Skip to main content

சக்திமான் மரணம் என பரவிய வதந்தி... விளக்கமளித்த சக்திமான்!

Published on 13/05/2021 | Edited on 13/05/2021

 

Shaktimaan

 

‘மகாபாரதம்’, ‘சக்திமான்’ உள்ளிட்ட தொடர்களில் நடித்ததன் மூலம் பிரபலமடைந்தவர் நடிகர் முகேஷ் கண்ணா. இதில், ‘சக்திமான்’ தொடரில் அவர் ஏற்று நடித்த கதாபாத்திரம், இந்தியா முழுமைக்கும் அவருக்குப் பெயரையும் புகழையும் பெற்றுக்கொடுத்தது.

 

இந்த நிலையில், முகேஷ் கண்ணாவிற்கு கரோனா தொற்று உறுதிசெய்யப்பட்டு மருத்துவமனையில் அனுமதிக்கப்பட்டுள்ளதாகவும், அவரது உடல்நிலை மோசமாக இருப்பதாகவும் தகவல்கள் பரவின. சமூக வலைதளங்களில் அவர் இறந்துவிட்டதாகவும் வதந்திகள் பரவின. இதையடுத்து, நடிகர் முகேஷ் கண்ணா இதுகுறித்து விளக்கமளித்துள்ளார்.

 

இதுகுறித்து அவர் வெளியிட்டுள்ள காணொளியில், தனக்கு கரோனா தொற்று ஏற்படவில்லையென்றும், தான் எந்த மருத்துவமனையிலும் அனுமதிக்கப்படவில்லை என்றும் விளக்கமளித்துள்ளார். இது தொடர்பாக தனக்கு நிறைய அழைப்புகள் வந்ததாகத் தெரிவித்துள்ள முகேஷ் கண்ணா, தன்மீது அக்கறை கொண்ட அனைவருக்கும் நன்றி தெரிவித்தார்.

 

 

சார்ந்த செய்திகள்

Next Story

90-ஸ் கிட்ஸ்களின் சூப்பர் ஹீரோ... திரைப்படமாக உருவாகும் 'சக்திமான்'

Published on 12/02/2022 | Edited on 12/02/2022

 

sakthimaan series set to be made into movie

 

90 களில் குழந்தைகள் முதல் பெரியவர்கள் வரை அனைவரையும் கவர்ந்த தொடர் சக்திமான். இந்த தொடர் 1997 ஆம் ஆண்டு முதல் 2005 ஆம் ஆண்டு வரை தொலைக்காட்சியில் ஒளிபரப்பு செய்யப்பட்டது. இத்தொடரை பாலிவுட் நடிகர் முகேஷ் கண்ணா நடித்து தயாரித்திருந்தார். இந்தி மொழியில் எடுக்கப்பட்டு பிறமொழிகளில் டப் செய்யப்பட்டு வெளியான இந்த தொடர் 90ஸ் கிட்ஸ்களின் விருப்ப தொடராக இருந்து வந்தது. 

 

ad

 

இந்நிலையில் சக்திமான் தொடர் திரைப்படமாக உருவாகவுள்ளது. பிரபல தயாரிப்பு நிறுவனமான சோனி பிக்சர்ஸ் நிறுவனம் இப்படத்தை பெரும் பொருட்செலவில் தயாரிக்கவுள்ளதாக அறிவித்துள்ளது. மூன்று பாகங்களாக வெளியாகவுள்ள இப்படத்தில் இந்தியாவின் முன்னணி நடிகர் ஒருவர் நடிக்க இருப்பதாக கூறப்படுகிறது. அடுத்தடுத்த தகவல் விரைவில் வெளியாகும் என அறிவித்துள்ள சோனி பிக்சர்ஸ் நிறுவனம் மிரட்டலான டீசர் ஒன்றையும் வெளியிட்டுள்ளது. அந்த டீசர் தற்போது இணையத்தில் வைரலாகி வருகிறது.