Skip to main content

“ஏ.ஆர். ரகுமானிடமிருந்து ஒரு கானா பாடல்” - தனுஷ் பகிர்வு

Published on 22/05/2024 | Edited on 22/05/2024
dhanush raayan second single update a gaanaa from ar rahman

தனுஷ் தற்போது தனது 50 ஆவது படமான ராயன் படத்தை இயக்கி நடித்து முடித்துள்ளார். மேலும் ‘நிலவுக்கு என்மேல் என்னடி கோபம்’ என்ற தலைப்பில் ஒரு படம் இயக்கி வருகிறார். ஹீரோவாக சேகர் கம்முலா இயக்கத்தில் குபேரா, அருண் மாதேஷ்வரன் இயக்கத்தில் இளையராஜா பயோ-பிக் உள்ளிட்ட படங்களில் நடித்து வருகிறார். மேலும் மாரி செல்வராஜ் இயக்கத்தில் ஒரு படம், இந்தியில் ஆனந்த் எல்.ராய் இயக்கத்தில் ஒரு படம் எனக் கைவசம் வைத்துள்ளார். 

இதில் ராயன் படம் ரிலீஸுக்கு தயாராகி வருகிறது. இப்படத்தில் தனுஷோடு இணைந்து எஸ்.ஜே சூர்யா, செல்வராகவன், காளிதாஸ் ஜெயராம், சந்தீப் கிஷன், பிரகாஷ் ராஜ், துஷாரா விஜயன், அபர்ணா பாலமுரளி, வரலட்சுமி சரத்குமார், சரவணன் உள்ளிட்டோர் நடிக்கின்றனர். ஏ.ஆர் ரஹ்மான் இசையமைக்கும் இப்படத்தை சன் பிக்சர்ஸ் தயாரிக்கிறது. படத்தின் ஃபர்ஸ்ட் லுக் போஸ்டர் மற்றும் ஒவ்வொருவரின் கதாபாத்திர போஸ்டர்கள் முன்னதாக வெளியாகி ரசிகர்களின் கவனத்தைப் பெற்றது. இப்படம் ஜூன் 13ஆம் தேதி வெளியாகிறது. 

dhanush raayan second single update a gaanaa from ar rahman

இப்படத்தின் ஃபர்ஸ்ட் சிங்கிள் ‘அடங்காத அசுரன்’ கடந்த 9ஆம் தேதி வெளியானது. இப்பாடலை தனுஷ் எழுதியிருக்க தனுஷ், ஏ.ஆர் ரஹ்மான் இருவரும் பாடியிருந்தனர். பிரபு தேவா நடனம் அமைத்துள்ளார். ஒரு திருவிழா பின்னணியில்,அமைந்திருந்த இப்பாடலுக்கு பிரபு தேவா நடனம் அமைத்துள்ளதாக தெரிவிக்கப்பட்டது. இந்த நிலையில் இப்படத்தின் இரண்டாம் பாடல் குறித்த அப்டேட் தற்போது வெளியாகியுள்ளது. மே 24ஆம் தேதி வெளியாகும் என தெரிவித்து ஒரு போஸ்டரை படக்குழு பகிர்ந்துள்ளது. அதில் சந்தீப் கிஷனும் அபர்ணா பாலமுரளியும் இடம்பெற்றுள்ளனர். இருவருக்குமான காதல் பாடலாக இருக்கும் என தெரிகிறது. இந்த பாடல் தொடர்பாக தனது எக்ஸ் பக்கத்தில் பதிவிட்ட தனுஷ்,  “ஏ.ஆர் ரஹ்மானிடமிருந்து ஒரு கானா பாடல்” என குறிப்பிட்டுள்ளார்.

சார்ந்த செய்திகள்

Next Story

 காட்டில் ஆபத்தான மிருகம் சிங்கமா? ஓநாயா? - அதிரடியாக வந்த ராயன் பட டிரெய்லர்!

Published on 16/07/2024 | Edited on 16/07/2024
raayan movie trailer released

முன்னணி நடிகரான தனுஷ், தற்போது தனது 50வது படமான ‘ராயன்’ படத்தை இயக்கி நடித்துள்ளார். இந்தப் படத்தில், எஸ்.ஜே.சூர்யா, செல்வராகவன், காளிதாஸ் ஜெயராம், சந்தீப் கிஷன், பிரகாஷ் ராஜ், துஷாரா விஜயன், அபர்ணா பாலமுரளி, வரலட்சுமி சரத்குமார், சரவணன் உள்ளிட்ட பலர் நடிக்கின்றனர். சன் பிக்சர்ஸ் நிறுவனம் தயாரிக்கும் இப்படத்தில் ஏ.ஆர்.ரஹ்மான் இசையமைத்துள்ளார்.

