![vasantha balan meets cm stalin](http://image.nakkheeran.in/cdn/farfuture/4DmA8kEiJVYOGCRKu9d5n-bZNtQPjPBgmJay-OJ1oyk/1692697543/sites/default/files/inline-images/221_22.jpg)
ஸ்விக்கி, சொமேட்டோ தொழிலாளர்களுக்கு நலவாரியம் அமைக்கப்படும் என்று முதல்வர் ஸ்டாலின் சமீபத்தில் அறிவிப்பு வெளியிட்டிருந்தார். இந்த அறிவிப்பை இயக்குநர் வசந்த பாலன் வரவேற்று ஒரு வீடியோவை வெளியிட்டிருந்தார்.
அந்த வீடியோவில், "சமீபத்தில் வெளியான என்னுடைய அநீதி படத்தில் உணவு விநியோகிக்கும் தொழிலாளர்களின் வலியை, வேதனையை சங்கம் அமைக்க முடியாத அவர்களின் ஊதிய பிரச்சினையை ஆழமாக நான் பதிவு செய்திருக்கிறேன். உணவு விநியோகிக்கும் தொழிலாளர்களுக்கு நல வாரியம் அமைக்கப்படுவதாக அறிவித்த முதல்வருக்கு நன்றி" எனக் குறிப்பிட்டிருந்தார். இந்நிலையில் முதல்வர் ஸ்டாலினை நேரில் சந்தித்து நன்றி தெரிவித்துள்ளார் வசந்த பாலன்.
அநீதி படம் கடந்த ஜூலை 21ஆம் தேதி வெளியானது. இதில் அர்ஜுன் தாஸ், துஷாரா விஜயன் உள்ளிட்டோர் நடத்தியிருந்தனர். ஜி.வி. பிரகாஷ் இசையமைத்திருந்தார்.