Skip to main content

“கார்ப்பரேட் பிரதமராக மோடி செயல்படுகிறார்” -  வழக்கறிஞர் ஆர்.எஸ். தமிழ்வேந்தன் குற்றச்சாட்டு

Published on 08/09/2023 | Edited on 08/09/2023

 

Advocate RS Tamil Vendhan Interview

 

பல்வேறு அரசியல் நிகழ்வுகள் குறித்து தன்னுடைய கருத்துக்களை வழக்கறிஞர் தமிழ்வேந்தன் பகிர்ந்துகொள்கிறார்

 

உதயநிதியின் தலைக்கு விலை வைத்துள்ளார் ஒரு அயோத்தி சாமியார். ரவுடி பாகவதர் வசனம் தான் நினைவுக்கு வருகிறது. இதுபோன்ற போலி சாமியார்களைத் தான் நாம் எதிர்க்கிறோம். ரத்தம் குடிக்க நினைப்பதுதான் ஆர்எஸ்எஸ் கொள்கை. இதில் ஆச்சரியப்படுவதற்கு ஒன்றுமில்லை. அவர்களுடைய அடிப்படைக் கொள்கையே இதுதான். தன்னுடைய கருத்தில் உதயநிதி உறுதியாக இருக்கிறார். மன்னிப்பு கேட்க மாட்டேன் என்று சொல்லிவிட்டார். சாமியார் தலையைக் கொண்டுவந்தால் 100 கோடி தருகிறேன் என்கிறார் சீமான். அவர் வீட்டில் ஐடி ரெய்டு நடத்த வேண்டும். 

 

சீமான் போன்றவர்களின் கரிசனம் திமுகவுக்கு தேவையில்லை. உளறுவதை சீமான் நிறுத்திக்கொள்ள வேண்டும். அண்ணாமலை கூட சீமானைக் கலாய்க்கிறார். சனாதனத்தை மையப்படுத்தி தேர்தலை சந்தித்தால் பாஜக நோட்டாவுக்கு கீழே சென்றுவிடும். பார்ப்பனியம் எதை வேண்டுமானாலும் செய்யத் துணியும். நாங்கள் பார்ப்பனர்களுக்கு எதிரானவர்கள் அல்ல. சக மனிதர்களை நாங்கள் நேசிக்கிறோம். நாங்கள் பார்ப்பனியத்துக்கு எதிரானவர்கள். 

 

உதயநிதிக்கு பதிலடி கொடுக்க வேண்டும் என்று இந்த நாட்டின் பிரதமர் பேசுகிறார். உதயநிதி மீது இந்தியா முழுவதும் வழக்கு போட வேண்டும் என்கிறார்கள். ஹெச்.ராஜா பேசியதற்கெல்லாம் உலகம் முழுவதும் வழக்கு போட வேண்டும். இந்தியா கூட்டணி பாஜகவுக்கு கலக்கத்தை ஏற்படுத்தியுள்ளது. அதை ஒருங்கிணைத்தது தமிழ்நாடு முதலமைச்சர் தான். இந்தக் கூட்டணி இணைந்தது பாஜகவுக்கு அதிர்ச்சியை ஏற்படுத்தியது. இதை உடைப்பதற்குத் தான் உதயநிதி பேசியதை கையிலெடுத்தார்கள். கலைஞரின் பேரன் அவர். அவரைக் கண்டு இவர்கள் பயந்து தான் ஆக வேண்டும். 

