Skip to main content

அதிபர் இப்ராஹிம் ரைசி உயிரிழப்பு; விபத்தா? திட்டமிடலா? - ஈரான் அரசு விசாரணை

Published on 20/05/2024 | Edited on 20/05/2024
iran President Ebrahim Raisi was passed away

ஈரான் அதிபர் பயணம் செய்த விமானம் விபத்தில் சிக்கி உள்ளது. விமானத்தை அந்நாட்டு ராணுவம் தேடிவருகிறது. ஈரான் – அஜர்பைஜான் நாடுகளுக்கு இடையே அரஸ் ஆறு பாய்கிறது. இந்த ஆற்றின் குறுக்கே மின்சார தேவைக்காக இருநாடுகளும் இணைந்து அணை கட்டுகின்றன. ஏற்கெனவே இரண்டு அணைகள் கட்டப்பட்டுள்ள நிலையில் மூன்றாவதாக கட்டப்பட்ட கிஸ் கலாசி மற்றும் கோடாஃபரின் அணைகளைத் திறக்கும் நிகழ்ச்சியில் இரான் அதிபர் இப்ராஹிம் ரைசி - அஜர்பைஜான் ஜனாதிபதி இல்ஹாம் அலியேவ் இருவரும் திறக்க முடிவாகியிருந்தது. இதற்காக மே 19 ஆம் தேதி அஜர்பைஜானுக்கு ஈரான் அதிபர், ஈரான் வெளியுறவுத்துறை அமைச்சர் ஹொசைன் அமிரப்துல்லா ஆகியோர் சென்றிருந்தனர்.

அணை திறப்புவிழா நிகழ்ச்சி முடிந்தபின் ஈரான் அதிபரின் விமானத்தில் அதிபர், ஈரான் வெளியுறவுத்துறை அமைச்சர் மற்றும் உயர் அதிகாரிகள் இரானின் வடகிழக்கு நகரான தப்ரிஸுக்குச் விமானத்தில் சென்றுக்கொண்டிருந்தனர். அந்த நகரை அடைய 50 கி.மீ இருந்தநிலையில் வர்செகான் நகருக்கு அருகே விமானத்தின் சிக்னல் கட்டாகியுள்ளது. இந்த இடம் ஈரானிய தலைநகர் தெஹ்ரானில் இருந்து வடமேற்கே சுமார் 600 கிலோமீட்டர் தொலைவில் அஜர்பைஜான் தேசத்தின் எல்லையில் உள்ளது. அதன் பிறகு ஹெலிகாப்டர் திடீரென மாயமானது.

இதனையடுத்து, ஹெலிகாப்டர் விபத்தில் சிக்கியிருக்கலாம் இருநாட்டு ராணுவ விமானங்களும் அதிபரின் விமானத்தை தேடத்துவங்கின. அது மலை மற்றும் மரங்கள் நிறைந்த அந்தப் பகுதி என்பதோடு 5 மீட்டர் தொலைவு வரை மட்டுமே வெறும் கண்களால் பார்க்க முடியும் நிலையில் பனி அதிகளவில் பெய்ததால் மீட்பு பணியில் சிக்கல் ஏற்பட்டது. விபத்துக்குள்ளான விமானத்தை தேடும் பணியில் ஈடுபட்டிருந்த மீட்புப் பணியாளர்கள் 3 பேர் காணாமல் போய்விட்டதாக கூறப்படுகிறது, அவர்களையும் சேர்த்து தேடிவருவதாக கூறப்படுகிறது. 15 மணி நேரத்திற்கும் மேலாக தேடுதல் பணி தீவிரமாக நடைபெற்ற நிலையில் ஈரானின் கிழக்கு அசர்பைஜான் மாகாணம் தப்ரிஸ் நகர் டவில் கிராமம் அருகே உள்ள மலைப்பகுதியில் ரைசி பயணித்த ஹெலிகாப்டர் விபத்துக்குள்ளானது கண்டுப்பிடிக்கப்பட்டது. மேலும் யாரும் உயிர் பிழைப்பதற்கு வாய்பே இல்லை என்பதால் ஹெலிகாப்டர் விபத்தில் ஈரான் அதிபர் இப்ராகிம் ரைசி  உயிரிழந்ததாக ஈரான் அரசு ஊடகம் தெரிவித்துள்ளது.

