Skip to main content

போட்டிப் போட்டு ஆடிய ராம்சரண், ஜூனியர் என்.டி.ஆர் - டான்ஸ் மாஸ்டர் ஹரிகிரண் அனுபவம்

Published on 25/03/2023 | Edited on 25/03/2023

 

 Choreographer Hari Kiran Interview

 

ஆர்.ஆர்.ஆர்  உட்பட பல்வேறு படங்களில் பணியாற்றியுள்ள நடன இயக்குநர் ஹரி கிரண் தன்னுடைய திரையுலக அனுபவங்களை நம்மோடு பகிர்ந்துகொள்கிறார்.

 

ஆர்.ஆர்.ஆர் பட வாய்ப்பு எனக்குக் கிடைத்ததற்கு முக்கியமான காரணம் நடன இயக்குநர் பிரேம் ரக்சித் தான். என்னுடைய பணி சிறியதாக இருந்தாலும் அப்படிப்பட்ட ஒரு படத்தில் பணியாற்றியது பெருமையான விஷயம். படத்தில் இறுதியாக வரும் பாடலை நான் இயக்கினேன். பிரேம் ரக்சித் மாஸ்டர் என்னை அந்தப் பாடலில் பணியாற்றச் சொன்னார். ராஜமவுலி சார் தான் நினைப்பதை ஸ்கிரீனில் கொண்டு வருவதற்கு அவ்வளவு மெனக்கெடுவார். அனைத்தையும் முன்பே பிளான் செய்துவிடுவார். எப்போதும் உற்சாகமாகவே இருப்பார்.

 

செட்டில் ராஜமவுலி சாரின் உற்சாகம் நம்மையும் தொற்றிக்கொள்ளும். ராம்சரண் சாரும் ஜூனியர் என்டிஆர் சாரும் அவ்வளவு எனர்ஜி நிறைந்தவர்கள். இருவரும் மிகச்சிறந்த டான்ஸர்ஸ். போட்டிப் போட்டு ஆடுவார்கள். அவர்களோடு பணியாற்றியது மறக்க முடியாத அனுபவம். அந்தப் பாடலை 7 நாட்கள் ஷூட் செய்தோம். ஒவ்வொரு நாளும் சிறந்த அனுபவம் தான். கீரவாணி சார் சிறந்த இசையை வழங்கினார். அந்த இசையே சிறந்த நடனத்தை வழங்க நம்மைத் தூண்டும். கீரவாணி சார் ஒரு லெஜண்ட். ஆஸ்கார் வாங்குவதற்கான அனைத்துத் தகுதிகளும் அவருக்கு உண்டு.

 

என்னுடைய நடன வாழ்க்கையில் ராஜுசுந்தரம் மாஸ்டருக்கு முக்கியப் பங்குண்டு. அவரோடு 8 ஆண்டுகள் நான் பயணித்தேன். மிகச்சிறந்த நடன இயக்குநர் அவர். அவரோடு பணியாற்றிய தருணங்கள் மறக்க முடியாதவை. காதல் மன்னன் படத்தில் டான்சர்களில் ஒருவராகப் பணியாற்றியபோது அஜித் சாரை சந்திக்கும் வாய்ப்பு கிடைத்தது. அனைவரையும் சமமாக மதிப்பவர் அஜித் சார். விஜய் சார் மிக வேகமாக நடன அசைவுகளை கிரகித்துக்கொள்ளக் கூடியவர். அவரோடு பணியாற்றும்போது நம்முடைய வேலை சுலபமாகிவிடும். அவ்வளவு வேகமாக அவர் பணியாற்றுவார். அவருடைய எனர்ஜி வேற லெவல்.

 

பெரும்பாலான நடிகர்கள் மிகுந்த அர்ப்பணிப்பு உடையவர்கள். இதுவரை ஷூட்டிங்குக்காக பல்வேறு நாடுகளுக்குச் சென்றுள்ளேன். நடனத்துக்கு மொழி என்பதே கிடையாது. ராஜுசுந்தரம் மாஸ்டருடைய அசிஸ்டெண்டாக பணியாற்றியபோது பல பாலிவுட் படங்களிலும் வேலை செய்திருக்கிறேன். ஷாருக்கான் சாருடைய உழைப்பையும் நடனத்தையும் பார்த்து பிரமித்திருக்கிறேன். எந்திரன் படத்தில் சூப்பர் ஸ்டாரோடு பணியாற்றியது மிகச்சிறந்த அனுபவம். இந்த வாய்ப்புகள் எல்லாம் கிடைத்ததற்கு கடவுளுக்குத் தான் நான் நன்றி சொல்ல வேண்டும்.

 

 

சார்ந்த செய்திகள்

Next Story

“பெரிய இயக்குநர்கள் நேரடியாக அணுகுவார்கள்” - சரண்யா ரவிச்சந்திரன் பேட்டி!

