Skip to main content

மாநில திட்ட கமிஷனை கலைத்து விடுங்கள்! எடப்பாடி பழனிசாமிக்கு எதிராக பொருளாதார வல்லுநர்கள்! 

Published on 13/05/2020 | Edited on 13/05/2020

 

edappadi palanisamy




தேசிய ஊரடங்குக்கு பிறகு தமிழகத்தின் பொருளாதார சிக்கல்களை தீர்ப்பதற்கான வழிமுறைகளை வகுத்து தருவதற்காக, இந்திய ரிசர்வ் வங்கியின் முன்னாள் கவர்னர் ரங்கராஜன் தலைமையில், தொழிலதிபர்கள் பலரும் அடங்கிய  24 பேர் கொண்ட ஒரு குழுவை சமீபத்தில் அமைத்தார் முதல்வர் எடப்பாடி பழனிசாமி. 


ஊரடங்கினால் தமிழகத்தின் உள் கட்டமைப்பு வளர்ச்சி, வர்த்தகம், விவசாயம், ரியல் எஸ்டேட் வணிகம், சுற்றுலா உள்ளிட்ட அதி முக்கிய துறைகள் பெரிதும் பாதிக்கப்பட்டுள்ள நிலையில் அதன் குறித்த விஷயங்களை முதலில் எடுத்துக்கொண்டு அதற்கான சிக்கல்களை தீர்க்கும் ஆய்வுகளை மேற்கொண்டு வருகிறது ரங்கராஜன் தலைமையிலான குழு.

அதேசமயம், அந்த குழு அமைக்கப்பட்டபோதே, ரங்கராஜன் மீது பல்வேறு எதிர்மறை விமர்சனங்கள் இருக்கும் நிலையில், அவர் தலைமையில் ஒரு குழுவா? என்கிற அதிருப்திகளும் சர்ச்சைகளும் தமிழக பொருளாதார ஆய்வாளர்கள் மத்தியில் கிளம்பியது. அந்த அதிருப்திகள், எடப்பாடிக்கு பழனிசாமிக்கு எட்டிய நிலையிலும் அது குறித்து மாநில அரசு அலட்டிக்கொள்ளவில்லை.

 

 


இந்த நிலையில், தமிழக அரசின் மாநில திட்ட கமிஷன் குறித்த பல கேள்விகள் பொருளாதார வல்லுநர்களிடம் பரவி வருகின்றன. இது குறித்து நாம் விசாரித்தபோது, தமிழக அரசின் பொருளாதார சூழல்களை விவரிக்கவும், பொருளாதார ஆலோசனைகளை வழங்கவும் மாநில திட்டக் கமிஷன் இருக்கிறது. இதன் தலைவராக இருப்பவர் எடப்பாடிதான். அந்த திட்ட குழுவின் துணைத்தலைவராக முன்னாள் அமைச்சர் பொன்னையனை  கடந்த வருடம் நியமித்தார் எடப்பாடி பழனிசாமி.

ஒவ்வொரு ஆண்டும் தமிழக அரசின் நிதி நிலைமைகளை ஆய்வுசெய்து அதற்கேற்ப திட்டங்களை வகுத்து தருவது திட்ட கமிஷன்தான். அதன் ரிப்போர்ட்டுகளை வைத்துக்கொண்டுதான் பெரும்பாலும் பட்ஜெட் உரையே தயாரிக்கப்படும். அந்த வகையில், திட்ட கமிஷனின் ஆலோசனைகள் தமிழக அரசுக்கு மிக முக்கியமானவை. 

 


அப்படியிருக்கும் சூழலில், மாநில அரசின் திட்ட கமிஷனை பயன்படுத்திக் கொள்ளாமல், திட்டக் குழுவின் கூட்டத்தை கூட்டி விவாதிக்காமல்,  புதிதாக ரங்கராஜன் தலைமையில் பொருளாதார குழுவை எதற்கு அமைக்க வேண்டும்? அரசுக்கு ஆலோசனை வழங்க புதிதாக ஒரு குழு தேவை எனில், மாநில திட்ட கமிசன் என்கிற அமைப்பு எதற்கு? அதனை கலைத்துவிடலாமே? அதற்கு செலவிடப்படும் நிதி அரசுக்கு மிச்சமாகுமே?  என விமர்சிக்கிறார்கள் தமிழக பொருளாதார ஆய்வாளர்கள். 
                            