iran President Ebrahim Raisi was passed away

63 வயதான இப்ராஹிம் ரைசி, முன்னாள் உச்சநீதிமன்ற நீதிபதியாக இருந்தவர். இவர் பணியில் இருந்தபோது ஈரான் – ஈராக் இடையிலான போரின் போது ஈரானால் கைது செய்யப்பட்ட அரசியல் கைதிகள் ஆயிரக்கணக்கானவர்களை தூக்கிலிட உத்தரவிட்டு நிறைவேற்றியதன் மூலம் உலகம் முழுவதும் அறியப்பட்டவர். 2017 தேர்தலில் தோல்வியுற்றவர், 2021ஆம் ஆண்டு நடைபெற்ற ஜனாதிபதி தேர்தலில் வெற்றி பெற்றார்.

கடந்த ஏப்ரல் மாதம் 15ஆம் தேதி இஸ்ரேல் மீது ஈரான் ஏவுகணை மற்றும் ட்ரோன்கள் வழியாக தாக்குதல் நடத்தின. இந்த நேரடி மோதலால் முதலில் நிலைக்குலைந்த இஸ்ரேல் அதன்பின் நடத்திய பதில் தாக்குதலில் 300க்கும் மேற்பட்ட ஈரானிய ட்ரோன்கள் மற்றும் ஏவுகணைகளைத் தாக்கி அழித்துள்ளது. இஸ்ரேலுக்கு ஆதரவாக அமெரிக்கா இயங்கிவருகிறது. அமெரிக்காவின் ஆதரவு நாடுகளான ஜோர்டன், சௌதி அரேபியா போன்றவையும் ஈரானுக்கு எதிராக உள்ளன. இஸ்ரேல் இராணுவம், ஈரானின் அணுமின் நிலையங்களை குறிவைத்து ஏவுகணை தாக்குதல் நடத்தியது. இதற்கு பதிலடி தருவதற்கு ஈரான் தயாராகியிருந்த நிலையில் இந்த விபத்து நடந்துள்ளது.

இது விபத்தா? திட்டமிட்ட செயலா என்பதுக்குறித்து விசாரணை நடத்த துவங்கியுள்ளது ஈரான்.

சார்ந்த செய்திகள்

 

Next Story

ஈரான் அதிபர் மறைவு; இந்தியாவில் துக்கம் அனுசரிப்பு!

Published on 21/05/2024 | Edited on 21/05/2024
Iranian President Ebrahim Raisi incident Mourning in India

ஈரான் - அஜர்பைஜான் எல்லையில் நடைபெற்ற அணை திறப்பு விழா ஒன்றில் பங்கேற்றுவிட்டு ஈரான் அதிபர் இப்ராஹிம் ரைசி நேற்று (20.05.2024) ஹெலிகாப்டரில் திரும்பி உள்ளார். இந்த ஹெலிகாப்டர் ஜோல்ஃபா பகுதியில் உள்ள அடர்ந்த வனம் மற்றும் மலைப் பகுதியில் சென்று கொண்டிருந்தபோது விபத்தில் சிக்கியதாக கூறப்பட்டது. அதே சமயம் ஹெலிகாப்டர் விபத்தில் சிக்கியவர்கள் உயிர் பிழைத்திருக்க வாய்ப்பில்லை என ஈரான் ஊடகங்கள் தெரிவித்திருந்தன. இந்த விபத்து நடந்து சுமார் 17 மணி நேரத்திற்குப் பிறகு ஹெலிகாப்டரின் உடைந்த பாகங்கள் கண்டறியப்பட்டன.

