Skip to main content

ரசிகர்களுக்கு சர்ப்ரைஸ் கொடுத்த ரஜினி

Published on 18/11/2022 | Edited on 19/11/2022

 

rajini jailer movie glimpse released

 

'அண்ணாத்த' படத்தைத் தொடர்ந்து ரஜினிகாந்த் மீண்டும் சன் பிக்சர்ஸ் தயாரிப்பில் 'ஜெயிலர்' படத்தில் நடித்து வருகிறார். இப்படத்தை நெல்சன் திலீப்குமார் இயக்க, படத்தின் முக்கியக் கதாபாத்திரங்களில் பிரபல கன்னட நடிகர் சிவராஜ் குமார், ரம்யா கிருஷ்ணன், யோகி பாபு, விநாயகன் மற்றும் வசந்த் ரவி உள்ளிட்ட பலர் நடித்து வருகின்றனர். இப்படத்தின் படப்பிடிப்புகள் முழு வீச்சில் நடைபெற்று வரும் நிலையில், ரஜினிகாந்த் இப்படத்தில் ஜெயிலர் ரோலில் நடிப்பதாகக் கூறப்படுகிறது. 

 

ad

 

இப்படத்தில் பிரபல கன்னட நடிகர் சிவராஜ் குமார் நடிப்பதாகச் சொல்லி நேற்று புகைப்படத்தை வெளியிட்ட படக்குழு தற்போது ரசிகர்களுக்கு சர்ப்ரைஸ் கொடுத்துள்ளார்கள். அதன்படி இப்படத்தின் படப்பிடிப்பு தளத்தில் ரஜினியின் கிளிம்ஸ் வீடியோவை படக்குழு வெளியிட்டுள்ளது. இந்த வீடியோவை பார்க்கையில், தனக்கே உரித்தான ஸ்டையிலில் கூலிங் க்ளாஸுடன் ரஜினி இருக்கிறார். 

 

இந்த கிளிம்ஸ், ரசிகர்களின் கவனத்தைப் பெற்று சமூக வலைத்தளங்களில் வைரலாகி வருகிறது. மேலும் ரஜினி ரசிகர்கள் இந்த கிளிம்ஸ் படத்தின் மீதான எதிர்பார்ப்பை அதிகரித்துள்ளதாக கமெண்ட் செய்து அதிகம் பகிர்ந்து வருகின்றனர். 

 

 

 

சார்ந்த செய்திகள்

Next Story

இந்தியன் 2 ; ரஜினி அளித்த பதில்

Published on 22/07/2024 | Edited on 22/07/2024
rajini about kamal indian 2

ரஜினிகாந்த், தனது 170வது படமாக த.செ.ஞானவேல் இயக்கத்தில் நடித்துமுடித்துள்ளார். வேட்டையன் என்ற தலைப்பில் உருவாகி வரும் இப்படத்தில் அமிதாப் பச்சன், ஃபஹத் பாசில், ராணா டக்குபதி, மஞ்சு வாரியர், கிஷோர், ரித்திகா சிங், துஷாரா விஜயன் உள்ளிட்ட பலர் நடித்துள்ளனர். லைகா தயாரிக்கும் இப்படத்திற்கு அனிருத் இசையமைக்கிறார். 

இந்தப் படத்தை தொடர்ந்து லோகேஷ் கனகராஜ் இயக்கத்தில் கூலி படத்தில் நடித்து வருகிறார். இப்படத்தை சன் பிக்ச்சர்ஸ் நிறுவனம் தயாரிக்க சன் பிக்சர்ஸ் தயாரிக்கும் இப்படத்திற்கு அனிருத் இசையமைக்கிறார். இப்படத்தின் படப்பிடிப்பு விறுவிறுப்பாக நடந்து வருகிறது. 

