Skip to main content

இரண்டாம்கட்ட அகழாய்வுக்கு தயாராகும் பொற்பனைக்கோட்டை

Published on 02/04/2023 | Edited on 02/04/2023

 

தமிழ்நாட்டில் சங்ககால கோட்டைகளில் எஞ்சியுள்ள கோட்டைகளில் ஒன்று பொற்பனைக்கோட்டை. கொஞ்சமும் சிதிலமடையாத வட்டக்கோட்டை என்ற சிறப்பையும் பெற்றுள்ளது இந்த பொற்பனைக்கோட்டை. இந்த கோட்டையை பல்வேறு வரலாற்று ஆய்வாளர்களும் பார்த்து வியந்திருந்த நிலையில் 2012 ம் ஆண்டு தஞ்சை தமிழ்ப் பல்கலைக்கழக ஆய்வு மாணவர்கள் கோட்டைப் பகுதிக்குள் உள்ள நீராவி குளத்தில் பொதுமக்கள் துணி துவைக்கும் கல்லை மீட்டு ஆய்வு செய்த போது கி.பி. 2ஆம் நூற்றாண்டு சங்க கால தமிழ் பிராமி எழுத்துகளால் எழுதப்பட்ட கல்வெட்டு இருப்பதை பார்த்துள்ளனர்.

 

படைத் தலைவானக இருந்து வீரமரணம் அடைந்த 'கணங்குமரன்' உள்ளிட்ட வீரர்களுக்காக நடப்பட்ட நடுகல் என்பதை ஆய்வாளர்கள் கண்டறிந்து பதிவு செய்தனர். இந்த நடுகல் பொற்பனைக்கோட்டை சங்ககால கோட்டை என்பதற்கான மிகப்பெரிய சான்றாக அமைந்துள்ளது. தொடர்ந்து புதுக்கோட்டை தொல்லியல் ஆய்வுக் கழகத்தை சேர்ந்த ஆய்வுக் குழுவினர் பல்வேறு இடங்களில் செய்த கள ஆய்வில் சங்ககால பிரமாண்ட வட்டக்கோட்டை சிதிலமடையாமல் உள்ளது.

 

கோட்டைக்கு வெளியே ஆயுதங்கள் செய்யும் உருக்கு ஆலைகளாக செயல்பட்ட சென்நாக்குழிகள் இருப்பதையும், ஈட்டி போன்ற ஆயுதங்கள் செய்ய பயன்படுத்திய சுடுமண் குழல்கள், உருக்கு கழிவுகள் இருப்பதையும் கள ஆய்வில் தெரிவித்ததுடன் இந்த கோட்டை மற்றும் அரண்மனை திடல் ஆகிய இடங்களில் அகழாய்வு செய்ய வேண்டும் என்று சென்னை உயர்நீதிமன்றம் மதுரை கிளையில் வழக்கறிஞர் கணபதி சுப்பிரமணியம் மூலம் வழக்கு தொடுத்து அகழாய்வுக்கான தீர்ப்பையும் பெற்றனர்.

 

தொடர்ந்து கடந்த ஆண்டு தமிழ்நாடு திறந்தநிலை பல்கலைக்கழகம் பொற்பனைக்கோட்டையில் அகழாய்வு செய்ய மத்திய அரசு அனுமதி கிடைத்த நிலையில் பேராசிரியர் இனியன் தலைமையிலான குழுவினர் பல இடங்களை தேர்வு செய்து முதல்கட்டமாக கோட்டையின் மையத்தில் நீராவி குளத்திற்கு வடக்குப் பக்கம் அகழாய்வு செய்தனர். அகழாய்வில் சங்ககால பெரிய செங்கல்கள், செங்கல் நீர் போக்கி தடம், வட்ட சில்லு, அப்போரா உள்பட ஏராளமான பொருட்களை கண்டறிந்து ஆவணப்படுத்தினார்கள்.

 

அதனைத் தொடர்ந்து தமிழ்நாடு அரசு பொற்பனைக்கோட்டையை தொடர்ந்து அகழாய்வு செய்ய வேண்டும் என்ற கோரிக்கை எழுந்து. தமிழ்நாடு அரசு மத்திய அரசு அனுமதிக்கு கோப்புகள் அனுப்பி அனுமதி கேட்டிருந்த நிலையில் அனுமதி கிடைத்துள்ளது. 2 ம் கட்ட அகழாய்விற்கு அனுமதி கிடைத்துள்ள நிலையில் தமிழ்நாடு தொல்லியல் துறை சார்பில் அகழாய்வு செய்வதற்கான இடம் தேர்வு செய்யும் கள ஆய்வு பல நாட்கள் நடந்துள்ளது. இறுதியாக நீராவி குளத்திற்கு நேர் மேற்கில் 100 மீட்டர் தூரத்தில் உயரமான மேட்டுப் பகுதியை தேர்வு செய்துள்ளனர்.

