போதையில் விமான கதவைத் திறந்த தேஜஸ்வி -அண்ணாமலை! -நேரடி சாட்சி ஆதாரம்!

அண்ணாமலையும், தேஜஸ்வி சூர்யாவும் விமானத்தின் கதவை திறந்தது ஏன்? ஏன்? ஏன்? என தற்பொழுது தெரிய வந்துள்ளது. அனைத் திற்கும் காரணம் கொடைக்கானல் பகுதியில் விளையும் ஒருவித போதைக்காளான்தான் எனச் சொல்கிறார்கள் பா.ஜ.க.வைச் சேர்ந்தவர்கள்.

பா.ஜ.க.வைச் சேர்ந்தவர் செல்வகுமார். இவரது உறவினர் கரூர் மாவட்டம் இலுப்பூரைச் சேர்ந்த சக்தி. தமிழ்நாடு போலீசார் ஒரு போதை நெட்வொர்க்கை பிடித்தபோது, அவர்களிடமிருந்த செல்போன் எண்ணை வைத்து இவரை கைது செய்கிறார்கள். இலங்கை உட்பட பல நாடுகளுக்கு கொகைன், ஹெராயின் போன்ற போதைப் பொருள்களை சப்ளைசெய்யும் போதைக்கும்பலின் அங்கம்தான் இந்த சக்தி. சக்தியின் உறவினரான செல்வகுமார், சமூக வலைத்தளங்களில் அண்ணாமலையின் புகழைப் பாடுபவர். சக்தி கைது செய்யப் பட்டதும் தன்னை நோக்கி போலீசார் வரு வார்கள் எனத் தெரிந்து கொண்ட செல்வகுமார் அண்ணாமலையிடம் சரணடைகிறார். அந்த செல்வகுமாருக்கு உடனடியாக பா.ஜ.க. நிர்வாகி பதவி கொடுக்கிறார் அண்ணாமலை. அமர் பிரசாத் ரெட்டி, திருச்சி சூர்யா, செல்வகுமார், அலிஷா என உருவாகியுள்ள அண்ணாமலையின் டீமில் முக்கிய மான அங்கமாக செல்வகுமார் மாறுகிறார். இந்த அணி உருவாக்கத்தால் போலீஸ் நடவடிக்கையி லிருந்து செல்வகுமார் காப்பாற்றப்படுகிறார்.

அண்ணாமலை எப்பொழுதும் ஒரு ‘சைக்கோ வைப் போல நடந்துகொள்கிறார். திடீரென நான் சாணக்கியன் எனக் கத்து வார். அடுத்த நிமிடம் மேஜை யில் தலைவைத்துப் படுத்துக் கொள்வார். தினமும் ஏராள மான மாத்திரைகளை சாப் பிடுவார். இவருக்கு ஏதோ ஒரு மனநோய் இருக்கிறது அதற்காக சிகிச்சை எடுத்துக் கொள்கிறார் என பா.ஜ.க.வினர் மத்தியில் செய்தி பரவியது. அவருக்கு மன நோய் இல்லை. யூதர்கள் நாட்டை ஆள வேண்டு மென்றால் ஒரு வெறியுடன் இருக்க வேண்டும் என போதை மருந்துகளை சாப்பிடுவார்கள். அப்படி கொடைக்கானல் பகுதியிலிருந்து இயற்கையில் விளையும் காளான் வகையைச் சார்ந்த போதை மருந்தை அண்ணாமலை உட்கொள்கிறார் என அமர்பிரசாத் ரெட்டி தனக்கு நெருக்கமானவர் களிடம் விளக்கம் அளித்துள்ளார் என்கிறது பா.ஜ.க. வட்டாரங்கள்.

