Skip to main content

விஜயகாந்திற்குப் பத்மபூஷன் - எம்.ஜி.ஆர் பாடலை பாடி சத்யராஜ் வாழ்த்து

Published on 09/05/2024 | Edited on 09/05/2024
sathyaraj and prabhu wishes for vijayakanth padma bhushan

மத்திய அரசால், இந்திய குடிமகனுக்கான உயரிய விருதுகளாக பத்ம விருதுகள் வழங்கப்பட்டு வருகிறது. பத்ம ஸ்ரீ, பத்ம பூஷன், பத்ம விபூஷன் என மூன்று அடுக்குகளாக இந்த விருதுகள் இருக்கிறது. இந்த விருதுகளுக்கு, மருத்துவம், இலக்கியம், கல்வி, விளையாட்டு, சமூக பணி, எனப் பல்வேறு தளங்களில் சிறப்பாக பணியாற்றியவர்களைப் பரிந்துரை செய்யப்பட்டு பின்னர், விருது வழங்கும் குழுவால் தேர்வு செய்யப்படுகிறார்கள். 

அந்த வகையில் 2024 ஆம் ஆண்டுக்கான பத்ம விருதுகளை மத்திய அரசு கடந்த ஜனவரியில் அறிவித்தது. இதில் மறைந்த நடிகரும், தேமுதிக கட்சி தலைவருமான விஜயகாந்துக்கு பத்மபூஷன் விருது அறிவிக்கப்பட்டது. கலைத்துறையில் சிறந்த சேவையாற்றியதற்காக அவருக்கு பத்ம பூஷன் விருது அறிவிக்கப்பட்டுள்ளதாக தெரிவிக்கப்பட்டது.

பத்ம விருதுகள் வழங்கும் விழா, டெல்லியில் உள்ள குடியரசுத் தலைவர் மாளிகையில் பல கட்டங்களாக நடைபெற்று வருகிறது. அந்த வகையில் கடந்த மாதம் 22ஆம் தேதி, நடந்த நிகழ்வில், 3 பத்ம விபூஷன், 8 பத்ம பூஷன் மற்றும் 55 பத்மஸ்ரீ விருதுகள் வழங்கப்பட்டது. ஆனால் விஜயகாந்துக்கு பத்மபூஷன் விருது வழங்கப்படவில்லை. இந்த நிலையில் இன்று (09.05.2024) விஜயகாந்துக்கு விருது வழங்கப்படவுள்ளது. அவர் சார்பில் விஜயகாந்தின் மனைவியும், தேமுதிக பொதுச்செயலாளருமான பிரேமலதா விஜயகாந்த் பெறுகிறார். 

sathyaraj and prabhu wishes for vijayakanth padma bhushan

இதனிடையே, விஜயகாந்துக்கு பத்பபூஷன் விருது வழங்குவது தொடர்பாக சத்யராஜ் மற்றும் பிரபு, விஜயகாந்த் குடும்பத்தினர் மற்றும் அவரது ரசிகர்களுக்கு வாழ்த்து தெரிவித்துள்ளனர். சத்யராஜ் கூறுகையில், “என் அன்பு நண்பர் விஜயகாந்திற்கு பத்ம பூஷன் விருது கிடைத்திருப்பது மட்டற்ற மகிழ்ச்சி. அவரது குடும்பத்தாருக்கும், சொந்தங்களுக்கும், ரசிகர்களுக்கும் என்னுடைய வாழ்த்துக்கள். எனக்கு மிகவும் பிடித்தமான எம்.ஜி.ஆரின் பாடல் வரிகளை சொல்லி வாழ்த்துவதில் மகிழ்ச்சியடைகிறேன். இருந்தாலும் மறைந்தாலும் பேர் சொல்ல வேண்டும். இவர் போல யார் என்று ஊர் சொல்ல வேண்டும்” என்றார். 