இதற்கிடையே, பிரதமர் மோடிக்கும் ரங்கராஜனுக்கும் எப்போதும் ஏழாம் பொருத்தம்தான். அப்படியிருக்கையில், மோடிக்கு ஆகாதவரும் முன்னாள் பிரதமர் மன்மோகன்சிங்கின் நண்பருமான ரங்கராஜன் தலைமையில், பொருளாதார குழுவை அமைக்க எடப்பாடி பழனிசாமிக்கு எப்படி துணிச்சல் வந்தது என்கிற ஆச்சரியமும் தமிழக பொருளாதார அறிஞர்களிடம் இருக்கிறது.  

 

 

 

Next Story

'அடுத்த தலைமுறையைப் பற்றி யோசிக்கும் முயற்சியே திமுகவிற்கு கிடையாது' - பிரேமலதா விஜயகாந்த் பேச்சு

Published on 27/06/2024 | Edited on 27/06/2024
'DMK has no attempt to think about the next generation' - Premalatha Vijayakanth's speech

கள்ளக்குறிச்சி மாவட்டம் கருணாபுரத்தில் கள்ளச்சாராயம் குடித்து 6 பெண்கள் உட்பட 60க்கும் மேற்பட்டோர் உயிரிழந்த சம்பவம் நாட்டையே உலுக்கிக் கொண்டிருக்கிறது. சிகிச்சையில் இருப்பவர்களில் பலர் சிகிச்சை பலனின்றி உயிரிழந்து வருகின்றனர். இதனால் இறப்புகளின் எண்ணிக்கையும் தொடர்ந்து அதிகரித்து வருகிறது. அதே சமயம் கள்ளச்சாராயம் குடித்துப் பாதிக்கப்பட்டவர்களுக்கு கள்ளக்குறிச்சி, சேலம் மற்றும் விழுப்புரம் அரசு மருத்துவமனை, புதுச்சேரி ஜிப்மர் மருத்துவமனையில் தொடர்ந்து தீவிர சிகிச்சை அளிக்கப்பட்டு வருகிறது.

இதற்கிடையே தமிழக சட்டப்பேரவையின் நேற்றைய கூட்டத்தொடரின் போது கேள்வி நேரத்தை ஒத்திவைத்து விட்டு கள்ளக்குறிச்சி விவகாரம் தொடர்பாக விவாதம் நடத்தக் கோரி அதிமுக உறுப்பினர்கள் நான்காவது நாளாக நேற்றும் (26.06.2024) அமளியில் ஈடுபட்டனர். அப்போது கேள்வி நேரத்திற்குப் பின்பு பேச அனுமதி தருகிறேன் எனச் சபாநாயகர் அப்பாவு சட்டப்பேரவை விதிகளைச் சுட்டிக்காட்டிப் பேசினார். அதன் பின்பும் தொடர்ந்து அதிமுகவினர் இருக்கையில் அமராமல் தொடர்ந்து அமளியில் ஈடுபட்டதால் அதிமுக உறுப்பினர்களை வெளியேற்ற அவை காவலர்களுக்குச் சபாநாயகர் உத்தரவிட்டார். மேலும் அதிமுக உறுப்பினர்கள் நடப்பு கூட்டத்தொடர் முழுவதும் சஸ்பெண்ட் செய்யப்படுவதாகச் சபாநாயகர் அப்பாவு உத்தரவிட்டிருந்தார்.

இந்நிலையில் சென்னை எழும்பூர் ராஜரத்தினம் மைதானம் அருகே அதிமுக எம்எல்ஏக்கள் இன்று (27.06.2024) காலை முதல் உண்ணாவிரதம் இருந்து வருகினறனர். சட்டமன்றக் கூட்டத்தொடரில் இருந்து அதிமுக எம்எல்ஏக்கள் சஸ்பெண்ட் செய்யப்பட்டதைக் கண்டித்தும், கள்ளக்குறிச்சி கள்ளச்சாராய விவகாரத்தில் சிபிஐ விசாரணை கேட்டும் உண்ணாவிரதப் போராட்டத்தில் ஈடுபட்டுள்ளனர்.

