Skip to main content

மத்திய , மாநில அரசுகளுக்கு பொதுமக்கள் இணையதளம் மூலம் கடிதம் அனுப்பலாம்!

Published on 05/03/2019 | Edited on 05/03/2019

மத்திய அரசின் "டிஜிட்டல் இந்தியா" (Digital India) திட்டத்தின் கீழ் பல்வேறு மத்திய அரசு துறைகள் மற்றும் மாநில அரசு துறைகள் மிண்ணணுக்கு மாறியுள்ளனர் என்பது அனைவரும் அறிந்தது. இந்த டிஜிட்டல் இந்தியா திட்டத்தில் முக்கிய பங்கு வகிப்பது "National Informatics Centre" நிறுவனம் ஆகும். இந்நிறுவனம் மத்திய தகவல் தொடர்பு மற்றும் தொழில்நுட்ப துறை அமைச்சகத்தின் கீழ் இயங்கி வருகிறது.மத்திய பணியாளர் , பொதுமக்கள் குறைபாடுகள் மற்றும் ஓய்வூதியங்கள் அமைச்சகத்தின் கீழ்  ( Ministry of Personnel ,Public Grievances & Pensions ) இயங்கும்  "மையப்படுத்தப்பட்ட பொதுமக்களிடம் குறைதீர் மற்றும் கண்காணிப்பு அமைப்பு" (Centralized Public Grievance Redress And Monitoring System )"CPGRAMS" பொதுமக்களுக்கு மத்திய மற்றும் மாநில அரசு திட்டங்கள் சேரவில்லை  மற்றும் தங்கள் பகுதியில் தேவையான அடிப்படை வசதிகள் கிடைக்கவில்லை உட்பட அனைத்தும் இணையதளத்தில் எளிமையாக மனு அளிக்கும் வகையில் இணையதளத்தை உருவாக்கி உள்ளது.இந்த இணைய தளத்தின் முகவரி : https://pgportal.gov.in/ ஆகும். இந்த இணைய தளம் பல்வேறு வசதிகளை உள்ளடக்கியது. இதில் மத்திய மற்றும் மாநில அரசுகளுக்கு தனித்தனியே மனு அளிக்கும் வசதி இந்த இணைய தளத்தில் உள்ளது. 

online letter sent


மனுதாரர் முதலில் இந்த இணைய  https://pgportal.gov.in/ பக்கத்திற்கு செல்ல வேண்டும். அதன் பின் தனக்கென்று நிரந்தர கணக்கை இந்த இணையளத்தில் தொடங்க வேண்டும். இதில் மனுதாரர் பெயர், தந்தை பெயர் , முகவரி , ஈ-மெயில் முகவரி, தொலைப்பேசி எண் , ரகசிய குறியீடு  உள்ளிட்டவை கட்டாயம் உள்ளீட்டால் மட்டுமே நிரந்தர கணக்கு எண் செயல்பட தொடங்கும். பின் மனுதாரரின் மனு மாநில அரசை சார்ந்ததாக இருப்பின் " மாநில அரசுகள் " (STATE GOVERNMENTs) என்பதை தேர்வு செய்து "OK" செய்ய வேண்டும். மேலும் மாநில அரசு சார்ந்ததாக மனு இல்லையெனில் "மத்திய அரசு" என்பதை தேர்வு செய்து எந்த துறைக்கு மனு சார்ந்தது என்பதை ஆராய்ந்து அந்த துறையை தேர்வு செய்ய வேண்டும். பின்பு செவ்வக வடிவில் கடிதம் எழுதுவதற்கென்று கட்டம் இருக்கும். அதில் மனுதாரர் ஆங்கிலம் ( அல்லது) ஹிந்தியில் டைப் செய்து " SUBMIT" என கிளிக் செய்ய வேண்டும். பின்பு பதிவு செய்யப்பட்ட தொலைபேசி எண் மற்றும் ஈ-மெயில் முகவரிக்கு கடிதம் அனுப்பியதற்கான "Acknowledgement No" எண் வரும். இந்த எண்ணை தங்கள் பதிவிறக்கம் செய்து கொள்ளலாம். 

