Skip to main content

'வெற்றி நிச்சயம்' - இது பா.ஜ.க.வின் சத்தியம்!

Published on 03/03/2021 | Edited on 03/03/2021

 

ADMK Will win election BJP assured
                                                    கோப்புப் படம் 

 

‘தேர்தல் பேச்சுவார்த்தையின்போது, பா.ஜ.க.விடம் எடப்பாடி நடந்துகொள்ளும் விதம், ஓ.பி.எஸ்.ஸை ரொம்பவே நோகடித்துவிட்டது’ என்றார், அந்த ஆளும்கட்சி பிரமுகர். மேலும் அவர், ஓ.பி.எஸ்.ஸின் மனவலியை அவருடைய வார்த்தைகளிலேயே கூறினார், ‘என்ன சொன்னாலும் எடப்பாடி கேட்கமாட்டாருய்யா.. அடங்கவும் மாட்டாரு. நான் முதலமைச்சரா இருந்துட்டேன். கட்சியை விட்டுக்கொடுக்க முடியாது. தேர்தல் முடிவு எப்படின்னாலும் வரட்டும். நான் எதிர்க்கட்சித் தலைவரா உட்கார்ந்துட்டுப் போறேன். 


சின்னம்மா சகல அஸ்திரத்தையும் எடுத்துவிடுவார். அட, ரெட்ட இலையை முடக்காமலேயே கூட,  எடப்பாடிய தோற்கடிச்சிட்டா.. இவரு என்ன பண்ணுவாராம்? பா.ஜ.க. மேலிடத் தலைவருங்க கையில கால்ல விழுந்து ரெட்ட இலையைத் தக்க வச்சிட்டாலும், இவரு நினைச்ச மாதிரி முதலமைச்சராக முடியாது. வன்னியருக்குப் பத்தரை சதவீதம் இடஒதுக்கீடு கொடுத்துட்டு, இவரு தொகுதில இவரு மட்டும் ஜெயிக்கிறதுக்கான வேலைய பார்த்துட்டாரு. ஆனா.. ஒட்டுமொத்த  முக்குலத்தோரும் ஒண்ணு சேர்ந்து இவருக்கு எதிரான வேலையப் பார்த்தாங்கன்னா.. எப்படி இவரு சி.எம். ஆவாரு?’ என்று குமுறிவிட்டாரம் ஓ.பி.எஸ்.

 

‘பா.ஜ.க.வை அதிமுக இந்த அளவுக்கு நம்புவது ஏன்?’ என்ற கேள்விக்கு, ‘ஓட்டு மெஷின் பாலிடிக்ஸ்’ குறித்துப் பேசினார் அந்தப் பிரமுகர். ‘கடந்த பாராளுமன்றத் தேர்தலில் திமுகவால் 38 இடங்களில் வெற்றிபெற முடிந்தது. அதிமுக ஒரே ஒரு இடத்தில் மட்டும் வெற்றி பெற்று, அத்தனை தொகுதிகளிலும் தோல்வியைத் தழுவியது. 2019 பாராளுமன்றத் தேர்தல் முடிவுகளை முன்னிறுத்தி, பா.ஜ.க. தரப்பில் தற்போது ‘கண்ணாமூச்சி ஆட்டம்’ நடத்துகின்றனர்.

 

பா.ஜ.க.வின் மிரட்டல் எப்படி இருக்கிறதென்றால், ‘ஜெயலலிதாவிடம் காட்டிய அதே பணிவை எங்களிடமும் (பா.ஜ.க.) காட்டியதாலேயே, ஓ.பி.எஸ். மகனால் எம்.பி. ஆக முடிந்தது. நாங்கள் நினைத்திருந்தால், 39 தொகுதிகளிலும் NDA கூட்டணியை வெற்றிபெற வைத்திருப்போம். ஒருவேளை, எங்களால் 20 தொகுதிகளிலும் அதிமுக வெற்றிபெற்று, பாராளுமன்றத்தில் ஒரு இக்கட்டான நிலை ஏற்பட்டு, அதிமுக தயவை நாடியிருந்தால், ஜெயலலிதா மாதிரி, அதிமுக தரப்பில் 15 மந்திரிகள் கேட்டிருப்பார்கள். அதனால்தான், ஓட்டு மெஷினை மாற்றி தோல்வியுறச் செய்து, அதிமுகவை எங்கள் பிடிக்குள்ளேயே வைத்திருக்கிறோம்’ என்று கதை விடுகின்றனர்.