இதனையடுத்து ஈரான் அதிபர் இப்ராஹிம் ரைசி ஹெலிகாப்டர் விபத்தில் உயிரிழந்ததாக அதிகாரப்பூர்வமாக அறிவிப்பு வெளியானது. இந்த விபத்தில் சிக்கிய ஹெலிகாப்டரில் ஈரான் அதிபர் இப்ராஹிம் ரைசி உடன் அந்நாட்டு வெளியுறவுத்துறை அமைச்சர் ஹொசைன், கிழக்கு அஜர்பைஜான் மாகாண ஆளுநர் மாலேக் ரஹ்மதி மற்றும் பல்வேறு உயர் அதிகாரிகளும் உயிரிழந்தனர் எனத் தெரிவிக்கப்பட்டது. இந்த விபத்தில் உயிரிழந்த ஈரான் அதிபர் இப்ராஹிம் ரைசி, வெளியுறவுத்துறை அமைச்சர் ஓமர் ஹொசைன் ஆகியோரின் உடல்கள் மீட்புப்படையினரால் கண்டெடுக்கப்பட்டன. அப்போது கருகிய நிலையில் கண்டெடுக்கப்பட்ட உடல்களை அடையாளம் காண்பதில் சிக்கல் ஏற்பட்டதாகத் தகவல் வெளியாகி இருந்தது. 

Iranian President Ebrahim Raisi incident Mourning in India

அதன் பின்னர் ஹெலிகாப்டரில் பயணம் செய்த அனைவரின் உடல்களும் கண்டெடுக்கப்பட்டதாக ஈரான் அறிவித்தது. அதனைத் தொடர்ந்து ஈரானில் உள்ள புனிதத் தலமான இமாம் ரேஸாவில் வைத்து அந்நாட்டு மக்களுக்கு அதிபர் இப்ராஹிம் ரைசி உயிரிழந்ததாக அதிகாரப்பூர்வமாக அறிவிக்கப்பட்டது. வனப்பகுதியில் நிலவிவந்த மூடுபனி காரணமாக ஹெலிகாப்டர் விபத்து ஏற்பட்டிருக்கலாம் எனக் கூறப்படுகிறது. இச்சம்பவம் உலக அளவில் அதிர்வலையை ஏற்படுத்தியுள்ளது. அதே சமயம் ஈரான் அதிபர் இப்ராஹிம் ரைசி மறைவுக்கு பிரதமர் மோடி உள்ளிட்ட பலரும் இரங்கலைத் தெரிவித்துள்ளனர்.

மறைந்த ஈரான் அதிபர் இப்ராஹிம் ரைசியின் உடலுக்கு இன்று இறுதிச் சடங்கு நடைபெற உள்ளது. ஈரானின் தற்காலிக அதிபராக 68 வயதாகும் துணை அதிபர் முகமது மொக்பெர் நியகிக்கப்பட்டுள்ளார். இந்நிலையில் ஈரான் அதிபர் இப்ராஹிம்  ரைசி மறைவையொட்டி இந்தியாவில் இன்று (21.05.2024) ஒருநாள் துக்கம் அனுசரிக்கப்படும் என மத்திய அரசு அறிவித்திருந்தது. அதன்படி ஈரான் அதிபரின் மறைவையொட்டி டெல்லியில் உள்ள குடியரசுத் தலைவர் மாளிகையில் தேசியக்கொடி அரைக் கம்பத்தில் இன்று பறக்கவிடப்பட்டுள்ளது. 

Next Story

ஈரான் அதிபர் மறைவு; பிரதமர் மோடி இரங்கல்!