online letter

பின் எவ்வாறு மனுவின் நிலையை அறிவது ? மனுதாரர் ஏற்கனவே நிரந்தர கணக்கு எண் இருந்தால் அந்த இணையதள பக்கத்திற்குள் சென்று " USER NAME" மற்றும் ரகசிய குறியீட்டை ( Password) குறிப்பிட்டு "ok" செய்தால் மனுதாரரின் மனுவின் நிலை தற்போது எந்த துறையில் உள்ளது எந்த துறை சார்ந்த அதிகாரி பரிசீலனை செய்து வருகிறார் என்பதையும் , இதுவரை மனுதாரர் எத்தனை மனுக்களை இந்த இணையதளம் வாயிலாக அனுப்பியுள்ளார் என்பதும் , எத்தனை மனுக்களுக்கு தீர்வு காணப்பட்டுள்ளது என்பது தொடர்பான முழு விபரங்கள் மனுதாரர் கணக்கில் இருக்கும். இந்த இணையதளத்தில் யார் யார் மனு அளிக்கலாம் ? பொதுமக்கள் , முன்னால் ராணுவ அதிகாரிகள் , ஓய்வூதியதாரர்கள் , முன்னால் அரசு அதிகாரிகள் உட்பட அனைவரும் இந்த இணைய தளத்தை பயன்படுத்தி புகார் மனுவோ ( அல்லது ) அரசின் திட்டங்கள் குறித்த கடிதத்தையோ மிக எளிமையான முறையில் அனுப்பலாம். தமிழக மக்கள் மட்டுமல்லாமல் இந்தியாவில் உள்ள அனைத்து மாநில மக்களும் மத்திய மற்றும் மாநில அரசுகளுக்கு மிக எளிமையாக  இணைய தளத்தை மையமாக கொண்டு கடிதம் எழுதலாம் என்பதை மகிழ்ச்சியுடன் தெரிவித்துக்கொள்கிறேன். "MyGrievance" என்ற மொபைல் செயலியும் உள்ளது. இந்த செயலியை கூகுல் பிளே ஸ்டோரில் டவுன்லோடு செய்து பின் எப்போது வேண்டும் எளிமையான முறையில் பயன்படுத்தி மனுதாரர் தீர்வு காணலாம்.

 

பி.சந்தோஷ் ,சேலம்  

சார்ந்த செய்திகள்

 

Next Story

“தமிழகத்திற்குத் தண்ணீர் திறந்துவிட முடியாது” - கர்நாடக முதல்வர் திட்டவட்டம்

Published on 12/07/2024 | Edited on 12/07/2024
Karnataka  refusal to open water to Tamil Nadu

தமிழகத்திற்கு நாள் ஒன்றுக்கு 1 டிஎம்சி தண்ணீர் திறக்க வேண்டும் என்று காவிரி ஒழுங்காற்று குழு பரிந்துரை செய்திருந்தது. இந்த நிலையில் கர்நாடக முதல்வர் சித்தராமையா மற்றும் துணை முதல்வர் டி.கே.சிவக்குமார் தலைமையில் தமிழகத்திற்குத் தண்ணீர் திறப்பது குறித்து அதிகாரிகளுடன் ஆலோசனை நடத்தப்பட்டது. இதையடுத்து, தமிழகத்திற்குத் தண்ணீர் தரவே முடியாது என்று கர்நாடக முதல்வர் சித்தராமையா திட்டவட்டமாகத் தெரிவித்துள்ளார்.

இது தொடர்பாகச் செய்தியாளர்களைச் சந்தித்த கர்நாடக முதல்வர் சித்தராமையா, “காவிரி பாசனப் பகுதியில் 28 சதவீதம் தண்ணீர் பற்றாக்குறை உள்ளது. கர்நாடகாவின் வலியுறுத்தலை மீறி தண்ணீர் திறக்க காவிரி ஒழுங்காற்று குழு உத்தரவிட்டுள்ளது. கர்நாடகாவில் பற்றாக்குறை இருப்பதால் தற்போதைக்கு தமிழகத்திற்கு தண்ணீர் திறந்துவிட  முடியாது” என்று தெரிவித்தார். மேலும் இது குறித்து ஆலோசனை நடத்தக் கர்நாடக மாநிலத்தில் உள்ள அனைத்து கட்சியினருக்கும் முதல்வர் சித்தராமையா அழைப்பு விடுத்துள்ளார். 

