Skip to main content

'ஜாக் - ரோஸ்' ; ரீ ரிலீசாகும் 'டைட்டானிக்'  - வெளியான அறிவிப்பு 

Published on 11/01/2023 | Edited on 11/01/2023

 

titanic re release update

 

1997ஆம் ஆண்டு ஜேம்ஸ் கேமரூன் இயக்கத்தில் லியனார்டோ டிகாப்ரியோ, கேட் வின்ஸ்லெட் உள்ளிட்ட பலர் நடிப்பில் வெளியாகி உலகெங்கும் பெரும் வரவேற்பைப் பெற்ற படம் 'டைட்டானிக்'. உண்மைச் சம்பவத்தைத் தழுவி எடுக்கப்பட்ட இப்படம் மொழிகளைக் கடந்து அனைத்துத் தரப்பு ரசிகர்களும் பார்த்து ரசித்தனர். குறிப்பாக இளைஞர்கள் கொண்டாடித் தீர்த்தனர். இன்று வரைக்கும் பல இளைஞர்களுக்கு இப்படம் ஃபேவரைட் லிஸ்டில் இருக்கும். 200 மில்லியன் அமெரிக்க டாலரில் எடுக்கப்பட்ட இப்படம் மொத்தம் 2.202 பில்லியன் டாலர் வசூலித்தது.

 

மேலும் ஆஸ்கர் விருதுக்கு, 14 பிரிவுகளில் பரிந்துரைக்கப்பட்டு, 11 விருதுகளை வாங்கி வாயடைக்க வைத்தது. கப்பல் மூழ்கினாலும் ஜாக் மற்றும் ரோசின் காதல் கதை மூழ்காத கப்பலாகவே இருந்து வருகிறது. அப்படி காதல் காவியமாகப் பார்க்கப்பட்ட இப்படம் 25 ஆண்டுகளைக் கடந்துள்ளது. அதனைக் கொண்டாடும் வகையில் டைட்டானிக் படக்குழு ரசிகர்களுக்கு ஒரு சர்ப்ரைஸ் தகவலைப் பகிர்ந்துள்ளது. அதாவது 25 ஆண்டுகள் கழித்து மீண்டும் இப்படம் தற்போது ரீ ரிலீசாக உள்ளது. 

 

அடுத்த மாதம் 10ஆம் தேதி (10.02.2023) வெளியாகும் என அறிவித்துள்ள படக்குழு, இந்த முறை நவீன தொழில்நுட்பத்திற்கு ஏற்ப மாற்றப்பட்டு 4கே வெர்ஷனிலும்  3டியிலும் வெளியாக உள்ளதாகத் தெரிவித்துள்ளது. அதோடு புதிய ட்ரைலரையும் வெளியிட்டுள்ளது. இதனால் டைட்டானிக் ரசிகர்கள் மிகுந்த மகிழ்ச்சியில் உள்ளனர். 

 

 

சார்ந்த செய்திகள்

Next Story

ராஜமௌலி குறித்து விவரிக்கும் ஜேம்ஸ் கேமரூன் 

Published on 22/07/2024 | Edited on 22/07/2024
james cameron in Rajamouli's documentry modern masters

இந்திய சினிமாவில் கவனிக்கப்படும் இயக்குநராக இருக்கிறார் எஸ்.எஸ்.ராஜமௌலி. கடைசியாக அவர் இயக்கிய ஆர்.ஆர்.ஆர் படம் உலக அளவில் சினிமா ரசிகர்கள் மத்தியில் கவனம் பெற்றார். ஹாலிவுட்டில் மூத்த இயக்குநரான ஜேம்ஸ் கேமரூன், ஆர்.ஆர்.ஆர் படத்தை பார்த்து பாராட்டினார். மேலும் கடந்த ஆண்டு ஆஸ்கர் விழாவில் இசைக்காக விருது வென்று புதிய சாதனை படைத்தது. 

