Skip to main content

95வது ஆஸ்கர் நாமினேஷன் பட்டியல் வெளியீடு; தென்னிந்தியத் திரையுலகில் 'ஆர்.ஆர்.ஆர்' சாதனை

Published on 24/01/2023 | Edited on 24/01/2023

 

rrr in 95 oscar nomination list

 

உலக திரைத்துறையின் உயரிய விருதாகக் கருதப்படும் ஆஸ்கர் விருது சிறந்த படம், சிறந்த நடிகர், நடிகை, தொழில்நுட்பக் கலைஞர்கள் உள்ளிட்ட பல்வேறு பிரிவுகளில் ஆண்டுதோறும் வழங்கப்பட்டு வருகிறது. அந்த வகையில் இந்த ஆண்டிற்கான ஆஸ்கர் விருது விழா வருகிற மார்ச் மாதம் 12 ஆம் தேதி அமெரிக்காவில் நடைபெறவுள்ளது. இதனால் தேர்வுக்காக அனுப்பப்பட்ட படங்களை இறுதி செய்யும் பணிகள் நடைபெற்று வருகிறது.

 

ராஜமௌலி இயக்கத்தில் வெளியான 'ஆர்.ஆர்.ஆர்' படம் படக்குழு சார்பில் தனிப்பட்ட முறையில் 15 பிரிவுகளின் கீழ் போட்டிக்கு அனுப்பப்பட்டது. இந்த நிலையில், இறுதி செய்யப்பட்ட நாமினேஷன் பட்டியலை வெளியிட்டு வருகிறது ஆஸ்கர் அமைப்பு. அந்த வகையில் சிறந்த பாடல் (Original Song) பிரிவில் 'நாட்டு நாட்டு' பாடல் நாமினேஷன் லிஸ்டில் இடம்பெற்றுள்ளது. 

 

தென்னிந்திய மொழிப் படங்கள் இந்தியா சார்பாக பலமுறை அனுப்பப்பட்டும் எந்த படங்களும் நாமினேஷன் ஆகாத நிலையில், முதல் முறையாக தென்னிந்தியப் படம் ஒன்று நாமினேஷன் பட்டியலில் இடம்பிடித்துள்ளது. அதுவும் தனிப்பட்ட முறையில் ஆஸ்கர் விருதுக்கு அனுப்பப்பட்டு நாமினேஷன் பட்டியலில் இடம்பெற்றுள்ளது அனைவரையும் ஆச்சரியத்தில் ஆழ்த்தியுள்ளது. 

 

 

சார்ந்த செய்திகள்

Next Story

‘உலக அரங்கில் இந்திய சினிமா’ - ஜேம்ஸ் கேமரூன் மகிழ்ச்சி

Published on 07/02/2024 | Edited on 07/02/2024
James Cameron about rajamouli rrr

51வது சாட்டர்ன் விருதுகள் நடந்து முடிந்த நிலையில் ஜேம்ஸ் கேமரூன் இயக்கிய அவதார் 2 படம் 4 விருதுகளை வென்றுள்ளது. இதற்காக விருது விழாவில் கலந்து கொண்ட இயக்குநர் ஜேம்ஸ் கேமரூன், இந்திய சினிமா குறித்து மகிழ்ச்சியடைவதாக தெரிவித்துள்ளார். 

கடந்த வருடம் நடந்த கிரிட்டிக்ஸ் சாய்ஸ் விருதுகள் விழாவில் ராஜமௌலியை சந்தித்து பேசிய ஜேம்ஸ் கேமரூன் ஆர்.ஆர்.ஆர் படம் குறித்து பாராட்டியிருந்தார். இந்த நிலையில் சாட்டர்ன் விருது விழாவில் ராஜமௌலியின் ஆர்.ஆர்.ஆர் படம் குறித்து கேட்கப்பட்ட கேள்விக்கு, “நான் அவருடன் அந்த நேரத்தில் நேர்மையாக இருந்தேன். இது அற்புதமானது என்று நான் நினைத்தேன். இந்திய சினிமா உலக அரங்கில் கவனம் ஈர்ப்பதை பார்ப்பது மிகவும் மகிழ்ச்சியாக இருக்கிறது” என பதிலளித்தார். 

