Skip to main content

குளியலறையில் சடலமாக மீட்கப்பட்ட திரை பிரபலம் ; திரையுலகினர் அதிர்ச்சி

Published on 13/06/2022 | Edited on 13/06/2022

 

The screen celebrity whose body was recovered in the bathroom; The filmmakers were shocked

 

பிரதியுஷா கேரிமெல்லா, தெலுங்கு திரையுலகில் ஆடை வடிவமைப்பாளராக இருந்தவர். அமெரிக்காவில் பேஷன் டிசைனிங் முடித்த இவர் இந்தியாவில் சிறந்த 30 ஆடை வடிவமைப்பாளர்களில் ஒருவராக திகழ்ந்தார். இந்தி திரையுலகின் பிரபலங்கள் ஜாக்குலின் பெர்னாண்டஸ், பரினீதி சோப்ரா, ஹூமா குரேஸி, ரகுல் பிரீத் சிங், வித்யா பாலன் உள்ளிட்ட பலருக்கு ஆடை வடிவமைப்பாளராக பணியாற்றியுள்ளார். 

 

ஹைதராபாத்தில் உள்ள பஞ்சராஹில்ஸ் பகுதியில் அடுக்குமாடி குடியிருப்பில் வசித்து வந்த பிரதியுஷா (35) குளியலறையில் மர்மமான முறையில் இறந்து கிடந்துள்ளார். தகவல் அறிந்து விரைந்து வந்த காவல் துறையினர் அவரது உடலைக் கைப்பற்றி உடற் கூராய்விற்காக மருத்துமனைக்கு அனுப்பிவைத்துள்ளனர். அவரது குளியலறையில் கார்பன் மோனாக்சைடு என்ற விஷவாயு பாட்டில் இருந்துள்ளது. அதனை பிரதியுஷா அதிகம் சுவாசித்துள்ளதால் இறந்திருக்கலாம் எனப் போலீசார் சந்தேகித்து சந்தேக மரணம் என வழக்குப் பதிவு செய்துள்ளனர். 

 

மேலும் பிரதியுஷா, ஒரு வாரத்திற்கு முன்பு அவரது இல்லத்தின் குளியலறையில் காற்றோட்டம் வெளியேறும் பகுதிகளை அடைப்பதற்காக ஒரு கார்பென்டரை அழைத்துள்ளதாக கூறப்படுகிறது. இப்போது அதே குளியலறையில் அவர் சடலமாக மீட்கப்பட்டுள்ளது திரையுலகினரிடையே அதிர்ச்சியை ஏற்படுத்தியதோடு சோகத்தையும் ஏற்படுத்தியுள்ளது. 

 

 

சார்ந்த செய்திகள்

Next Story

ராமோஜி ராவ் மறைவு; பிரதமர் மோடி இரங்கல்!

Published on 08/06/2024 | Edited on 08/06/2024
Ramoji Rao passed away Condolences to Prime Minister Modi

ராமோஜி பிலிம் சிட்டி நிறுவனரும், ஈநாடு பத்திரிகை நிறுவனருமான ராமோஜி ராவ் (வயது 87) காலமானார். உடல்நலக் குறைவால் ஐதராபாத்தில் உள்ள தனியார் மருத்துவமனையில் சிகிச்சை பெற்று வந்தார். இந்நிலையில் ராமோஜி ராவ் சிகிச்சை பலனின்றி இன்று (08.06.2024) அதிகாலை 03:45 மணிக்கு உயிரிழந்தார். பத்திரிகை, இலக்கியம் மற்றும் கல்வி போன்ற துறைகளில் அவர் ஆற்றிய பங்களிப்பிற்காக, இந்தியாவின் இரண்டாவது மிக உயர்ந்த விருதான பத்ம விபூஷண் விருதை மத்திய அரசு கடந்த 2016 ஆம் ஆண்டு வழங்கி கவுரவித்தது குறிப்பிடத்தக்கது.

மேலும் ராமோஜி ராவின் இறுதிச் சடங்குகளை அரசு மரியாதையுடன் செய்ய தெலங்கானா அரசு முடிவு செய்துள்ளது.  காங்கிரஸ் கட்சியின் தேசிய செயற்குழு கூட்டத்தில் பங்கேற்பதற்காக டெல்லி சென்றுள்ள தெலங்கான முதல்வர் ரேவந்த் ரெட்டி, மாநில தலைமைச் செயலருக்கு இது தொடர்பாக உத்தரவிட்டுள்ளார். அதில் அரசு மரியாதையுடன் இறுதிச் சடங்குகளை நடத்துவதற்கான ஏற்பாடுகளை மேற்பார்வையிட, ரங்காரெட்டி மாவட்ட கலெக்டர் மற்றும் சைபராபாத் கமிஷனருக்கு தலைமைச் செயலர் மூலம் முதல்வர் உத்தரவு பிறப்பித்துள்ளார் எனத் தெலுங்கானா மாநில முதல்வர் அலுவலகம் இச்செய்தியை வெளியிட்டுள்ளது. 

