Skip to main content

"கதாநாயகி பேசிய வசனம் அனைவரையும் மிரட்டிப் போட்டுவிட்டது" - சித்தார்த்

Published on 31/05/2023 | Edited on 31/05/2023

 

siddharth speech in takkar press meet

 

பேஷன் ஸ்டுடியோஸ் சுதன் சுந்தரம் மற்றும் ஜெயராம் ஆகியோர் தயாரிப்பில், கார்த்திக் ஜி கிரிஷ் எழுத்து இயக்கத்தில் நடிகர் சித்தார்த் நடித்துள்ள படம் 'டக்கர்’. இப்படம் வருகிற ஜூன் 9ஆம் தேதி தமிழ் மற்றும் தெலுங்கில் ஒரே நேரத்தில் உலகம் முழுவதும் திரையரங்குகளில் வெளியாகிறது. சென்னையில் இதன் பத்திரிக்கையாளர்கள் சந்திப்பு நடந்தது.

 

இந்நிகழ்வில் நடிகர் சித்தார்த் பேசியதாவது, “கோவிட் காலத்துக்கு பிறகு உங்கள் அனைவரையும் சந்திக்கிறேன். ‘டக்கர்’ பட இயக்குநர் கார்த்திக் இந்தப் படத்திற்காக என்னை சந்தித்தபோது, சில விஷயங்கள் எனக்கு ஹைலைட்டாக தோன்றியது. எந்த இடத்திலும் நிற்காத ஸ்பீடான ஒரு படம் இது. ’டக்கர்’ என இந்தப் படத்தின் தலைப்பின் அர்த்தம் பார்டர் தாண்ட தாண்ட மாறிக் கொண்டே இருக்கும். வட இந்தியாவில் ‘டக்கர்’ என்றால் போட்டி, சில ஊர்களில் ஸ்மார்ட்டாக இருப்பதை ‘டக்கர்’ என சொல்வார்கள். மோதல், சூப்பர் என பல அர்த்தம் உண்டு. இந்தப் படத்தில் ‘டக்கர்’ பயன்படுத்தியதன் காரணம், மோதல். ஒரு பொண்ணுக்கும் ஹீரோவுக்குமான க்ளாஷ்தான் அது. 

 

நடிகர் யோகிபாபு, கதாநாயகி திவய்ன்ஷா, சீனியர் ஹீரோ அபிமன்யு, முனீஷ்காந்த், விக்னேஷ்காந்த என அனைவரும் சிறப்பாக நடித்துள்ளனர். ‘உடலுறவு  வேண்டுமனால் வைத்துக் கொள்ளலாம், கல்யாணம் எல்லாம் வேண்டாம்’ என கதாநாயகி டிரைய்லரில் பேசும் வசனம் அனைவரையும் மிரட்டி போட்டுவிட்டது. யூடியூப் கமெண்டிலேயே இதுதொடர்பாக நிறைய விவாதங்கள். இந்த கதாநாயகி கதாநாயகனை சந்திக்கும்போது என்ன நடந்தது என்பதும் ‘டக்கர்’ரில் இருக்கும். தொழில்நுட்பக் குழுவினர் சிறப்பான வேலையைக் கொடுத்துள்ளனர். நிவாஸ் கே பிரசன்னாவுக்கு இந்தப் படம் மியூசிக்கலாக முக்கியமானதாக இருக்கும். ’டக்கர்’ திரைப்படம் திரையரங்குகளுக்காக எடுக்கப்பட்ட கமர்ஷியல் படம். நண்பர்களோடு, குடும்பத்தோடு நீங்கள் ஜாலியாக பார்க்கலாம். நிச்சயம் உங்களை ‘டக்கர்’ ஏமாற்றாது” என்றார்.

 


 

சார்ந்த செய்திகள்

Next Story

சித்தார்த் நடிக்கும் 'மிஸ் யூ' பட லிரிக்கல் வீடியோ வெளியானது!

Published on 05/07/2024 | Edited on 05/07/2024
 Dhama Dhama Lyrical  video

செவன் மெய்ல்ஸ் பெர் செகண்ட் நிறுவனம் சார்பில் சாமுவேல் மேத்யூ தயாரித்திற்கும் படத்திற்கு “மிஸ் யூ” என்று பெயர் வைத்துள்ளார். இப்படத்தில் கதாநாயகனாக சித்தார்த் நடிக்கிறார். இதில், தெலுங்கு, கன்னடத்தில் புகழ்பெற்ற நடிகையான ஆஷிகா ரங்கநாத் கதாநாயகியாக நடிக்கிறார். மேலும் இப்படத்தில் ஜே.பி, பொன்வண்ணன், கருணாகரன், நரேன், அனுபமா, ரமா, பாலசரவணன், லொள்ளு சபா மாறன், சஸ்டிகா என பலரும் முக்கிய கதாபாத்திரங்களில் நடிக்கின்றனர்.

