Skip to main content

"மச்சான்...இது உனக்காக" - ஜி.வி. பிரகாஷ் பாடலுக்கு குத்தாட்டம் போட்ட பிரபல நடிகை

Published on 26/10/2022 | Edited on 26/10/2022

 

shalini pandey dance for gv prakash song

 

'வெயில்' படத்தின் மூலம் இசையமைப்பாளராக அறிமுகமான ஜி.வி. பிரகாஷ் தற்போது நடிப்பில் அதிக கவனம் செலுத்தி வருகிறார். அந்த வகையில் கதாநாயகனாக சீனுராமசாமியின் 'இடி முழக்கம்' படத்தில் நடித்து முடித்துள்ளார். இதனைத் தொடர்ந்து கெளதம் மேனனுடன் இணைந்து '13' என்ற படத்தில் நடிக்கிறார். சில தினங்களுக்கு முன்பு இப்படத்தின் டீசர் வெளியானது. 

 

மேலும் இசையமைப்பாளராக சூர்யாவின் 'வணங்கான்', 'வாடிவாசல்' மற்றும் தனுஷின் 'கேப்டன் மில்லர்', விஷாலின் 'மார்க் ஆண்டனி' உள்ளிட்ட பல படங்களில் பணியாற்றி வருகிறார். இவர் இசையில் கடந்த 21ஆம் தேதி வெளியான 'சர்தார்' படம் ரசிகர்களிடம் நல்ல வரவேற்பை பெற்று வருகிறது. இவரது இசைக்கென தனி ரசிகர் பட்டாளம் இருக்கின்றது. 

 

இந்நிலையில் பிரபல தெலுங்கு நடிகை ஷாலினி பாண்டே, தனது சமூக வலைதள பக்கத்தில் ஜி.வி. பிரகாஷ் பாடலுக்கு காரில் உட்கார்ந்தபடி நடனமாடும் ஒரு வீடியோவை வெளியிட்டுள்ளார். அந்த வீடியோவில் ஜி.வி. பிரகாஷ் இசையில் தனுஷ் நடிப்பில் வெளியான 'ஆடுகளம்' படத்தில் வரும் 'ஒத்த சொல்லால' பாடல் இடம்பெற்றுள்ளது. அந்த வீடியோவை பகிர்ந்து, "மச்சான்...இது உனக்காக" என்று குறிப்பிட்டு ஜி.வி. பிரகாஷை டேக் செய்துள்ளார். 

 

இந்த பதிவிற்கு ஜி.வி. பிரகாஷ் லைக் செய்துள்ளார். ஜி.வி. பிரகாஷும் நடிகை ஷாலினி பாண்டேவும் இணைந்து '100% காதல்' என்ற தமிழ் படத்தில் நடித்துள்ளார்கள். இப்படம் கடந்த 2019ஆம் ஆண்டு வெளியானது. இப்படத்தின் மூலம் தமிழுக்கு அவர் அறிமுகமானார் என்பது குறிப்பிடத்தக்கது.

 

 

 

சார்ந்த செய்திகள்

Next Story

“பாரதிராஜாவிற்கு வில்லனாக நடித்துள்ளேன்” - ஜி.வி. பிரகாஷ்

Published on 25/03/2024 | Edited on 25/03/2024
gv prakash speech at kalvan audio launch

ஜி.வி. பிரகாஷ், பாரதிராஜா, இவானா உள்ளிட்ட பலர் நடிப்பில் உருவாகியுள்ள படம் கள்வன். டில்லி பாபு தயாரித்துள்ள இப்படத்தை பி.வி. ஷங்கர் இயக்கியுள்ளார். ஜி.வி. பிரகாஷ் இசைப் பணிகளையும் மேற்கொண்டுள்ளார். இப்படம் வருகிற ஏப்ரல் 4 ஆம் தேதி வெளியாகவுள்ளது. இதையொட்டி படத்தின் ட்ரைலர் மற்றும் இசை வெளியீட்டு விழா நடைபெற்றது. இதில் படக்குழுவினர் பலரும் கலந்து கொண்டனர்.

