Skip to main content

ஒரு போஸ்ட் போட்டா இவ்வளவு கோடியா?

Published on 26/07/2019 | Edited on 26/07/2019

இன்றைய தலைமுறை தங்கள் நேரத்தை அதிகம் செலவழிக்கும் ஒரு விஷயம் என்றால் அது சமூகவலைத்தளங்கள் தான். பொதுமக்கள் தங்களது பொழுதை போக்க ஃபேஸ்புக், ட்விட்டர், இன்ஸ்டாகிராம் போன்ற செயலிகளை பயன்படுத்தி வருகின்றனர். ஆனால் உலக அளவில் பிரபலமாக இருக்கும் செலபிரிட்டிகள் இதன்மூலம் கோடிக்கணக்கில் பணம் சம்பாதித்து வருகின்றனர்.
 

kylie jenner

 

 

அப்படி உலக அளவில் சமூகவலைத்தளங்கள் மூலம் அதிக பணம் சம்பாதிக்கும் 100 பிரபலங்களின் பட்டியலை ஃபோர்ப்ஸ் நிறுவனம் வெளியிட்டுள்ளது. அதன்படி பிரபல அமெரிக்க மாடலான கைலி ஜென்னர் இந்த பட்டியலில் முதலிடத்தில் உள்ளார். இவர் தனது இன்ஸ்டாகிராம் பக்கத்தில் பதிவிடும் ஒரு விளம்பர பதிவிற்கு இந்திய மதிப்பில் சுமார் 8.7 கோடி ரூபாய் சம்பாதிக்கிறார்.
 

ஃபோர்ப்ஸ் வெளியிட்டுள்ள இந்த பட்டியலில் இரண்டே இரண்டு இந்தியர்கள் மட்டுமே இடம்பிடித்துள்ளனர். அதில் முதலில் இருப்பவர் பிரியங்கா சோப்ரா. இவர் தனது ஒரு இன்ஸ்டாகிராம் போஸ்ட் மூலம் 1.87 கோடி ரூபாய் சம்பாதிக்கிறார். அதேபோல இந்திய கிரிக்கெட் அணியின் கேப்டன் கோலி ஒரு இன்ஸ்டாகிராம் போஸ்ட் மூலமாக 1.35 கோடி ரூபாய் சம்பாதிக்கிறார். உலகம் முழுவதும் உள்ள பிரபலங்கள் தாங்கள் விளம்பர தூதராக உள்ள நிறுவனங்களின் தயாரிப்புகள் குறித்து பதிவுகளை போடுவதன் மூலம் இந்த வருமானத்தை அவர்கள் பெறுகின்றனர் என்பது குறிப்பிடத்தக்கது. 
 

முதல் 25 இடங்களை பிடித்த பிரபலங்களின் பட்டியல் விவரம்:
 

கெய்லி ஜென்னர்
அரியனா கிராண்டே
கிறிஸ்டியானா ரொனால்டோ
கிம் கதார்சியன்
செலினா கோம்ஸ்
டுவைன் ஜான்சன்
பியோனஸ் நோல்ஸ்
டெய்லர் ஸ்விஃப்ட்
நெய்மர் ஜூனியர்
ஜஸ்டின் பைபர்
நிக்கி மினாஜ்
லியோனல் மெஸ்ஸி
கெண்டல் ஜென்னர் 
க்ளோ கர்தாஷியன்
கெவின் ஹார்ட்
டெமி லொவாடோ
டேவிட் பெக்காம்
லெப்ரான் ஜேம்ஸ்
பிரியங்கா சோப்ரா
ரொனால்டோ டி அசிஸ் மொரேரா
கரேத் பேல்
ஸ்லாடன் இப்ராஹிமோவிக் 
விராட் கோலி
லூயிஸ் சுவாரஸ்
கோனார் மெக்ரிகோர்

சார்ந்த செய்திகள்

Next Story

இன்ஸ்டாகிராம் காதல்; ப்ளான் போட்டு ஐபோன் வாங்கிய சிறுவர்கள்

Published on 14/06/2024 | Edited on 14/06/2024
girl sold her mother's jewelry and bought an iPhone for her boyfriend