 

பணமதிப்பிழப்பு உள்ளிட்ட பல்வேறு தவறான நடவடிக்கைகளை மேற்கொண்ட அரசு தான் பாஜக அரசு. இப்போது இந்தியாவின் பெயரை மாற்ற வேண்டும் என்கின்றனர். இதைத்தான் இவர்கள் புதிய இந்தியா என்று சொன்னார்கள் போல. இந்தியாவின் பெயரை மாற்றினால் இப்போதிருக்கும் சான்றிதழ்களை என்ன செய்வது? இதில் என்ன விளையாட்டு? மணிப்பூரில் அமைதியை நிலைநாட்ட அவர்கள் எதையும் செய்யவில்லை. முழுக்க முழுக்க ஒரு கார்ப்பரேட் பிரதமராக நரேந்திர மோடி செயல்படுகிறார். மோடி பாய்ச்சிய விஷத்தை அகற்றுவதற்கு இன்னும் பல ஆண்டுகள் ஆகும் என்று நிர்மலா சீதாராமனின் கணவர் கூறுகிறார். அந்த நிலையில் தான் இருக்கிறது இவர்களுடைய ஆட்சி.

 

முழு பேட்டியை வீடியோவாக கீழே உள்ள லிங்கில் காணலாம்...

 

 

 

 

 

Next Story

பிரதமர் மோடியின் கார் மீது செருப்பு வீச்சு; பரபரப்பு சம்பவம்!

Published on 19/06/2024 | Edited on 19/06/2024
Shoes thrown at PM Modi's car in varanasi

கடந்த ஏப்ரல் 19ஆம் தேதி முதல் ஜூன் 1ஆம் தேதி வரை நாடு முழுவதும் மக்களவைத் தேர்தல் நடைபெற்றது. ஏழு கட்டங்களாக நடைபெற்ற இந்தத் தேர்தலில், பா.ஜ.க தலைமையிலான தேசிய ஜனநாயகக் கூட்டணி 291 இடங்களைக் கைப்பற்றியது. பா.ஜ.கவை எதிர்த்து போட்டியிட்ட இந்தியா 234 இடங்களை கைபற்றியது. மத்தியில் ஆட்சி அமைக்க 272 இடங்கள் தேவை என்ற பட்சத்தில் பா.ஜ.கவிற்கு தனிப்பெரும்பான்மை இல்லாததால், கூட்டணி கட்சிகளான ஐக்கிய ஜனதா தளம் மற்றும் தெலுங்கு தேசம் கட்சிகளின் ஆதரவோடு பிரதமர் மோடி மூன்றாவது முறையாக ஆட்சி அமைத்துள்ளார். கடந்த 2019ஆம் ஆண்டு தேர்தலில் எதிர்கட்சி அந்தஸ்து கூட பெறாத காங்கிரஸ், இந்தத் தேர்தலில் தனித்து 99 இடங்களைக் கைபற்றி எதிர்கட்சி அந்தஸ்தை பெற்றுள்ளது. 

பிரதமராக பதவியேற்ற மோடி, முதல் முறையாக தான் போட்டியிட்ட வாரணாசி தொகுதிக்கு நேற்று (18-06-24) சென்றார். அங்கு நடைபெற்ற ‘பிஎம் கிசான் சமேலன்’ என்கின்ற விவசாயிகளுக்கு நேரடியாக வங்கிக் கணக்கில் நிதி உதவி செலுத்தும் திட்டத்தின் 17 வது தவணையாக 20000 கோடி ரூபாயை விடுவித்தார். இதில் உத்தரப்பிரதேச மாநில முதல்வர் யோகி ஆதித்யநாத் உள்ளிட்ட பல நிர்வாகிகள் கலந்து கொண்டனர். 

இவ்வாறு பல்வேறு திட்டங்களைத் தொடங்கி வைக்க வாரணாசிக்கு சென்ற பிரதமர் மோடிக்கு பிரமாண்ட வரவேற்பு அளிக்கப்பட்டது. பிரதமர் மோடி காரில் வருவதைக் கண்ட பொதுமக்களும், பா.ஜ.க தொண்டர்களும் சாலையோரம் நின்று கையசைத்து வரவேற்பு அளித்தனர். இந்த நிலையில், காரில் பயணம் செய்த போது பிரதமர் மோடி சென்ற கார் மீது செருப்பு வீசிய வீடியோ ஒன்று சமூக வலைத்தளங்களில் வெளியாகி வைரலாகி வருகிறது. அந்த வீடியோவில், பிரதமர் மோடி சென்ற கார் மீது செருப்பு ஒன்று விழுகிறது. இதைக் கவனித்த பாதுகாப்பு படையைச் சேர்ந்த ஒருவர், காரில் இருந்த செருப்பை எடுத்து தூக்கி எறிகிறார். தனது சொந்தத் தொகுதியான வாரணாசியில் பிரதமர் மோடி சென்ற கார் மீது செருப்பு வீசிய சம்பவம் பெரும் பரபரப்பை ஏற்படுத்தியுள்ளது.

