Skip to main content

அமிதாப் பச்சன் படத்துக்கு சந்தோஷ் நாராயணன் இசை

Published on 25/02/2023 | Edited on 25/02/2023

 

Santhosh Narayanan is compose bgm for Amitabh Bachchan project k

 

தமிழில் டாப் ஹீரோக்களான ரஜினி, விஜய், தனுஷ், விக்ரம் உள்ளிட்ட பல்வேறு ஹீரோ படங்களுக்கு இசையமைத்து முன்னணி இசையமைப்பாளராக வலம் வருபவர் சந்தோஷ் நாராயணன். இப்போது தமிழில் பிரஷாந்த் நடிப்பில் உருவாகும் 'அந்தகன்', கார்த்திக் சுப்புராஜ் இயக்கத்தில் உருவாகும் 'ஜிகர்தண்டா 2' மற்றும் இரண்டு தெலுங்கு படத்திற்கு இசையமைக்கிறார். இதனிடையே அஜித்தின் 62வது படத்தில் சந்தோஷ் நாராயணன் இசையமைக்கவுள்ளதாகச் சொல்லப்பட்டது. ஆனால் அதில் உண்மை இல்லை எனவும் திரை வட்டாரங்கள் தெரிவித்திருந்தன.

 

இந்த நிலையில் பிரபாஸ், அமிதாப் பச்சன் நடிக்கும் 'ப்ராஜெக்ட் கே' படத்தில் இசையமைக்கவுள்ளார். இதனை இப்படத்தின் தயாரிப்பாளர் ஒரு பேட்டியில் தெரிவித்துள்ளார். இது தொடர்பாக அவர் பேசுகையில், “ப்ராஜெக்ட் கே. படத்தில் பின்னணி இசை மிக்கி ஜே மேயர் இசையமைக்கவில்லை. அதற்கு பதில் சந்தோஷ் நாராயணன் பின்னணி இசையமைக்கவுள்ளார். மேலும் பாலிவுட் பெண் இசைக் கலைஞர் ஒருவரையும் இணைத்துள்ளோம். விரைவில் அதிகாரப்பூர்வ அறிவிப்பு வெளியாகும்” என்றார். 

 

சந்தோஷ் நாராயணன் இசையில் தமிழைத் தாண்டி தெலுங்கில் 3 படம், மலையாளத்தில் 2 படம், கன்னடத்தில் 1 படம் மற்றும் இந்தியில் 1 படமும் வெளியாகியுள்ளது. அதனைத் தொடர்ந்து இவரது பின்னணி இசையில் இந்தி மற்றும் தெலுங்கில் உருவாகி வரும் 'ப்ராஜெக்ட் கே' படம் வெளியாகவுள்ளது. நாக் அஸ்வின் இயக்கும் ப்ராஜெக்ட் கே படத்தில் கதாநாயகியாக பிரபல பாலிவுட் நடிகை தீபிகா படுகோனே நடிக்க, பெரும் பொருட்செலவில் அஸ்வின் தத் தயாரிக்கிறார். அடுத்த ஆண்டு பொங்கலை முன்னிட்டு ஜனவரி 12 ஆம் தேதி (12.01.2024) வெளியாகவுள்ளது குறிப்பிடத்தக்கது.

 

 

சார்ந்த செய்திகள்

Next Story

மாரி செல்வராஜின் அடுத்த பட ரிலீஸ் அப்டேட்

Published on 18/07/2024 | Edited on 18/07/2024
mari selvaraj vaazhai movie first single Thenkizhakku released

இயக்குநர் மாரி செல்வராஜ் தற்போது துருவ் விக்ரமை வைத்து பைசன் என்ற தலைப்பில் ஒரு படம் இயக்கி வர்ய்கிறார். இதனிடையே வாழை என்ற தலைப்பில் ஒரு படத்தை இயக்கி முடித்துள்ளார். இப்படத்தின் அறிவிப்பு மற்றும் ஃபர்ஸ்ட் லுக் போஸ்டர் கடந்த 2022ஆம் ஆண்டு நவம்பரில் வெளியானது. இதில் முதன்மைக் கதாபாத்திரத்தில் நான்கு சிறுவர்கள் நடித்திருக்க, கலையரசன், நிகிலா விமல், திவ்யா துரைசாமி உள்ளிட்ட பலர் முக்கியக் கதாபாத்திரங்களில் நடித்துள்ளனர். 