திருப்பூரைச் சேர்ந்தவர் 17 வயது சிறுவன். இவர் அதே பகுதியைச் சேர்ந்த 15 வயது சிறுமியிடம் இன்ஸ்டாகிராம் மூலம் பழகி வந்துள்ளார். தினந்தோறும் இன்ஸ்டாகிராம் சேட்டிங்கில் பேசி வந்த சிறார்களுக்கு இடையே ஒரு கட்டத்தில் நட்பு ஏற்பட்டுள்ளது. தொடர்ந்து, இருவரும் சேட்டிங்கிலேயே தகவல்களை பரிமாறி வந்துள்ளனர். இப்படி, நாட்கள் மாதங்களாக அதிகரிக்க இருவருக்குள்ளும் காதல் மலர்ந்துள்ளது. இன்ஸ்டா ஸ்டோரியில் காதல் ஸ்டோரியாக தேர்ந்தெடுத்து இருவரும் காதல் செய்து வந்ததாக கூறப்படுகிறது. 

இந்த நிலையில்,  சிறுமி தன்னிடம் சிறிய அளவிலான செல்போன் தான் உள்ளது, தனக்கு வசிதிகள் நிறைந்த செல்போன் ஒன்று வேண்டும். அதை வாங்கித்தர முடியுமா? என்று காதலனிடம் ஏக்கத்துடன் கேட்டுள்ளார். அதற்கு, சிறுமியிடம் இன்ஸ்டா சேட்டிங்கில் பதில் அளித்த காதல் சிறுவன், தன்னிடம் பணம் இல்லை என்றும், வேலைக்கு சென்றால் முதல் சம்பளத்தில் உனக்கு தான் செல்போன் என்று கூறியுள்ளார். இருப்பினும், தொடர்ந்து சிறுமியிடம் சேட்டிங் செய்த சிறுவன், வேண்டுமென்றால் உனக்கு புது செல்போன் வாங்க ஐடியா கொடுக்கவா? என்று கேட்டுள்ளார். அதற்கு என்ன ஐடியா என்று சிறுமி  கேட்க, அவரின் குடும்ப பொருளாதார நிலை நன்கு அறிந்த சிறுவன், 'நீ வேண்டும் என்றால் பணம் கொண்டுவா? நானே உனக்கு நல்ல செல்போனாக வாங்கித் தருகிறேன்..' என்று கூறியுள்ளார். அதோடு, உன்னை நேரில் சந்திக்க ஆவலுடன் இருக்கிறேன் என்றும் காதலை சேட்டிங்கில் அந்த சிறுவன் கொட்டியுள்ளார். இன்ஸ்டா காதலன் கூறிய ஆசை வார்த்தைகளைக் கேட்டு மயங்கி சிறுமி, வீட்டில் பணம் கேட்டால் சிக்கிக் கொள்வோம் என்று அறிந்து திட்டம் ஒன்றைத் தீட்டியுள்ளார். 

அதன்படி, தனது தாயின் 7 பவுன் நகையை வீட்டில் இருந்து திருடிக்கொண்டு பேருந்தில் ஏறி காதலனைப் பார்க்க திருப்பூர் மத்திய பஸ் நிலையம் சென்றுள்ளார். அங்கு, காதலியை காண முன்கூட்டியே சிறுவன் காத்திருக்க இருவரும் இன்ஸ்டாகிராம் பழக்கத்திற்கு பிறகு ஒன்றாக நேரில் சந்தித்துக் கொண்டு காதலைப் பரிமாறியுள்ளனர். பிறகு, சிறுமி திருடிக் கொண்டு வந்த தாயின் நகையைக் காதலனிடம் கொடுத்துள்ளார். அதை வாங்கிய சிறுவன் அடகு கடையில் நகையை விற்று அதன் மூலம் பணத்தை உடனே திரட்டி இருக்கிறார். பின்னர், சிறுமிக்கு 1 லட்சம் ரூபாயில் ஐபோன் ஒன்றை வாங்கிக் கொடுத்துள்ளார். அதேசமயம் சமயோசிதமாக செயல்பட்ட காதல் சிறுவன் தனக்கும் அதே விலையில் மற்றொரு ஐபோனை சிறுமியின் பணத்தில் வாங்கியுள்ளனர். அதன் பின்னர், இருவரும்  ஐபோனை அன் பாக்ஸிங் செய்த கையோடு திருப்பூரில் ஒன்றாகச் சுற்றி நேரத்தை கழித்துள்ளனர். பிறகு நேரம் கடந்ததால் வீடு திரும்பியுள்ளனர். இந்த நிலையில், வீட்டிலிருந்த நகை காணாமல் போயிருப்பதை கண்டு சிறுமியின் தாய் அதிர்ச்சி அடைந்துள்ளார். நகை வீட்டில் வேறு எங்கும் இருக்கிறதா?  என்று தேடும்போது சிறுமி அறையில் புது ஐபோனைபார்த்த அவரது தாய், 'உனக்கு இந்த போன் எப்படி வந்தது?' என்று கேட்டுள்ளார்.

