Skip to main content

இணையத்தில் வைரலாகும் 'பீஸ்ட்' ஃபேர்வெல் !

Published on 11/12/2021 | Edited on 11/12/2021

 

vijay starring beast movie shooting wrap

 

‘மாஸ்டர்’ படத்தின் வெற்றியைத் தொடர்ந்து நடிகர் விஜய், நெல்சன் திலீப்குமார் இயக்கும் 'பீஸ்ட்' படத்தில் நடித்து வருகிறார். இதில் விஜய்க்கு ஜோடியாக பூஜா ஹெக்டே நடித்து வருகிறார். செல்வராகவன், யோகிபாபு, ரெடின் கிங்ஸ்லி ஆகியோர் படத்தின் முக்கிய கதாபாத்திரங்களில் நடிக்கின்றனர். அனிருத் இசையமைக்கும் இப்படத்தை சன் பிக்சர்ஸ்  நிறுவனம் தயாரிக்கிறது.

 

ad

 

முதற்கட்ட படப்பிடிப்பை சென்னையில் நிறைவு செய்த படக்குழு, இரண்டாம் கட்ட படப்பிடிப்பிற்காக ஜார்ஜியா சென்றது. அங்கு ‘பீஸ்ட்’ படத்தின் முக்கிய காட்சிகள் படமாக்கப்பட்டன. அதன் பிறகு சென்னை, டெல்லி உள்ளிட்ட பகுதிகளில்  படத்தின் படப்பிடிப்பை முழு வீச்சில் படக்குழு நடத்தி வந்தது.

 

இந்நிலையில் படக்குழு படத்தின் முக்கிய அறிவிப்புடன் புகைப்படம் ஒன்றையும் வெளியிட்டுள்ளது. அதில் பீஸ்ட் படத்தின் அனைத்து படப்பிடிப்புகளும் இன்றோடு முடிவடைந்துள்ளதாக கூறியுள்ளது அத்துடன் இயக்குநர் நெல்சன் திலீப் குமார் மற்றும் விஜய் இருவரும் ஒருவரை ஒருவர் கட்டி தழுவிக் கொள்ளும் படியான புகைப்படத்தையும் படக்குழு தனது ட்விட்டர் பக்கத்தில் பகிர்ந்துள்ளது. தற்போது இந்த புகைப்படம் சமூக வலைதளங்களில் வைரலாகி வருகிறது

 

 

 

 

சார்ந்த செய்திகள்

Next Story

ரஜினியுடன் இணைந்து நடிக்கும் பாலகிருஷ்ணா

Published on 05/06/2024 | Edited on 05/06/2024
balakrishna to act in jailer 2

ரஜினிகாந்த் தற்போது தனது 170ஆவது படமான ‘வேட்டையன்’ படத்தில் நடித்து முடித்துள்ளார். அவருக்கான போர்ஷன் படமாக்கப்பட்டு முடிந்து மற்ற நடிகர்களின் காட்சிகள் படமாக்கப்பட்டு வருகிறது. படப்பிடிப்பு இறுதிக் கட்டத்தை எட்டியுள்ளது. லைகா தயாரிக்கும் இப்படத்தை ஜெய் பீம் பட இயக்குநர் த.செ.ஞானவேல் இயக்கி வருகிறார். இப்படம் வருகிற அக்டோபர் மாதம் வெளியாகவுள்ளது. 

இப்படத்தைத் தொடர்ந்து லோகேஷ் கனகராஜு இயக்கத்தில் கூலி படத்தில் நடிக்கவுள்ளார். சன் பிக்சர்ஸ் தயாரிக்கும் இப்படத்திற்கு அனிருத் இசையமைக்கிறார். ஸ்டண்ட் மாஸ்டர்களாக அன்பறிவ் இணைந்துள்ளனர். இப்படத்தின் டைட்டில் ஏற்கெனவே வெளியாகி பலரது கவனத்தைப் பெற்றது. ஜூன் 10ஆம் தேதி படப்பிடிப்பு தொடங்கவுள்ளது. 

