Skip to main content

"நீங்கள் மனிதரே இல்லை..." - வெற்றிமாறன் பேச்சுக்கு பேரரசு விமர்சனம் 

Published on 03/10/2022 | Edited on 03/10/2022

 

perarasu talk about vetrimaaran speech

 

விடுதலை சிறுத்தைகள் கட்சியின் தலைவர் திருமாவளவனின் மணிவிழா  நிகழ்ச்சியில் திரைப்பட இயக்குநர் வெற்றிமாறன் கலந்து கொண்டு பேசினார். அதில் திருவள்ளுவருக்கு காவி உடை உடுத்துவது போல் ராஜ ராஜ சோழனுக்கு இந்து அடையாளம் கொடுக்கின்றனர் என விமர்சனம் செய்திருந்தார். இதையடுத்து வெற்றிமாறனுக்கு எதிராகவும், ஆதரவாகவும் பலரும் கருத்துக்களை தெரிவித்து வருகின்றனர். 

 

இந்நிலையில் பத்திரிகையாளர்களை சந்தித்த இயக்குநர் பேரரசு, "ஒருவர் இந்து மதத்தை இழிவுபடுத்தும் போது, அவருக்கு நாங்கள் பதில் சொன்னால், உடனே எங்களுக்கு மத வெறியர்கள் என்று பச்சைகுத்துவது. வெற்றிமாறன் ராஜராஜ சோழனை இந்து என்று அடையாளம் கொடுக்கிறாங்கன்னு சொல்றாரு. சரி ராஜராஜ சோழன் இந்து இல்லை என்றால் வேறு என்ன கிருஸ்துவரா இல்ல இஸ்லாமியரா? ஆங்கிலேயர் நம் நாட்டை ஆட்சி செய்தபோது  இந்தியா மாகாணம், மாகாணங்களாக பிரிந்து இருந்தது. அதில் மாற்றம் ஏற்பட்டு ஒன்றாக இணைத்து இன்று இந்தியா சொல்கிறார்கள். அதே போலத்தான் எல்லாத்திலும் மாற்றம் வேண்டும். இந்து மாதம் ஒரு காலத்தில், சைவம், வைணவம் என பல மதங்களாக இந்திய மதம் சிதறியிருந்தது. அதை அனைத்தையும் ஒன்றாக இணைத்து ஆங்கிலேயர் இந்து மதம் என்று ஒரு பெயரை வைத்தார்கள். சாமி கும்பிடுகிறவர்கள் அனைவரும் எல்லா சாமியையும் வழிபடுகிறார்கள். உங்களுக்கு அதில் என்ன பிரச்சனை. நீங்கள் இந்துக்கள் இல்லைல, அப்புறம் எதற்கு இந்துக்கள் பற்றி பேசுறீங்க. சாமி கும்புடுறவங்க இதை பற்றி பேசட்டும். நாத்திகம் பேசுறவன் இந்துவை பற்றி பேசக்கூடாது. நாத்திகம் பேசுறவன் முதலில் மனிதனே இல்லை, எவரொருவர் மற்ற மதத்தை இழிவாக பேசுகிறாரே அவர் மனிதரே இல்லை" என தெரிவித்துள்ளார். 

 

 

 

சார்ந்த செய்திகள்

Next Story

வெற்றிமாறன் வெளியிட்டுள்ள 'வெப்பம் குளிர் மழை' போஸ்டர்

Published on 09/03/2024 | Edited on 09/03/2024
vetrimaaran released veppam kuzhir mazhai first look poster

அறிமுக இயக்குநர் பாஸ்கல் வேதமுத்து இயக்கத்தில் உருவாகும் படம் 'வெப்பம் குளிர் மழை'. இப்படத்தை தயாரித்து முதன்மை கதாபாத்திரத்தில் நடிக்கிறார் திரவ். இஸ்மத் பானு, எம்.எஸ். பாஸ்கர், ராமா, மாஸ்டர் கார்த்திகேயன், தேவ் ஹபிபுல்லா, விஜயலட்சுமி மற்றும் பலர் நடித்துள்ளனர். ஷங்கர் ரங்கராஜன் இசையமைக்கிறார். இத்திரைப்படம் திருமணமான தம்பதிகள் சந்திக்கும் இன்றைய சவால்களை மையமாகக் கொண்டது. அதில் உருவாகும் சமூக தாக்கங்கள் மன, உடல் ரீதியாக உறுதியற்ற தன்மைகளை எப்படி சம்பந்தப்பட்டவர்களுக்கு உருவாக்குகின்றன என்றும் இயக்குநர் பாஸ்கல் வேதமுத்து கூறுகிறார். 

தேசிய விருது பெற்ற ‘குற்றம் கடிதல்’ படத்தில் உதவி இயக்குநராகவும், ‘மகளிர் மட்டும்’ மற்றும் ‘சுழல்’ வெப் சீரிஸில் இணை இயக்குநராகவும் பணியாற்றிய பாஸ்கல் வேதமுத்து இந்தப் படம் மூலம் இயக்குநராக அறிமுகமாகிறார்.

இந்தப் படத்தின் ஃபர்ஸ்ட் லுக் போஸ்டரை இயக்குநர் வெற்றிமாறன் வெளியிட்டுள்ளார். மேலும், படத்தின் முதல் பார்வை மிக அழுத்தமாகவும் வித்தியாசமான முறையிலும் இருப்பதாகவும் வெற்றிமாறன் கூறியுள்ளதாக படக்குழுவினர் மகிழ்ச்சியை வெளிப்படுத்தியுள்ளனர்.

Next Story

“அடிப்படை உரிமையாக மாறிவிட்டது இறைச்சி” - வெற்றிமாறன்

Published on 27/02/2024 | Edited on 27/02/2024
vetrimaaran speech about Meat

வெற்றிமாறன் தற்போது விடுதலை இரண்டாம் பாகத்தை இயக்கி வருகிறார். இதனிடையே திரைப்படங்களைத் தாண்டி நிறைய நிகழ்ச்சிகளிலும் கலந்து கொண்டு உரையாடுகிறார். அந்த வகையில் ஒரு உணவகம் திறப்பு விழாவில் கலந்து கொண்டு பேசிய அவர், இறைச்சி குறித்து பேசியுள்ளார். 

அவர் பேசுகையில், “சின்ன வயதில் சாப்பிடும் உணவு தான் அந்த தலைமுறையையே தீர்மானிக்கிறது. எங்க தலைமுறையினர் மற்றும் எங்களுக்கு அடுத்த தலைமுறையினர்களில் உணவால் நிறைய பிரச்சனைகள் உருவாகியிருக்கிறது. உணவுப் பொருளின் தரம், சமையலின் தரம், போன்றவற்றை மறுசீரமைப்புக்கு உட்படுத்தி அதிலிருந்து சரியானதை எடுத்து கொள்ளும் கட்டாயத்தில் நாம் இருக்கிறோம்.  

மனிதனுடைய வளர்ச்சிக்கு மிக இன்றியமையாதது இறைச்சி. இது அறிவியல் பூர்வமாக நிரூபிக்கப்பட்டது. இறைச்சி உணவு என்பது மனிதனுடைய அடிப்படை தேவைகளில் ஒன்று. இன்றைக்கு அடிப்படை உரிமைகளுள் ஒன்றாக மாறிவிட்டது. நான் நிறைய இறைச்சி சாப்பிடக்கூடிய ஆள்” என்றார்.