Skip to main content

பிரதீப் ரங்கநாதன் படத்தில் நயன்தாரா

Published on 06/12/2023 | Edited on 06/12/2023

 

 nayanthara to avt in pradeep ranganathan vignesh shivan movie

 

இயக்குநர் விக்னேஷ் சிவன், அஜித்தின் 62வது படத்தை இயக்க கமிட்டான நிலையில் சில காரணங்களால் அதிலிருந்து விலக்கப்பட்டுவிட்டார். இதையடுத்து பிரதீப் ரங்கநாதனை ஹீரோவாக வைத்து ஒரு படம் இயக்கவுள்ளதாகத் தகவல் வெளியானது. பின்பு ஒரு நிகழ்ச்சியில் செய்தியாளர்கள் சந்திப்பில் விக்னேஷ் சிவன் உறுதி செய்தார். இப்படம் கமலின் ராஜ்கமல் ப்ரொடக்‌ஷன் தயாரிப்பதாகக் கூறப்பட்ட நிலையில், லலித்தின் செவென் ஸ்க்ரீன் ஸ்டுடியோஸ் நிறுவனம் தயாரிக்கவுள்ளதாக கூறப்பட்டது. மேலும் எஸ்.ஜே. சூர்யா முக்கிய கதாபாத்திரத்தில் நடிக்கவுள்ளதாக திரை வட்டாரங்கள் தெரிவித்தன.

 

இந்த நிலையில், இப்படத்தில் நயன்தாரா நடிக்கவுள்ளதாகத் தகவல் வெளியாகியுள்ளது. அவர் பிரதீப் ரங்கநாதனின் அக்கா கதாபாத்திரத்தில் நடிக்கவுள்ளதாகக் கூறப்படுகிறது. நயன்தாரா இதற்கு முன்னதாக ‘இமைக்கா நொடிகள்’ படத்தில் அதர்வாவிற்கு அக்காவாக நடித்திருந்தார்.  இப்படம் நல்ல வரவேற்பு பெற்றது குறிப்பிடத்தக்கது.

 

'கோமாளி' படம் மூலம் இயக்குநராக அறிமுகமான பிரதீப் ரங்கநாதன், அடுத்ததாக 'லவ் டுடே' படத்தை இயக்கி அதில் ஹீரோவாகவும் நடித்திருந்தார். இப்படம் பெறும் வரவேற்பைப் பெற்றது. மேலும் இந்தியில் ரீமேக்காகிறது. 

 

 

சார்ந்த செய்திகள்

Next Story

மீண்டும் அம்மனாக நயன்தாரா! - அறிவிப்பை வெளியிட்ட படக்குழு

Published on 13/07/2024 | Edited on 13/07/2024
mookuthi amman 2 movie official update

ஆர்.ஜே.பாலாஜி இயக்கி நடித்து கடந்த 2020ஆம் ஆண்டு வெளியான படம் ‘மூக்குத்தி அம்மன்’. இப்படத்தில் நயன்தாரா முதன்மை கதாபாத்திரத்தில் நடித்திருந்தார். இப்படத்தை ஆர்.ஜே.பாலாஜியோடு என்.ஜே.சரவணன் சேர்ந்து இயக்கியிருந்தார். கிரிஷ் ஜி இசையமைத்திருந்த இப்படம், கொரோனா பெருந்தொற்று காரணமாக நேரடியாக டிஸ்னி + ஹாட்ஸ்டார் தளத்தில் வெளியானது. 

வேல்ஸ் நிறுவனம் தயாரிப்பில் உருவான இப்படம், ரசிகர்கள் மத்தியில் பெரும் வரவேற்பை பெற்று பெரிய வெற்றியை அடைந்தது. இப்படத்தில் நடித்த நயன்தாராவுக்கும் நல்ல பெயரை வாங்கி கொடுத்தது. இதற்கிடையில், இப்படத்தில் இரண்டாம் பாகம் வரவிருப்பதாக அண்மை காலமாக தகவல் வெளியாகி வந்தது. இப்படத்தை ஆர்.ஜே.பாலாஜி இயக்கவிருப்பதாகவும், அதில் திரிஷா அல்லது சமந்தா அம்மன் கதாபாத்திரத்தில் நடிக்கவிருப்பதாகவும் அவ்வப்போது தகவல்கள் பரவி வந்தது.