இயக்குநர் பாரதிராஜா, "இயக்குநர் ஷங்கர் பிடிவாதக்காரன். நிச்சயம் அந்த பிடிவாதம் ஜெயிக்கும். சினிமாவில் அவனுக்குப் பெரிய இடம் காத்திருக்கிறது. இவானாவை ஒருநாள் திட்டிவிட்டேன். திறமையான நடிகை அவர். ஜி.வி. நல்ல இசையமைப்பாளர், நடிகர் அதைத் தாண்டி நல்ல மனிதர். வேறொரு டைமன்ஷனில் ஜிவியைப் பார்க்கலாம். இவானா சிறப்பாக நடித்துள்ளார். வெற்றிமாறன் போன்ற சிறந்த இயக்குநர் இங்கு இருப்பது சந்தோஷமான விஷயம்" என்றார். 

நடிகர் ஜி.வி. பிரகாஷ், "இந்தப் படத்தின் உண்மையான ஹீரோ பாரதிராஜா சார்தான். அவருக்கு நானும் தீனாவும் வில்லனாக நடித்துள்ளோம். இந்தப் படத்தில் அவர் நடிப்புக்காக நிச்சயம் தேசிய விருது வாங்குவார். அவருடன் நாங்கள் இருந்த நேரத்தை பொக்கிஷமாக வைத்திருப்போம். அவரிடம் இருந்து நிறைய விஷயங்கள் கற்றுக் கொண்டோம். அவரும் ராஜா சாரும் தமிழ் சினிமாவின் கிராமர் புக், என்சைக்ளோபீடியா. இயக்குநர் ஷங்கர் மிகவும் திறமையானவர். அதை நீங்கள் படம் வரும்போது புரிந்து கொள்வீர்கள். இவானா, தீனா எல்லாரும் சிறப்பாக நடித்துள்ளனர். தயாரிப்பாளர் டில்லி பாபு சார், சக்திவேலன் சாருக்கு நன்றி. ஏப்ரல் 4 ரிலீஸ் தேதியும் சிறப்பாக அமைந்துள்ளது. பார்த்துவிட்டு சொல்லுங்கள்" என்றார்.

Next Story

போன சம்மருக்கு மிஸ்ஸிங்; இந்த கோடையில் களமிறங்கும் ஜி.வி பிரகாஷ்!

Published on 23/03/2024 | Edited on 23/03/2024
gv prakash kalvan movie trailer released

ஜி.வி. பிரகாஷ் நடிகராக ரெபல், இடி முழக்கம், 13, கள்வன், டியர், கிங்ஸ்டன் உள்ளிட்ட படங்களைக் கைவசம் வைத்துள்ளார். இசையமைப்பாளராக தங்கலான், அமரன், சூர்யாவின் 43வது படம் உள்ளிட்ட படங்களில் பணியாற்றுகிறார். இதில் ரெபல் படம் நேற்று திரையரங்குகளில் வெளியானது. கலவையான விமர்சனங்களை பெற்று வருகிறது. 

இதனிடையே, 'கள்வன்' படத்தில் ஜி.வி பிரகாஷோடு, பாரதிராஜாவும் முதன்மைக் கதாபாத்திரத்தில் நடித்துள்ளார். மேலும் இவானா கதாநாயகியாக நடிக்க தீனா, ஞானசம்பந்தன் உள்ளிட்ட பலர் முக்கியக் கதாத்திங்களில் நடித்துள்ளனர். டில்லி பாபு தயாரித்துள்ள இப்படத்தை பி.வி.ஷங்கர் இயக்கியுள்ளார். ஜி.வி.பிரகாஷ் இசை பணிகளையும் மேற்கொண்டுள்ளார். இப்படத்தின் மோஷன் போஸ்டர் மற்றும் டீசர் கடந்த ஆண்டு ஜனவரியில் வெளியானது. மேலும் கடந்த வருட கோடையில் வெளியாகும் என தெரிவிக்கப்பட்டது. ஆனால் வெளியாகவில்லை. 

gv prakash kalvan movie trailer released

இந்த நிலையில் நீண்ட இடைவெளிக்கும் பிறகு தற்போது இப்படத்தின் ட்ரைலர் வெளியாகியுள்ளது. ட்ரைலரில் காட்டு யானைகளால் பாதிக்கப்படும் மலைவாழ் மக்களின் வாழ்வியலை அடிப்படையாகக் கொண்டு இப்படம் உருவாகியுள்ளது போல் தெரிகிறது. ஏப்ரல் 4அம் தேதி இப்படம் திரையரங்குகளில் வெளியாகவுள்ளதாக அறிவிக்கப்பட்டுள்ளது.