இதனிடையே கேரளாவிற்கு ஒரு திருமண நிகழ்ச்சியில் பங்கேற்பதாக அங்கு சென்றார். பின்பு சென்னை திரும்பிய அவர், விமான நிலையத்தில் செய்தியாளர்களின் கேள்விகளுக்கு பதிலளித்தார். அவர் பேசுகையில், “கூலி படத்தின் படப்பிடிப்பு நன்றாக நடந்து கொண்டு இருக்கிறது. வேட்டையன் பட பணிகளும் நன்றாக போய்க்கொண்டு இருக்கிறது” என்றார். இதனிடையே இந்தியன் 2 படம் குறித்த கேள்விக்கு, நன்றாக வந்திருப்பதாக தெரிவித்தார். 

கமல் - ஷங்கர் கூட்டணியில் நீண்ட காலமாக உருவாகி வந்த இந்தியன் 2, கடந்த 12ஆம் தேதி பெரும் எதிர்பார்ப்புக்கு மத்தியில் வெளியானது. லைகா தயாரித்துள்ள இப்படத்தில் சித்தார்த், விவேக், பிரியா பவானி ஷங்கர், ரகுல் பிரீத் சிங் உள்ளிட்ட முன்னணி நடிகர்கள் நடித்திருந்தனர். தமிழ், தெலுங்கு, இந்தி உள்ளிட்ட மொழியில் உலகம் முழுவதும் வெளியான இப்படம் கலவையான விமர்சனங்களே பெற்று வந்தது குறிப்பிடத்தக்கது. 

Next Story

ரஜினியைச் சந்தித்த கிரிக்கெட் வீரர் பும்ரா

Published on 20/07/2024 | Edited on 20/07/2024
bumrah meet rajini

உலகில் பிரபல பணக்காரர்களில் ஒருவரான முகேஷ் அம்பானி, இந்தியாவில் முக்கியமான தொழிலதிபராகவும் இருக்கிறார். இவருடைய இளைய மகன் ஆனந்த் அம்பானிக்கு கடந்த 13ஆம் தேதி வெகு விமர்சையாக திருமணம் நடைபெற்றது. இந்த திருமணத்தில் இந்தியா மட்டுமல்லாது உலகம் முழுவதும் உள்ள முக்கிய பிரபலங்கள், தலைவர்கள் என அனைவரும் கலந்து கொண்டு தம்பதியருக்கு வாழ்த்துகளைத் தெரிவித்தனர். 

இந்தியாவை பொறுத்தவரை, ரஜினிகாந்த், அமிதாப் பச்சன், ஷாருக் கான், பூஜா ஹெக்டே, அட்லீ உள்ளிட்ட திரைப் பிரபலங்கள், பிரபல மல்யுத்த குத்து சண்டை வீரர் ஜான் சீனா,  ஹாலிவுட் நடிகர்கள், அரசியல் தலைவர்கள் என பலரும் முகேஷ் அம்பானி வீட்டு திருமணத்தில் கலந்து கொண்டனர். குறிப்பாக ரஜினிகாந்த் நடனமாடிய வீடியோ சமூக வலைத்தளங்களில் வைரலானது. இது தொடர்பான புகைப்படங்கள் பிரபலங்கள் அவர்களது சமூக வலைத்தளப் பக்கங்களில் பகிர்ந்து வருகின்றன. அது பரவலாக பகிரப்பட்டு வருகிறது. அண்மையில் விக்னேஷ் சிவன் அத்திருமணத்தில் தோனியுடன் மற்றும் மகேஷ் பாபு உள்ளிட்ட பிரபலங்களுடன் எடுத்த புகைப்படத்தை பகிர்ந்திருந்தார். 

bumrah meet rajini

இதனைத் தொடர்ந்து தற்போது இந்திய கிரிக்கெட் வீரர் ஜஸ்பிட் பும்ரா ரஜினிகாந்துடன் எடுத்த புகைப்படத்தை தனது இன்ஸ்டாகிராம் பக்கத்தில் பகிர்ந்துள்ளார். அதில் பும்ரா மற்றும் அவரது மனைவியும் ரஜினி மற்றும் அவரது மனைவியும் இடம்பெற்றுள்ளனர். மேலும் அந்தப் பதிவில், “நான் எப்போதும் சந்திக்க விரும்பும் மனிதரை சந்திக்கும் வாய்ப்பு கிடைத்ததில் மிகவும் மகிழ்ச்சி” எனக் குறிப்பிட்டுள்ளார்.