Ramoji Rao passed away Condolences to Prime Minister Modi

அதே சமயம் ராமோஜி ராவின் மறைவுக்கு பல்வேறு தலைவர்களும் தங்களது இரங்கல்களைத் தெரிவித்து வருகின்றனர். அந்த வகையில் பிரதமர் மோடி எக்ஸ் சமூக வலைத்தளத்தில் வெளியிட்டுள்ள இரங்கல் செய்தியில், “ராமோஜி ராவின் மறைவு மிகவும் வருத்தமளிக்கிறது. இந்திய ஊடகத்தில் புரட்சியை ஏற்படுத்திய தொலைநோக்கு பார்வையாளராக இருந்தார். அவரது செழுமையான பங்களிப்புகள் பத்திரிகை மற்றும் திரைப்பட உலகில் அழியாத முத்திரையை பதித்துள்ளன.

அவரது குறிப்பிடத்தக்க முயற்சிகள் மூலம், அவர் ஊடகம் மற்றும் பொழுதுபோக்கு உலகில் புதுமை மற்றும் சிறப்பிற்கான புதிய தரங்களை அமைத்தார். ராமோஜி ராவ் இந்தியாவின் வளர்ச்சியில் அதீத ஆர்வம் கொண்டிருந்தார். நான் அவருடன் பழகி அவருடைய ஞானத்தால் பயனடைந்து பல வாய்ப்புகளைப் பெற்ற அதிர்ஷ்டசாலி ஆவேன். இந்தக் கடினமான நேரத்தில் அவரது குடும்பத்தினர், நண்பர்கள் மற்றும் எண்ணற்ற ரசிகர்களுக்கு இரங்கல்களை தெரிவித்துக்கொள்கிறேன்” எனக் குறிப்பிட்டுள்ளார். 

Next Story

ராமோஜி பிலிம் சிட்டி நிறுவனர் காலமானார்!

Published on 08/06/2024 | Edited on 08/06/2024
Ramoji Film City Founder Ramoji Rao Passes Away

ராமோஜி பிலிம் சிட்டி நிறுவனரும், ஈநாடு பத்திரிகை நிறுவனருமான ராமோஜி ராவ் (வயது 87) காலமானார். உடல்நலக் குறைவால் ஐதராபாத்தில் உள்ள தனியார் மருத்துவமனையில் சிகிச்சை பெற்று வந்தார். இந்நிலையில் ராமோஜி ராவ் சிகிச்சை பலனின்றி இன்று (08.06.2024) அதிகாலை 03:45 மணிக்கு உயிரிழந்ததாகத் தகவல் வெளியாகியுள்ளது.

மேலும் ராமோஜி ராவின் மறைவுக்குத் தெலுங்கானா பாஜக தலைவரும், அக்கட்சியின் எம்.பி.யுமான ஜி. கிஷன் ரெட்டி இரங்கல் தெரிவித்துள்ளார். இது குறித்து அவர் எக்ஸ் சமூக வலைத்தளத்தில் வெளியிட்டுள்ள பதிவில், “ஊடகத்துறையின் முன்னோடியாகவும், தகவல் துறையில் பல சீர்திருத்தங்கள் மற்றும் விழுமியங்களுக்கு முன்னோடியாகவும் இருந்த ராமோஜி ராவ் இன்று மறைந்தார் என்பதை அறிந்து மிகுந்த வருத்தமடைகிறேன். அர்ப்பணிப்புடனும், ஒழுக்கத்துடனும், விடாமுயற்சியுடனும் பணியாற்றியவர் ஆவார்.

ராமோஜி ராவின் மறைவு தெலுங்கு ஊடகத்துறைக்கும், தொலைக்காட்சித் துறைக்கும், தெலுங்கு மாநிலங்களுக்கும் மிகப்பெரிய இழப்பாகும். ராமோஜி ராவின் ஆன்மா சாந்தியடைய இறைவனைப் பிரார்த்திப்பதுடன், அவரது குடும்பத்தினருக்கு ஆழ்ந்த இரங்கலைத் தெரிவித்துக் கொள்கிறேன்” எனக் குறிப்பிட்டுள்ளார்.