Skip to main content

புரோபோஸ் செய்து கின்னஸ் சாதனை படைத்த காதலன்!

Published on 13/04/2019 | Edited on 13/04/2019

ரெமோ படத்தில் சிவகார்த்திகேயன் தன்னுடைய காதலை கீர்த்தி சுரேஷிடம் தெரிவிக்கும் காட்சி தமிழக இளைஞர்கள் பலரின் கனவு காட்சியாக இருக்கிறது. பல பெண்கள் நமக்கும் இதுபோல ஒன்று நடந்துவிடாதா என்று வேண்டிக்கொண்டார்கள்.  இதெல்லாம் நம்புற மாதிரியா இருக்கு என முரட்டு சிங்கிள்ஸ் இந்த காட்சியை வன்மையாக கண்டித்தனர். ஆனால், இந்த காட்சியை எல்லாம் மிஞ்சுவதுபோல உண்மையான சம்பவம் ஒன்று நடந்துள்ளது.
 

pair

 

 

டோக்யோவைச் சேர்ந்த இளைஞர் ஒருவர் தன்னுடைய மேரேஜ் புரோபோஸலுக்காக ஆறு மாதங்கள் பயணம் செய்து, உலகை திரும்பி பார்க்கும் வகையில் ஜிபிஎஸ் ஓவியம் ஒன்றை வரைந்து இணையத்தில் வைரலாகி வருகிறார். இந்த ஜிபிஎஸ் ஓவியமானது உலகின் மிகப்பெரிய ஜிபிஎஸ் ஓவியம் என்பதால் கின்னஸ் விருதும் பெற்றிருக்கிறது. 
 

அப்படி என்ன மாதிரியான ஓவியத்தை, அவர் எங்கு எதனால் வரைந்தார் என்று கேட்கிறீர்களா? ‘மேரி மி’ அதாவது என்னை திருமணம் செய்துகொள் என்று ஜப்பான் முழுவதும் பயணம் செய்து ஜிபிஎஸ் ஆர்ட் செய்திருக்கிறார். இதற்காக இவர் தன்னுடைய வேலையை ராஜினாமா செய்துவிட்டு 6 மாதங்கள் ஊர் ஊராக சுற்றி திரிந்து 7000 கிமீ தொலைவு பயணம் செய்து இதை வரைந்திருக்கிறார்.
 

ஜிபிஎஸ் ஆர்ட் என்பது கூகுள் எர்த் செயலியை பயன்படுத்தி நாம் செல்லும் இடங்களின் வழிதடங்களை கிராஃபிக் இமேஜாக பதிவு செய்ய முடியும். அப்படி பதிவு செய்யப்பட்ட கிராஃபிக் இமேஜைதான் ஜிபிஎஸ் ஆர்ட் என்று அழைக்கப்படுகிறது. ஜிபிஎஸ் ஆர்ட் என்பது தற்போது உலகம் முழுவதும் பிரபலமடைந்து வருகிறது.
 

marry me

 

 

நட்ஷூகி என்னும் பெண்ணைதான் திருமணம் செய்துகொள்ள போவதாக யாஷனின் கடந்த 2008ஆம் ஆண்டே முடிவு செய்துவிட்டார். ஆகையால் இந்த உலகத்தில் யாரும் புரோபோஸ் செய்யாத விதத்தில் மிக பெரிதாக புரோபோஸ் செய்ய வேண்டும் என முடிவு செய்து ஜிபிஎஸ் ஆர்ட் செய்ய திட்டம் தீட்டியுள்ளார். ஹோக்காய்டோ தீவிலிருந்து காஹாஷோஹிமா கடற்கரை வரை பயணம் செய்து  ‘மேரி மி’ என்ற வாக்கியத்தை எழுதியிருக்கிறார். புரோபோஸ் செய்ததற்கு இவருடைய காதலி நட்ஷூகியும் சரி என்று கிரீன் சிக்னல் போட்டிருக்கிறார். இதனால் யாஷனின் பத்து வருட கனவும் வாழ்க்கையும் வெற்றியடைந்துள்ளது. 
 

இறுதியாக கூகுள் இவருடைய பயண வாழ்க்கை வீடியோவாக பதிவு செய்து இவருடைய காதல் கதையை உலகம் முழுவதும் கேட்க செய்துள்ளது. கூகுள் ட்விட்டரில் வெளியாகியுள்ள யாஷனின் வீடியோ செம வைரலாகி வருகிறது. பல இளைஞர்கள் இந்த புரோபோஸலை பார்த்து வியக்கிறார்கள். நமக்கும் இப்படி நடந்தால் நன்றாகதான் இருக்கும் என பொறாமை படுகிறார்கள். ஒரு சின்ன மோதிரத்தை வாங்கி கொடுத்து தன்னுடைய காதலை சாதரான ஒன்றாக வெளிக்காட்டாமல் வித்தியாசமாக உலகறிய செய்து கின்னஸிலும், வரலாற்றிலும், கூகுள் எர்த்தில் இவருடைய காதலை இடம்பெற செய்திருக்கிறார் யாஷனின்.