விமானத்தின் எமெர்ஜென்சி கதவைத் திறந்த டிசம்பர் பத்தாம் தேதிக்கு முந்தியநாள் அண்ணா மலையும் பா.ஜ.க.வின் இளைஞர் அணி தேசியச் செயலாளருமான தேஜஸ்வி சூர்யாவும் கிழக்குக் கடற்கரைச் சாலையில் உள்ள ஒரு பிரபலமான சொகுசு ரிசார்ட்டில் தங்கியிருந்தனர். பத்தாம் தேதி திருச்சியில் நடந்த பா.ஜ.க. இளைஞரணி மாநில செயற்குழு கூட்டத்தில் கலந்து கொள்வதற்காக தேஜஸ்வி சூர்யா பெங்களூருலிருந்து வந்தார். அவ ருடன் அண்ணாமலையும் இணைய... ஆட்டம், பாட்டம், போதை என சகல விஷயங்களுடனும் அன்றைய இரவை இருவரும் கொண்டாடினார் கள். தேஜஸ்வி சூர்யா ஒரு பெண்ணுடன் இணைந்து இருப்பதை தனது ஐஞசஊவ பதஞட ஸ்டைலில் வீடியோவாக எடுத்து வைத்துள்ளார் அண்ணாமலை.

அண்ணாமலையும், தேஜஸ்வி சூர்யாவும் கர்நாடக மாநிலத்தில் உள்ள சிருங்கேரி சங்கரமடத் தின் ஆதரவாளர்கள். ஒட்டுமொத்த இந்தியாவை யே சிருங்கேரி மடம் முழு ஆதிக்கம் செலுத்த நினைக்கிறது. அதன் முக்கியப் பிரமுகர் கன்னட பிராமணரான பா.ஜ.க.வின் தேசியச் செயலாளரும், பா.ஜ.க.வைக் கட்டுப்படுத்த ஆர்.எஸ்.எஸ்.ஸால் அனுப்பப்பட்ட நபரான பி.எல்.சந்தோஷ். அந்த பி.எல். சந்தோஷால் எம்.பி. ஆக்கப்பட்டவர்தான் தேஜஸ்வி சூர்யா. இவர் போதையில் பேசுவது பிரபலமான விசயமாக கர்நாடக மீடியாக்களில் அடிக்கடி விவாதிக்கப்படும். பெங்களூர் நகரம் வெள்ளத்தில் சிக்கியபோது, ‘"நான் ஜாலியாக மசால் தோசை சாப்பிடு கிறேன்'’என தேஜஸ்வி சூர்யா பேசினார். இது பெரும் விவா தத்துக்கு உள்ளானது. கோவிட் நேரத்தில் ‘பெங்களூரு மருத்துவமனைக்குள் இஸ்லாமியப் பணி யாளர்கள் இந்து நோயாளிகளைத் தரக்குறைவாக நடத்துகிறார்கள்’ என தேஜஸ்வி சூர்யா போட்ட டிராமாவுக்கு எதிராக ஒட்டுமொத்த கர்நாடகமே கொந்தளித்தது.

இதே தேஜஸ்வி சூர்யா, அரபுப் பெண்களை கொச்சைப் படுத்தி, "95% அரபுப் பெண்கள் கடந்த சில நூற்றாண்டுகளாக ஆர்கசமே அடைந்ததில்லை' என்று எழுதிய ட்வீட் சர்வதேச அளவில் இஸ்லாமிய நாடுகளிடையே இந்தியாவுக்கு தலைகுனிவைத் தந்தது.

சிருங்கேரி மடம், குரு மூர்த்தி தலைமையில் இயங்கும் காஞ்சி சங்கரமடத்தை அழிக்க நினைக்கிறது. அதற்காக தமிழக அரசியலுக்குள் பி.எல். சந்தோஷால் அழைத்து வரப் பட்ட அண்ணாமலைக்கும், தேஜஸ்வி சூர்யாவிட மிருந்து போதைப் பழக்கம் தொற்றிக்கொண்டது. பத்தாம் தேதி தலைக்கேறிய போதையுடன் திருச்சி செல்லும் விமானத்தில் ஏறிய அண்ணாமலை யுடன், தேஜஸ்வி சூர்யா மற்றும் நான்கு பா.ஜ.க.வினர் இருந்தனர். அன்று என்ன நடந்தது என பா.ஜ.க.வில் இருந்து தி.மு.க.வுக்கு வந்த அரசகுமார் நம்மிடம் விவரித்தார்.

