Skip to main content

“எப்போதுமே நடக்காது...” - க்ரித்தி ஷெட்டியுடன் நடிக்க மறுத்த விஜய் சேதுபதி

Published on 23/09/2023 | Edited on 23/09/2023

 

.

vijay sethupathi about krithi shetty

 

விஜய் சேதுபதி வில்லனாக நடித்த ஜவான் படம் வசூலில் சாதனை படைத்து வருகிறது. அட்லீ இயக்கத்தில் ஷாருக்கான் நடித்த இப்படம் ரூ.1000 கோடியை நெருங்கவுள்ளது. இதையடுத்து தற்போது மணிகண்டன் இயக்கத்தில் ஒரு வெப் தொடரிலும் ஆறுமுககுமார் இயக்கத்தில் ஒரு படமும் நடித்து வருகிறார். மேலும் பல்வேறு படங்களில் முக்கிய கதாபாத்திரத்தில் நடிக்கவுள்ளதாகக் கூறப்படுகிறது. 

 

இந்த நிலையில், விஜய் சேதுபதி பேசிய பழைய வீடியோ ஒன்று தற்போது பலராலும் அதிகம் பகிரப்பட்டு வருகிறது. எஸ்.பி. ஜனநாதன் இயக்கத்தில் விஜய் சேதுபதி நடித்த லாபம் படம் தெலுங்கில் வெளியான நிலையில், தெலுங்கு ஊடகம் ஒன்றிற்கு பேட்டி அளித்த விஜய் சேதுபதி, க்ரித்தி ஷெட்டியுடன் டூயட் பாடி நடிக்க முடியாது எனக் கூறியுள்ளார். அவர் கூறியதாவது, "இயக்குநர் பொன்ராம் இயக்கத்தில் சன் பிக்சர்ஸ் தயாரிப்பில் ஒரு படம் நடிக்கிறேன். அதற்கு கதாநாயகியாக க்ரித்தி ஷெட்டியை நடிக்க வைக்க அவரது புகைப்படத்தை அனுப்பினர். இப்போதுதான் அவருக்கு அப்பாவாக நடித்தேன். அதனால் அவருக்கு ஜோடியாக நடிக்க முடியாது என்றேன். ஆனால் அவர்கள் உப்பெனா படத்தை பார்க்கவில்லை. அதனால் நான் க்ரித்திக்கு அப்பாவாக நடித்தது அவர்களுக்கு தெரியாது. 

 

மேலும் உப்பெனா பட க்ளைமாக்ஸ் காட்சியில், நான் க்ரித்தியிடம், எனக்கு 15 வயதில் ஒரு மகன் இருக்கிறார். நீங்களும் கிட்டத்தட்ட அந்த வயதில் இருப்பவர். அதனால் என்னை நிஜமாகவே உங்களின் தந்தையாக நினைத்துக் கொள்ளுங்கள் என்று கூறினேன். அப்படி சொல்லிவிட்டு எப்படி அவருடன் ரொமான்ட்டிக்காக நடிக்க முடியும். அதனால் எப்போதுமே அது நடக்காது" என்றார்.

 

 

சார்ந்த செய்திகள்

Next Story

“விஜய்சேதுபதிக்கு இனிமே கூட்டமா வரப்போகுது எனக் கேட்டார்கள்” - விஜய்சேதுபதி

Published on 19/06/2024 | Edited on 19/06/2024
vijay sethupathi talks about success meet maharaja movie

இயக்குநர் நித்திலன் சாமிநாதன் இயக்கத்தில் விஜய்சேதுபதி நடிப்பில் வெளியாகி நல்ல வரவேற்பை பெற்று வருகிறது மகாராஜா திரைப்படம். இதனைக் கொண்டாடும் வகையில் மக்களுக்கு நன்றி தெரிவிக்கும் விழா செனையில் இன்று நடைபெற்றது. இதில் விஜய் சேதுபதி மற்றும் படக்குழுவினர் கலந்துகொண்டனர். இவ்விழாவில் பேசிய படத்தின் இணைத் தயாரிப்பாளர் கமல் நயன், “எங்கள் நாயகனை இந்த ஐம்பதாவது படம் மூலம் அரியணை ஏற்றி மகாராஜாவாக அமர வைத்த அனைத்து ரசிகர்களுக்கும் நன்றி” என்றார்.

