Skip to main content

நயன்தாராவுக்கும் சரோஜாதேவிக்கும் ஒரே ஃப்ளாஷ்பேக்! - பழைய ரீல் #1 

Published on 11/06/2018 | Edited on 11/06/2018
pazhaya reel 1

 

‘காற்று வாங்கப் போன இடத்தில் தமிழ் சினிமாவிற்கு அழகிய கதாநாயகி என்கிற கவிதையை வாங்கி வரப் போகிறோம்’ என்று அப்போது அவர் நினைத்திருக்க மாட்டார். அவர்? பத்திரிகையாளர், கதாசிரியர், தயாரிப்பாளர், அரசியல்வாதி என பன்முகத் தன்மை கொண்ட சின்ன அண்ணாமலை!

மெரீனா பீச்! நண்பர்களுடன் அமர்ந்திருந்த சின்ன அண்ணாமலையை... தற்செயலாகச் சந்தித்தார்... தன் தோழியுடன் அங்கு வந்த நாட்டியக் கலைஞர் பத்மா சுப்பிரமணியம். 'கன்னடப்படங்களில் நடித்திருக்கும் என் தோழிக்குத் தமிழ் சினிமாவில் வாய்ப்பு வாங்கித்தாருங்கள்’ என்று சொல்லி.. தன் தோழியை அறிமுகம் செய்து வைத்தார். அப்போது... சிவாஜி - ஜமுனா நடிப்பில் பந்துலு இயக்கத்தில் உருவாகிக் கொண்டிருந்த ‘தங்கமலை ரகசியம் படத்தில் ஒரு பாடல் காட்சியில் ஆடும் இரு இளம் பெண்களில் ஒருவராக ஆட அந்த இளம் பெண்ணுக்கு வாய்ப்பு வாங்கித் தந்தார் சின்ன அண்ணாமலை.

 

saroja devi



பந்துலு கேட்டுக் கொண்டதின் பேரில் அந்த பாடல் காட்சியை படமாக்கிய டைரக்டர் ப. நீலகண்டன் “நேரில் சுமாராக இருக்கும் இந்தப் பெண், கேமரா வழியாக பார்க்குபோது... மிக அழகாக இருக்கிறாள்” என சின்ன அண்ணாமலையிடம் சொல்ல, தான் தயாரிக்கப்போகும் படத்திற்கு அந்தப்பெண்ணை புக் செய்து கொண்டார்.

எம்.ஜி.ஆரை முதன் முதலாக ஒரு சமூகக்கதையில் நடிக்கவைக்க விரும்பி ‘திருடாதே’ என்கிற படத்தை தன் நண்பர் அருணாசலத்துடன் இணைந்து தயாரிக்க முடிவு செய்து எம்.ஜி.ஆரிடம் சொன்னார் சின்ன அண்ணாமலை. சம்மதம் தெரிவித்த எம்.ஜி.ஆர்... “நான் நாலைந்து படங்களில் நடித்த வருவதால் இந்தப் படத்தை நைட் கால்ஷீட்டில் எடுப்போம். கதாநாயகி புதுமுகமாக இருந்தால் கால்ஷீட் பிரச்சனை வராது” என்றார்.

 

 


தான் ஒப்பந்தம் செய்து வைத்திருந்த பெண்ணை டெஸ்ட் ஷீட் செய்து எம்.ஜி.ஆருக்கு போட்டுக் காண்பித்தார். அந்தப் பெண் ஒரு காலை லேசாக தாங்கித்தாங்கி நடந்ததால் எம்.ஜி.ஆருக்கு அந்தப் பெண்ணைப் பிடிக்காது என நினைத்து அதை சுட்டிக்காட்ட, “அந்தப் பெண் அப்படி நடப்பது செக்ஸியாகத்தான் (வசீகரமாக) இருக்கிறது. கதாநாயகியாக ஒப்பந்தம் செய்து விடுங்கள்” என்றார்.