ராஜமௌலி இயக்கத்தில் 2022ஆம் ஆண்டு வெளியாகி மாபெரும் வெற்றி பெற்ற படம் ஆர்.ஆர்.ஆர். இப்படத்தில் ராம் சரண், ஜூனியர் என்டிஆர், ஆலியா பட் உள்ளிட்ட பலர் நடித்திருந்தனர். டிவிவி தானையா தயாரித்திருந்த இப்படம் கிட்டத்தட்ட ரூ.1200 கோடிக்கு மேல் வசூல் செய்து சாதனை படைத்தது. இப்படத்திற்கு கீரவாணி இசையமைத்திருந்த நிலையில் 'நாட்டு நாட்டு' பாடல் திரைத்துறையில் உயரிய விருதாகப் பார்க்கப்படும் ஆஸ்கர் விருதை தட்டிச் சென்றது. மேலும் ஆஸ்கர் பெற்ற முதல் இந்தியப் படம் என்ற பெருமையைப் பெற்றது.

Next Story

'நாட்டு நாட்டு'க்கு குத்தாட்டம்; உக்ரைன் ராணுவ வீரர்கள் கொண்டாட்டம்

Published on 31/05/2023 | Edited on 31/05/2023

 

Ukrainian Military Dancing RRR Naatu Naatu

 

ராஜமௌலி இயக்கத்தில் கடந்த ஆண்டு வெளியாகி மாபெரும் வெற்றி பெற்ற படம் ஆர்.ஆர்.ஆர். இப்படத்தில் ராம் சரண், ஜூனியர் என்டிஆர், ஆலியா பட் உள்ளிட்ட பலர் நடித்திருந்தனர். டிவிவி தானையா தயாரித்திருந்த இப்படம் கிட்டத்தட்ட ரூ.1200 கோடிக்கு மேல் வசூல் செய்து சாதனை படைத்தது. இப்படத்திற்கு கீரவாணி இசையமைத்திருந்த நிலையில் பாடல்களும் நல்ல வரவேற்பை பெற்றன. குறிப்பாக 'நாட்டு நாட்டு' பாடல் பலரது கவனத்தை ஈர்த்து திரைத்துறையில் உயரிய விருதுகளாக பார்க்கப்படும் ஆஸ்கர் விருதை தட்டிச் சென்றது. மேலும் ஆஸ்கர் பெற்ற முதல் இந்தியப் படம் என்ற பெருமையைப் பெற்றது. 

 

இதனால் உலக அளவில் கவனம் பெற்ற இப்பாடலை பலரும் நடனமாடி சமூக வலைத்தளங்களில் பகிர்ந்து வருகின்றனர். இப்பாடலுக்கு மரியாதை செலுத்தும் விதமாக டெஸ்லா நிறுவனம் தாங்கள் தயாரித்த கார்களின் மின் விளக்குகளை ஒளிர விட்டு 'நாட்டு நாட்டு' பாடலை ஒலிபரப்பு செய்தது. பிரபு தேவா அவரது நடன குழுவுடன் நடனமாடிய வீடியோ மற்றும் இந்தியாவுக்கான ஜெர்மனி தூதர் பிலிப் அக்கர்மேன் அவரது ஊழியர்களுடன் நடனமாடிய வீடியோ சமூக வலைதளத்தில் வைரலானது. ஜெர்மனி தூதர் நடனமாடியதற்கு பிரதமர் மோடி வாழ்த்து தெரிவித்திருந்தார். 

 

இந்நிலையில் இப்பாடலுக்கான மவுசு இன்னும் குறையவில்லை. இப்போது உக்ரைன் நாட்டு ராணுவ அதிகாரிகள் 'நாட்டு நாட்டு' பாடலுக்கு நடனமாடியுள்ளனர். இந்த வீடியோ தற்போது சமுக வலைத்தளத்தில் வைரலாகி வருகிறது. உக்ரைன் நாட்டுக்கும் ரஷ்யாவுக்கும் இடையே ஒரு வருடத்துக்கு மேலாக போர் நடந்து வருவது குறிப்பிடத்தக்கது.