Skip to main content

“நாட்டை ஆளத் துடிக்கின்ற நடிகர்கள் பேசமாட்டார்கள்” - லெனின் பாரதி

Published on 22/02/2024 | Edited on 22/02/2024
lenin bharathi about trisha issue in mangai audio launch

குபேந்திரன் காமாட்சி இயக்கத்தில் கயல் ஆனந்தி, துஷி, ஆதித்ய கதிர் உள்ளிட்ட பலர் நடிப்பில் உருவாகியுள்ள படம் மங்கை. ஜாஃபர் சாதிக் தயாரித்துள்ள இப்படத்திற்கு தீசன் இசையமைத்துள்ளார். நாளை (23.02.2024) வெளியாகவுள்ள இப்படத்தின் இசை வெளியீட்டு விழா நடைபெற்றது. இதில் படக்குழுவினர் பலரும் கலந்து கொண்ட நிலையில் மேற்கு தொடர்ச்சி மலை பட இயக்குநர் லெனின் பாரதியும் கலந்து கொண்டு படக்குழுவை வாழ்த்தினார். 

அவர் பேசுகையில், “பொதுவாக ஆண் கதாபாத்திரத்தை மையமாக வைக்கும் டைட்டில், ரொம்ப கம்பீரமா இருக்கும். அதில் இன்றைக்கு நிறைய பேர் சொல்லிக் கொண்டிருக்கும் ஆண்ட பரம்பரை போன்ற பெருமை விஷயங்கள் தான் இருக்கும். ஆனால் இந்த படத்தின் டைட்டில் மங்கை, அந்த டிசைனில் கீரல்கள், தாக்குதல்கள்... டைட்டில் டேக் லைனில் ‘ட்ராவல் ஆஃப் வுமன்’ என்ற வார்த்தை இடம்பெற்றிருக்கிறது. அது மிகப் பெரிய அரசியல். எத்தனையோ ஒடுக்கப்பட்ட, தாழ்த்தப்பட்ட, அடக்கப்படுகிற மக்களுக்காக குரல் கொடுக்கிறோம். அவர்களின் வளர்ச்சிக்கும் முன்னேற்றத்திற்கும் பங்களிப்பு செலுத்தியிருக்கிறோம். ஆனால் காலங்காலமாக தொடர்ந்து எல்லா சாதிகளிலும், சமூகங்களிலும், மதங்களிலும் ஒடுக்கப்படுபவர்கள் பெண்கள். அப்படிப்பட்ட சூழலில் மங்கை என்ற டைட்டில் முக்கியமானதாக இருக்கிறது. 

வெங்கட் பேசும் போது, நடிகர்கள் யாருமே த்ரிஷா விவகாரம் பற்றி கேட்கமாட்றாங்க என்று சொன்னார். எப்படி கேட்பாங்க. இன்றைக்கு உள்ள அத்தனை முன்னணி நடிகர்களும் பெண் உடலை வச்சு ஜெயிச்சவங்க. இன்றைய உச்ச நட்சத்திரங்கள், அடுத்து நாட்டை ஆள துடிக்கின்ற நடிகர்கள், எல்லாமே, அவர்களது ஆரம்பக்கட்ட படங்களில், பெண் உடலை மைய்யமா வச்சு தான் சினிமாவில் பயணப்பட்டு வந்திருக்காங்க. நான் சின்ன வயசுல இருக்கும் போது ரஜினி, கமல் பட போஸ்டரில் சில்க் ஸ்மிதா படம் தான் பெருசா இருக்கும். அதனால் அப்படி இருக்கும் இந்த ஆணாதிக்க சமூகத்தில் இந்த நடிகர்கள் கேள்வி எழுப்ப மாட்டார்கள். அந்த கனவை நாம் காணக் கூடாது. ஏனென்றால் அவர்கள் தான் பெண்களை உடலாக பார்க்கக்கூடிய சினிமாவை தொடர்ச்சியா எடுப்பது. பெண்ணை வெறும் உடலா மட்டுமே பாவிக்க கூடிய போக்கை ஏற்படுத்துகிற நாயகர்கள் ஒரு போதும் பெண் விடுதலைக்காக பேச மாட்டார்கள். அப்படி அவர்கள் பேசினார்கள் என்றால் அதற்கு பின்னால் ஒரு சுயநலம் இருக்கும். பெண்களை நாம் உடலாக போதிக்காமல் சக மனிதனாக போதிக்க வேண்டும். அதை இப்படம் சொல்லிக்கொடுக்கும்” என்றார். 

சார்ந்த செய்திகள்

Next Story

கோலிவுட், டோலிவுட், பாலிவுட் - விஜய்யின் படத்திற்கு டாப் ஹீரோயின்கள் பரிந்துரை

Published on 08/04/2024 | Edited on 08/04/2024
vijay 69 heroine update

விஜய் தற்போது வெங்கட் பிரபு இயக்கும் ‘தி கிரேட்டஸ்ட் ஆஃப் ஆல் டைம்’ படத்தில் நடித்து வருகிறார். விஜய்யின் 68ஆவது படமாக உருவாகி வரும் இப்படத்தை ஏ.ஜி.எஸ். நிறுவனம் தயாரிக்க யுவன் ஷங்கர் ராஜா இசையமைக்கிறார். இப்படத்தில், பிரஷாந்த், பிரபுதேவா, மீனாட்சி செளத்ரி, சினேகா, லைலா, மோகன், ஜெயராம், வைபவ், பிரேம் ஜி, யோகி பாபு என ஏகப்பட்ட பிரபலங்கள் நடித்து வருகின்றனர். கடந்த புத்தாண்டு தினத்தை முன்னிட்டு இந்த படத்தின் ஃபர்ஸ்ட் லுக் மற்றும் செகண்ட் லுக் ஆகிய போஸ்டர்கள் வெளியாகி வைரலானது. 

