Skip to main content

துருவ நட்சத்திரம் படம் தொடர்பாக கௌதம் மேனன் உருக்கம்

Published on 29/11/2023 | Edited on 29/11/2023

 

gautham menon about dhruva natchathiram

 

கெளதம் மேனன் இயக்கத்தில் விக்ரம் நடிப்பில் நீண்ட காலமாக உருவாகி வரும் படம் 'துருவ நட்சத்திரம்'. இப்படத்தில் ரிது வர்மா, ஐஸ்வர்யா ராஜேஷ், பார்த்திபன், சிம்ரன் உள்ளிட்ட பலர் நடித்துள்ளனர். கெளதம் மேனன் நிறுவனம் மற்றும் இரண்டு நிறுவனங்கள் இணைந்து தயாரிக்கும் இப்படத்தின் 90 சதவிகித படப்பிடிப்பு முடிந்த நிலையில், சில பிரச்சனைகள் காரணமாக கடந்த 2017 ஆம் ஆண்டு படப்பிடிப்பு நிறுத்தப்பட்டது. கிட்டத்தட்ட 5 ஆண்டுகள் ஆகியும் இப்படத்தின் படப்பிடிப்பு தொடங்கப்படாமல் இருந்தது. பின்பு அனைத்து பிரச்சனைகளும் முடிந்து படத்தின் அப்டேட் அவ்வப்போது வெளிவந்து கொண்டிருந்தது. 

 

இதையடுத்து இப்படம் கடந்த 24 ஆம் தேதி திரைக்கு வருவதாகப் படக்குழு அறிவித்தது. ஆனால் வெளிவரவில்லை. இப்படத்தை வெளியிடத் தடை விதிக்கக் கோரி, ஆல் இன் பிக்சர்ஸ் நிறுவனம் சார்பில் சென்னை உயர் நீதிமன்றத்தில் மனுத் தாக்கல் செய்யப்பட்டது. இந்த மனு விசாரணையில், கௌதம் மேனன், 2 கோடியே 40 லட்ச ரூபாய் பணத்தை ஆல் இன் பிக்சர்ஸ் நிறுவனத்திடம் திருப்பி கொடுக்க உத்தரவிடப்பட்டிருந்தது. அதுவரை படம் வெளியிட முடியாது எனத் தெரிவிக்கப்பட்டு விசாரணை ஒத்திவைக்கப்பட்டது. பின்பு பணம் திரும்ப செலுத்தப்படுமெனவும், அதன் பிறகே படம் வெளியிடப்படுமெனவும் கௌதம் மேனன் சார்பில் நீதிமன்றத்தில் விளக்கமளிக்கப்பட்டது.

 

இதனிடையே படம் வெளிவராதது குறித்து கௌதம் மேனன் அவரது எக்ஸ் தள பக்கத்தில் வருத்தம் தெரிவித்திருந்தார். இந்த நிலையில் படத்தை வெளியிட முயற்சி செய்து வருவதாகத் தெரிவித்துள்ளார். அவர் வெளியிட்டுள்ள எக்ஸ் பதிவில், “ஒரு பார்வை, நிறைய அர்ப்பணிப்பு, எல்லாவற்றினாலும்தான் துருவ நட்சத்திரம் எழுத தொடங்கிய முதல் படமாக்கப்பட்டது தொடர்ந்து இன்று வரை உருவாகியுள்ளது. எல்லாமே எங்களுக்கு எதிராகச் செயல்பட்டாலும், எங்களின் அர்ப்பணிப்பும் ஆர்வமும் படத்தை விரைவில் வெளியிட உதவும் என்று நம்புகிறோம். 

 

நவம்பர் 24 ஆம் தேதி துருவ நட்சத்திரம் திரைப்படம் திரையரங்குகளில் வெளியாகும் என அறிவித்தபோது, அதை நிறைவேற்ற மலையையே நகர்த்தும் அளவுக்கு முயற்சியும் செய்தோம். இந்தப் படத்தை நாங்கள் கைவிடவில்லை என்பதை பார்வையாளர்களுக்கு உறுதியளிக்கவே இந்த அறிவிப்பு. இந்தத் தடைகளைத் தாண்டி உங்களுக்காக துருவ நட்சத்திரத்தை திரையரங்குகளில் வெளியிட எங்களால் முடிந்த அனைத்தையும் செய்து வருகிறோம்” எனக் குறிப்பிடப்பட்டுள்ளது.  

 

 

சார்ந்த செய்திகள்

Next Story

‘சாவுக்கு துணிந்தவனுக்கு மட்டும் தான் இங்க வாழ்க்கை’ - தங்கலான் டிரெய்லர் வெளியீடு!

Published on 10/07/2024 | Edited on 10/07/2024
Thangalaan trailer release!

