Skip to main content

முன்னாள் மேயர் உட்பட மூவர் கொலையில் வட மாநில கூலிப்படை? யார் அந்த "லால்"?

Published on 25/07/2019 | Edited on 25/07/2019


 

ஒரே வீட்டில் மூன்று கொலைகள், அதுவும் எதிர்க்கட்சியிலுள்ள முக்கிய அரசியல் பிரமுகர் என அதிகளவில் அழுத்தத்தைத் தர, தற்பொழுது தான் தடயங்களை சேகரித்து கொலைக்கான காரணத்தையும், கொலையாளியையும் கண்டுபிடிக்க அக்கறைக்காட்டி வருகின்றனர் நெல்லைப் போலீசார். 
 

முன்னாள் மேயர் உமா மகேஸ்வரி, கணவன் மற்றும் வேலைக்காரப்பெண்ணுடன் கொலையான ரெட்டியாப்பட்டி வீட்டின் 100 மீட்டர் தூரத்தினில் மூத்த மகள் பேராசிரியை கார்த்திகா வீடு, சற்று தள்ளி பெந்தோகொஸ்தே ஆலயம், நியூ ருசி புரோட்டா கடை என இருந்தாலும் அடுத்த 500 மீட்டர் தூரத்தினில் இருக்கின்றது மற்ற வீடுகள். இதில் புரோட்டாக்கடை மற்றும் பெந்தோகொஸ்தே ஆலயத்திலுள்ள சி.சி.டி.வி. கேமராக்களே கொலையைக் கண்டுபிடிக்க முக்கிய தடயமாய் இருந்திருக்கின்றது நெல்லைப் போலீசாருக்கு. 
 

இதில் ஒரு சி.சி.டி.வியில் பதிவான காட்சிகளில் இரு வட மாநில வாலிபர்கள் அந்தப்பகுதியை கடந்து சென்றதும், அந்த இரு வாலிபர்களில் இருவரும் ஜீன்ஸ் ரக பேண்ட்களும், ஒருவன் மஞ்சள் நிறமும், மற்றொருவன் பச்சை நிறமும் கொண்ட டி சர்ட்டும் அணிந்திருந்தது தெளிவாக உள்ளது. இதனை வைத்துக்கொண்டு இந்த கொலையில் வட மாநில கூலிப்படை சம்பந்தப்பட்டிருக்கலாமோ..? என்ற கோணத்தில் விசாரணையை துவக்கியுள்ள போலீசாருக்கு "லால்" எனும் பெயர் சந்தேகத்தினை கிளப்ப, அந்த "லால்" வட மாநில கூலிப்படை வாலிபனாக இருக்கலாம்? என்ற ரீதியிலும் விசாரணையை துரிதப்படுத்தியுள்ளனர் என்கின்றது உளவுத் தகவல்.

 

 

 

Next Story

தடை செய்யப்பட்ட லாட்டரி விற்பனை; இருவர் கைது

Published on 21/06/2024 | Edited on 21/06/2024
Prohibited lottery sales; Two arrested

தமிழ்நாடு அரசால் தடை செய்யப்பட்ட லாட்டரி சீட்டுகள் விற்பனையைத் தடுக்க போலீசார் தீவிர நடவடிக்கை மேற்கொண்டு வருகின்றனர். அதனடிப்படையில், ஈரோடு தாலுகா போலீசார் தங்களது காவல் எல்லைக்கு உட்பட்ட சென்னிமலை, ரோடு, கே.கே. நகர் பகுதியில் கண்காணிப்பில் ஈடுபட்டிருந்தனர்.

அப்போது, அங்குள்ள துணி சலவை செய்யும் கடையின் அருகில் சந்தேகத்திற்கிடமாக நடமாடிய இருவரைப் பிடித்து விசாரித்தனர். அதில், அவர்கள் இருவரும் காசி பாளையத்தை சேர்ந்த சண்முகசுந்தரம் (38), பூவரசன் (27) என்பது தெரியவந்தது.மேலும், விசாரணையில், அவர்கள் இருவரும் தமிழ்நாடு அரசால் தடை செய்யப்பட்ட வெளி மாநில லாட்டரி சீட்டுகளை விற்பனை செய்து வந்ததும் தெரியவந்தது. இதையடுத்து, போலீசார் அவர்கள் மீது வழக்குப்பதிவு செய்து கைது செய்தனர். மேலும், அவர்களிடமிருந்து லாட்டரி சீட்டுகளின் எண்கள் எழுதப்பட்ட வெள்ளை தாள்கள் 10, 2 செல்போன் ஆகியவற்றையும் பறிமுதல் செய்தனர்.