இப்படத்தின் படப்பிடிப்பு சென்னை, தாய்லாந்து, பாண்டிச்சேரி உள்ளிட்ட இடங்களில் நடந்தது. தொடர்ந்து கடைசியாக கேரளாவில் நடந்து முடிந்தது. காவலன் படத்திற்குப் பிறகு நீண்ட இடைவெளிக்குப் பிறகு கேரளாவிற்கு விஜய் சென்றதால், அவருக்கு கேரள ரசிகர்கள் உற்சாக வரவேற்பு கொடுத்தனர். படப்பிடிப்பு தளத்திலும் அவரைக் காண ஏராளமான ரசிகர்கள் குவிந்தனர். அது தொடர்பான வீடியோ மற்றும் புகைப்படங்கள் தினசரி சமூக வலைத்தளங்களில் வெளியாகி வைரலானது. மேலும் அவர்களிடம் விஜய் மலையாளத்தில் பேசிய வீடியோக்களும் வைரலானது. இப்படத்தின் அடுத்தகட்ட படப்பிடிப்பு ரஷ்யாவில் நடப்பதாக கூறப்படுகிறது. 

vijay 69 heroine update

இப்படத்தை அடுத்து விஜய்யின் கடைசி படமாக உருவாகும் அவரது 69ஆவது படத்தை அ.வினோத் இயக்கவுள்ளதாக தகவல் உலா வந்தது. இந்த நிலையில் இப்படத்தின் கதாநாயகி குறித்த தகவல் தற்போது வெளியாகியுள்ளது. திரிஷா, சமந்தா, மிருனால் தாக்கூர் மற்றும் பாலிவுட் நடிகை ஆலியா பட் ஆகிய நான்கு நடிகைகளிடமும் பேச்சு வார்த்தை நடக்கவுள்ளதாக கூறப்படுகிறது.

vijay 69 heroine update

இதனிடையே தமிழக வெற்றி கழகம் என்ற அரசியல் கட்சியை நடத்தி வரும் விஜய், தனது 69வது படத்திற்கு பிறகு முழு நேர அரசியலில் ஈடுபடவுள்ளதாக முன்பு தெரிவித்திருந்தார் என்பது குறிப்பிடதக்கது. 

Next Story

அல்லு அர்ஜுனுக்கு ஜோடி - இரண்டு ஹீரோயின்களிடம் அட்லீ பேச்சு வார்த்தை

Published on 02/04/2024 | Edited on 02/04/2024
trisha or samantha to pair in atlee next allu arjun movie

ராஜா ராணி படம் மூலம் இயக்குநராக அறிமுகமான அட்லீ, முன்னணி நடிகரான விஜய்யை வைத்து தெறி, மெர்சல், பிகில் உள்ளிட்ட படங்களை இயக்கி அவரும் முன்னணி இயக்குநராக உருவானார். இதைத் தொடர்ந்து பாலிவுட்டில் முன்னணி நடிகரான ஷாருக்கானை வைத்து ஜவான் படம் இயக்கியிருந்தார். கடந்த செப்டம்பர் மாதம் 7ஆம் தேதி வெளியான இப்படம் உலகம் முழுவதும் 1143.59 கோடி வசூலித்து சாதனை படைத்துள்ளது.

இப்படத்தை முடித்துவிட்டு விஜய் மற்றும் ஷாருக்கான் இருவரையும் ஒரே படத்தில் இணைந்து நடிக்க கதையும் எழுதி வருவதாகக் கூறியிருந்தார். இந்த நிலையில் அட்லீ அடுத்ததாக அல்லு அர்ஜுனுடன் கூட்டணி வைக்கவுள்ளதாக கடந்த ஒரு ஆண்டுக்கு மேலாக தகவல் வெளிவந்த நிலையில் தற்போது அது உறுதியாகி விட்டதாக தகவல் வெளியாகியுள்ளது. 

 

trisha or samantha to pair in atlee next allu arjun movie

இப்படத்திற்கு அனிருத் இசையமைப்பதாகவும் இந்தாண்டு இறுதியில் இப்படத்தின் படப்பிடிப்பு தொடங்கவுள்ளதாக சொல்லப்பட்டு வருவதையடுத்து தற்போது ஹீரோயின் பற்றிய தகவல் வெளியாகியுள்ளது. த்ரிஷா மற்றும் சமந்தா இருவரிடமும் பேச்சு வார்த்தை நடந்து வருவதாக கூறப்படுகிறது. இப்படம் குறித்தான அதிகாரப்பூர்வ அறிவிப்பு அல்லு அர்ஜுன் பிறந்தநாளான வருகிற 8ஆம் தேதி வெளியாகவுள்ளதாக டோலிவுட் வட்டாரம் தெரிவிக்கிறது. த்ரிஷா தற்போது விடாமுயற்சி, தக் லைஃப், மலையாளத்தில் ஐடென்டிட்டி, ராம் மற்றும் தெலுங்கில் விஷ்வம்பரா படத்தை கைவசம் வைத்துள்ளார். சமந்தா சிட்டாடெல் நெப் தொடரை வைத்துள்ளார்.

அல்லு அர்ஜுன் தற்போது புஷ்பா 2 பட படப்பிடிப்பில் கலந்து கொண்டு வருகிறார். இப்படம் ஆகஸ்ட் 15ஆம் தேதி வெளியாகவுள்ளது. படத்தின் டீசர் வருகிற 8ஆம் தேதி அல்லு அர்ஜுன் பிறந்தநாள் விருந்தாக வெளியாகிறது.