பிரபு பேசுகையில், “என் அன்பு சகோதரர், இனிய நண்பர் கேப்டனுக்கு விருது. பத்பபூஷன் விருதை எங்க கேப்டனுக்கு கொடுக்கிறதுல எங்க திரையுலகமே ரொம்ப ரொம்ப சந்தோஷப்படுகிறோம். எங்க அன்னை இல்லம் சார்பாக அவரது குடும்பத்தாருக்கும் லட்சக்கணக்கான புரட்சி கலைஞரோட விசிறிகளுக்கும், என்னுடைய மனமார்ந்த வாழ்த்துக்கள்” என்றார்.

சார்ந்த செய்திகள்

Next Story

“ஏ.ஐ மூலம் விஜயகாந்தைத் திரைப்படங்களில் பயன்படுத்தக் கூடாது” - பிரேமலதா விஜயகாந்த்

Published on 05/07/2024 | Edited on 05/07/2024
 Premalatha Vijayakanth Vijayakanth should not be used in films by AI without permission

நடிகரும், தே.மு.தி.க தலைவருமான நடிகர் விஜயகாந்த் கடந்த ஆண்டு டிசம்பர் மாதம் மறைந்தார். அவரது மறைவுக்கு பலரும் அஞ்சலி செலுத்தினர். இதன் பிறகு, மறைந்த விஜயகாந்தை ஏ.ஐ தொழில்நுட்பத்தின் மூலம் பலரும் நடிக்க வைப்பதாகத் தகவல் வெளியானது. குறிப்பாக இயக்குநர் வெங்கட் பிரபு இயக்கத்தில் விஜய் நடிப்பில் உருவாகும் ‘தி கிரேட்டஸ்ட் ஆஃப் ஆல் டைம்’ படத்தில் மறைந்த விஜயகாந்தை ஏ.ஐ தொழில்நுட்பத்தின் மூலம் நடிக்க வைத்திருப்பதாக கூறப்படுகிறது. அதனைத் தொடர்ந்து, பலரும் இந்த விஷயத்தை கையில் எடுக்கயிருப்பதாக அவ்வப்போது கூறி வந்தனர். 

இந்த நிலையில், விஜயகாந்தின் மனைவியும், தே.மு.தி.க பொதுச் செயலாளருமான பிரேமலதா விஜயகாந்த், அனுமதியின்றி எந்தவிதமான அறிவிப்பையும் வெளியிடக் கூடாது எனத் தெரிவித்துள்ளார். இது தொடர்பாக பிரேமலதா விஜயகாந்த் வெளியிட்ட அறிவிப்பில் கூறியதாவது, ‘தமிழ் திரை உலகைச் சேர்ந்த அனைவருக்கும் அன்பான வேண்டுகோள். விஜயகாந்தை ஏ.ஐ தொழில்நுட்பத்தின் (AI TECHNOLOGY) மூலம் திரைப்படங்களில் பயன்படுத்த இருப்பதாகத் தொடர்ந்து செய்திகள் வருகிறது. எனவே, இதுபோன்ற செய்திகள் ஆடியோ வெளியீட்டு விழாவில் வருகின்றது.

எங்களிடம் முன் அனுமதியில்லாமல் இது மாதிரியான அறிவிப்புகள் வருவதை தவிர்த்துக் கொள்ளவேண்டும். எந்த விதத்தில் பயன்படுத்துவதாக இருந்தாலும் முறையாக அனுமதி பெற்ற பின்பே அறிவிப்பை வேளியிட வேண்டும். ஏ.ஐ தொழில்நுட்பத்தின் (AI TECHNOLOGY) மூலம் திரைப்படங்களில் பயன்படுத்த இருப்பதாக இதுவரை யாகும் எந்த அனுமதியும் பெறவில்லை என்பதை நாங்கள் தெரிவித்துக்கொள்கிறோம். எனவே அனுமதியில்லாமல் பத்திரிகை செய்திகள், ஊடகச் செய்திகள், ஆடியோ வெளியீட்டு விழா போன்ற நிகழ்ச்சிகளில் வெளியிடுவதை தவிர்த்துக்கொள்ள வேண்டும் என்று அன்புடன் கேட்டுக்கொள்கிறோம்’ எனக் குறிப்பிடப்பட்டுள்ளது. 

