Skip to main content

கலைஞரை வாழ்த்த வந்த காந்தியின் பேரன்; கலைஞர் 100 இலச்சினை வெளியீடு!

Published on 03/06/2023 | Edited on 03/06/2023

 

M K Stalin Speech and Kalaignar 100

 

கலைஞரின் 100வது பிறந்தநாளை முன்னிட்டு சென்னையில் உள்ள கலைவாணர் அரங்கத்தில் ‘கலைஞர் 100’ என்ற விழா நடைபெற்றது. அந்த விழாவில், தமிழக அமைச்சர்கள், சென்னை மேயர், சட்டமன்ற மற்றும் நாடாளுமன்ற உறுப்பினர்கள் ஆகியோர் பங்கேற்றுச் சிறப்பித்தார்கள். 

 

இந்நிகழ்வில் தமிழக முதல்வர் மு.க.ஸ்டாலின் பேசியதாவது “இந்த இடம் கலைவாணர் அரங்கமாகக் கலைஞர் கருணாநிதியால் கொண்டு வரப்பட்டது. அந்த கலைவாணர் அரங்கத்தில் நடைபெறும் கலைஞரின் நூற்றாண்டில் லோகோ வெளியீட்டு விழா நடப்பதும்; இந்த விழாவிற்கு சிறப்பு  சேர்க்கும் விதமாக மகாத்மா காந்தியின் பேரன் கோபாலகிருஷ்ணன் காந்தி கலந்து கொண்டதற்குப் பெருமகிழ்ச்சி அடைகிறேன்.

 

தந்தை பெரியார் சுயமரியாதை இயக்கத்தைத் தொடங்குவதற்கு முன்பு காங்கிரஸ் இயக்கத்தில் அண்ணல் காந்தியடிகளின் தொண்டராகத் தான் இருந்தார். பின்பு, தமிழக காங்கிரஸ் கட்சியின் தலைவராக இருந்து கள்ளுக்கடை மறியல் எனப் பல்வேறு போராட்டங்களை நடத்தினார். வகுப்புரிமைக்காகக் காங்கிரஸ் கட்சியில் இருந்து விலகி சுயமரியாதை இயக்கத்தைத் தொடங்கினார் பெரியார். 

 

1947 ஆம் ஆண்டின் போது கோட்ஸேவால், அண்ணல் காந்தி சுட்டுக் கொல்லப்பட்டபோது பெரியார் மிகுந்த வேதனை அடைந்தார் என்பதை வார்த்தைகளால் கூற முடியாது. தந்தை பெரியாரைப் போல, அவர் வழி வந்த அறிஞர் அண்ணாவும் காந்தி மீது மிகுந்த பற்று கொண்டிருந்தார். அறிஞர் அண்ணா, 1948 ஆம் ஆண்டின் போது ‘உலக பெரியார் காந்தி’ என்ற புத்தகத்தை எழுதி காந்தியின் பற்றை வெளிப்படுத்தினார்.

 

Kalaignar 100

 

பெரியார், அண்ணா, கலைஞர் என நாங்கள் உள்பட அண்ணல் காந்தியின் மீது பற்று வைத்திருப்பதைப் போல தான் காந்தியின் பேரனான கோபாலகிருஷ்ணன் காந்தி அவர்களும், எங்கள் மீதும் எங்களது திராவிட இயக்கத்தின் மீதும் மிகுந்த மரியாதை வைத்திருக்கிறார். பெரியார் மற்றும் அண்ணாவின் அரசியல் ஏழைகளுக்கானது, சாதியத்துக்கு எதிரானது, மதவாதத்துக்கு எதிரானது, சாமானிய மக்களுக்கானது என்று கோபாலகிருஷ்ணன் காந்தி அவர்கள் குறிப்பிட்டிருக்கிறார்.

 

வீழ்ந்து கிடந்த தமிழ்ச் சமூகத்தை ஒளி கொடுத்து வாழும் காலத்தில் விடிவெள்ளியாக இருந்த முத்தமிழறிஞர் கலைஞர் கருணாநிதி தோன்றிய நாளான ஜூன் 3 ஆம் தேதி அன்று அவரது பிறந்தநாள் என்று சொல்வதை விட சமுதாயத்திற்கு உயிராக, உணர்வாக இருந்து உதயமான நாள் என்று சொல்வதே சரியாக இருக்கும். மேலும், கலைஞரின் இந்த நூற்றாண்டு விழாவை தமிழ்நாடு அரசு  ஓராண்டுக் காலம் கொண்டாடத்  திட்டமிட்டுள்ளது.  என் தலைமையிலான இந்த தமிழ்நாடு அரசைக் கலைஞருக்கு காணிக்கையாகச் செலுத்த விரும்புகிறேன். இந்த நவீன திராவிட மாடல் அரசுக்கு முன்னோடியாக இருப்பது கலைஞரின் வழிகாட்டுதல் பேரில் தான். ஏனென்றால், கலைஞர் அனைத்து துறைகளிலும் முன்மாதிரியாக இருந்து அந்த துறைகளில் வெற்றியையும் கண்டவர்.

