அருண்ராஜா காமராஜ் இயக்கத்தில் உதயநிதி ஸ்டாலின் நடித்துள்ள திரைப்படம் 'நெஞ்சுக்கு நீதி'. இப்படத்தில் தன்யா ரவிச்சந்திரன், ஷிவானி ராஜசேகர், ஆரி உள்ளிட்ட பலரும் முக்கிய கதாபாத்திரங்களில் நடித்துள்ளனர். போனி கபூர் மற்றும் 'ஜீ ஸ்டூடியோஸ்' நிறுவனம் இணைந்து வழங்க, ரோமியோ பிக்சர்ஸ் நிறுவனம் தயாரித்துள்ளது. இப்படம் 2019-ஆம் ஆண்டு இந்தியில் வெளியாகி வெற்றிபெற்ற 'ஆர்டிக்கள் 15' படத்தின் தமிழ் ரீமேக் என்பது குறிப்பிடத்தக்கது. 'நெஞ்சுக்கு நீதி' படம் நேற்று (20.05.2022) திரையரங்குகளில் வெளியாகி ரசிகர்களிடம் நல்ல வரவேற்பு பெற்று வருகிறது. இப்படத்திற்கு திரைபிரபலங்கள் மற்றும் அரசியல் பிரமுகர்கள் பலரும் வாழ்த்து தெரிவித்து வருகின்றனர்.
அந்த வகையில் 'நெஞ்சுக்கு நீதி' படத்தை பார்த்துள்ள இயக்குநர் விக்னேஷ் சிவன் தனது ட்விட்டர் பக்கத்தில், "நெஞ்சுக்கு நீதி படம் அதன் நோக்கத்திற்கு உண்மையாக நின்றிருக்கிறது. அருண்ராஜா காமராஜ் மற்றும் அவரின் குழு அருமையாக எடுத்துள்ளார்கள். உதயநிதி சார், அந்த கதாபாத்திரத்தில் நம்பகத்தன்மையோடும் வலிமையாகவும் இருக்கிறார். அவரின் தோற்றம் படத்திற்கு இன்னும் வலு சேர்க்கிறது. அற்புதமாக உழைத்திருக்கும் படக்குழுவினருக்கு வாழ்த்துக்கள்" என பதிவிட்டுள்ளார்.
#NenjukuNeedhi is a film that stays true to its intention ! Wonderfully made by @Arunrajakamaraj his superb team! @Udhaystalin sir looks convincing & powerful in this role, his image adds more value to the essence of the film!
Kudos team for this wonderful effort 🥳🤩😇 https://t.co/wVT2If2cm9 pic.twitter.com/vwemjmCDRB— Vignesh Shivan (@VigneshShivN) May 21, 2022