 

ரெய்டு, கைது போன்ற மிரட்டல்கள் ஒருபுறம் இருந்தாலும், ‘எங்களுடன் கூட்டணி சேர்ந்தால், மெஷினை மாற்றி அதிமுகவை மீண்டும் ஆட்சிக்கு கொண்டு வருவோம்’ என்று பா.ஜ.க. பண்ணிய சத்தியத்தை நம்பியே, எடப்பாடியின் அதிமுக, அக்கட்சியுடன் கூட்டணி சேர்ந்துள்ளது.

 

ஜெயலலிதா சொன்னது என்ன? ‘ஒருமுறை தப்பு நடந்துவிட்டது. இனி ஒருபோதும் பா.ஜ.க.வுடன் கூட்டணி கிடையாது’ என்றல்லவா அடித்துச் சொன்னார். அம்மா வழியில் ஆட்சி என்று சொல்லிக்கொண்டு, ஜெயலலிதா பேச்சை மீறி பா.ஜ.க.வுடன் எடப்பாடி கூட்டணி வைத்திருக்கிறார் என்றால், அது ஓட்டு மெஷினின் தில்லுமுல்லை நம்பித்தான்’ என்று ஆளும்கட்சி வட்டாரத்தில் உலவும் புரளியை விவரித்ததோடு, “இ.வி.எம். பெயரைச் சொல்லிக்கொண்டு, சில ஃப்ராடுகள், ‘மெஷினை மாற்றுகிறோம்.. இத்தனை கோடி கொடுங்க..’ என்று ஒவ்வொரு கட்சித் தலைவராகப் பார்த்துக் கொண்டிருக்கிறார்கள். தலைசுற்றும் அளவுக்கு விளக்கம் அளித்து, அரசியல் தலைவர்களை மூளைச்சலவை செய்து நம்பவைக்கின்றனர்’ என்றார்.

 

‘ஓட்டு மெஷின்களை எப்படி மாற்ற முடியும்? எதிர்க்கட்சியினர் கண்கொத்திப் பாம்பாக இருந்து கவனித்தபடியேதானே இருப்பார்கள்? சத்தியமாவது, மண்ணாங்கட்டியாவது. ஓட்டு மெஷின்களில் ‘எதுவுமே’ பண்ண முடியாதென்பது, அதன் அமைப்பினை அறிந்தவர்களுக்கு நன்றாகவே தெரியும். இதுகூட தெரியாதவராகவா இருக்கிறார், ஒரு மாநிலத்தையே ஆளும் முதலமைச்சர்?’ என்ற கேள்விக்கு, ‘எத்தை தின்றால் பித்தம் தெளியும் என்ற குழப்பத்தில் உள்ள அரசியல் தலைவர்களை ஏமாற்றுவது ஒன்றும் முடியாத காரியமல்ல!’ எனப் பளிச்சென்று பதிலளித்தார் அந்தப் பிரமுகர்.

 

 

 

Next Story

7 மாநில இடைத்தேர்தலிலும் பாஜக கூட்டணிக்கு பின்னடைவு!

Published on 13/07/2024 | Edited on 13/07/2024
7 state by-election setback for the BJP alliance

விக்கிரவாண்டி சட்டமன்றத் தொகுதி திமுக எம்.எல்.ஏ புகழேந்தி உயிரிழந்தை தொடர்ந்து அந்தத் தொகுதிக்குக் கடந்த 10 ஆம் தேதி இடைத்தேர்தல் நடைபெற்றது. இந்த இடைத்தேர்தலில் திமுக சார்பில் அன்னியூர் சிவா, நாம் தமிழர் கட்சி சார்பில் அபிநயா, பாஜக கூட்டணியில் உள்ள பாமக சார்பில் அக்கட்சியின் மாநிலத் துணைத் தலைவர் சி.அன்புமணி ஆகியோர் போட்டியிட்டனர். அதோடு 11 அரசியல் கட்சிகளின் வேட்பாளர்கள், 18 சுயேட்சைகள் என மொத்தம் 29 வேட்பாளர்கள் களத்திலிருந்தனர். அதிமுக, தேமுதிக ஆகிய இருகட்சிகளும் இந்த இடைத்தேர்தலைப் புறக்கணித்திருந்தது.