 

அதனால் தான், விடுதலை இந்தியாவில் நடந்த 13  சட்டமன்றத் தேர்தல்களில் 5 முறை வெற்றி பெற்று முதலமைச்சராகப் பதவி வகித்தார். முதலமைச்சராக மட்டுமல்ல மக்கள் மனதில் என்றும் ஆட்சி செய்து கொண்டிருப்பார். இலக்கியம், கவிதை போன்ற துறைகளில் தனது வெற்றி முகத்தைப் பதித்த கலைஞரின் நூற்றாண்டு விழாவை ஆண்டு முழுவதும் கொண்டாடத் திட்டமிட்டுள்ளது.

 

Kalaignar 100

 

கலைஞரின் பெயரில்  மாபெரும் நூலகம், மருத்துவமனை உள்ளிட்டவற்றை புதிதாக திறக்க திட்டமிட்டுள்ளோம். மேலும் இந்த ஓராண்டு விழா மாவட்டந்தோறும் நடக்கப்பெற உள்ளது. அந்த விழா வெறும் புகழ் பாடுவதற்காக மட்டும் அமைக்கப்படாது. கலைஞர் இந்த தமிழ் சமூகத்திற்குச் செய்த சாதனையைப் பற்றி விளக்கும் விழாவாக இருக்கும். கடந்த 50 ஆண்டுக்கால தமிழ்நாட்டு வளர்ச்சிக்கும் மேன்மைக்கும் அடித்தளம் வித்திட்டு தொலைநோக்கு பார்வையும் மக்கள் மீது பற்றும் கொண்ட கலைஞரால் மட்டுமே இத்தனை சாதனை செய்ய முடியும் என்று நிரூபித்தவர்.

 

பள்ளிகள், கல்லூரிகள், தொழிற்சாலைகள், நகரங்கள் என நாம் இப்பொழுது காண்கிற அனைத்தும் கலைஞரால் கொண்டுவரப்பட்டது. பட்டப் படிப்பை முடித்தவர்கள்; பொருளாதாரத்தில் மேம்பட்டவர்கள்; வேலைவாய்ப்பைப் பெற்ற அரசு ஊழியர்கள் எனக் கோடிக்கணக்கான மக்களின் வாழ்வில் தொடர்புடையவர் தான் நமது கலைஞர். சென்னையையும் அதன் சுற்றி உள்ள மாவட்டங்களிலும் இத்தனை தொழிற்துறைகள் வளந்திருப்பதற்குக் காரணம் கலைஞர். அதனால் தான் அவர் வழி வந்த இந்த திராவிட அரசும் தொழிற்துறையை முன்னேற்றுவதற்கு சில நாட்களுக்கு முன்னே சிங்கப்பூர், ஜப்பான் போன்ற நாடுகளுக்கு சென்றிருந்தேன். அங்கு தமிழ்நாட்டை நோக்கி ஏராளமான தொழில் முதலீடுகளை கொண்டு வருவதற்காக ரூ.3,233 கோடி மதிப்பிலான ஒப்பந்தங்கள்  கையெழுத்தாகி இருக்கிறது என்றார்.

 

 

 

Next Story

தி.மு.க சார்பில் கல்வி உதவித் தொகை மற்றும் உபகரணங்கள் வழங்கும் விழா (படங்கள்)

Published on 13/06/2024 | Edited on 14/06/2024

 

கலைஞர் நூற்றாண்டு நிறைவு விழாவை முன்னிட்டு சென்னை கிழக்கு மாவட்ட தி.மு.க சார்பில் ஆயிரம் கல்லூரி மாணவ மாணவிகளுக்கு கல்வி உதவித் தொகை மற்றும் உபகரணங்கள் வழங்கும் விழா அமைச்சர் பி.கே.சேகர் பாபு தலைமையில் நடைபெற்றது. இதில் அமைச்சர் அன்பில் மகேஷ் பொய்யாமொழி, மத்திய சென்னை நாடாளுமன்ற உறுப்பினர் தயாநிதி மாறன் ஆகியோர் கலந்து கொண்டு வழங்கினார்கள். அருகில் மேயர் பிரியா, சட்டமன்ற உறுப்பினர்கள் தாயகம் கவி, வெற்றியழகன், ஜோசப் சாமுவேல், முன்னாள் சட்டமன்ற உறுப்பினர் கே.எஸ்.ரவிச்சந்திரன், பொதுச் செயலாளர் எஸ்.முரளி, எஸ்.ராஜசேகர், இளைஞர் அணி அமைப்பாளர் டி.லோகேஷ், வட்டச் செயலாளர் சேப்பாக்கம் பிரபாகரன் உள்ளனர். 