""காலை பத்து மணிக்கு திருச்சிக்கு செல்லும் அந்த சிறிய விமானத்தில் மொத்தம் 76 பயணிகள் மட்டுமே அமர முடியும். அந்த விமானத் திற்கு கடைசி நேரத்தில் நான் சென்றேன். விமான சிப்பந்திகள், எமெர்ஜென்சி கதவு அருகே அமர்ந் திருந்த அண்ணாமலையிடமும், தேஜஸ்வி சூர்யா விடமும் மற்றுமுள்ள பயணிகளிடமும், ஏதேனும் விபத்து நேரிட்டால் எமெர்ஜென்சி கதவை எப்படித் திறப்பது என விளக்கினார்கள். “முதலில் ஒரு பாக்ஸ். அதன் பிறகு ஒரு ஹேண்டில். இரண் டையும் திறந்து ஹேண்டிலை இழுத்துவிட்டால் எமெர்ஜென்சி கதவு கையோடு வந்துவிடும். அதன் மூலம் வெளியேறலாம்’என ஏர் ஹோஸ்டஸ் விளக்கி விட்டு பின்பக்கமுள்ள கதவுகளை மூடிவிட்டனர்.

பயணிகள் வருகை முடிந்து விட்டதால் விமானம் நகர்வதற்கு பெரிய ஒலியுடன் கூடிய எஞ்சின் இயக்கப்பட்டது. விமானம் புறப்படும் என நாங்கள் நினைத்துக்கொண்டிருந்த வேளையில், விமானப் பணிப்பெண்கள் பைலட் அறையை நோக்கி ஓடினார்கள். திடீரென விமானத்திற்குள் போலீசார் திபு திபுவென நுழைந்தார்கள்.

“விமானத்தில் பெரிய லீக் இருக்கிறது என பைலட்டின் கம்ப்யூட்டர் தெரிவிக்கிறது. எனவே இந்த விமானத்தை இயக்க முடியாது அந்த லீக்கேஜ் சரி செய்யப்படுமா? அல்லது வேறொரு விமானத் தில் பயணிகள் அமரவைக்கப் படுவார்களா? என் பதை இண்டிகோ விமான நிறுவனம் முடிவுசெய் யும்’’ என விமானப் பணிப்பெண் அறிவித்தார்.

விமானத்திற்குள் வந்த போலீசார் அண்ணா மலையையும், தேஜஸ்வி சூர்யாவையும் அவருடன் இருந்த பா.ஜ.க.வினரையும் தனியாக ஒரு பேருந்தில் விமான நிலையத்திற்குள் அழைத்துச் சென்றார்கள். நான் உட்பட மற்ற பயணிகளை வேறொரு பேருந் தில் அமர வைத்து எங்களுக்கு ஸ்னாக்ஸ் மற்றும் கூல்டிரிங்க்ஸ் கொடுத்தார்கள். அப்பொழுதுதான் அண்ணாமலையும் தேஜஸ்வி சூர்யாவும் சேர்ந்து எமெர்ஜென்சி கதவைத் திறந்து அலேக்காக அந்தக் கதவைப் பெயர்த்தெடுத்ததால், ஏற்பட்ட லீக்கேஜை பைலட் கண்டுபிடித்துவிட்டார். அவர் அதைக் கண்டுபிடித்திருக்காவிட்டால் விமானம் பறந்திருக்கும். நேபாள நாட்டில் விபத்துக்குள்ளான விமானம் போல பயணிகள் 76 பேரும் இறந்திருப்போம். விமானியின் சாமர்த்தியத்தால் அண்ணாமலை அன் கோ செய்த வேலை கண்டுபிடிக்கப்பட்டது. பத்து மணிக்குப் புறப்பட வேண்டிய விமானம் ஒன்றரை மணி நேரம் தாமதமாகி, பதினொன்றரை மணிக்கு புறப்பட்டது.