கூலி படத்தை தொடர்ந்து, மீண்டும் நெல்சன் இயக்கத்தில் ஜெயிலர் 2 படத்தில் நடிக்கவுள்ளதாக தகவல் உலா வந்து கொண்டிருக்கிறது. இதில் கதாநாயாகியாக நயன் தாரா நடிக்கவுள்ளதாகவும் கூறப்பட்டது. இந்த நிலையில் இப்படத்தில் தெலுங்கு மூத்த நடிகர் பாலகிருஷ்ணா நடிக்கவுள்ளதாக தற்போது தகவல் வெளியாகியுள்ளது. இவர் முதல் பாகத்தின் போதே நடிக்க பேச்சு வார்த்தை நடந்ததாகத் தகவல் வெளியானது குறிப்பிடத்தக்கது. முதல் பாகத்தில் மலையாள முன்னணி நடிகர் மோகன்லால், கன்னட முன்னணி நடிகர் சிவராஜ்குமார் ஆகியோர் நடித்திருந்தனர் என்பது குறிப்பிடத்தக்கது.

Next Story

நெல்சனுடன் கூட்டணி - வித்தியாசமான லுக்கில் கவின்

Published on 03/05/2024 | Edited on 03/05/2024
nelson kavin movie update

நயன்தாரா, சிவகார்த்திகேயன், விஜய், ரஜினி எனத் தொடர்ந்து முன்னணி நட்சத்திரங்களை வைத்து படம் இயக்கி இன்று முன்னணி இயக்குநராக வலம் வருபவர் நெல்சன் திலீப்குமார். இவரது படங்களில் வரும் டார்க் காமெடி, ரசிகர்கள் மத்தியில் நல்ல வரவேற்பைப் பெற்று வருகிறது. நயன்தாராவை வைத்து கோலமாவு கோகிலா படம் நெல்சனின் முதல் படமாக வெளிவந்த நிலையில் அதற்கு முன்னதாக 2010ஆம் ஆண்டு சிம்பு, ஹன்சிகாவை வைத்து வேட்டை மன்னன் என்ற தலைப்பில் ஒரு படம் இயக்கிவந்தார். அப்படத்தின் முன்னோட்ட வீடியோ ஒன்றும் அப்போது வெளியாகி ரசிகர்களின் கவனத்தைப் பெற்றது. ஆனால் அப்படம் சில காரணங்களால் கைவிடப்பட்டது. 

இயக்குநராக அறிமுகமாவதற்கு முன்பு ஒரு தனியார் தொலைக்காட்சியில் பணியாற்றியுள்ளார் என்பது குறிப்பிடத்தக்கது. கடைசியாக ரஜினியை வைத்து ஜெயிலர் படத்தை எடுத்திருந்த நிலையில் அப்படம் பெரும் வெற்றி பெற்றதையடுத்து, அதன் இரண்டாம் பாகத்தை இயக்கவுள்ளதாக தகவல் வெளியானது. அதன் பேச்சு வார்த்தை பணிகளில் தற்போது நெல்சன் ஈடுபட்டு வருவதாக கூறப்படுகிறது. 

இந்த நிலையில் நெல்சன் ‘ஃபிலமென்ட் பிக்சர்ஸ்’ என்ற தயாரிப்பு நிறுவனம் தொடங்கியுள்ளதாக அண்மையில் அறிவித்தார். மேலும் இந்நிறுவனத்தின் முதல் படம் குறித்த அறிவிப்பு இன்று வெளியாகும் எனத் தெரிவித்திருந்ததையடுத்து தற்போது அறிவிப்பு வெளியாகியுள்ளது. கவின் நடிக்கும் புதிய படத்தை இந்நிறுவனம் சார்பில் நெல்சன் தயாரித்து வழங்குகிறார். இப்படத்தை சிவபாலன் முத்துகுமார் என்பவர் இயக்க ‘பிளடி பகர்’ எனத் தலைப்பு வைக்கப்பட்டுள்ளது. ரெடின் கிங்ஸ்லி முக்கிய கதாபாத்திரத்தில் நடிக்கிறார். ஜென் மார்டின் என்பவர் இசையமைக்கிறார். பட அறிவிப்பை வழக்கமான நெல்சன் பட ஸ்டைலில் புரோமோ வீடியோ மூலம் படக்குழு வெளியிட்டுள்ளது. அதோடு கவினின் கதாபாத்திர லுக்கும் அந்த புரொமோ வீடியோவில் இடம்பெறுகிறது. படத்தின் தலைப்பிற்கேற்ப யாசகம் பெறுபவர் லுக்கில் கவின் இருக்கிறார். இப்படம் விரைவில் வெளியாகவுள்ளதாக தெரிவிக்கப்பட்டுள்ளது.