மேலும் இவர் இயக்கிய பாகுபலி 2, மற்றும் ஆர்.ஆர்.ஆர். ஆகிய படங்கள் ஆயிரம் கோடிக்கும் அதிகமாக வசூலித்து சாதனை படைத்தது. அடுத்ததாக தெலுங்கு நடிகர் மகேஷ் பாபுவை வைத்து ஒரு படம் இயக்கவுள்ளார். இந்த நிலையில் நெட்பிளிக்ஸ் நிறுவனம் ராஜமௌலி குறித்து மார்டர்ன் மாஸ்டர்ஸ் (modern masters) என்ற தலைப்பில் ஒரு ஆவணப்படம் தயாரித்துள்ளது. திரைத்துறையில் ராஜமௌலி ஆற்றிய பங்களிப்பை போற்றும் விதமாக இப்படம் எடுக்கப்பட்டுள்ளதாக கூறப்படுகிறது.  

அப்ளாஸ் என்டர்டெயின்மென்ட் மற்றும் பிலிம் கம்பானியன் ஸ்டுடியோஸ் நிறுவனம் இணைந்து இப்படத்தை தயாரித்துள்ள நிலையில் ராகவ் கண்ணா இயக்கியுள்ளார். இப்படத்தின் ட்ரைலர் தற்போது வெளியாகியுள்ளது. இதில் அவருடன் பணியாற்றிய பிரபாஸ், ராம் சரண், ஜூனியர் என்.டி.ஆர் உள்ளிட்டோர் பேசுகின்றனர். மேலும் ஹாலிவுட் இயக்குநர் ஜேம்ஸ் கேமரூன் பேசுகிறார். இந்த ஆவணப்படம் ராஜமவுலியின் பிறந்தநாளான ஆகஸ்ட் 2 ஆம் தேதி வெளியாக உள்ளது. 

Next Story

‘உலக அரங்கில் இந்திய சினிமா’ - ஜேம்ஸ் கேமரூன் மகிழ்ச்சி

Published on 07/02/2024 | Edited on 07/02/2024
James Cameron about rajamouli rrr

51வது சாட்டர்ன் விருதுகள் நடந்து முடிந்த நிலையில் ஜேம்ஸ் கேமரூன் இயக்கிய அவதார் 2 படம் 4 விருதுகளை வென்றுள்ளது. இதற்காக விருது விழாவில் கலந்து கொண்ட இயக்குநர் ஜேம்ஸ் கேமரூன், இந்திய சினிமா குறித்து மகிழ்ச்சியடைவதாக தெரிவித்துள்ளார். 

கடந்த வருடம் நடந்த கிரிட்டிக்ஸ் சாய்ஸ் விருதுகள் விழாவில் ராஜமௌலியை சந்தித்து பேசிய ஜேம்ஸ் கேமரூன் ஆர்.ஆர்.ஆர் படம் குறித்து பாராட்டியிருந்தார். இந்த நிலையில் சாட்டர்ன் விருது விழாவில் ராஜமௌலியின் ஆர்.ஆர்.ஆர் படம் குறித்து கேட்கப்பட்ட கேள்விக்கு, “நான் அவருடன் அந்த நேரத்தில் நேர்மையாக இருந்தேன். இது அற்புதமானது என்று நான் நினைத்தேன். இந்திய சினிமா உலக அரங்கில் கவனம் ஈர்ப்பதை பார்ப்பது மிகவும் மகிழ்ச்சியாக இருக்கிறது” என பதிலளித்தார். 

ராஜமௌலி இயக்கத்தில் 2022ஆம் ஆண்டு வெளியாகி மாபெரும் வெற்றி பெற்ற படம் ஆர்.ஆர்.ஆர். இப்படத்தில் ராம் சரண், ஜூனியர் என்டிஆர், ஆலியா பட் உள்ளிட்ட பலர் நடித்திருந்தனர். டிவிவி தானையா தயாரித்திருந்த இப்படம் கிட்டத்தட்ட ரூ.1200 கோடிக்கு மேல் வசூல் செய்து சாதனை படைத்தது. இப்படத்திற்கு கீரவாணி இசையமைத்திருந்த நிலையில் 'நாட்டு நாட்டு' பாடல் திரைத்துறையில் உயரிய விருதாகப் பார்க்கப்படும் ஆஸ்கர் விருதை தட்டிச் சென்றது. மேலும் ஆஸ்கர் பெற்ற முதல் இந்தியப் படம் என்ற பெருமையைப் பெற்றது.