Skip to main content

"இந்த கேள்வியை கேட்பீர்கள் என்று தெரியும்...நான் பதில் சொல்லமாட்டேன்" - ஜீவா

Published on 03/12/2022 | Edited on 03/12/2022

 

jiiva answer a question which movie will you watch first in pongal for varisu and thunivu

 

'காஃபி வித் காதல்' படத்தை தொடர்ந்து ஜீவா நடிப்பில் உருவாகியுள்ள படம் 'வரலாறு முக்கியம்'. இப்படத்தில் காஷ்மீர் பர்தேஷி, பிரக்யா உள்ளிட்ட பலர் நடிக்க சந்தோஷ் ராஜன் இயக்கியுள்ளார். 'சூப்பர் குட் ஃபிலிம்ஸ்' சார்பாக ஆர்.பி சௌத்ரி தயாரிக்க ஷான் ரஹ்மான் என்பவர் இசையமைத்துள்ளார். இப்படம் விரைவில் திரைக்கு வரவுள்ளது. இதனால் படக்குழுவினர் பத்திரிகையாளர்களைச் சந்தித்து பேசியுள்ளனர்.  

 

பின்பு செய்தியாளர்களின் கேள்விக்கு பதிலளித்தார் ஜீவா. அப்போது வரும் பொங்கலுக்கு விஜய்யின் வாரிசு மற்றும் அஜித்தின் துணிவு எந்த படம் முதலில் பார்ப்பீர்கள் என்ற கேள்வி கேட்கப்பட்டது. அதற்கு பதிலளித்த அவர், "முதலில் எந்த படத்திற்கு டிக்கெட் கிடைக்குதோ அந்த படத்தை பார்ப்பேன். இரண்டு பேருமே திரைத் துறையில் இருப்பவர்கள் தான், அவர்களை பார்த்து தான் நாங்கள் எல்லாம் வளர்ந்திருக்கிறோம். இந்த கேள்வியை கேட்பீர்கள் என்று தெரியும். நான் பதில் சொல்லமாட்டேன்" என ஜாலியாக பேசினார். 

 

ரசிகர்கள் விபரீத முடிவுகள் எடுப்பது பற்றிய கேள்விக்கு "சினிமா என்பது ஒரு பொழுதுபோக்கு நிறைந்த துறை. அதனால் படங்களை பொழுதுபோக்காகத்தான் அணுக வேண்டும். எதையும் ரொம்ப சீரியஸாக எடுத்துக்கொள்ள வேண்டாம். சினிமாவில் எதுவுமே உண்மை இல்லை என்று அனைவருக்குமே தெரியும். நான் நிறைய படங்கள் பார்த்து உத்வேகம் ஆகியிருக்கிறேன். அதனால் ரசிகர்கள் படம் பார்த்து மோட்டிவேட் தான் ஆகவேண்டும். இருப்பினும் சில ரசிகர்கள் சீரியஸாக சில விபரீத முடிவுகள் எடுக்கிறார்கள். அவற்றை முற்றிலும் தவிர்க்க வேண்டும்" என்றார். 

 

 

சார்ந்த செய்திகள்

Next Story

திரையரங்கில் அடிதடி - தொண்டர்களால் பரபரப்பு

Published on 08/02/2024 | Edited on 08/02/2024
yatra 2 fans fight between jegam mogan reddy pawan kalyan

தெலுங்கில் ஆந்திர மாநில முதலமைச்சர் ஜெகன் மோகன் ரெட்டியின் வாழ்க்கை வரலாறு திரைப்படமாக உருவாகியுள்ளது. இதனை இயக்குநர் மஹி வி ராகவ் இயக்கியுள்ளார். இவர் இதற்கு முன்னதாக ஜெகன் மோகன் ரெட்டியின் அப்பாவான மறைந்த ஆந்திர முதலமைச்சர் ஒய்.எஸ். ராஜசேகர ரெட்டியின் வாழ்க்கை வரலாற்றை படமாக எடுத்தவர். 'யாத்ரா' என்ற தலைப்பில் கடந்த 2019 ஆம் ஆண்டு வெளியான இப்படத்தில் ராஜசேகர ரெட்டி கதாபாத்திரத்தில் மம்மூட்டி நடித்திருந்தார். இப்படம் நல்ல வரவேற்பைப் பெற்றது. 