Published on 20/05/2024 | Edited on 20/05/2024
Condolences to Prime Minister Modi on Iran President

ஈரான் - அஜர்பைஜான் எல்லையில் நடைபெற்ற அணை திறப்பு விழா ஒன்றில் பங்கேற்றுவிட்டு ஈரான் அதிபர் இப்ராஹிம் ரைசி ஹெலிகாப்டரில் திரும்பி உள்ளார். அப்போது இந்த ஹெலிகாப்டர் ஜோல்ஃபா பகுதியில் உள்ள அடர்ந்த வனம் மற்றும் மலைப் பகுதியில் சென்று கொண்டிருந்தபோது விபத்தில் சிக்கியதாக கூறப்பட்டது. இதனையடுத்து மீட்புப் பணிகள் நடைபெற்றன. அதே சமயம் ஹெலிகாப்டர் விபத்தில் சிக்கியவர்கள் உயிர் பிழைத்திருக்க வாய்ப்பில்லை என ஈரான் ஊடகங்கள் தெரிவித்திருந்தன.

இந்நிலையில் ஈரான் அதிபர் இப்ராஹிம் ரைசி ஹெலிகாப்டர் விபத்தில் உயிரிழந்ததாக அதிகாரப்பூர்வமாக அறிவிப்பு வெளியாகியுள்ளது. ஈரானில் உள்ள புனித தலமான இமாம் ரேஸாவில் வைத்து அந்நாட்டு மக்களுக்கு அதிபர் இப்ராஹிம் ரைசியின் உயிரிழப்பு அதிகாரப்பூர்வமாக அறிவிக்கப்பட்டது. இந்த விபத்து நடந்து சுமார் 17 மணி நேரத்திற்கு பிறகு ஹெலிகாப்டரின் உடைந்த பாகங்கள் கண்டறியப்பட்டன. வனப்பகுதியில் நிலவிவந்த மூடுபனி காரணமாக ஹெலிகாப்டர் விபத்து ஏற்பட்டிருக்கலாம் எனக் கூறப்படுகிறது.

மேலும் இந்த விபத்தில் சிக்கிய ஹெலிகாப்டரில் ஈரான் அதிபர் இப்ராஹிம் ரைசி உடன் அந்நாட்டு வெளியுறவுத்துறை அமைச்சர் ஹொசைன், கிழக்கு அஜர்பைஜான் மாகாண ஆளுநர் மாலேக் ரஹ்மதி மற்றும் பல்வேறு உயர் அதிகாரிகள் இருந்தனர். இவர்களும் உயிரிழந்திருக்கலாம் என அஞ்சப்படுகிறது. இச்சம்பவம் உலக அளவில் அதிர்வலையை எற்படுத்தியுள்ளது. இந்நிலையில் ஈரான் அதிபர் இப்ராஹிம் ரைசி மறைவுக்கு பலரும் இரங்கலை தேரிவித்து வருகின்றனர். 

Condolences to Prime Minister Modi on Iran President

அந்த வகையில் பிரதமர் மோடி வெளியிட்டுள்ள இரங்கல் செய்தியில், “ஈரான் இஸ்லாமியக் குடியரசின் தலைவர் டாக்டர் செயத் இப்ராஹிம் ரைசியின் மறைவால் ஆழ்ந்த வருத்தமும் அதிர்ச்சியும் அடைந்தேன். இந்தியா - ஈரான் இருதரப்பு உறவை வலுப்படுத்த மேற்கொண்ட அவரது பங்களிப்பு எப்போதும் நினைவுகூறப்படும். அவரது குடும்பத்தினருக்கும் ஈரான் மக்களுக்கும் எனது ஆழ்ந்த இரங்கலை தெரிவித்துக் கொள்கிறேன். இந்தத் துயரமான நேரத்தில் இந்தியா ஈரானுடன் துணை நிற்கிறது” எனக் குறிப்பிட்டுள்ளார்.

மேலும் ஈரான் நாட்டின் புதிய அதிபராகத் துணை அதிபர் பொறுப்பேற்க உள்ளார் என்ற தகவலும் வெளியாகியுள்ளது. ஈரானின் அரசியலமைப்பு சட்டப்படி, அந்நாட்டின் அதி உயர் தலைவர் ஆயத்துல்லா அலி காமனெயி இது தொடர்பாக உரிய அனுமதி அளித்தால், துணை அதிபர் முகமது மொக்பர் அதிபர் பொறுப்பை ஏற்பார் எனத் தகவல் வெளியாகியுள்ளது.