இப்படத்தின்,  ‘அடங்காத அசுரன்’, ‘வாட்டர் பாக்கெட்’, ‘ராயன் ரம்புள்’ ஆகிய பாடல்கள் வெளியாகி ரசிகர்கள் மத்தியில் பெரும் வரவேற்பை பெற்றது. இதனையடுத்து, இப்படத்தின் இசை வெளியீட்டு விழா கடந்த 7ஆம் தேதி சென்னையில் உள்ள தனியார் கல்லூரியில் நடைபெற்றது. இந்த விழாவில், ராயன் படத்தில் இடம்பெற்ற அனைத்து பாடல்களும் வெளியிடப்பட்டது. 

இந்த நிலையில், இப்படத்தின் டிரெய்லர் தற்போது வெளியாகியுள்ளது. அதில், தனுஷின் சகோதரர்களாக சந்தீப் கிஷன், காளிதாஸ் ஜெயராம் மற்றும் சகோதரியாக துஷாரா விஜயன் வருகிறார்கள். காட்டில் ஆபத்தான மிருகம் சிங்கமா? ஓநாய்யா எனக் கேள்வி கேட்டு தொடங்குகிறது இந்த டிரெய்லர். அதிரடி சண்டை காட்சிகளோடு கமர்சியல் படமாக இப்படம் வரும் எதிர்பார்க்கப்படுகிறது. ஒளிப்பதிவாளர் ஓம் பிரகாஷ், இப்படத்தில் தனது பணியை திறம்பட செய்திருக்கிறார் என்பதை இந்த டிரெய்லரின் மூலம் நமக்கு தெரிகிறது. இப்படம் வருகிற ஜூலை 26ஆம் தேதி திரையரங்குகளில் வெளியாக இருக்கிறது. 

 

Next Story

‘ராயன் வருகிறான்’ - டிரெய்லர் குறித்து அப்டேட்டை வெளியிட்ட படக்குழு

Published on 15/07/2024 | Edited on 15/07/2024
raayan trailer released tomorrow

முன்னணி நடிகரான தனுஷ், தற்போது தனது 50வது படமான ‘ராயன்’ படத்தை இயக்கி நடித்துள்ளார். இந்தப் படத்தில், எஸ்.ஜே.சூர்யா, செல்வராகவன், காளிதாஸ் ஜெயராம், சந்தீப் கிஷன், பிரகாஷ் ராஜ், துஷாரா விஜயன், அபர்ணா பாலமுரளி, வரலட்சுமி சரத்குமார், சரவணன் உள்ளிட்ட பலர் நடிக்கின்றனர். சன் பிக்சர்ஸ் நிறுவனம் தயாரிக்கும் இப்படத்தில் ஏ.ஆர்.ரஹ்மான் இசையமைத்துள்ளார்.

இப்படத்தின்,  ‘அடங்காத அசுரன்’, ‘வாட்டர் பாக்கெட்’, ‘ராயன் ரம்புள்’ ஆகிய பாடல்கள் வெளியாகி ரசிகர்கள் மத்தியில் பெரும் வரவேற்பை பெற்றது. இதனையடுத்து, இப்படத்தின் இசை வெளியீட்டு விழா கடந்த 7ஆம் தேதி சென்னையில் உள்ள தனியார் கல்லூரியில் நடைபெற்றது. இந்த விழாவில், ராயன் படத்தில் இடம்பெற்ற அனைத்து பாடல்களும் வெளியிடப்பட்டது. 

இந்த நிலையில், இப்படத்தின் டிரெய்லர் தொடர்பான அப்டேட்டை படக்குழு அறிவித்துள்ளது. அதன்படி, இப்படத்தின் டிரெய்லர் நாளை (16-07-24) வெளியாகவுள்ளது என அதிகாரப்பூர்வமாக அறிவிக்கப்பட்டுள்ளது. இப்படம் வருகிற ஜூலை 26ஆம் தேதி திரையரங்குகளில் வெளியாக இருக்கிறது.