 

 

Next Story

நட்டாற்றில் விட்ட கூகுள் மேப்

Published on 26/05/2024 | Edited on 26/05/2024
Google map pull in river

கேரளாவில் காரில் பயணித்த சிலர் கூகுள் மேப்பை நம்பி பயணித்தபோது கார் ஆற்றில் புகுந்த சம்பவம் பரபரப்பை ஏற்படுத்தியுள்ளது.

ஆந்திர மாநிலத்தைச் சேர்ந்த பெண் உட்பட ஐந்து பேர் கேரளாவில் பல்வேறு இடங்களுக்கு சுற்றுலா சென்றுள்ளனர். தொடர்ந்து மூணாறில் இருந்து ஆலப்புழா செல்ல வேண்டும் என்பதற்காக திட்டமிட்ட அவர்கள் தங்கள் பயணித்த காரில் கூகுள் மேப் மூலம் ஆலப்புழா செல்வதற்கு பயணத்தை மேற்கொண்டனர். இரவு நேரத்தில் அவர்கள் பயணம் தொடர்ந்தது.

இந்நிலையில் கேரள மாநிலம் கோட்டயம் குருபந்தராகடவு என்னும் பகுதியில் உள்ள பாலத்தில் செல்ல வேண்டியதை கூகுள் மேப் பாலத்தை ஒட்டியுள்ள வழியில் செல்ல வேண்டும் காண்பித்ததால் குழம்பிய பெண்கள் கால்வாய்க்குள் காலை காரை செலுத்தியுள்ளனர். இந்த சம்பவம் அதிகாலையில் நிகழ்ந்துள்ளது. காரில் இருந்த ஓட்டுநர் உட்பட ஐந்து பேரும் பின்புற கதவு வழியாக தப்பித்தனர். இருப்பினும் கார் ஆற்றில் முழுமையாக மூழ்கியது. அக்கம்பக்கத்தில் உள்ள வீடுகளில் தாங்கள் கூகுள் மேப்பை நம்பி வந்ததாகவும், தங்களுடைய கார் ஆற்றில் சிக்கிக் கொண்டதாகவும் உதவி கேட்டுள்ளனர். அதனைத் தொடர்ந்து ஊர்மக்கள் மற்றும் போலீசாரின் உதவியுடன் அனைவரும் சேர்ந்து கிரேன் மூலம் கயிறு கட்டி காரை வெளியே எடுத்து வந்தனர். இந்த சம்பவம் கேரளாவில் பரபரப்பை ஏற்படுத்தியுள்ளது.

Next Story

விரைவில் முதல்வரைச் சந்திக்க இருக்கும் கூகுள் அதிகாரிகள்

Published on 23/05/2024 | Edited on 23/05/2024
Google officials who will meet the Prime Minister soon

தமிழகத்தில் கூகுள் நிறுவனத்தின் செல்போன் தயாரிக்கும் ஆலை உருவாக இருக்கும் நிலையில் விரைவில் தமிழக முதல்வர் மு.க.ஸ்டாலினை கூகுள் அதிகாரிகள் சந்திக்க இருப்பதாக தகவல்கள் வெளியாகி உள்ளது.

தமிழகத்தின் சென்னையில் விரைவில் கூகுள் நிறுவனத்தின் 'பிக்சல்' செல்போன் தயாரிப்பு நிறுவனம் முதல் முறையாக அமைகிறது. இதற்கான அறிவிப்பு ஏற்கெனவே வெளியாகி இருந்தது. பாக்ஸ்கான் நிறுவனத்துடன் இணைந்து கூகுள் பிக்சல் செல்போன் தயாரிப்பு நிறுவனம் அமைய உள்ளது. 2030 ஆம் ஆண்டுக்குள் தமிழகத்தின் பொருளாதாரத்தை ஒரு ட்ரில்லியன் அமெரிக்க டாலர் அளவுக்கு உயர்த்த வேண்டும் என்ற இலக்கை வைத்து மலேசியா, சிங்கப்பூர், அரபு நாடுகள் உள்ளிட்ட பல்வேறு நாடுகளில் இருந்து முதலீட்டாளர்களை ஈர்த்து தமிழக அரசு உலக முதலீட்டாளர்கள் மாநாடு நடத்தியிருந்தது. இதனால் தமிழகத்தில் 30 லட்சம் இளைஞர்களுக்கு வேலை வாய்ப்பு கிடைக்கும் எனவும் தமிழக அரசு தெரிவித்திருந்தது.

இந்நிலையில் அதன் தொடர்ச்சியாக தொழில்துறை அமைச்சர் டி.ஆர்.பி.ராஜா அமெரிக்கா சென்றுள்ள நிலையில் உலகப் புகழ்பெற்ற கூகுள் நிறுவனத்தின் தலைமையில் ஆலோசனை நடத்தி இருப்பதாகவும், இந்தப் பேச்சுவார்த்தையின் பயனாக கூகுள் நிறுவன அதிகாரிகள் கூகுள் பிக்சல் செல்போன் தயாரிப்பு நிறுவனத்தை சென்னையில் அமைக்க முன்வந்துள்ளனர். இது தொடர்பாக தமிழக முதல்வரை விரைவில் சந்திக்க கூகுள் அதிகாரிகள் சென்னை வர இருப்பதாக தகவல்கள் வெளியாகி உள்ளது.