Skip to main content

‘சாவுக்கு துணிந்தவனுக்கு மட்டும் தான் இங்க வாழ்க்கை’ - தங்கலான் டிரெய்லர் வெளியீடு!

Published on 10/07/2024 | Edited on 10/07/2024
Thangalaan trailer release!

தமிழ் சினிமாவின் முன்னணி நடிகரான விக்ரம் நடிப்பில், இயக்குநர் பா.ரஞ்சித் இயக்கத்தில் ‘தங்கலான்’ படம் உருவாகி வருகிறது. இந்தப் படத்தில், பார்வதி, மாளவிகா மோகனன், பசுபதி உள்ளிட்ட பலர் நடித்துள்ளனர். ஸ்டூடியோ க்ரீன் நிறுவனம் தயாரிக்க ஜி.வி.பிரகாஷ்குமார் இப்படத்திற்கு இசையமைத்துள்ளார். 

கோலார் தங்க வயலை மையமாக வைத்து இப்படம் உருவாகியுள்ள நிலையில் கடந்த ஜனவரி 26 ஆம் தேதி குடியரசு தினத்தன்று தமிழ், ஹிந்தி உள்ளிட்ட 5 மொழிகளில் பான் இந்தியா படமாக வெளியாகவுள்ளதாக அறிவிக்கப்பட்டது. ஆனால், சில காரணங்களால் ஒவ்வொரு மாதமும் தள்ளி போய், இன்னும் ரிலீஸ் தேதி அறிவித்தப்பாடில்லை. 

இந்த நிலையில், இப்படத்தின் டிரெய்லர் தற்போது வெளியாகியுள்ளது. அதில், ஆங்கிலேயர் ஆட்சி காலத்தில் ஒரு குறிப்பிட்ட சமூகம் தங்கம் எடுப்பதற்காக அடிமைப்படுத்தப்படுகிறார்கள் போல் தெரிகிறது. அதன் மூலம் வரும் பிரச்சனை தான் இப்படத்தின் கதை என்று யூகிக்க முடிகிறது. இந்த டிரெய்லரில் அதிகமாக வசனம் இடம்பெறவில்லை என்றாலும், ‘சாவுக்கு துணிந்தவனுக்கு மட்டும் தான் இங்க வாழ்க்கை’ சில வசனம் பெரும் கவனத்தை பெறுகிறது. 

மேலும், டிரெய்லர் ஆரம்ப காட்சியிலேயே நம்மை அந்த உலகத்திற்கு ஒளிப்பதிவின் மூலம் கொண்டு செல்கிறது. இப்படத்தில் பணியாற்றிய ஒளிப்பதிவாளர் ஏ.கிஷோர் குமார், ரிலீஸுக்கு பிறகு பேசப்படுவார் என்று கூறலாம். அதே போல், இசையமைப்பாளர் ஜி.வி பிரகாஷ் குமாரின் இசை மீண்டும் மீண்டும் கேட்க தூண்டுகிறது வழக்கம் போல், விக்ரம் தனக்கே உரித்தான சிறந்த நடிப்பில் நம்மை கவர்கிறார். இப்படத்தின் டிரெய்லரை ரசிகர்கள் கொண்டாடி வருகின்றனர். 

சார்ந்த செய்திகள்

Next Story

‘குத்தாட்டம் போடும் விக்ரம் - பார்வதி’; தங்கலான் பட அப்டேட்டை கொடுத்த படக்குழு

Published on 15/07/2024 | Edited on 15/07/2024
thangalaan first single promo released

தமிழ் சினிமாவின் முன்னணி நடிகரான விக்ரம் நடிப்பில், இயக்குநர் பா.ரஞ்சித் இயக்கத்தில் ‘தங்கலான்’ படம் உருவாகி வருகிறது. இந்தப் படத்தில், பார்வதி, மாளவிகா மோகன், பசுபதி உள்ளிட்ட பலர் நடித்துள்ளனர். ஸ்டூடியோ க்ரீன் நிறுவனம் தயாரிக்க ஜி.வி.பிரகாஷ்குமார் இப்படத்திற்கு இசையமைத்துள்ளார். கோலார் தங்க வயலை மையமாக வைத்து உருவாகியுள்ள இப்படம் தமிழ், ஹிந்தி உள்ளிட்ட 5 மொழிகளில் பான் இந்தியா படமாக வெளியாகவுள்ளதாக அறிவிக்கப்பட்டது. 