இதனைத் தொடர்ந்து இப்படத்தின் இரண்டாம் பாகமாக ஜெகன் மோகன் ரெட்டியின் வாழ்க்கை வரலாற்றை மையமாக வைத்து 'யாத்ரா 2' என எடுக்கப்பட்டுள்ளது.  ஜெகன் மோகன் கதாபாத்திரத்தில் ஜீவா நடித்துள்ள இப்படத்திற்கு சந்தோஷ் நாராயணன் இசையமைத்துளளார். இப்படம் இன்று வெளியான நிலையில், ஜெகன் மோகன் ரெட்டி தொண்டர்கள் திரையரங்கிற்கு வந்து மேள தாளத்துடன், வெடி வெடித்துக் கொண்டாடினர்.  

இந்த நிலையில் ஹைதராபாத்தில் உள்ள ஒரு திரையரங்கில், படம் ஓடிக்கொண்டிருக்கும் பொழுது ஜெகன் மோகன் ரெட்டி தொண்டர்களுக்கும் பவன் கல்யாண் ரசிகர்களுக்கும் கைகலப்பு ஆகியுள்ளதாகக் கூறப்படுகிறது. இது தொடர்பான வீடியோ ஒன்று சமூக வலைத்தளங்களில் வைரலாகி வருகிறது. பவன் கல்யாணின் ‘கேமராமேன் கங்காதோ ராம்பாபு’ படம் கடந்த 7 ஆம் தேதி ரீ ரிலீஸாகியுள்ளது. இந்த சூழலில் இந்த தொண்டர்களின் அடிதடி சம்பவம் நடந்துள்ளதாகத் தெரிகிறது. இந்த சம்வவம் அப்பகுதியில் சற்று பரபரப்பு நிலவியது.

Next Story

முதலமைச்சராக கவனம் ஈர்த்த ஜீவா

Published on 05/01/2024 | Edited on 06/01/2024
jiiva as cm jegan mogan reddy in yatra 2

தெலுங்கில் ஆந்திர மாநில முதலமைச்சர் ஜெகன் மோகன் ரெட்டியின் வாழ்க்கை வரலாறு திரைப்படமாக உருவாகிறது. இதனை இயக்குநர் மஹி வி ராகவ் இயக்கவுள்ளார். இவர் இதற்கு முன்னதாக ஜெகன் மோகன் ரெட்டியின் அப்பாவான மறைந்த ஆந்திர முதலமைச்சர் ஒய்.எஸ். ராஜசேகர ரெட்டியின் வாழ்க்கை வரலாற்றை படமாக எடுத்தவர். 'யாத்ரா' என்ற தலைப்பில் கடந்த 2019 ஆம் ஆண்டு வெளியான இப்படத்தில் ராஜசேகர ரெட்டி கதாபாத்திரத்தில் மம்மூட்டி நடித்திருந்தார். இப்படம் நல்ல வரவேற்பைப் பெற்றது. 

இதனைத் தொடர்ந்து இப்படத்தின் இரண்டாம் பாகமாக ஜெகன் மோகன் ரெட்டியின் வாழ்க்கை வரலாற்றை மையமாக வைத்து எடுக்கப்படும் நிலையில், ஜெகன் மோகன் கதாபாத்திரத்தில் ஜீவா நடித்துள்ளார். சந்தோஷ் நாராயணன் இசையமைத்துள்ள இப்படம் அடுத்த மாதம் பிப்ரவரி 8 ஆம் தேதி வெளியாகவுள்ளது. கடந்த அக்டோபர் மாதம் ஃபர்ஸ்ட் லூக் போஸ்டர் வெளியானது.  

இந்த நிலையில் இப்படத்தின் டீசர் வெளியாகியுள்ளது. ஆரம்பத்தில் ஒரு கண் தெரியாத நபர், ஜெகன் மோகன் ரெட்டி படம் பொருந்திய பதாகை வைத்துக் கொண்டு இரவு நேரத்தில் உட்காந்திருக்கிறார். அவரிடம் ஜெகன் மோகன் கதாபாத்திரத்தில் நடிக்கும் ஜீவா பேசும் காட்சி வருகிறது. பின்பு அவருக்கும் காங்கிரஸ் கட்சிக்கும் இருந்த முரண்பாடுகள் குறித்த காட்சிகள் இடம்பெறுகிறது. தொடர்ந்து அவர் நடத்திய யாத்ரா, சட்டமன்றத்தில் நடக்கும் விஷயங்கள் என நீள்கிறது. இந்த டீசர் தற்போது ரசிகர்களின் கவனத்தைப் பெற்று வருகிறது.