 

 

nayanthara young



ஆனாலும் படத்தை தயாரிக்கும் பார்ட்னர்களுக்கு அந்தப் பெண்ணைப் பிடிக்கவில்லை. இதை அறிந்த எம்.ஜி.ஆர், தான் இயக்கி, தயாரித்து, நடித்து வந்த ‘நாடோடி மன்னன்’ படத்தில் நாயகியாக்கினார். அவர்தான் ‘கன்னடத்துக்கிளி’ ‘அபிநய சரஸ்வதி’ என கொண்டாடப்பட்ட சரோஜாதேவி! 1950- களின் இறுதியில் தொடங்கி 1970- களின் மத்திமம் வரை தமிழ்சினிமாவை ஆண்ட ‘ராஜாதி ராணி’யானார். அன்றைய காலக்கட்டத்தின் அதிக சம்பளம் வாங்கிய சூப்பர் ஸ்டாரிணி சரோஜாதேவி!

 

 


சிம்புவுக்கு ஜோடியாக ‘தொட்டி ஜெயா’ படத்தில் நடிக்க கொச்சியிலிருந்து ரயிலில் கிளம்பி வந்தது ஒரு மயில்! சென்னை ஹோட்டல் ஒன்றில் மூன்று நாட்கள் சென்னையில் தங்கி டெஸ்ட் ஷூட்டில் பங்கேற்றார். நேரில் அவரைப் பார்த்த டைரக்டர் வி.இசட்.துரைக்கும் டெஸ்ட் ஷூட்டில் பார்த்த சிம்புவுக்கும் ‘டயானா குரியன்’ என்கிற அந்த இளம் பெண்ணைப் பிடிக்கவில்லை! குறிப்பாக ‘முகவெட்டு சரியில்லை’ என நிராகரித்துவிட்டு, ‘ஆட்டோகிராஃப்’ கோபிகாவை கதாநாயகியாக்கினார்கள்.

 

 

simbu nayan



அதன் பிறகு, ஹரி இயக்கத்தில் சரத் ஜோடியாக ‘ஐயா’ படம் மூலம் அறிமுகமானார் டயானா குரியன்! 2005- ல் தொடங்கி இன்று வரை தமிழ்சினிமாவை தன் ஆளுகைக்கு உட்படுத்தியிருக்கிற அந்த இளவரசி நயன்தாரா. முதலில் நயனை நிரகாரித்த சிம்புவே ரீலில் மட்டுமல்லாது ரியலிலும் நயன்தாராவின் பக்தனாக இருந்த கதை எல்லோருக்கும் தெரியுமே!


 

 

Next Story

முன்னணி நடிகையுடன் கூட்டணி - ஹீரோயின் சப்ஜெக்டை கையிலெடுத்த சசிகுமார்

Published on 27/03/2024 | Edited on 27/03/2024
sasikumar direct nayanthara movie

அயோத்தி பட வெற்றியைத் தொடர்ந்து உடன் பிறப்பே இயக்குநர் சரவணகுமார் இயக்கும் நந்தன் படத்தில் நடித்து முடித்துள்ளார் சசிகுமார். இதைத் தொடர்ந்து துரை செந்தில்குமார் இயக்கத்தில் சூரி ஹீரோவாக நடிக்கும் கருடன் படத்தில் முதன்மை கதாபாத்திரத்தில் நடித்துள்ளார். மேலும் ஃப்ரீடம் என்ற தலைப்பில் ஒரு படம் நடித்துள்ளார். 

இதனிடையே நீண்ட இடைவெளிக்குப் பிறகு இயக்கம் பக்கம் திரும்பியுள்ள சசிகுமார், குற்றப் பரம்பரை நாவலை தழுவி வெப் சீரிஸாக இயக்கும் முயற்சியில் ஈடுபட்டு வருவதாக கூறப்பட்டு வருகிறது. இந்த நிலையில் நயன்தாராவை வைத்து ஒரு படம் இயக்கவுள்ளதாக தகவல் வெளியாகியுள்ளது. இப்படம் பெண்களை மையமாக வைத்து உருவாகவுள்ளதாகவும் லீட் ரோலில் நயன்தாரா நடிக்கவுள்ளதாகவும் கூறப்படுகிறது. 

sasikumar direct nayanthara movie

நயன்தாரா தற்போது, சசிகாந்த் இயக்கும் 'டெஸ்ட்' படத்தில் நடித்து முடித்துள்ளார். இப்போது யூடியூபர் டியூடு விக்கி இயக்கும் மண்ணாங்கட்டி படத்தில் நடித்து வருகிறார். மேலும் துரை செந்தில்குமார் இயக்கத்தில் ஒரு படம் மோகன் ராஜா இயக்கும் தனி ஒருவன் 2 உள்ளிட்ட படங்களில் ஒப்பந்தமாகியுள்ளார்.