விமானத்தைச்சுற்றி தீயணைப்பு வண்டிகள் உட்பட அனைத்து அவசரகால வண்டிகளும் நிறுத்தப்பட்டிருந்தன. விமானப் பொறியாளர்கள் அங்குலம் அங்குலமாக விமானத்தை சோதித்தார் கள். தேஜஸ்வி சூர்யாவும், அண்ணாமலையும் எதற்காக விமானத்தின் எமெர்ஜென்சி கதவைத் திறந்தார்கள்? அவர்கள் தீவிரவாதிகளா? என தனியாக விசாரணை செய்தார்கள். அதன் பிறகு அவர்களது இருக்கைகள் மாற்றப்பட்டன. விமானம் புறப்பட்டுச் சென்றது''’’ என்கிறார் அரசகுமார்.

இதுபற்றி இண்டிகோ நிறுவனம் சிவில் விமான போக்குவரத்துத்துறையின் டைரக்டர் ஜெனரலிடம் புகார் அளித்தது. அந்தப் புகாரின் அடிப்படையில் விமான நிலைய அதிகாரிகள் மற்றும் மத்திய உள்துறை அதிகாரிகள் விசாரணை நடத்தி அண்ணாமலை மற்றும் தேஜஸ்வி சூர்யா இருவரிடமும் மன்னிப்புக் கடிதம் எழுதி வாங்கி னார்கள். உள்துறை அமைச்சர் அமித்ஷாவின் தலை யீட்டின் பேரில் இருவரும் விடுவிக்கப்பட்டார்கள்.

தமிழ்நாடு, கர்நாடகா ஆகிய இரு மாநிலங்களின் பா.ஜ.க. தலைவர்கள் போதையில் விமானத்தின் எமெர்ஜென்சி கதவை கழட்டி வைத்ததை மத்திய அரசு மறைத்துவிட்டாலும் விமான நிறுவனம் கொடுத்த புகார் ஒருமாதம் கழித்து விசாரணைக்கு வந்தது. “"இப்படி ஒரு சம்பவம் நடந்தது அதை நாங்கள் விசாரிக்கிறோம்'’ என சிவில் விமானப் போக்குவரத்துத்துறை அறிவிக்க வேண்டிய கட்டாயம் ஏற்பட்டது. மத்திய சிவில் விமானப் போக்குவரத்துத்துறையின் அமைச்சர் ஜோதிர்ஆதித்ய சிந்தியா, விமானத்தின் எமெர்ஜென்சி கதவுகளை அண்ணாமலையும் தேஜஷ்வி சூர்யாவும் கழட்டியதை ஒத்துக் கொண்டார். அவர்கள் மன்னிப்புக் கடிதம் எழுதிக் கொடுத்துவிட்டார்கள் என அவர் பிரச்னைக்கு முற்றுப்புள்ளி வைத்தார்.

_________________

இறுதிச்சுற்று!

வடிவேலு தாயார் மரணம்!

நகைச்சுவை நடிகர் வடிவேலின் தாயார் சரோஜினி, வயது மூப்பு மற்றும் உடல்நல குறைவு காரணமாக மதுரை அப்பல்லோ மருத்துவமனையில் சிகிச்சை பெற்றுவந்தார். இந்நிலையில் திடீரென சரோஜினி ஜனவரி 18-ஆம் தேதி, தனது 87 வயதில் காலமானார். வடிவேலு தாயார் இறப்புக்கு, தமிழக முதல்வர் மு.க.ஸ்டாலின் தன்னுடைய இரங்கலைத் தெரிவித்திருந்தார். திரைப்பிரபலங்கள் பலரும் இரங்கல்களைத் தெரிவித்துவருகின்றனர். இந் நிலையில், தி.மு.க.வின் முன்னாள் மத்திய அமைச்ச ரும் முதல்வரின் சகோதரருமான மு.க.அழகிரி 19-ஆம் தேதி காலை நேரில் வந்து மாலை அணிவித்து அஞ்சலி செலுத்தி, வடிவேலு மற்றும் குடும்பத் தினருக்கு ஆறுதல் தெரிவித்தார்.

-அண்ணல்