மாப்ள சிங்கம், களத்தில் சந்திப்போம் போன்ற கமர்ஷியல் படங்களை இயக்கிய N.ராஜசேகர் இப்படத்தை இயக்குகிறார். இப்படத்தை காதல், ஆக்சன், காமடி என முழுநீள பொழுதுபோக்கு படமாக உருவாக்கியுள்ளதாக படக்குழு தெரிவித்துள்ளது.இப்படத்திற்கு ஜிப்ரான் இசையமைக்கிறார்.

இந்நிலையில்  ‘தம தம’ என்ற பாடலின் லிரிக்கல் வீடியோ வெளியாகியுள்ளது. மோகன் ராஜன் எழுதியுள்ள இப்பாடலை யாழின் நிஷார், குரு ஹரிராஜ் பாடியுள்ளனர். நாயகியின் பிம்பத்தினை நாயகன் வியந்து பார்க்குமளவிற்கான காட்சிகள் அமைக்கப்பட்டுள்ளதாக தெரிகிறது. இப்பாடல் ரசிகர்களிடையே வரவேற்பை பெற்று வருகிறது.

Next Story

ஹிட் பட நடிகரின் அடுத்த படம் - வெளியிட்ட முன்னணி பிரபலங்கள் 

Published on 06/06/2024 | Edited on 06/06/2024
sivakarthikeyan released the siddharth next movie

நடிகர், தயாரிப்பாளர் என இரண்டு துறைகளில் கவனம் செலுத்தி வருகிறார் சித்தார்த். கடைசியாக இவர் தயாரித்து நடித்த சித்தா படம் ரசிகர்கள் மத்தியில் நல்ல வரவேற்பைப் பெற்றது. இதையடுத்து இப்போது கமல் - ஷங்கர் கூட்டணியில் உருவாகியுள்ள இந்தியன் 2 படத்தில் முக்கிய கதாபாத்திரத்தில் நடித்துள்ளார். இப்படம் ஜூலை 12ஆம் தேதி பிரம்மாண்டமாக வெளியாகவுள்ளது. 

இப்படத்தை தொடர்ந்து ஐஸ்வர்யா ரஜினிகாந்த் இயக்கத்தில் சித்தார்த் ஒரு படம் நடிக்கவுள்ளதாக தகவல் வெளியானது. இந்த நிலையில் சித்தார்த் நடிக்கும் புதிய படத்தின் அறிவிப்பு தற்போது வெளியாகியுள்ளது. ஃபர்ஸ்ட் லுக் போஸ்டருடன் இந்த அறிவிப்பு வெளியாகியுள்ள நிலையில், போஸ்டரை சிவகார்த்திகேயன், லோகேஷ் கனகராஜ் மற்றும் மாதவன் தங்களது எக்ஸ் பக்கத்தில் வெளியிட்டு படக்குழுவிற்கு வாழ்த்துக்களை தெரிவித்துள்ளனர். 

sivakarthikeyan released the siddharth next movie

இப்படத்தை ராஜேசகர் இயக்குகிறார். படத்திற்கு ‘மிஸ் யூ’ (Miss You) எனத் தலைப்பு வைக்கப்பட்டுள்ளது. கதாநாயாகியாக கன்னட நடிகை ஆஷிகா ரங்கநாத் நடிக்கிறார். இவர் ஏற்கெனவே அதர்வாவின் பட்டத்து அரசன் படத்தில் தமிழுக்கு அறிமுகமாகியிருந்தார். இதையடுத்து இப்படத்தில் நடிக்கிறார். மேலும் கருணாகரன், பால சரவணன், லொள்ளு சபா மாறன் உள்ளிட்டோர் முக்கிய கதாபாத்திரத்தில் நடிக்கின்றனர். 7 மைல்ஸ் பெர் செகண்ட் என்ற தயாரிப்பு நிறுவனம் தயாரிக்கும் இப்படத்திற்கு ஜிப்ரான் இசையமைக்கிறார்.