Next Story

சல்மான்கான் படத்தில் இணைந்த தமிழ் நடிகர்!

Published on 04/07/2024 | Edited on 04/07/2024
sathyaraj joined in Salman Khan's film

ரமணா, துப்பாக்கி, கத்தி போன்ற வெற்றி படங்கள் கொடுத்த இயக்குநர் ஏ.ஆர்.முருகதாஸ், ரஜினியை வைத்து ‘தர்பார்’ படத்தை இயக்கியிருந்தார். இந்த படம் எதிர்பார்த்த வெற்றியை தரவில்லை. இந்த நிலையில், நீண்ட இடைவெளிக்குப் பிறகு ஏ.ஆர் முருகதாஸ், சிவகார்த்திகேயனை வைத்து படமெடுக்கப்போவதாக அறிவிப்பு வெளியானது. இந்த படம், சிவகார்த்திகேயனின் 23வது படமாகும். இப்படத்தில், அனிருத் இசையமைக்க, ருக்மணி வசந்த் கதாநாயகியாக நடிக்கிறார். இந்த படத்தின் படப்பிடிப்பு முழு வீச்சில் நடைபெற்று வந்தது. இதற்கிடையில்,இப்படத்தின் படப்பிடிப்பை பாதியில் நிறுத்திவிட்டு ஏ.ஆர் முருகதாஸ் பாலிவுட் பக்கம் சென்றிருக்கிறார். 

சிவகார்த்திகேயன் படத்தையடுத்து ஏ.ஆர் முருகதாஸ், பாலிவுட்டில் சல்மான் கானை வைத்து படமெடுத்து வருகிறார். ‘சிக்கந்தர்’ எனத் தலைப்பு வைக்கப்பட்டுள்ள இப்படத்தின் படப்பிடிப்பு கடந்த ஜூன் 19ஆம் தேதி முதல் நடைபெற்று வருகிறது. முதல் முறையாக இருவரும் கூட்டணி வைத்துள்ளதால் ரசிகர்கள் மத்தியில் இப்படத்திற்கு எதிர்பார்ப்பு அதிகரித்துள்ளது. இப்படத்தை தயாரிப்பாளர் சஜித் நதியாத்வாலா தயாரிக்கிறார். அடுத்த ஆண்டு ரமலான் பண்டிகையை முன்னிட்டு இப்படம் வெளியாகவுள்ளது. ராஷ்மிகா மந்தனா சல்மான் கானுக்கு ஜோடியாக நடிக்கிறார். இதற்கு முன்பு பாலிவுட்டில் ரன்பிர் கபூருக்கு ஜோடியாக அனிமல் படத்தில் நடித்திருந்தார். இப்போது இந்தியில், விக்கி கௌஷல் நடிப்பில் உருவாகும் ஒரு படத்தில் நடித்து முடித்துள்ளார்.

இந்த நிலையில், இப்படத்திற்கான புதிய அப்டேட்டை படக்குழு அறிவித்துள்ளது. இது தொடர்பாக சமூக வலைத்தளப் பக்கத்தில் தெரிவித்துள்ளதாவது, “சத்யராஜை வரவேற்பதில் மகிழ்ச்சி அடைகிறோம். சிகந்தர் குழுவில் நீங்கள் இருப்பதில் பெருமை அடைகிறோம்” எனக் குறிப்பிட்டுள்ளது. மேலும், இந்த படத்தில் நடிகர் பிரதீக் பாப்பர் இணைந்துள்ளதாக அறிவிக்கப்பட்டுள்ளது. இப்படத்தின் மூலம், பாலிவுட்டில் சத்யராஜ் நான்காவது படத்தில் நடிக்கிறார்.