சட்டமன்றங்களையும் கலைத்து விடுவீர்களா? 

 

அடிக்கடி தேர்தல்கள் நடப்பது தான் ஜனநாயகத்தின் முக்கியமான மாண்பு. மக்களின் குறைகளைக் கேட்பது இவர்களுக்குப் பிடிக்காது. ஒரே நேரத்தில் தேர்தல் நடத்துவது மக்களாட்சி தத்துவத்திற்கு எதிரானது என்று உச்சநீதிமன்றம் தெரிவித்துள்ளது. இந்தத் திட்டத்தை ஏன் இவர்கள் ஆட்சிக்கு வந்த புதிதில் செய்யவில்லை? ஆட்சி முடியப்போகும் நேரத்தில் ஏன் செய்கிறார்கள்? முன்பு பாஜகவுக்கு பயம் இல்லை. இப்போது இந்தியா கூட்டணி வலுவடைந்து வருவது அவர்களுக்கு பயத்தை ஏற்படுத்தியுள்ளது. விரைவாகத் தேர்தல் நடத்தினால் இந்தியா கூட்டணிக்கு சிக்கல் ஏற்படும் என்று இவர்கள் நினைக்கின்றனர். 

 

இந்த மாதம் பாஜக கூட்டியுள்ள சிறப்பு பாராளுமன்றக் கூட்டத்தில் பெரிய விஷயம் எதையாவது நிச்சயம் அறிவிப்பார்கள். பாஜகவுக்கு ஆதரவாகவும், எதிர்க்கட்சிகளை பலவீனப்படுத்தும் வகையிலும் அவர்களுடைய செயல்பாடு இருக்கும். தான் ஆட்சியில் இருக்கும்போது ஒரே நாடு ஒரே தேர்தல் திட்டத்தை ஏற்றுக்கொள்ளாத எடப்பாடி பழனிசாமி, இன்று அதை ஏற்றுக்கொள்கிறார். கொள்கையே இல்லாத தலைவர் என்றால் அது எடப்பாடி பழனிசாமி தான். அவர்தான் இன்று பாஜக கூட்டணியில் இரண்டாவது பெரிய தலைவராக இருக்கிறார். பாஜக கொண்டுவந்த எந்த திட்டத்திற்காவது அதிமுக எதிர்ப்பு தெரிவித்திருக்கிறதா? 

 

எம்ஜிஆர், ஜெயலலிதா காலத்தில் அவர்கள் மாநில உரிமைகளை விட்டுக்கொடுத்ததில்லை. ஆனால் எடப்பாடி பழனிசாமிக்கு எந்தக் கொள்கையும் இல்லை. ஒரே நாடு ஒரே தேர்தல் என்று நடத்துவதற்கு எந்த சாத்தியக்கூறுகளும் இல்லை. இதை அவர்களால் செய்ய முடியாது. ஆனால் எதிர்க்கட்சிகளை பயமுறுத்துவதற்காக இதுகுறித்து பேசுகிறார்கள். சட்டமன்றத் தேர்தலையும் எதிர்கொள்ள வேண்டும் என்கிற நிலை வந்தால் எதிர்க்கட்சி கூட்டணி பிரிந்துவிடும் என்று கணக்குப் போடுகிறார்கள். ஆனால் அது நடக்காது. மோடியை வீட்டுக்கு அனுப்ப வேண்டும் என்பதுதான் எதிர்க்கட்சிகளின் ஒற்றை நோக்கம்.
 

கீழே உள்ள லிங்கில் பேட்டியை முழுமையாகக் காணலாம்...

 

 

 

Next Story

ஆம்ஸ்ட்ராங் கொலை வழக்கு; பாஜக நிர்வாகி அஞ்சலை கைது

Published on 19/07/2024 | Edited on 19/07/2024
nn

தமிழக பகுஜன் சமாஜ் கட்சியின் மாநில தலைவர் ஆம்ஸ்ட்ராங் கடந்த 5 ஆம் தேதி (05.07.2024) இரவு பெரம்பூரில் உள்ள அவரது வீட்டின் அருகே 6 பேர் கொண்ட மர்ம கும்பலால் வெட்டி படுகொலை செய்யப்பட்டார். இது தொடர்பாக சரணடைந்த ஆற்காடு சுரேஷின் தம்பி பொன்னை பாலு, ராமு, திருவேங்கடம், திருமலை, செல்வராஜ், மணிவண்ணன், சந்தோஷ், அருள், கோகுல், விஜேஷ், சிவசக்தி ஆகிய 11 நபர்களும் போலீசார் கஸ்டடியில் எடுக்கப்பட்டு விசாரணை நடைபெற்றது. இத்தகைய சூழலில் இந்த வழக்கில் தொடர்புடைய முக்கிய குற்றவாளியான பிரபல ரவுடி திருவேங்கடம் 14.07.2024 அன்று அதிகாலை என்கவுன்டர் செய்யப்பட்டது பரபரப்பை ஏற்படுத்தியது.