டிஸ்னி ப்ளஸ் ஹாட்ஸ்டார் மற்றும் நவ்வி ஸ்டூடியோஸ் இணைந்து வழங்கும் சந்தோஷ் நாராயணன் இசையமைத்துள்ளார். இவர் இசையில் முதல் பாடலான ‘தேன் கிழக்கு...’ பாடல் தற்போது வெளியாகியுள்ளது. இப்பாடலை பாடகி தீ பாடியுள்ளார். கவிஞர் யுகபாரதி வரிகள் எழுதியுள்ளார். இப்பாடல் பள்ளியில் படிக்கும் சிறுவனுக்கும் ஆசிரியருக்கும் இடையே உள்ள அன்பை விவரிக்கும் விதமாக அமைந்துள்ளது.  அதற்கேற்ப ‘ஒத்தையில போகும், வெட்ட வெளி மேகம், மெட்டெடுத்து பாடாதோ ரெக்க விரிச்சி, சித்தெரும்பு போடும் நட்சத்திர கோலம், சொல்லெடுத்து வீசாதோ, உன்ன ரசிச்சு...’ உள்ளிட்ட பல வரிகள் பாடலில் இடம்பெறுகின்றன. 

இப்பாடலோடு ரிலீஸ் குறித்த அறிவிப்பையும் படக்குழுவினர் வெளியிட்டுள்ளனர். அதன்படி அடுத்த மாதம் 23ஆம் தேதி (23.08.2024) திரையரங்குகளில் வெளியாகவுள்ளதாக தெரிவிக்கப்பட்டுள்ளது.  இப்படத்தின் தமிழக திரையரங்கு வெளியீட்டு உரிமையை ரெட் ஜெயண்ட் நிறுவனம் வாங்கியுள்ளது.

Next Story

முதல் முறையாக யுவன் இசையில் பாடிய பிரபல இசையமைப்பாளர்!

Published on 04/07/2024 | Edited on 04/07/2024
santhosh narayanan sang in Yuvan's music for the first time

இயக்குநர் ராம் ‘பேரன்பு’ படத்தைத் தொடர்ந்து, ‘ஏழு கடல் ஏழு மலை’ என்ற தலைப்பில் ஒரு படம் இயக்கியுள்ளார். இதில் நிவின் பாலி, சூரி, அஞ்சலி ஆகியோர் நடித்துள்ளனர். ‘வி ஹவுஸ் ப்ரொடக்‌ஷன்’ சார்பாக சுரேஷ் காமாட்சி தயாரிக்கும் இப்படத்திற்கு யுவன் சங்கர் ராஜா இசையமைத்துள்ளார். சமீபத்தில் இப்படத்தின் கிளிம்ப்ஸ் வெளியாகி பலரது கவனத்தை ஈர்த்தது.

இதற்கிடையில்,  நெதர்லாந்தில் நடைபெற்ற ரோட்டர்டாம் சர்வதேசத் திரைப்பட விழாவில் ‘பிக் ஸ்க்ரீன் போட்டிப் பிரிவில்’ இப்படம் திரையிடப்பட்டது. படத்தைப் பார்த்த பார்வையாளர்கள் படத்தை வெகுவாகப் பாராட்டியிருந்தனர். இது தொடர்பான வீடியோவும் சமூக வலைத்தளங்களில் வைரலானது. 

இப்படத்தின் முதல் பாடல் காதலர் தினமான கடந்த பிப்ரவரி 14 ஆம் தேதி மாலை 6 மணிக்கு வெளியானது. ‘மறுபடி நீ...’ என்ற தலைப்பில் வெளியான இப்பாடலை பாடலாசிரியர் மதன் கார்க்கி வரிகள் எழுதியிருந்தார். இப்பாடலுக்கு ரசிகர்கள் மத்தியில் நல்ல வரவேற்பு கிடைத்தது. 

இந்த நிலையில், இப்படத்தின் 2வது பாடல் குறித்த அறிவிப்பு வெளியாகியுள்ளது. ‘ஏழேழு மலை’ எனத் தலைப்பில் வெளியாகவுள்ள இப்பாடலுக்கு மதன் கார்க்கி வரிகள் எழுதியுள்ளார். நாளை (05-07-24) மாலை 6 மணியளவில் வெளியாகும் இப்பாடலை இசையமைப்பாளர் சந்தோஷ் நாராயணன் பாடியிருக்கிறார். முதல்முறையாக யுவன் ஷங்கர் ராஜா இசையில் சந்தோஷ் நாராயணன் பாடியிருக்கும் இப்பாடலை கேட்க ரசிகர்கள் மிகவும் ஆர்வமுடன் இருக்கின்றனர்.