படங்கள்: எஸ்.பி.சுந்தர்

Next Story

அமைச்சர் உதயநிதியைச் சந்தித்து வாழ்த்து பெற்றார் திண்டுக்கல் எம்.பி

Published on 11/06/2024 | Edited on 11/06/2024
Dindigul MP ​​met and congratulated Minister Udhayanidhi

நடந்து முடிந்த பாராளுமன்ற தேர்தலில் திண்டுக்கல் பாராளுமன்ற தொகுதியில் போட்டியிட்ட சிபிஎம் வேட்பாளர் சச்சிதானந்தம் அமோக வெற்றி பெற்றார். திண்டுக்கல் பாராளுமன்ற தொகுதியில் திமுக கூட்டணியில் உள்ள மார்க்சிஸ்ட் கம்யூனிஸ்ட் இத்தொகுதியை ஒதுக்கியதின் பேரில் வேட்பாளராக சச்சிதானந்தம் களமிறங்கினார்.

இதில் ஊரக வளர்ச்சித்துறை அமைச்சர் ஐ.பெரியசாமி, உணவு மற்றும் உணவுப்பொருள் வழங்கல்துறை அமைச்சர் அர.சக்கரபாணி மற்றும் பழனி சட்டமன்ற உறுப்பினர் ஐ.பி.செந்தில்குமார் ஆகியோர்களின் தீவிர தேர்தல் பிரச்சாரத்துடன் கூட்டணி கட்சிகள் மற்றும் கட்சிப் பொறுப்பாளர்கள் தேர்தல் களத்தில் தீவிரமாக பிரச்சாரம் செய்ததின் மூலம் 4,43,821 ஓட்டுக்கள் வித்தியாசத்தில் அமோகமாக வெற்றி பெற்றதுடன் மட்டுமல்லாமல் தமிழகத்திலேயே மூன்றாவது இடத்தையும் சச்சிதானந்தம் பிடித்தார். 

அதுபோல் தன்னை எதிர்த்து போட்டியிட்ட எஸ்டிபிஐ கட்சி வேட்பாளர்  முகமது முபாரக்கை தவிர பா.ம.க. வேட்பாளர் திலகபாமா, நாம் தமிழர் கட்சி உட்பட சுயேட்சைகள் டெபாசிட் இழந்தனர். அந்த அளவுக்கு இரண்டு அமைச்சர்கள் முயற்சியினால்தான் இப்படி ஒரு வெற்றியை பெற்று இருக்கிறார் எனக் கூறப்படுகிறது. அதைக்கண்டு சிபிஎம் கட்சியின் மாநில தலைவர் பாலகிருஷ்ணன் உட்பட பலரும் சிபிஎம் வேட்பாளரின் வெற்றிக்காக உறுதுணையாக இருந்த இரண்டு அமைச்சர்கள் உட்பட ஐ.பி.செந்தில்குமாரை பாராட்டினார்கள். 

Dindigul MP ​​met and congratulated Minister Udhayanidhi

இதைத் தொடர்ந்து அமைச்சர்களான ஐ.பெரியசாமி மற்றும் சக்கரபாணி, எம்எல்ஏ செந்தில்குமார் ஆகியோர் வெற்றி பெற்ற சிபிஎம் வேட்பாளர் சச்சிதானந்தத்தை திமுக தலைவரும் முதல்வருமான ஸ்டாலினிடம் அழைத்துச் சென்று வாழ்த்து பெற்றனர். இதனையடுத்து அமைச்சர்கள் ஐ.பெரியசாமி மற்றும் சக்கரபாணி இருவருடன் சச்சிதானந்தம் இளைஞர் நலன்,  மற்றும் விளையாட்டுத்துறை அமைச்சர் உதயநிதி ஸ்டாலினை சந்தித்தார். அப்போது, அமைச்சர் உதயநிதி சச்சிதானந்ததிற்கு சால்வை அணிவித்து வாழ்த்து தெரிவித்தார்.