Next Story

மத்திய அமைச்சருக்குத் தமிழக முதல்வர் மு.க.ஸ்டாலின் கடிதம்!

Published on 11/07/2024 | Edited on 11/07/2024
TN CM MK Stalin letter To the Union Minister

புதுக்கோட்டை மாவட்ட மீன்பிடி துறைமுகத்திலிருந்து மீனவர்கள் மீன் பிடிக்கச் சென்றுள்ளனர். இவர்களில் 13 பேரை எல்லை தாண்டி மீன் பிடித்ததாகக் கூறி நெடுந்தீவு அருகே இலங்கை கடற்படையினர் இன்று (11.07.2024) சிறை பிடித்துச் சென்றனர். இந்த சம்பவம் மீண்டும் பரபரப்பயும் அதிர்ச்சியையும் ஏற்படுத்தி இருக்கிறது. இதனையடுத்து கைது செய்யப்பட்ட 13 மீனவர்களையும் யாழ்ப்பாணம் மீன்வளத்துறை அதிகாரிகள் ஊர்க்காவல்துறை நீதிமன்றத்தில் ஆஜர்ப்படுத்தினர். அப்போது மீனவர்கள் 13 பேருக்கும் ஜூலை 25ஆம் தேதி வரை நீதிமன்றக் காவல் விதித்து உத்தரவிடப்பட்டது.

இந்நிலையில் இலங்கைக் கடற்படையினரால் சிறைபிடிக்கப்பட்டுள்ள மீனவர்களையும், அவர்களது மீன்பிடிப் படகுகளையும் உடனடியாக விடுவித்திட வலியுறுத்தி மத்திய வெளியுறவுத் துறை அமைச்சர் ஜெய்சங்கருக்கு தமிழக முதலமைச்சர் மு.க. ஸ்டாலின் இன்று (11-7-2024) கடிதம் எழுதியுள்ளார். அந்த கடிதத்தில், “தமிழ்நாட்டைச் சேர்ந்த 13 மீனவர்கள், IND-TN-08-MM-364, IND-TN-16-MM-2043 மற்றும் IND-TN-08-MM-1478 ஆகிய பதிவெண்கள் கொண்ட மீன்பிடிப் படகுகளில் மீன்பிடிக்கச் சென்றிருந்தனர். அப்போது இலங்கைக் கடற்படையினரால் இன்று (11-7-2024) கைது செய்யப்பட்டுள்ளனர். மீன்பிடித் தொழிலையே தங்களது வாழ்வாதாரமாகக் கொண்டுள்ள நம் நாட்டு மீனவர்கள். வரலாறு காணாத நெருக்கடியை எதிர்கொள்கின்றனர். தற்போது 173 மீன்பிடிப் படகுகளும், 80 மீனவர்களும் இலங்கை அதிகாரிகளின் கட்டுப்பாட்டில் உள்ளது.

மீனவர்கள் இதுபோன்று சிறை பிடிக்கப்படுவது மீனவர்களின் வாழ்வாதாரத்தைக் கடுமையாக பாதித்துள்ளதோடு, அவர்களது குடும்பத்தினரை பெரும் சோகத்திற்கு உள்ளாக்கியுள்ளது. எனவே, இந்த விவகாரத்தில் மத்திய வெளியுறவுத் துறை வலுவான மற்றும் ஒருங்கிணைந்த முயற்சிகளை உடனடியாக மேற்கொண்டு, இலங்கை வசமுள்ள அனைத்து மீனவர்களையும், மீன்பிடிப் படகுகளையும் உடனடியாக விடுவிப்பதை உறுதி செய்திட வேண்டும். இதுதொடர்பாக உரிய தூதரக நடவடிக்கைகளை முடுக்கி விட வேண்டும்” எனத் தெரிவித்துள்ளார்.