Next Story

கல்லூரி மாணவிக்கு பாலியல் தொல்லை கொடுத்த இளம் பெண்; அடுத்தடுத்து நடந்த பகீர் சம்பவம்

Published on 21/06/2024 | Edited on 21/06/2024
young woman misbehaves with a college student

சென்னையில் உள்ள பிரபல தனியார் கல்லூரியில் 20 வயதான மாணவி ஒருவர் பொறியியல் இறுதியாண்டு படித்து வருகிறார். இவர் திருமங்கலத்தில் உள்ள ஒரு வாடகை வீட்டில் தங்கிப் படிப்பைத் தொடர்ந்து வருகிறார். இந்த நிலையில் அந்த பெண்ணின் வீட்டில் இருந்த 26 வயதான இளம்பெண்ணுடன் மாணவிக்குப் பழக்கம் ஏற்பட்டுள்ளது. இதன் காரணமாக இருவரும் இரவு நேரத்தில் மது அருந்தியுள்ளனர். 

அப்போது, மாணவிக்கு இளம்பெண் பாலியல் ரீதியாகத் தொல்லை கொடுத்ததாகவும், தன்னுடன் ஓரினச்சேர்க்கையில் ஈடுபட வற்புறுத்தியதாகவும் கூறப்படுகிறது. ஆனால் மாணவி அதற்கு மறுப்பு தெரிவித்து, பின்னர் அவருடன் பேசுவதையே தவிர்த்து வந்துள்ளார். இதனால் ஆத்திரடமைந்த அந்தப் பெண் மாணவி குளிக்கும் போது அவரை ஆபாசமாகப் படம் பிடித்து ஓரினச்சேர்க்கைக்கு மீண்டும் அழைத்துள்ளார். ஒரு கட்டத்தில் இளம்பெண் எல்லையை மீறிப்போக, அதிர்ச்சியில் மாணவி வீட்டை காலி செய்ய முடிவெடுத்துள்ளார். மேலும் ஆத்திரமடைந்த அந்த இளம்பெண் மாணவியிடம் வீட்டை காலி செய்தால் உனது ஆபாச வீடியோவை சமூக வலைத்தளத்தில் வெளியிட்டுவிடுவேன் என்றும் என்னுடன் பேசுவதைத் தவிர்த்தால் மிகப்பெரிய விளைவுகளைச் சந்திக்க நேரிடும் என்றும் மாணவிக்கு மிரட்டல் விடுத்துள்ளார். 

இதனைத் தொடர்ந்து மாணவி திருமங்கலம் அனைத்து மகளிர் காவல்நிலையத்தில் நடந்த சம்பவம் குறித்து புகார் அளித்துள்ளார். அதன்பேரில்  விசாரணை மேற்கொண்ட போலீசார் மாணவி கூறியதில் உண்மை இருப்பதைக் கண்டறிந்தனர். பின்னர் இளம்பெண் மீது ஆபாசமாகப் பேசுதல், கொலைமிரட்டல் விடுத்தல் உள்ளிட்ட 5 பிரிவுகளின் கீழ் வழக்குப்பதிவு செய்து அவரை கைது செய்து அம்பத்தூர் நீதிமன்றத்தில் ஆஜர்படுத்தினர். அப்போது அந்தப் பெண் தனக்கு என்ன நடக்கிறது என்று தெரியவில்லை. ஏன் நான் அப்படிச் செய்தேன் என்று புரியவில்லை என்று கூறி என்னை மனநல மருத்துவமனையில் அனுமதிக்க வேண்டும் என்று கண்ணீர் வடித்துள்ளார். இதனையேற்றுகொண்ட நீதிபதியின் உத்தரவின் பேரில் அயனாவரம் மனநல மருத்துவமனையில் சிகிச்சைக்காக அனுமதிக்கப்பட்டுள்ளார்.