இதற்கிடையில், இப்படத்தின் டிரெய்லர் கடந்த 10ஆம் தேதி வெளியானது. அதில், ஆங்கிலேயர் ஆட்சி காலத்தில் ஒரு குறிப்பிட்ட சமூகம் தங்கம் எடுப்பதற்காக அடிமைப்படுத்தப்படுகிறார்கள் போல் தெரிந்தது. அதன் மூலம் வரும் பிரச்சனை தான் இப்படத்தின் கதை என்று யூகிக்க முடிந்தது.  இந்த டிரெய்லரில் ஒளிப்பதிவு மற்றும் பின்னணி இசை மிகவும் ரசிக்கக் கூடிய வகையில் இருந்ததாக ரசிகர்கள் கருத்து தெரிவித்து வந்தனர்.

இந்த டிரெய்லரின் மூலம் இப்படம் தொடர்பாக எதிர்பார்ப்பு ரசிகர்கள் மத்தியில் அதிகரிக்க செய்துள்ளது. இந்த நிலையில், இப்படத்தின் ஃபர்ஸ்ட் சிங்கள் தொடர்பான அறிவிப்பை படக்குழு அறிவித்துள்ளது. அதில், ‘மினிக்கி மினிக்கி’ எனத் தலைப்பு வைக்கப்பட்டுள்ள பாடல் வரும் 17ஆம் தேதி லிரிக்கல் வீடியோ வெளியாகும் எனக் குறிப்பிட்டு ஒரு புரோமோ வீடியோ வெளியிடப்பட்டுள்ளது. அதில், விக்ரம், அவரது ஜோடியான பார்வதி மற்றும் அவர்கள் சார்ந்த மக்கள் பாடி ஆடுவது போல் அமைந்திருக்கிறது. கேட்ட உடனேயே ரசிக்கக்கூடிய இப்பாடலை சிந்துரி விஷால் பாடியிருக்கிறார். இப்படத்தின் இடம்பெறும் பாடலும், பின்னணி இசையும் பெரிதாக பேசப்படும் என்று எதிர்பார்க்கப்படுகிறது. 

Next Story

‘தயாராகுங்கள்’ - தங்கலான் பட அப்டேட்டை கொடுத்த ஜி.வி.பிரகாஷ்

Published on 01/07/2024 | Edited on 01/07/2024
GV Prakash said about thangalaan movie

தமிழ் சினிமாவின் முன்னணி நடிகரான விக்ரம் நடிப்பில், இயக்குநர் பா.ரஞ்சித் இயக்கத்தில் ‘தங்கலான்’ படம் உருவாகி வருகிறது. இந்தப் படத்தில், பார்வதி, மாளவிகா மோகனன், பசுபதி உள்ளிட்ட பலர் நடித்துள்ளனர். ஸ்டூடியோ க்ரீன் நிறுவனம் தயாரிக்க ஜி.வி.பிரகாஷ்குமார் இப்படத்திற்கு இசையமைத்துள்ளார். 

கோலார் தங்க வயலை மையமாக வைத்து இப்படம் உருவாகியுள்ள நிலையில் கடந்த ஜனவரி 26 ஆம் தேதி குடியரசு தினத்தன்று தமிழ், ஹிந்தி உள்ளிட்ட 5 மொழிகளில் பான் இந்தியா படமாக வெளியாகவுள்ளதாக அறிவிக்கப்பட்டது. ஆனால், சில காரணங்களால் ஒவ்வொரு மாதமும் தள்ளி போய், இன்னும் ரிலீஸ் தேதி அறிவித்தப்பாடில்லை. 

இந்த நிலையில், தங்கலான் படத்தின் பி.ஜி.எம் ஸ்கோர் நிறைவடைந்ததாக அப்படத்தின் இசையமைப்பாளர் ஜி.வி.பிரகாஷ்குமார் தெரிவித்துள்ளார். இது குறித்து அவர் தனது எக்ஸ் பக்கத்தில் தெரிவித்துள்ளதாவது, ‘தங்கலான் பின்னணி இசைக்கான பணிகள் நிறைவடைந்துள்ளது. என்னுடைய பெஸ்ட்டை இப்படத்திற்கு கொடுத்துள்ளேன். என்ன மாதிரியான படம்!!!.... இப்படத்திற்காக ஆவலுடன் காத்திருக்கிறேன். என்ன ஒரு அற்புதமான டிரெய்லர்!!.... வியப்பூட்டக்கூடிய டிரெய்லர் விரைவில் உங்கள் மனதை கவரவுள்ளது. தங்கலான் படத்திற்காக இந்திய சினிமா தயாராகுகிறது’ எனப் பதிவிட்டுள்ளார்.