 

அதாவது சுமார் 50 ஏக்கர் பரப்பளவை சுற்றியுள்ள வட்டக்கோட்டைக்குள் நீராவி குளம் அருகில் பழைய அரண்மனை இருந்ததற்கான அடையாளமாக அகழி அமைப்புடன் சுற்றிலும் வாய்க்கால், மேட்டுப் பகுதியில்  பழமையான சங்ககால செங்கல்கள், பானை ஓடுகள், இரும்பு உருக்கு கழிவுகள் சிதறிக் கிடக்கிறது. இதனை இப்போதுவரை அப்பகுதி மக்கள் அரண்மனை திடல் என்றே கூறுகின்றனர். இந்த பகுதி அகழாய்விற்கு சரியான இடமாக தேர்வு செய்து சுமார் ஒரு ஏக்கர் பரப்பளவில் அடையாளங்கள் வைக்கப்பட்டுள்ளது. மேலும் வட்டக்கோட்டையின் அடித்தளம் எப்படி அமைக்கப்பட்டுள்ளது என்பதையும் கண்டறியும் அகழாய்வுகளும் நடக்க வாய்ப்புகள் உள்ளது.

 

2 வது அகழாய்வின் முதல் கட்டமாக அகழாய்வுக்கான இடம் தேர்வு முடிந்து சுத்தம் செய்யப்பட்டு அடையாளங்கள் வைக்கப்பட்டு தயாராக உள்ளது. இந்த அகழாய்வில் சங்க கால தமிழர்களின் வரலாறும், பண்பாடு, கலாச்சாரம், நாகரிகம் பற்றி அறிய முடிமும் என்கின்றனர். அப்பகுதி ஊராட்சி நிர்வாகம், நில உரிமையாளர்கள் மற்றும் கிராம மக்களின் முழு ஒத்துழைப்பும் கிடைப்பதால் அகழாய்வுப் பணிகளும் சிறப்பாக நடக்கும் என்கிறார்கள்.

 


 

Next Story

'கலைஞர் எனும் உலகத்தால் நாம் சுற்றுகிறோம்'- வீடியோ வெளியிட்ட தமிழக முதல்வர்

Published on 27/02/2024 | Edited on 27/02/2024

 

The Chief Minister of Tamil Nadu released the video 'We are surrounded by the world of artist

சென்னை கடற்கரை காமராஜர் சாலையில் சென்னைப் பல்கலைக் கழகத்தின் எதிரில், தமிழகத்தின் முன்னாள் முதல்வரான பேரறிஞர் அண்ணா 1969 பிப்ரவரி 3 ஆம் நாள் மறைந்த பின் அவருக்கு நினைவிடம் அமைக்கப்பட்டது. மேலும் தமிழகத்தின் முன்னாள் முதல்வரும், திமுக முன்னாள் தலைவருமான கலைஞர் தனது 95 வது வயதில் கடந்த 2018 ஆம் ஆண்டு ஆகஸ்ட் மாதம் 7 ஆம் நாள் மறைந்த பின்னர் அண்ணா நினைவிடம் அருகிலேயே நல்லடக்கம் செய்யப்பட்டு நினைவிடம் கட்டும் பணிகள் நடைபெற்று வந்தன. அதே சமயம் அண்ணா நினைவிடம் புதுப்பிக்கும் பணிகளும் நடைபெற்றன.

இந்நிலையில், அண்ணாவின் புதுப்பிக்கப்பட்ட நினைவிடத்தையும், கலைஞரின் புதிய நினைவிடத்தையும் தமிழ்நாடு முதலமைச்சர் மு.க. ஸ்டாலின் நேற்று  (26.11.2024) மாலை 7 மணி அளவில் திறந்து வைத்தார். பின்னர் அண்ணா மற்றும் கலைஞர் சிலைகள் மற்றும் நினைவிடங்களில் மலர் தூவி மரியாதை செலுத்தினார்.

இந்நிகழ்வில், திராவிடர் கழகத் தலைவர் கி. வீரமணி, விடுதலைச் சிறுத்தைகள் கட்சித் தலைவர் தொல். திருமாவளவன், கம்யூனிஸ்ட் கட்சிகளின் சார்பாக முத்தரசன், கே. பாலகிருஷ்ணன், மதிமுக பொதுச்சயலாளர் வைகோ உள்ளிட்ட அரசியல் கட்சித் தலைவர்கள், அமைச்சர்கள், சட்டமன்ற மற்றும் நாடாளுமன்ற உறுப்பினர்கள், நடிகர் ரஜினிகாந்த், கவிஞர் வைரமுத்து எனப் பலரும் கலந்து கொண்டனர்.