நடிகை மம்தா மோகன்தாஸ், “நன்றி சொல்வதைத் தவிர வேறு எதுவும் எனக்கு இப்போது பேசத் தோன்றவில்லை. இந்தக் கதைக்காக என்னைக் கூப்பிட்ட நித்திலன் சாருக்கு நன்றி. என் கதாபாத்திரம் சிறிது பெரிது என்றில்லாமல் இந்த நல்ல கதையில் இருக்க வேண்டும் என்று நினைத்தேன். விஜய்சேதுபதியின் 50வது படமான இதில் நானும் ஒரு அங்கம் என்பதில் மகிழ்ச்சி. மலையாளத்தில் நல்ல வரவேற்புக் கிடைத்து வருகிறது. என் நடிப்பில் வெளியான சமீபத்திய எந்தப் படங்களுக்கும் இப்படியான வரவேற்பு கிடைக்கவில்லை. எனக்கும் படத்திற்கும் நல்ல வரவேற்புக் கொடுத்த அனைவருக்கும் நன்றி” என்றார்.

இயக்குநர் நித்திலன், “என்னையும் படத்தையும் பாராட்டி கடந்த சில நாட்களாக ஆயிரம் கால் வந்திருக்கும். அத்தனைப் பேருக்கும் நன்றி. படத்தில் சிலருக்கு சில மாற்றுக் கருத்து இருக்கிறது. அதை நான் ஏற்றுக் கொள்கிறேன். சேது அண்ணன், சிங்கம்புலி அண்ணன், மணிகண்டன், சாக்‌ஷனா என நடிகர்களுக்கும் தொழில்நுட்பக் குழுவினருக்கும் நன்றி. சேது அண்ணா சிறப்பான நடிகர் என்பதை மீண்டும் நிரூபித்துள்ளார். சிங்கம்புலி அண்ணாவை இந்தக் கதாபாத்திரத்திற்கு எப்படி தேர்ந்தெடுத்தேன் எனப் பலரும் கேட்கிறார்கள். ஒரு பிரஸ்மீட்டில் தான் இயக்கியுள்ள படம் பற்றி தொகுப்பாளருக்கு கோவமாக எடுத்து சொன்னார் சிங்கம்புலி. அதில் அவரின் ஆட்டிடியூட் வைத்துதான் இந்தக் கதைக்கு அவர் வில்லன் எனத் தேர்ந்தெடுத்தேன். படத்தின் கதையைக் கேட்டு ஓகே செய்த தயாரிப்பாளருக்கும் நன்றி” என்றார். 

நடிகர் விஜய்சேதுபதி பேசியதாவது, “இந்தக் கதையைக் கேட்கும்போது பெரிய நம்பிக்கை இருந்தது. ஆனால், எப்படி சாத்தியமாகும் என்ற கேள்வி இருந்தது. தயாரிப்பாளருக்கு போட்ட பணத்தை எடுத்துக் கொடுத்துவிட வேண்டும் என்று நினைத்தோம். இதற்கு முன்பு என்னுடைய சில படங்கள் சரியாக போகாததால், இந்தப் படத்திற்கு பேனர் கட்டும்போது கூட சிலர், ‘விஜய்சேதுபதிக்கு இனிமேல் பேனர் ஏத்தினால் கூட்டமா வரப்போகிறது’ என்று சொல்லி இருக்கிறார்கள். இதைப் போன்ற பல கேள்விகள் என்னைச் சுற்றி இருந்தது. அந்தக் கேள்விகளுக்காக நான் இந்தப் படம் செய்யவில்லை. ஆனால், ‘மகாராஜா’ அதற்கான பதிலாக அமைந்துவிட்டது. அனைவருக்கும் நன்றி" என்றார். 

Next Story

“எல்லோரும் தந்த திட்டும் பாராட்டும்தான் இதற்கு காரணம்” - விஜய் சேதுபதி!

