Skip to main content

கோட் படப்பிடிப்பால் மக்கள் அச்சம்

Published on 27/05/2024 | Edited on 27/05/2024
goat movie shoot update

விஜய் தற்போது வெங்கட் பிரபு இயக்கும் ‘தி கிரேட்டஸ்ட் ஆஃப் ஆல் டைம்’ படத்தில் நடித்து வருகிறார். விஜய்யின் 68ஆவது படமாக உருவாகி வரும் இப்படத்தை ஏ.ஜி.எஸ். நிறுவனம் தயாரிக்க யுவன் ஷங்கர் ராஜா இசையமைக்கிறார். இப்படத்தில், பிரஷாந்த், பிரபுதேவா, மீனாட்சி செளத்ரி, சினேகா, லைலா, மோகன், ஜெயராம், வைபவ், பிரேம் ஜி, யோகி பாபு என ஏகப்பட்ட பிரபலங்கள் நடித்து வருகின்றனர். கடந்த புத்தாண்டு தினத்தை முன்னிட்டு இந்தப் படத்தின் ஃபர்ஸ்ட் லுக் மற்றும் செகண்ட் லுக் ஆகிய போஸ்டர்கள் வெளியாகி வைரலானது. 

இப்படத்தின் படப்பிடிப்பு சென்னை, தாய்லாந்து, பாண்டிச்சேரி, கேரளா உள்ளிட்ட இடங்களில் நடந்தது. இதையடுத்து கடந்த ஏப்ரல் 14ஆம் தேதி படத்தின் முதல் பாடலான ‘விசில் போடு’லிரிக் வீடியோ வெளியானது. இதையடுத்து இரண்டாவது பாடல் ஜூன் மாதம் வெளியாகும் என வெங்கட் பிரபு தெரிவித்திருந்தார். அடுத்த மாதமான ஜூன் 22ஆம் தேதி விஜய்யின் பிறந்தநாள் என்பதால் அதை முன்னிட்டு பாடல் வெளியாகவுள்ளதாக கூறப்படுகிறது. இப்படம் செப்டம்பர் 5ஆம் தேதி விநாயகர் சதுர்த்தியை முன்னிட்டு வெளியாகவுள்ளது. 

இப்படத்தின் போஸ்ட் புரொடக்‌ஷன் பணிகள் தீவிரமாக நடைபெற்று வருகிறது. அமெரிக்காவில் விஜய்க்கான வி.எஃப்.எக்ஸ் பணிகள் சமீபத்தில் நிறைவடைந்தது. பின்பு படப்பிடிப்பு தளத்தில் விஜய் இருக்கும் புகைப்படம் வெளியாகி வைரலானது. இந்த நிலையில் புதுச்சேரியில், சண்டை காட்சிகள் படமாக்கப்பட்டது. புதுச்சேரி பழைய துறைமுக வளாகத்தில் நடைபெற்ற படப்பிடிப்பில் ஒரு கார் மற்றொரு கார் மீது விழுவது போன்று படமாக்கப்பட்ட நிலையில், கார் விழும் சத்தம் பெரியளவில் கேட்டுள்ளது. இதனால் அப்பகுதியில் இருந்த மக்கள் அச்சத்திற்கு உள்ளாகினர். 

மேலும் கிழக்கு கடற்கரை சாலையிலும் இப்படத்தின் படப்பிடிப்பு நடந்தது. அங்கு நள்ளிரவில் படப்பிடிப்பு நடந்த நிலையில் கார் வெடித்து தீப்பற்றி எரிவது போன்ற காட்சிகள் படமாக்கப்பட்டன. இது தொடர்பான வீடியோக்கள் சமூக வலைதளங்களில் வைரலாகி வருகிறது. 

சார்ந்த செய்திகள்

Next Story

“இது எனக்கு மிகவும் கசப்பான தருணம்” - யுவன் சங்கர் ராஜா உருக்கம்

Published on 22/06/2024 | Edited on 22/06/2024
Yuvan Shankar Raja said in Bhavatharini AI voice in   song of the goat movie

விஜய் தற்போது வெங்கட் பிரபு இயக்கும் ‘தி கிரேட்டஸ்ட் ஆஃப் ஆல் டைம்’ படத்தில் நடித்து வருகிறார். விஜய்யின் 68ஆவது படமாக உருவாகி வரும் இப்படத்தை ஏ.ஜி.எஸ். நிறுவனம் தயாரிக்க யுவன் ஷங்கர் ராஜா இசையமைக்கிறார். இப்படத்தில், பிரஷாந்த், பிரபுதேவா, மீனாட்சி செளத்ரி, சினேகா, லைலா, மோகன், ஜெயராம், வைபவ், பிரேம் ஜி, யோகி பாபு என ஏகப்பட்ட பிரபலங்கள் நடித்து வருகின்றனர்.