இந்நிலையில் கலைஞர் நினைவிடம் குறித்த வீடீயோவை எக்ஸ் சமூகவலைத்தளத்தில் பதிவிட்டுள்ள முதல்வர் மு.க.ஸ்டாலின், 'கலைஞர் எனும் உலகத்தால் நாம் சுற்றுகிறோம்! தமிழ்நாடு சுற்றுகிறது! கலைஞர் உலகு ஆள்வார்! உலகம் கலைஞர் பெயரை உச்சரித்துக் கொண்டே இருக்கும்! என்றென்றும்_கலைஞர்' என பதிவிட்டுள்ளார்.

Next Story

''கிளாம்பாக்கம் பேருந்து நிலையம் அமையக் காரணமே அதிமுகதான்''- செல்லூர் ராஜூ பேச்சு

Published on 27/02/2024 | Edited on 27/02/2024
"The reason for the construction of Klambakkam bus stand is AIADMK"-Sellur Raju's speech

கிளாம்பாக்கம் பேருந்து நிலையம் அமைவதற்கு காரணமாக இருந்தது அதிமுகதான் என  அதிமுக முன்னாள் அமைச்சர் செல்லூர் ராஜு தெரிவித்துள்ளார்.

மதுரையில் கட்சி நிகழ்ச்சியில் பேசிய அதிமுக முன்னாள் அமைச்சர் செல்லூர் ராஜு, ''இன்று என்.சி.பி தேசிய போதைப்பொருள் ஒழிப்பு முகமை ஒரு பெரிய அதிர்ச்சிகரமான செய்தியை வெளியிட்டு இருக்கிறார்கள். அது என்னவென்றால் 2000 கோடி ரூபாய் மதிப்பிலான போதைப் பொருட்கள் வெளிநாடுகளுக்கு கடத்தியதாக 25ஆம் தேதி டெல்லியில் சர்வதேச போதைப் பொருள் கடத்தல் கும்பலை சேர்ந்த மூன்று பேரை கைது செய்துள்ளனர். மேலும் 3 பேர் தேடப்பட்டு வருவதாகவும் ஒரு அதிர்ச்சி தகவல் கொடுத்திருக்கிறார்கள். இது மிக மிக முக்கியமானது.

இந்த கடத்தலில் திமுகவுடைய சென்னை மேற்கு மாவட்ட அலுவலக அணியின் உடைய துணை அமைப்பாளரும், திரைப்பட தயாரிப்பாளருமான ஜாபர் சாதிக் தான் மூளையாக செயல்பட்டதாகவும், அவர்களுடைய சகோதரர் மைதீன் மற்றும் சலீம் ஆகியோர் இணைந்து இந்த கடத்தலில் ஈடுபட்டதாகவும் விசாரணையில் அம்பலமாகியுள்ளது என வலைத்தளங்களில் பரப்புகிறார்கள். வந்து கொண்டிருக்கிறது.

இதற்கு இந்த அரசு என்ன நடவடிக்கை எடுக்கப் போகிறது என்பது மக்கள் மத்தியில் நாம் விட்டுவிடுகிறோம்.  சட்டப்பேரவையில் எதிர்க்கட்சித் தலைவர் நிறைய பேசுகிறார். அதை எல்லாம் எடிட் பண்ணி விடுகிறார்கள். கிளாம்பாக்கம் பேருந்து நிலையம் அமைவதற்கு காரணமாக இருந்தது நாம தான். ஆனால் அதிக பேருந்துகள் கொடுங்கள் என்று கோரிக்கை வைத்துள்ளோம்.

கிளாம்பாக்கம் பேருந்து நிலையத்தை உடனடியாக நிறைவேற்றவில்லை. அதற்கான வசதிகளை எல்லாம் செய்த பிறகு தான் செய்ய வேண்டும் என்று சொல்லி இருந்தார்கள். ஆனால் இவர்கள் வேக வேகமாக பஸ் நிலையத்தை திறந்து கலைஞருடைய பேருந்து நிலையம் என பெயர் வைக்கிறார்கள். திமுக ஒரு  திராவிட இயக்கத்தின் மாடல் என்று முதல்வர் சொல்கிறார். ஆனால் எங்கே எடுத்தாலும் மதுரையில் நூலகத்திற்கு கலைஞர் பெயர், ஜல்லிக்கட்டு மைதானத்திற்கு கலைஞர் பெயர் என எல்லாவற்றுக்கும் கலைஞர் பெயர் வைக்கிறார்கள். ஏன் அண்ணாவுடைய பெயரை வைக்கலாமா அல்லவா? இந்த அரசாங்கம் செய்ததா?' என்றார்.