இந்த நிலையில், இப்படத்தின் இரண்டாம் பாகமான ‘மூக்குத்தி அம்மன் 2’ படம் வரவிருப்பதாக படத்தயாரிப்பு நிறுவனமான வேல்ஸ் நிறுவனம் அதிகாரப்பூர்வமாக அறிவித்துள்ளது. அதில் இப்படத்தை வேல்ஸ் நிறுவனத்தோடு, நயன்தாராவின் ‘ரவுடி பிக்சர்ஸ்’ நிறுவனமும் இணைந்து தயாரிக்கவிருப்பதாக அறிவித்துள்ளது. ஆனால், முதல் பாகத்தை இயக்கிய ஆர்.ஜே.பாலாஜி இந்தப் படத்தை இயக்கவில்லை என்று கூறப்படுகிறது. இந்த அறிவிப்பு வீடியோவிலும் ஆர்.ஜே.பாலாஜியின் பெயர் இல்லாததால் ரசிகர்கள் குழப்பத்தில் இருக்கின்றனர். 

Next Story

உலக அளவிலான லிஸ்ட் - டாப்பில் சமந்தா, நயன்தாரா   

Published on 29/05/2024 | Edited on 29/05/2024
imdb Top 100 Most Viewed Indian Stars of the Last Decade on globally

ஐ.எம்.டி.பி என்ற இணையதளம் உலகத் திரைப்படங்கள், வெப் தொடர்கள் உள்ளிட்ட பலவற்றைப் பற்றிய தகவல்களை வழங்கும் ஒரு பிரபலமான இணையதளம். மேலும், ஆன்லைன் மூலம் மக்கள் அளிக்கும் புள்ளிகளை வைத்து சிறந்த படம் குறித்த பட்டியலை மக்களுக்கு தொகுத்து வழங்குகிறது. இந்த இணையதளத்தில் டாப் இடத்தில் இடம்பெறுவது ஒரு அங்கீகாரமாகக் கருதப்படுகிறது. இதில் பொதுமக்களில் யார் வேண்டுமானாலும் தங்கள் கருத்துகளையும் ரேட்டிங்கையும் பதிவு செய்ய முடியும் என்பது குறிப்பிடத்தக்கது. 

இந்த இணையதளத்தில் உலகளவில் கடந்த 10 ஆண்டுகளில் அதிக பார்வையாளர்களைக் கொண்ட இந்திய பிரபலங்கள் பட்டியல் தற்போது வெளியாகியுள்ளது. அதில் முதல் இடத்தை தீபிகா படுகோனே, இரண்டாவது இடத்தில் ஷாருக்கான், மூன்றாவது இடத்தில் ஐஸ்வர்யா ராய் பச்சன், நான்காவது இடத்தில் ஆலியா பட், ஐந்தாவது இடத்தில் இர்ஃபான் இருக்கின்றனர். 

இதில் கோலிவுட் பிரபலங்கள் பொறுத்தவரை 13வது இடத்தில் சமந்தா, 16வது தமன்னா, 18வது இடத்தில் நயன்தாரா, 30வது இடத்தில் தனுஷ், 35வது இடத்தில் விஜய், 42வது இடத்தில் ரஜினிகாந்த், 43வது இடத்தில் விஜய் சேதுபதி, 50வது இடத்தில் மாதவன், 54வது இடத்தில் கமல்ஹாசன், 58வது இடத்தில் ஸ்ருதிஹாசன், 62வது இடத்தில் சூர்யா, 84வது இடத்தில் த்ரிஷா, 92வது இடத்தில் விக்ரம், 98வது இடத்தில் அஜித் ஆகியோர் இருக்கின்றனர்.