Skip to main content

'சினிமா மூலம் இது சாத்தியமானது மகிழ்ச்சி' - மாரி செல்வராஜ் நெகிழ்ச்சி

Published on 14/04/2022 | Edited on 15/04/2022

 

'Glad it's possible through cinema' - Mari Selvaraj

 

மாரி செல்வராஜ் இயக்கத்தில் 2018-ஆம் ஆண்டு வெளியான படம் 'பரியேறும் பெருமாள்'. சினிமா ரசிகர்கள், விமர்சகர்களைத் தாண்டி அனைத்து தரப்பு மக்களிடத்திலும் நல்ல வரவேற்பு பெற்றது. இதுவரை வெளிவந்த சாதிய பிரிவினைகள், கொடுமைகளுக்கு எதிரான படங்களிலிருந்து பல வகைகளில் வேறுபட்டிருக்கும் படமாக இந்த திரைப்படம் அமைந்திருந்தது. இப்படத்தை நீலம் ப்ரொடக்ஷன்ஸ் சார்பாக பா.ரஞ்சித் தயாரித்திருந்தார். கதிர், ஆனந்தி, யோகி பாபு ஆகியோர் நடித்து இருந்தனர். இப்படத்தில் கதாநாயகனின் அப்பா கதாபாத்திரத்தில் நடித்து பலரின் கவனத்தை பெற்றவர் நாட்டுப்புற கலைஞர் தங்கராசு. 

 

இந்நிலையில் தங்கராசின் வறுமை நிலை காரணமாக தமிழ்நாடு முற்போக்கு எழுத்தாளர்கள், கலைஞர்கள் சங்கம்  மற்றும் நெல்லை மாவட்ட நிர்வாகம் இணைந்து புதிய வீடு ஒன்றைக் கட்டிக் கொடுத்துள்ளது. இந்த வீட்டை இயக்குநர் மாரி செல்வராஜ், மாவட்ட ஆட்சியர் விஷ்ணு ஆகியோர் ரிப்பன் வெட்டித் திறந்து வைத்தனர். அதன் பிறகு பேசிய மாரி செல்வராஜ் "விளிம்பு நிலையில் உள்ள கலைஞரைத் தூக்கி விடுவதற்காக இந்த உதவியைச் செய்திருக்கிறார்கள். சினிமா மூலம் இது சாத்தியமானது மகிழ்ச்சி" என அவர் தெரிவித்துள்ளார். 

 

 

சார்ந்த செய்திகள்

Next Story

‘பைசன்’ படத்தின் அப்டேட்டை வெளியிட்ட மாரி செல்வராஜ்!

Published on 29/06/2024 | Edited on 29/06/2024
Mari Selvaraj released the update of 'Bison'!

விக்ரம் மகனான துருவ் விக்ரம், ‘ஆதித்ய வர்மா’ படம் மூலம் ஹீரோவாக அறிமுகமான நிலையில், விக்ரமுடன் இணைந்து ‘மகான்’ படத்தில் கடைசியாக நடித்திருந்தார். இதையடுத்து மாரி செல்வராஜ் இயக்கத்தில் பா.ரஞ்சித் தயாரிப்பில் ஒரு படம் நடிக்க ஒப்பந்தமானார். 2021 ஆம் ஆண்டு இந்த அறிவிப்பு வெளியான நிலையில், மாரி செல்வராஜ் மாமன்னன், வாழை என அடுத்தடுத்த படங்களில் பணியாற்றியதால் படப்பிடிப்பு தாமதமானது. மாமன்னன் வெளியானதைத் தொடர்ந்து வாழை பட பணிகளும் முடிந்துவிட்டதாகக் கூறப்படுகிறது. 

இதனிடையே மாரி செல்வராஜ் - துருவ் விக்ரம் படத்தின் கதை, அர்ஜுனா விருது வென்ற தூத்துக்குடியைச் சேர்ந்த கபடி வீரர் மணத்தி கணேசன் வாழ்க்கையை மையமாக வைத்து உருவாக்கப்படவுள்ளதாகக் கூறப்பட்டு வருகிறது. இதையடுத்து அப்ளாஸ் என்டர்டெய்ன்மென்ட் மற்றும் பா.ரஞ்சித்தின் நீலம் ஸ்டுடியோஸ் ஆகிய நிறுவனங்கள் இணைந்து ‘பைசன்’ படத்தை தயாரிக்கவுள்ளதாக அறிவிக்கப்பட்டது. படத்தில் லால், பசுபதி, ரஜிஷா விஜயன், கலையரசன் ஆகியோர் முக்கிய கதாபாத்திரத்தில் நடிக்க நிவாஸ் கே.பிரசன்னா இசையமைக்கிறார்.

இந்த நிலையில், முதற்கட்ட படப்பிடிப்பு முடிந்துள்ளதாகப் படக்குழு அறிவித்துள்ளது. இது குறித்து இயக்குநர் மாரி செல்வராஜ் தனது எக்ஸ் பக்கத்தில் அதிகாரப்பூர்வமாக அறிவித்துள்ளார். 

Next Story

பாலிவுட்டில் ரீமேக்காகிறது பரியேறும் பெருமாள்

Published on 27/05/2024 | Edited on 27/05/2024
pariyerum perumal hindi remake update

இயக்குநர் பா.ரஞ்சித் தயாரிப்பில் மாரி செல்வராஜ் இயக்கத்தில் 2018 இல் வெளியான படம் பரியேறும் பெருமாள். கதிர், கயல் ஆனந்தி, யோகி பாபு எனப் பல்வேறு பிரபலங்கள் நடித்திருந்தனர். சந்தோஷ் நாராயணன் இசையமைத்திருந்தார். சாதி பிரச்சணையைப் பேசியிருந்த இப்படம் விமர்சன ரீதியாக பலரது பாராட்டையும் பெற்றது. மேலும் ரசிகர்கள் மத்தியில் பெரும் வரவேற்பைப் பெற்றது. 

இந்த நிலையில் இப்படம் தற்போது இந்தியில் ரீமேக்காக உள்ளது. இயக்குநர் மற்றும் தயாரிப்பாளர் கரண் ஜோகரின் தர்மா ப்ரொடக்‌ஷன்ஸ் தயாரிப்பில் இப்படம் உருவாக சித்தார்த் சதுர்வேதி, த்ரிப்தி இம்ரி ஆகியோர் முதன்மை கதாபாத்திரத்தில் நடிக்கின்றனர். தடக் 2 என்ற தலைப்பில் உருவாக இப்படம் நவம்பர் 22ஆம் தேதி வெளியாகவுள்ளது. ஜீ ஸ்டுடியோஸ் இப்படத்தை உலகமெங்கும் வெளியிடுகிறது. இதன் அறிவிப்பு வீடியோ தற்போது வெளியிடப்பட்டுள்ளது. 

இந்தத் தலைப்பின் முதல் பாகமான தடக் படம், சாய்ராத் என்ற மராத்தி படத்தின் இந்தி ரீமேக்காக உருவாகி வெளியானது. நாகராஜ் மஞ்சுளே இயக்கிய இந்தப் படம் ஆணவக் கொலை சம்பவத்தை மையப்படுத்தி உருவாகியிருந்தது. இந்தப் படமும் விமர்சன ரீதியாக பலரது பாராட்டைப் பெற்றது குறிப்பிடத்தக்கது.