Published on 09/06/2024 | Edited on 09/06/2024
maharaja movie press meet

’தி ரூட்’ நிறுவனத்துடன் பேஷன் ஸ்டுடியோஸ் கை கோர்த்து தயாரித்திருக்கும் திரைப்படம் ‘மகாராஜா’. நடிகர் விஜய்சேதுபதியின் ஐம்பதாவது படமாக உருவாகியிருக்கும் இந்தப் படத்தை ‘குரங்கு பொம்மை’  படத்தினை இயக்கிய  நித்திலன் சாமிநாதன் எழுதி இயக்கியுள்ளார். இப்படம் ஜூன் 14, 2024 அன்று உலகம் முழுவதும் திரையரங்குகளில் வெளியிடத் தயாராக உள்ளது. இதன் பத்திரிக்கையாளர்கள் சந்திப்பு இன்று நடைபெற்றது.

நிகழ்வில் பேசிய இயக்குநர் நித்திலன், "என்னுடைய டெக்னீஷியன்ஸ் எல்லோருமே திறமையானவர்கள். அவர்கள் இல்லாமல் இந்தப் படம் இல்லை. விஜய்சேதுபதி ரொம்ப தன்மையான மனிதர். செலவு பற்றி கவலைப்படாமல் எங்களுக்கு ஆதரவு கொடுத்த சுதனுக்கு நன்றி. விஜய்சேதுபதி, அபிராமி, மம்தா என எல்லோருமே சிறப்பாக நடித்திருக்கிறார்கள். விஜய்சேதுபதியின் ஐம்பதாவது படம் இது என்பதால் ரொம்பவே ஸ்பெஷல். நீங்கள் படம் பார்த்துவிட்டு சொல்லுங்கள்" என்றார்.

நிகழ்வில் பேசிய நடிகை அபிராமி, "விஜய்சேதுபதியின் ஐம்பதாவது படத்தில் நானும் ஒரு பார்ட் என்பதில் மகிழ்ச்சி. அவர் பெயரைக் கேட்டதுமே உடனே ஓகே சொல்லி விட்டேன். மற்ற எல்லாமே இந்தப் படத்தில் எனக்கு போனஸ்தான். படத்தில் எல்லோருமே திறமையான நடிகர்கள் மற்றும் தொழில்நுட்ப குழுவினர். யாரிந்த லட்சுமி என்ற கேள்விக்கு எனக்கும் பதில் தெரியாது. நீங்களும் யார் என்று தெரிந்து கொள்ள தியேட்டர் வந்து படம் பாருங்கள். நன்றி" என்றார்.

நிகழ்வில் பேசிய நடிகை மம்தா மோகன்தாஸ், "'எனிமி' படத்திற்குப் பிறகு நல்ல கதை கொண்ட 'மகாராஜா' படம் மூலம் திரும்பி வந்திருப்பதில் மகிழ்ச்சி. இது வெறும் படமாக மட்டுமல்லாது, ஒரு அனுபவம். நான் நிறைய சீனியர் நடிகர்களோடு நடித்திருக்கிறேன். அவர்களில் இருந்து சேது மிகவும் வித்தியாசமானவர். அவர் கரியரில் இன்னும் மிகப்பெரிய உயரத்தை அடைவார். நித்திலன் திறமையான இயக்குநர். படம் நிச்சயம் வெற்றி பெறும்" என்றார்.

நிகழ்வில் பேசிய நடிகர் விஜய்சேதுபதி, " ராமோஜிராவ் என்ற ஜாம்பவானின் மறைவு எனக்கு வருத்தம். அவருக்குத் தலை வணங்குகிறேன். என்னுடைய ஐம்பதாவது படமாக 'மகாராஜா' அமைந்ததில் பெருமகிழ்ச்சி அடைகிறேன்.  வினோத், கல்கி, அபிராமி, மம்தா மற்றும் தொழில்நுட்பக் குழுவினர் அனைவரும் அவ்வளவு அழகாக வேலை பார்த்துள்ளனர். ஐம்பதாவது படம் வரை வந்திருக்கிறேன் என்றால் என் இயக்குநர்கள், மீடியா என எல்லோரும் தந்த திட்டும் பாராட்டும்தான் காரணம். இந்தப் படமும் பார்த்துவிட்டு சொல்லுங்கள்" என்றார்.