இப்படத்தின் படப்பிடிப்பு சென்னை, தாய்லாந்து, பாண்டிச்சேரி, கேரளா உள்ளிட்ட இடங்களில் நடந்தது. இதையடுத்து கடந்த ஏப்ரல் 14ஆம் தேதி படத்தின் முதல் பாடலான ‘விசில் போடு’ லிரிக் வீடியோ வெளியானது. இது ரசிகர்கள் மத்தியில் நல்ல வரவேற்பை பெற்றாலும், வழக்கமான விஜய் பாடல்களின் கொண்டாட்டம் சற்று கம்மி என்கின்றனர் சிலர். 

இந்த நிலையில் விஜய்யின் 50 வது பிறந்தநாளை முன்னிட்டு ‘தி கோட்’ படத்தின் இரண்டாவது பாடலான ‘சின்னசின்ன கண்கள்..’ பாடலை படக்குழு வெளியிட்டுள்ளது. இந்தப் பாடலையும் விஜய் பாடியிருக்கும் நிலையில் அவருடன் இணைந்து மறைந்த பாடகி பவதாரிணியின் குரலுல் இடம்பெற்றுள்ளது. பவதாரிணி அண்மையில் உயிரிழந்த நிலையில் அவருக்கு மரியாதை செலுத்தும் வகையில் அவரது குரலை ஏ.ஐ தொழில்நுட்பத்தின் மூலம் இந்தப் பாடலில் பயன்படுத்தியுள்ளது படக்குழு.  

சகோதரியின் குரலைப் பயன்படுத்தியது குறித்து யுவன் சங்கர் ராஜா, “இந்தப் பாடல் எனக்கு மிகவும் சிறப்பு வாய்ந்தது. இந்த உணர்வை வார்த்தைகளால் விவரிக்க முடியாது. பெங்களூரில் இந்தப் பாடலுக்கான இசைப்பணியிலிருந்த போது நானும் வெங்கட் பிரபும் எங்களது சகோதரி பவதாரிணியை பாட வைக்க நினைத்தோம். இந்தப் பாடல் அவளுக்கானது என்று உணர்ந்தோம். அந்தநேரத்தில் பவதாரிணியும் குணமாகத்தான் இருந்தாள். ஆனால் அடுத்த ஒரு மணி நேரத்தில் பவதாரிணி உயிரிழந்துவிட்டதாகத் தகவல் கிடைத்தது. அவளது குரலை நான் இப்படி பயன்படுத்துவேன் என்று நினைத்துக்கூடப் பார்க்கவில்லை. எனது இசைக்குழுவுக்கும், இந்தப் பாடல் உருவாகக் காரணமாக இருந்த அனைவருக்கும் எனது நன்றி. இது எனக்கு மிகவும் கசப்பான தருணம்” என்று உருக்கமாகத் தெரிவித்துள்ளார். 

Next Story

த.வெ.க. தலைவர் விஜய்க்குப் பிறந்தநாள் வாழ்த்து தெரிவித்த அரசியல் தலைவர்கள்

Published on 22/06/2024 | Edited on 22/06/2024
Political leaders wished Vijay on his birthday

தமிழக வெற்றி கழகத்தின் தலைவரும், நடிகருமான விஜய இன்று தனது 50 வது பிறந்தநாளை கொண்டாடி வருகிறார். பொதுவாக விஜய்யின் பிறந்தநாளை முன்னிட்டு அவரது ரசிகர்கள் மக்களுக்கு பல்வேறு நலத்திட்ட உதவிகளை செய்து வருவதை வழக்கமாக வைத்துள்ளனர். இந்த நிலையில் மக்கள் இயக்கத்தை அண்மையில் அரசியல் கட்சியாக மாற்றிய விஜய், 2026 ஆம் ஆண்டு நடைபெறும் சட்டமன்ற தேர்தலை இலக்காக வைத்துள்ளார். 

இதனிடையே கள்ளச்சாராயம் குடித்து 50 க்கும் மேற்பட்டோர் உயிரிழந்த நிலையில், அவரது கட்சி தொண்டர்களுக்குத் தனது பிறந்தநாளைக் கொண்டாட வேண்டாம். அதற்குப் பதில் கள்ளக்குறிச்சியில் பாதிக்கப்பட்ட மக்களுக்கு உதவி செய்யுங்கள் என்று கோரிக்கை வைத்தார். விஜய்யின் பிறந்தநாளை முன்னிட்டு அவருக்கு அரசியல் ரசிகர்கள் முதல் அரசியல் கட்சித் தலைவர்கள் எனப் பலரும் வாழ்த்து தெரிவித்து வருகின்றனர். 