Next Story

நயன்தாரா பதிவால் ரசிகர்கள் அதிர்ச்சி

Published on 07/03/2024 | Edited on 07/03/2024
nayanthara instagram story issue

தமிழ், இந்தி, தெலுங்கு மற்றும் மலையாள மொழிகளில் பிசியாக நடித்து வரும் நயன்தாரா, தமிழில் சசிகாந்த் இயக்கும் 'டெஸ்ட்' படத்தில் நடித்து முடித்துள்ளார். இப்போது யூடியூப்பர் டியூடு விக்கி இயக்கும் மண்ணாங்கட்டி படத்தில் நடித்து வருகிறார். மேலும் துரை செந்தில்குமார் இயக்கத்தில் ஒரு படம் மோகன் ராஜா இயக்கும் தனி ஒருவன் 2 உள்ளிட்ட படங்களில் ஒப்பந்தமாகியுள்ளார். இது மட்டுமல்லாமல் விக்னேஷ் சிவன், பிரதீப் ரங்கநாதனை இயக்கும் எல்.ஐ.சி படத்தில் நடிப்பதாக கூறப்படுகிறது. 

இதனிடையே விக்னேஷ் சிவனை காதலித்து 2022ஆம் ஆண்டு ஜூனில் திருமணம் செய்து கொண்டார். பின்பு வாடகை தாய் மூலம் உயிர், உலக் என்ற இரட்டை ஆண் குழந்தைகளை பெற்று கொண்டார். இதையடுத்து அழகு சாதன பொருட்கள் விற்கும் '9 ஸ்கின்' (9 Skin) என்ற நிறுவனத்தை தொடங்கினார். இதன் மூலம் தொழில்முனைவோராக  களம் இறங்கினார். இதனைத் தொடர்ந்து, ஃபெமி 9 (Femi 9) என்ற சானிட்டரி நாப்கின் பொருளை அறிமுகப்படுத்தினார். 

இதனிடையே கடந்த ஆண்டு ஆகஸ்ட் மாதம் சமூக வலைத்தளங்களில் ஒன்றாக இன்ஸ்டாகிராம் பக்கம் தொடங்கினார். அதில் தனது படங்களின் ப்ரொமோஷன், தனது குழந்தைகளின் புகைப்படங்கள், தனது தொழில் நிறுவனத்தின் விளம்பரம் என ஆக்டிவாக இருந்து வருகிறார். சமீபத்தில் கணவர் விக்னேஷ் சிவன் இன்ஸ்டாகிராம் பக்கத்தை அன்ஃபாலோ செய்ததாக சர்சையானது. இதனால் அவரது திருமண உறவு குறித்து பல்வேறு சர்ச்சைகள் சமூக வலைத்தளங்களில் பேசப்பட்டது. 

இதையடுத்து திருமண உறவு குறித்த சர்ச்சைக்கு முற்றுப்புள்ளி வைக்கும் விதமாக விக்னேஷ் சிவன் - நயன்தாரா இருவரும் இருக்கும் வீடியோ ஒன்று சமூக வலைத்தளங்களில் வைரலானது. இந்த நிலையில் நயன்தாரா தனது இன்ஸ்டாகிராம் பக்க ஸ்டோரியில் ‘நான் இழந்துவிட்டேன்’ (I'm lost) என குறிப்பிட்டுள்ளார். இது ரசிகர்கள் மத்தியில் பல்வேறு கேள்விகளையும் குழப்பத்தையும் ஏற்படுத்தியுள்ளது. இது குறித்து பலரும் பல்வேறு விதமாக சமூக வலைத்தளங்களில் பதிவிட்டு வருகின்றனர்.