இந்தத் தேர்தலில் மும்முனை போட்டி நிலவும் சூழலில் ஜூலை 10 ஆம் தேதி பதிவான வாக்குகள் இன்று எண்ணப்பட்டு வருகிறது. சரியாகக் காலை 8 மணிக்கு வாக்கு எண்ணிக்கை தொடங்கிய நிலையில் முதலில் தபால் வாக்குகள் எண்ணப்பட்ட நிலையில் அதனைத் தொடர்ந்து மின்னணு வாக்குப்பதிவு இயந்திரத்தில் பதிவான வாக்குகள் எண்ணப்பட்டு வருகிறது. தற்போதைய நிலவரப்படி திமுக வேட்பாளர் 31,151 வாக்குகள் பெற்று முன்னிலையில் உள்ளார்.  பாமக வேட்பாளர் அன்புமணி 11,483 வாக்குகளும், நாம் தமிழர் வேட்பாளர் அபிநயா 2,275 வாக்குகளும் பெற்றுள்ளனர்.

இதேபோன்று விக்கிரவாண்டி தொகுதியையும் சேர்த்து இந்தியாவில் உள்ள 7 மாநிலங்களில் உள்ள 13 தொகுதிகளுக்கு இடைத்தேர்தல் நடைபெற்ற நிலையில் இன்று வாக்கு எண்ணும் பணிகள் தீவிரமாக நடந்து வருகிறது. 13 தொகுதிகளில் 11 சட்டமன்றத் தொகுதிகளில் இந்தியா கூட்டணி முன்னிலை வகித்து வருகிறது.  மேற்கு வங்கத்தில் நடைபெற்ற இடைத்தேர்தலில் 4 தொகுதிகளிலும் இந்தியா கூட்டணியில் அங்கம் வகிக்கும் திரிணாமுல் காங்கிரஸ் கட்சி முன்னிலையில் உள்ளது. அதேபோன்று இமாசல பிரதேசத்தில் 3 தொகுதிகளிலும், உத்தராகண்டில் 2 தொகுதிகளிலும் காங்கிரஸ் முன்னிலையில் உள்ளது. பஞ்சாப்பில் 1 தொகுதியில் ஆம் ஆத்மி முன்னிலையில் வகிக்கிறது. ஆனால், 7 மாநில இடைத்தேர்தலிலும் பாஜக கூட்டணிக்குப் பின்னடைவு ஏற்பட்டுள்ளது. 

Next Story

பிரதமர் மோடிக்கு ரஷ்யாவின் உயரிய விருது!

Published on 09/07/2024 | Edited on 09/07/2024
Russia's highest award for PM Modi

ரஷ்யா சென்றுள்ள பிரதமர் மோடி மாஸ்கோவில் ரஷ்ய அதிபர் புடினை சந்தித்து பேச்சுவார்த்தை நடத்தினார். அப்போது பிரதமர் மோடி பேசுகையில், “உலகத்தில் எரிபொருள் தேவை பெரும் சவாலாக இருந்தது. இது போன்ற நேரத்தில் உங்கள் ஒத்துழைப்பால் பெட்ரோல் மற்றும் டீசல் தொடர்பான சிரமங்களில் இருந்து பொதுமக்களைக் காப்பாற்ற முடிந்தது. இது மட்டுமின்றி இந்தியாவுக்கும் ரஷ்யாவுக்கும் இடையே ஏற்பட்ட எரிபொருள் தொடர்பான ஒப்பந்தம் ஒரு வகையில் உலக நாடுகளுக்குச் சந்தையில் உறுதித்தன்மையை மறைமுகமாக அளித்ததை உலகமே ஏற்க வேண்டும்.