அதிமுக பொதுச்செயலாளரும், எதிர்க்கட்சி தலைவருமான எடப்பாடி பழனிசாமி, “தமிழ்த் திரையுலகத்தின் முன்னணி நடிகரும், தமிழக வெற்றிக் கழகத்தின் தலைவருமான அன்புச் சகோதரர் விஜய்க்கு  எனது இதயங்கனிந்த பிறந்தநாள் நல்வாழ்த்துகள். பொதுவாழ்வில் இணைந்துள்ள விஜய், பூரண நலனுடன் பல்லாண்டு மக்கள் சேவை புரிய வாழ்த்துகிறேன்” எனத் தெரிவித்துள்ளார். 

அதிமுக முன்னாள் அமைச்சர் ஜெயகுமார் வெளியிட்டுள்ள வாழ்த்து செய்தியில், “ஆளும் அரசின் விழாக்களுக்கு செல்வது மட்டும் திரைத்துறையின் பணியல்ல. மக்கள் பிரச்சினைகளில் அரசியல்வாதிகளின் குரலை அரசியல் என்று‌ விடுவார்கள். திரைத்துறையினரும் குரல் கொடுத்தால் அரசால் திசை திருப்ப இயலாது. கள்ளக்குறிச்சி விவகாரம் அரசியல் அல்ல பாமர மக்கள் மீதான அதிகார‌ தாக்குதல். எல்லாம் கொடுத்த மக்களுக்காக ஏன்‌ குரல் கொடுக்க கூடாது என்பதே எல்லோரின் கேள்வியாகும். மக்கள் படும் துயரங்களைக் கண்டு மற்றவர்களை போன்று தூரம் செல்லாமல் குரல் கொடுத்து நேரிலும் சென்று ஆறுதல் தெரிவித்த தம்பி விஜய் அவர்களுக்கு பிறந்தநாள் நல்வாழ்த்துக்கள். திரைப்பணியோடு நின்று விடாமல் மக்கள் பணியிலும் ஈடுபடவுள்ளது வரவேற்கத்தக்கது” எனக் குறிப்பிட்டுள்ளார்.

விசிக தலைவரும், எம்.பியுமான திருமாவளன், “இன்று பிறந்தநாள் காணும் அன்பு இளவல் - தமிழக வெற்றிக் கழகத்தின் நிறுவனர் விஜய் அவர்களுக்கு எமது இனிய வாழ்த்துகள். நலமோடு வளமோடு நீடு வாழ்க.  அய்யன் வள்ளுவரின் வாக்கொப்ப "எண்ணிய எண்ணியயாங்கு எய்துப"” எனக் கூறியுள்ளார். 

தமிழக காங்கிரஸ் கட்சி தலைவர் செல்வப்பெருந்தகை, “இளைய தளபதி என்று லட்சக்கணக்கான ரசிகர்களால் அன்போடு அழைக்கப்படுபவரும், தமிழக வெற்றிக் கழகத்தின் தலைவருமான விஜய்யின் 50-வது பிறந்தநாளில் தமிழ்நாடு காங்கிரஸ் சார்பாக அவரை மனதார வாழ்த்துகிறேன். கலைத்துறையின் மூலம் தமிழக மக்களின் குறிப்பாக, இளைஞர்களின் அன்பையும், பேராதரவையும் பெற்று வருகிற அவர் வாழ்க்கையில் பல வெற்றிகளைப் பெற்று, பொது வாழ்க்கையில் மேலும் சேவைகளை தொடர்ந்து செய்திட வாழ்த்துகிறேன்.” எனத் தெரிவித்துள்ளார்.

அமமுக பொதுச்செயலாளர் டிடிவி தினகரன் வெளியிட்டுள்ள பதிவில், “தமிழ்த் திரையுலக முன்னணி நடிகரும் தமிழக வெற்றிக் கழகத்தின் தலைவருமான தளபதி விஜய்க்கு எனது மனமார்ந்த பிறந்தநாள் நல்வாழ்த்துக்களைத் தெரிவித்துக் கொள்கிறேன். மக்களுக்கு சேவையாற்றும் நோக்கில் பொதுவாழ்க்கையில் அடியெடுத்து வைத்திருக்கும் திரு.விஜய் அவர்கள் பூரண உடல் நலத்துடனும் நீண்ட ஆயுளுடனும் தொடர்ந்து மக்கள் பணியாற்ற எல்லாம்வல்ல இறைவனை பிரார்த்திக்கிறேன்” எனக் குறிப்பிட்டுள்ளார்.