இந்தக் கூட்டத்தில் அதிமுக கூட்டணியில் உள்ள கட்சித் தலைவர்களும் கலந்து கொண்டு தங்களது பங்களிப்பை தெரிவித்து வருகின்றனர். அந்த வகையில் தேசிய முற்போக்கு திராவிட கழக பொதுச்செயலாளர் பிரேமலதா விஜயகாந்த் கலந்து கொண்டார். அப்போது அவர் செய்தியாளர்களிடம் பேசுகையில், ''காலையில் எழுந்தவுடன் குடிப்பவர்களைக் குடிகாரன் என்று சொல்லக்கூடாது என ஒரு புதிய விளக்கத்தை அமைச்சர் ஒருவர் சொல்கிறார். காலையில் எழுந்தவுடன் குடிப்பவர்களைக் குடிகாரன் என்று சொல்லாமல் என்னவென்று சொல்வார்கள். அமைச்சர் முத்துசாமி அவர்களே உங்களுக்கு உண்மையிலேயே மனசாட்சி இருந்தால், தன்மானம் இருந்தால் இந்த 63 பேர் மரணத்திற்கும் நீங்கள் முழுமையாக பொறுப்பேற்று உங்களுடைய மந்திரி பதிவையே ராஜினாமா செய்ய வேண்டும். அதுதான் மக்களுக்கு செய்யும் நியாயமான செயலாக இருக்கும். இதை சிபிஐ வழக்காக மாற்ற வேண்டும். 40க்கு 40 நாங்கள் ஜெயித்து விட்டோம் அதனால் தான் பொறாமையில் செய்கிறார்கள் என்று ஸ்டாலின் சொல்கிறார். 40க்கு 40 ஜெயிச்சு என்ன செய்யப் போறீங்க கேண்டினுக்குத்தான் போகப் போறீங்க. கேண்டினில் இருந்து தமிழ்நாட்டுக்கு வரபோறீங்க. இதுதான் நடந்து கொண்டிருக்கிறது. அடுத்து 200க்கு 200, விக்கிரவாண்டி தேர்தலில் எதிர்த்துப் போட்டியிட்ட எல்லோரையும் டெபாசிட் இழக்க வைப்பது. இதுதான் இவர்கள் யோசனை. திமுகவிற்கு அடுத்த தலைமுறைகளைப் பற்றி யோசிக்கும் முயற்சியே கிடையாது. அடுத்த தேர்தலை நோக்கித்தான் இவர்கள் ஆட்சி செய்கிறார்களே ஒழிய, இவர்கள் அடுத்த தலைமுறைக்கு எதையும் விட்டுவிட்டு போவதாக இல்லை'' என்றார்.

படம்:எஸ்.பி.சுந்தர் 

Next Story

'அப்போதே சீப் ஏஜென்ட் ஓபிஎஸ்தான்' - எடப்பாடி பகிர்ந்த சுவாரஸ்ய தகவல்

Published on 19/06/2024 | Edited on 19/06/2024
'That's when the cheap agent became an ops' - Interesting information shared by Edappadi

'ஓபிஎஸ் எந்தக் காலத்திலும் அதிமுகவிற்கு விசுவாசமாக இருந்ததில்லை' என எடப்பாடி பழனிசாமி விமர்சித்துள்ளார்.

அதிமுக பொதுச்செயலாளர் எடப்பாடி பழனிசாமி இன்று தஞ்சையில் செய்தியாளர்களைச் சந்தித்தார். அப்போது அவர் பேசுகையில், ''78.67 கோடி ரூபாய் வழங்கப்படும் என அறிவித்தார்கள். ஆனால் அதில் 24.50 கோடி தொகை மகாத்மா காந்தி தேசிய வேலைவாய்ப்புத் திட்டத்திற்கு ஒதுக்கி இருக்கிறார்கள். இது இரண்டையும் சேர்த்துதான் 78.67 கோடி ரூபாய். அதை வைத்து பார்த்தால் குறுவை தொகுப்புக்கு 54.17 கோடி ரூபாய் விவசாயிகளுக்கு கிடைக்கும். இது போதாது. ஏனென்றால் குறுவை சாகுபடிக்கும் முழுமையாக தண்ணீர் கிடைக்கவில்லை''என்றார்.