தமிழ் சினிமாவின் முன்னணி நடிகரான விக்ரம் நடிப்பில், இயக்குநர் பா.ரஞ்சித் இயக்கத்தில் ‘தங்கலான்’ படம் உருவாகி வருகிறது. இந்தப் படத்தில், பார்வதி, மாளவிகா மோகனன், பசுபதி உள்ளிட்ட பலர் நடித்துள்ளனர். ஸ்டூடியோ க்ரீன் நிறுவனம் தயாரிக்க ஜி.வி.பிரகாஷ்குமார் இப்படத்திற்கு இசையமைத்துள்ளார். 

கோலார் தங்க வயலை மையமாக வைத்து இப்படம் உருவாகியுள்ள நிலையில் கடந்த ஜனவரி 26 ஆம் தேதி குடியரசு தினத்தன்று தமிழ், ஹிந்தி உள்ளிட்ட 5 மொழிகளில் பான் இந்தியா படமாக வெளியாகவுள்ளதாக அறிவிக்கப்பட்டது. ஆனால், சில காரணங்களால் ஒவ்வொரு மாதமும் தள்ளி போய், இன்னும் ரிலீஸ் தேதி அறிவித்தப்பாடில்லை. 

இந்த நிலையில், இப்படத்தின் டிரெய்லர் தற்போது வெளியாகியுள்ளது. அதில், ஆங்கிலேயர் ஆட்சி காலத்தில் ஒரு குறிப்பிட்ட சமூகம் தங்கம் எடுப்பதற்காக அடிமைப்படுத்தப்படுகிறார்கள் போல் தெரிகிறது. அதன் மூலம் வரும் பிரச்சனை தான் இப்படத்தின் கதை என்று யூகிக்க முடிகிறது. இந்த டிரெய்லரில் அதிகமாக வசனம் இடம்பெறவில்லை என்றாலும், ‘சாவுக்கு துணிந்தவனுக்கு மட்டும் தான் இங்க வாழ்க்கை’ சில வசனம் பெரும் கவனத்தை பெறுகிறது. 

மேலும், டிரெய்லர் ஆரம்ப காட்சியிலேயே நம்மை அந்த உலகத்திற்கு ஒளிப்பதிவின் மூலம் கொண்டு செல்கிறது. இப்படத்தில் பணியாற்றிய ஒளிப்பதிவாளர் ஏ.கிஷோர் குமார், ரிலீஸுக்கு பிறகு பேசப்படுவார் என்று கூறலாம். அதே போல், இசையமைப்பாளர் ஜி.வி பிரகாஷ் குமாரின் இசை மீண்டும் மீண்டும் கேட்க தூண்டுகிறது வழக்கம் போல், விக்ரம் தனக்கே உரித்தான சிறந்த நடிப்பில் நம்மை கவர்கிறார். இப்படத்தின் டிரெய்லரை ரசிகர்கள் கொண்டாடி வருகின்றனர். 

Next Story

மலையாளத்தில் களம் இறங்கும் கெளதம் மேனன்!

Published on 10/07/2024 | Edited on 10/07/2024
gautham menon debut directorail in malayalam cinema

இயக்குநர் கௌதம் மேனன் சமீப காலமாக நடிப்பில் அதிக கவனம் செலுத்தி வருகிறார். இதனிடையே இயக்கத்திலும் கவனம் செலுத்தி வந்த அவர், கடைசியாக ‘ஜோஷ்வா இமை போல காக்க’ என்ற படத்தை இயக்கியிருந்தார். இப்படம் கலவையான விமர்சனத்தையே பெற்றது. இவர் இயக்கத்தில் விக்ரம் நடித்துள்ள துருவ நட்சத்திரம் சில காரணங்களால் இன்னும் வெளியாகவில்லை. 

இதற்கிடையே கௌதம் மேனன், மலையாள நடிகர் மம்மூட்டியை வைத்து மலையாளத்தில் ஒரு படம் இயக்கப்போவதாக சில தினங்களுக்கு முன்பு தகவல் வெளியானது. மேலும், இப்படத்தில் நயன்தாரா நடிக்கவுள்ளதாக தகவல் வெளியானது

இந்த நிலையில், கெளதம் மேனன் - மம்மூட்டி கூட்டணியில் உருவாகும் படத்தின் படப்பிடிப்பு இன்று கொச்சியில் பூஜையுடன் துவங்கியுள்ளது. மம்மூட்டியின் தயாரிப்பு நிறுவனமான மம்மூட்டி கம்பெனி தயாரிக்கும் இப்படத்தின் தலைப்பை இன்னும் படக்குழு வெளியிடவில்லை. இப்படத்தின் படப்பிடிப்பு இன்று பூஜையுடன் தொடங்கியது தொடர்பான புகைப்படங்களை படக்குழு வெளியிட்டுள்ளது.  

கடைசியாக மம்மூட்டி நடிப்பில் வெளியான ‘டர்போ’ என்ற மலையாளப் படம் ரசிகர்களிடையே பெரும் வரவேற்பை பெற்றது. இதுவரை தமிழ், தெலுங்கு, இந்தி உள்ளிட்ட மொழிகளில் படம் இயக்கிய கௌதம் மேனன் இப்படம் மூலம் மலையாளத்தில் அறிமுகமாகிறார் என்பது குறிப்பிடத்தக்கது.