மீதமுள்ள 10 பேர் பூவிருந்தவல்லி தனி கிளைச் சிறையில் அடைக்கப்பட்டுள்ளனர். தொடர்ச்சியாக இந்த கொலை சம்பவம் தொடர்பாக அரசியல் கட்சியில் தொடர்புடையவர்கள் கைது செய்யப்பட்டு வருகின்றனர்.  இதில் வழக்கறிஞர் ஹரிஹரன் என்பவரும், தாதாவின் மனைவி மலர்க்கொடி என்பவரும் கைது செய்யப்பட்டதாக தகவல்கள் வெளியாகி இருந்தது. இந்த கொலை தொடர்பாக பாஜகவினுடைய வட சென்னை மேற்கு மாவட்ட துணைத் தலைவர் பதவியிலிருந்த அஞ்சலை என்பவரை போலீசார் தேடிவந்தனர். 

nn

தொடர்ந்து பாஜகவின் வட சென்னை மேற்கு மாவட்ட துணைத் தலைவர் பதவியில் இருந்து அஞ்சலை நீக்கப்படுவதாக கட்சியின் மாநில துணைத் தலைவர் கரு நாகராஜன் பாரதிய ஜனதா கட்சி சார்பில் அறிக்கை ஒன்றை வெளியிட்டிருந்தார். இந்நிலையில் ஆம்ஸ்ட்ராங் வழக்கு தொடர்பாக தேடப்பட்டு வந்த முன்னாள் பாஜக நிர்வாகி அஞ்சலை கைது செய்யப்பட்டுள்ளதாக தகவல்கள் வெளியாகியுள்ளது. அதேநேரம் ஐஸ் ஹவுஸ் பகுதியைச் சேர்ந்த எல்லப்பன் என்ற ரவுடியையும் பிடித்து போலீசார் விசாரணை மேற்கொண்டு வருவதாகவும் தகவல்கள் வெளியாகி உள்ளது.

Next Story

“இஸ்லாமியர்களின் மக்கள் தொகை பெருக்கத்தை கட்டுப்படுத்த நடவடிக்கை” - அசாம் முதல்வரின் சர்ச்சை பேச்சு

Published on 19/07/2024 | Edited on 19/07/2024
Controversial speech of Assam Chief Minister about islam people

அசாம் மாநிலத்தில், முதல்வர் ஹிமந்தா பிஸ்வா சர்மா தலைமையிலான பா.ஜ.க ஆட்சி நடைபெற்று வருகிறது. இவர் அவ்வப்போது, இஸ்லாமியர்கள் அவதூறாகவும், கடுமையாக விமர்சனம் செய்து வருகிறார். இந்த நிலையில், அசாம் மாநிலத்தில் அதிக பெரும்பான்மை மக்களாக இஸ்லாமிய மக்கள் இருக்கிறார்கள் என்று கூறியது சர்ச்சையாக மாறியுள்ளது. 

இது தொடர்பாக அவர் செய்தியாளர்களைச் சந்தித்து பேசியதாவது, “2041-க்குள் அசாம், இஸ்லாமியர்கள் பெரும்பான்மையாக வாழும் மாநிலமாக மாறும். இது நிஜம், யாராலும் தடுக்க முடியாது. மாநிலத்தில் ஒவ்வொரு 10 வருடங்களுக்கும் இஸ்லாமிய மக்கள் தொகை சுமார் 30 சதவீதம் அதிகரித்து வருகிறது. புள்ளிவிவர மாதிரியின்படி அசாமின் மக்கள் தொகையில் இஸ்லாமியர்கள் இப்போது 40 சதவீதமாகிவிட்டனர். எனது அரசாங்கம் இஸ்லாமியர்கள் மத்தியில் மக்கள் தொகை பெருக்கத்தை குறைக்க நடவடிக்கை எடுத்து வருகிறது.

ஆனால், ஒவ்வொரு 10 வருடங்களுக்கும் இந்து சமூகத்தின் மக்கள்தொகை சுமார் 16 சதவீதம் அதிகரித்து வருகிறது. இஸ்லாமியர்களின் மக்கள் தொகை பெருக்கத்தைக் கட்டுப்படுத்துவதில் காங்கிரஸுக்கு மிக முக்கியப் பங்கு உண்டு. ராகுல் காந்தி மக்கள் தொகைக் கட்டுப்பாட்டின் பிராண்ட் அம்பாசிடராக மாறினால், அவர் சொல்வதை மட்டுமே கேட்கும் சமூகத்தினரை அது கட்டுப்படுத்தும். மாநிலத்தின் மக்கள்தொகையில் ஏற்பட்ட மாற்றம் ஒரு பெரிய பிரச்சினை. நாம் பல மாவட்டங்களை இழந்துள்ளோம். இது எனக்கு அரசியல் பிரச்சினை அல்ல. இது எனக்கு வாழ்வா? சாவா? பிரச்சனை” எனப் பேசினார். இஸ்லாமியர்களின் மக்கள் தொகை குறித்து பா.ஜ.க முதல்வர் பேசியிருப்பது தற்போது சர்ச்சையாக மாறியுள்ளது.