அதனைத் தொடர்ந்து 'சசிகலா மீண்டும் அரசியலில் ரீஎன்ட்ரி கொடுத்திருப்பதாகக் கூறியுள்ளார். அதிமுகவை காப்பாற்றப் போகிறேன் என்று சொல்கிறாரே' என்ற செய்தியாளர்கள் கேள்விக்கு, ''இத்தனை நாள் அதிமுகவை யார் காப்பாற்றிக் கொண்டிருந்தார். இப்பதான் காப்பாற்ற வந்திருக்கிறார்களா? இது என்ன வேலையா ரீஎன்ட்ரி கொடுக்க. ஒரு வேலைக்கு சென்று விட்டு மூன்று வருஷம் நின்று விட்டு மறுபடியும் வேலைக்கு சேர்வதா ரீஎன்ட்ரி. 2021-இல் என்ன சொன்னார்கள் நான் பொதுவாழ்க்கையில் இருந்து விலகி விட்டேன் என்று சொன்னார்கள். இப்பொழுது ரீ என்ட்ரி  என்கிறார்கள். இத்தனை நாட்கள் கட்சியைக் காப்பாற்றியது யாரு? தொண்டன்'' என்றார்.

இறுதியாக செய்தியாளர் சந்திப்பை முடித்துவிட்டு எழ முயன்றபோது எடப்பாடி பழனிசாமியிடம் செய்தியாளர்கள், 'ஓபிஎஸ்-ஐ மீண்டும் கட்சியில் சேர்த்துக் கொள்வீர்களா?' எனக் கேள்வி எழுப்பினர். அதற்குப் பதிலளித்த எடப்பாடி பழனிசாமி, ''அவரை எப்படி அதிமுகவில் சேர்த்துக்கொள்ள முடியும். அவர்தான் அதிமுகவுக்கு எதிராக, இரட்டை இலைக்கு எதிராக போட்டியிட்டுள்ளார். ஒரு தொண்டன் கூட அவரை மதிக்க மாட்டான். ஒவ்வொரு தொண்டனும் ரத்தத்தை வியர்வையாக சிந்தி உழைத்து அதிமுகவை வெற்றி பெற வைக்க வேண்டும் எனச் செயல்பட்டு கொண்டிருக்கும் நேரத்தில் அவர் போய் பலாப்பழத்தை வைத்து பூஜை செய்கிறார். ஏற்கெனவே ஒருமுறை இதே தவறை செய்தார். அதிமுக ஆட்சியில் நான் முதலமைச்சராக இருந்தபோது பெரும்பான்மையை நிரூபிக்க வேண்டும் என்று சட்டப்பேரவைத் தலைவர் அறிவித்து வாக்கெடுப்பு நடந்த பொழுது, எதிர்த்து ஓட்டு போட்டார்.

ஓபிஎஸ் கட்சிக்கு விசுவாசமாக எப்பொழுதுமே இருந்ததில்லை. சுயநலமாகத்தான் செயல்படுவார். 1989 ஆம் ஆண்டு ஜெயலலிதா தன்னந்தனியாக சேவல் சின்னத்தில் போட்டியிட்டபோது நானும் நின்றேன். அப்பொழுது வெண்ணிற ஆடை நிர்மலா, ஜானகி அணி சார்பாக போட்டியிட்டார். அப்பொழுது அவருக்கு சீப் ஏஜென்டாக இருந்தவர் இதே ஓபிஎஸ். அப்பொழுதே ஜெயலலிதாவிற்கு எதிராக இருந்தவர் ஓபிஎஸ். எப்பொழுதும் ஜெயலலிதாவுக்கும், அதிமுகவுக்கும் விசுவாசமாக இருந்ததில்லை. சுயநலம்தான் அவரிடம் உண்டு. இப்பொழுது கூட சுயநலத்தில்தானே அங்கே போய் போட்டியிட்டார். ஜெயிச்சா மத்திய மந்திரி ஆகலாம் என்று, ஆனால் நாட்டு மக்கள் சரியான தண்டனையைக் கொடுத்துள்ளார்கள். பலாப்பழத்தை வைத்து பூஜை போடுபவரை எப்படி தொண்டன் ஏற்றுக் கொள்வான். இந்தக் கட்சிக்கு எவர் ஒருவர் துரோகம் செய்தாலும் ஓபிஎஸ் நிலைதான் வரும்'' என்றார்.