Next Story

'என்னை கங்கை மாதா தத்தெடுத்துள்ளார்'- மோடி பேச்சு

Published on 18/06/2024 | Edited on 18/06/2024
mn

நடந்து முடிந்த மக்களவைத் தேர்தலில் கிடைத்த வெற்றியைத் தொடர்ந்து மூன்றாவது முறையாக பாஜக ஆட்சி தொடரும் நிலையில் இந்தியாவின் ஜனநாயக மதிப்பு மக்களவைத் தேர்தலும் நிரூபணம் ஆகி விட்டதாக பிரதமர் மோடி பேசி உள்ளார். மேலும் கங்கை மாதா தன்னை தத்தெடுத்து இருப்பதாகவும் தெரிவித்துள்ளார்.

வாரணாசி தொகுதியில் போட்டியிட்டு வெற்றி பெற்ற பின்பு முதன்முறையாக பிரதமர் மோடி வாரணாசிக்கு சென்றுள்ளார். அங்கு நடைபெற்ற 'பிஎம் கிசான் சமேலன்' என்கின்ற விவசாயிகளுக்கு நேரடியாக வங்கிக் கணக்கில் நிதி உதவி செலுத்தும் திட்டத்தின் 17 வது தவணையாக 20000 கோடி ரூபாயை விடுவித்திருக்கிறார். இதில் உத்தரப்பிரதேச மாநில முதல்வர் யோகி ஆதித்யநாத் உள்ளிட்ட பல நிர்வாகிகள் கலந்து கொண்டனர். அப்பொழுது மேடையில் பேசிய பிரதமர் மோடி, ''மூன்றாவது முறையாக ஒரு அரசு அமைவது என்பது அபூர்வமான ஒரு செயல் மூன்றாவது முறையாக தான் பிரதமராக வேண்டும் என நம்பிக்கை வைத்து வாக்களித்த மக்களுக்கு நன்றி. காசி வாழ் மக்கள் நாடாளுமன்ற உறுப்பினரை மட்டுமல்லாமல் நாட்டின் பிரதமரையும் தேர்வு செய்துள்ளனர்.

இது ஒரு வரலாற்றுச் சிறப்புமிக்க நிகழ்வு. மூன்றாவது முறையாக நானே பிரதமராக வரவேண்டும் என்பதற்காக நம்பிக்கை வைத்து வாக்களித்த அத்தனை வாக்காளர்களுக்கும் எனது நன்றி. இந்த தொகுதி வெறும் நாடாளுமன்ற உறுப்பினரை மட்டும் தேர்ந்தெடுக்க வில்லை மாறாக நாட்டின் பிரதமரை தேர்ந்தெடுத்திருக்கிறது. அதற்காக உங்கள் அனைவருக்கும் நான் நன்றி தெரிவித்துக் கொள்கிறேன். வலுவான அரசாக பாஜக அரசு அமைந்திருக்கிறது. அதன் காரணமாக ஏழைகள் மற்றும் விவசாயிகள் சார்ந்த நலத்திட்டங்கள் தொடர்ச்சியாக செயல்படுத்தப்படும். மூன்றாவது முறையாக என்னை கங்கை மாதா தத்தெடுத்துள்ளார்''  என நெகிழ்ச்சியுடன் உரையாற்றினார்.