இது ஒரு சந்திப்பாக இருக்கலாம். மொத்த உலகத்தின் கவனமும் என்னுடைய இந்த பயணத்தின் மீது உள்ளது. இந்த வருகையின் மூலம் உலக நாடுகள் வெவ்வேறு அர்த்தங்களைக் கருதுகின்றனர். நேற்று நீங்கள் என்னை உங்கள் இல்லத்திற்கு அழைத்தீர்கள். ஒரு உண்மையான நண்பரைப் போல நாம் ஒன்றாக 4 - 5 மணி நேரம் செலவிட்டோம். பல தலைப்புகளில் விவாதித்தோம். உக்ரைன் பிரச்சினையை நாங்கள் வெளிப்படையாக விவாதித்ததில் நான் மகிழ்ச்சியடைகிறேன். மேலும் ஒருவருக்கொருவர் கருத்துக்களைக் கேட்டு மரியாதையுடன் புரிந்துகொள்ள முயற்சித்தோம். 

Russia's highest award for PM Modi

எங்கள் எதிர்கால சந்ததியினரின் ஒளிமயமான எதிர்காலத்திற்கு அமைதி மிகவும் அவசியம் என்று ஒரு நண்பராக நான் எப்போதும் கூறி வருகிறேன். ஆனால் வெடிகுண்டுகள், துப்பாக்கிகள் மற்றும் தோட்டாக்களுக்கு மத்தியில் போர்க்களத்தில் தீர்வுகள் சாத்தியமில்லை என்பதையும் நான் அறிவேன். இதனால் தீர்வுகள் மற்றும் சமாதான பேச்சுக்கள் வெற்றியடையாது. பேச்சுவார்த்தை மூலம் மட்டுமே நாம் அமைதிக்கான பாதையைப் பின்பற்ற வேண்டும்” எனத் தெரிவித்திருந்தார்.

இந்நிலையில் பிரதமர் நரேந்திர மோடிக்கு ரஷ்யாவின் உயரிய விருதான ஆர்டர் ஆஃப் செயின்ட் ஆண்ட்ரூ தி அப்போஸ்தலர் (The Order of St. Andrew the Apostle) என்ற விருது வழங்கி கௌரவிக்கப்பட்டுள்ளார். ரஷ்யா - இந்தியா இடையேயான இரு தரப்பு உறவுகளில் பிரதமர் மோடி ஆற்றிய பணிகளுக்காக இந்த விருதை வழங்கினார் ரஷ்ய அதிபர் விளாடிமிர் புதின் வழங்கினார். 

Russia's highest award for PM Modi

இது குறித்து பிரதமர் அலுவலகம் தெரிவிக்கையில், “கிரெம்ளினில் உள்ள செயின்ட் ஆண்ட்ரூ ஹாலில் நடந்த சிறப்பு விழாவில் ரஷ்யக் கூட்டமைப்பின் தலைவரான விளாடிமிர் புடின் இந்தியா - ரஷ்யா இடையேயான உறவை மேம்படுத்துவதில் பங்களித்ததற்காகப் பிரதமர் நரேந்திர மோடிக்கு, ரஷ்யாவின் உயரிய தேசிய விருதை வழங்கினார். இந்த விருது 2019 இல் அறிவிக்கப்பட்டது. பிரதமர் மோடி இந்த விருதை ஏற்கும் போது அதனை இந்திய மக்களுக்கும், இந்தியாவிற்கும் ரஷ்யாவிற்கும் இடையிலான பாரம்பரிய நட்புறவுக்காக அர்ப்பணித்தார். இந்த விருது 300 ஆண்டுகளுக்கு முன்பு நிறுவப்பட்டது. இந்த விருதைப் பெற்ற முதல் இந்தியத் தலைவர் பிரதமர் நரேந்திர மோடி ஆவார்” எனத் தெரிவிக்கப்பட்டுள்ளது. 

The website encountered an unexpected error. Please try again later.