அப்போது, சிறுமி முன்னுக்கு முன் பின் முரணாக பதில் அளிக்க, சிறுமியிடம்  அவரது தாய் கண்டிப்புடன் நடத்திய விசாரணையில் உண்மை தெரிய வந்தது. நகையைத் திருடிச் சென்று காதலுடன் சேர்ந்து ஐபோன் வாங்கியதைச் சிறுமி ஒப்புக் கொண்டுள்ளார். இதைக் கேட்டு அதிர்ச்சியடைந்த சிறுமியின் தாய் திருப்பூர் வடக்கு மகளிர் போலீசில் நடந்த சம்பவம் குறித்து புகார் அளித்தார். புகாரின் அடிப்படையில் போலீசார் வழக்கு பதிவு செய்து சிறுவனை அழைத்து விசாரணை நடத்தினர். அதில், சிறுவனும் உண்மையை ஒத்துக் கொண்டார். பின்னர் சிறுவனிடம் இருந்த செல்போன் மற்றும் பணத்தைப் பறிமுதல் செய்து போலீசார் விசாரணை நடத்தி வருகின்றனர்.

Next Story

இன்ஸ்டாகிராமில் காதல்; 16 வயது சிறுமி மரணம்!

Published on 01/06/2024 | Edited on 01/06/2024
16-year-old girl lost their life after Instagram boyfriend doesn't talk to her

திருச்சி பாலக்கரை சங்கிலியாண்டபுரத்தைச் சேர்ந்தவர் கலீல் அகமது. இவரது மனைவி சைரன் பானு (40). இந்தத் தம்பதிக்கு 16 வயதில் ஒரு மகள் உள்ளார். இவர் இன்ஸ்டாகிரம் மூலம் கடந்த 2 ஆண்டுகளுக்கு மேலாக காஞ்சிபுரம் மாவட்டத்தைச் சேர்ந்த இளைஞர் ஒருவரைக் காதலித்து வந்ததாகக் கூறப்படுகிறது.

இந்த நிலையில் அந்த இளைஞர் சிறுமியிடம் கடந்த 4 நாட்களாக பேசாமல் தவிர்த்து வந்ததாகக் கூறப்படுகிறது. இதனால் சிறுமி மன உலைச்சலில் இருந்திருக்கிறாம். இந்த நிலையில்தான் நேற்றும் முன் தினம் இரவு வீட்டில் யாரும் இல்லாத நேரம் பார்த்து தூக்கிட்டு தற்கொலை செய்துகொண்டுள்ளார்.

இது குறித்து போலீசாருக்கு தகவல் தெரிவிக்கப்பட்டது. அதன்பேரில் சம்பவ இடத்திற்கு வந்த பாலக்கரை போலீசார் சிறுமியின் உடலை மீட்டு பிரேதப் பரிசோதனைக்காக அனுப்பி வைத்தனர். மேலும் இது குறித்து வழக்கு பதிவு செய்த போலீசார் விசாரணை மேற்கொண்டு வருகின்றனர்.