Published on 18/07/2024 | Edited on 18/07/2024
 Saranya Ravichandran | Indian2 | Kamal Haasan | Shankar |

தமிழ்த் திரைப்படங்களில் குணச்சித்திர கதாபாத்திரத்தில் நடித்து வரும் சரண்யா ரவிச்சந்திரன் அண்மையில் வெளியான  இந்தியன் 2 படத்திலும் முக்கிய கதாபாத்திரத்தில் நடித்துள்ளார் . இந்நிலையில்  நக்கீரன் ஸ்டூடியோ வாயிலாக அவரை சந்தித்தபோது, அவரின் சினிமா வாழ்க்கை பற்றிய சுவாரசியமான தகவல்களையும் அனுபவங்களையும் பகிர்ந்துள்ளார். 

தொடக்கத்தில் வந்த பட வாய்ப்புகள் அணுகுமுறைகள் பற்றியும், தற்போது  வரும் பட வாய்ப்புகளின் அணுகுமுறையிலும் எந்த அளவிற்கு மாற்றம் உள்ளது என்ற கேள்வி குறித்து அவர் பதிலளிக்கையில் "மரியாதையில்தான் எல்லாம் உள்ளது, அவர்கள் மதிக்கவில்லை என்பதால்தான் நமக்கு திரைத்துறையில் நல்ல இடத்திற்குப் போக வேண்டும் என்ற வெறி வரும். அப்படிதான் அவர்கள் நம்மை புஷ் பண்ணிக் கொண்டு செல்வார்கள். சில சமயங்களில் இயக்குநர் அவரே வந்து அணுகாமல், ஏன்  உதவியாளரை அனுப்புகிறார் என்று தோன்றும், இயக்குநருக்குப் பல வழிகளில் அழுத்தம் இருக்கும், அடுத்த காட்சி குறித்த சிந்திப்பார்கள், ஆனால் சில பெரிய இயக்குநர் அவர்களாகவே வந்து நம்மிடம் அணுகுவார்கள், அது சில இயக்குநர்களின் ஸ்டைலாக இருக்கும் 

நான் முதல் படத்தில் நடிக்கும்போது படப்பிடிப்பில் என்னிடம் இயக்குநர் பேசவே இல்லை. நானே அவரை அழைத்து என்னுடைய சீன் எப்போது வரும், நான் இங்குதான் உட்கார்ந்திருப்பேன் என்னைத் தேடாதீர்கள் என்று சொல்லுவேன், ஆனால் நான் நடித்து முடித்தபோது  படப்பிடிப்பின் இடைவேளையில் அவரே என்னிடம் வந்து சாப்டிங்களா? என்றெல்லாம் பேசினார். நம்ம வேலையைச் சரியாக செய்யும்போது அவர்களே மரியாதை தருவார்கள்" என்று கூறினார்.

Next Story

“நாட்டு நாட்டு பாடல்  என்னுடைய சிறந்த படைப்பு இல்லை” - எம்.எம்.கீரவாணி 

Published on 11/07/2024 | Edited on 11/07/2024
MM Keeravani spoke about oscar winning song

ராஜமௌலி இயக்கத்தில் 2022ஆம் ஆண்டு வெளியாகி மாபெரும் வெற்றி பெற்ற படம் ஆர்.ஆர்.ஆர். இப்படத்தில் ராம் சரண், ஜூனியர் என்டிஆர், ஆலியா பட் உள்ளிட்ட பலர் நடித்திருந்தனர். இப்படம் தெலுங்கு, தமிழ், ஹிந்தி, மலையாளம், கன்னடம் உள்ளிட்ட மொழிகளில் வெளியாகி நல்ல வரவேற்பை பெற்றது. டிவிவி தானையா தயாரித்திருந்த இப்படம் கிட்டத்தட்ட ரூ.1200 கோடிக்கு மேல் வசூல் செய்து சாதனை படைத்தது. இப்படத்திற்கு எம்.எம். கீரவாணி இசையமைத்திருந்த நிலையில் ‘நாட்டு நாட்டு’ பாடல் திரைத்துறையில் உயரிய விருதாகப் பார்க்கப்படும் ஆஸ்கர் விருதை தட்டிச் சென்றது. மேலும் ஆஸ்கர் பெற்ற முதல் இந்தியப் படம் என்ற பெருமையைப் பெற்றது. 

இந்த நிலையில், ஆஸ்கர் வென்ற ‘நாட்டு நாட்டு’ பாடல் தன்னுடைய சிறந்த படைப்பு கிடையாது என்று இசையமைப்பாளர் எம்.எம். கீரவாணி கூறியுள்ளார். இது குறித்து அவர் கூறியதாவது, “பாகுபலி 1 மற்றும் 2ஆம் பாகங்களில் வரும் இசையை ஒப்பிடும் போது, ஆஸ்கர் விருது வென்ற ‘நாட்டு நாட்டு’ பாடல் என்னுடைய சிறந்த படைப்பு கிடையாது. தாமதமாகவோ, முன்னதாகவோ ஒரு பாடலுக்கு உலகளாவிய அங்கீகாரம் கிடைத்துள்ளது. ஆனால், இது என்னுடைய சிறந்த படைப்பு அல்ல. அவ்வளவுதான் என்னால் சொல்ல முடியும். ஆனால், அங்கீகாரம் வரவேண்டும் என்றபோது, ​​அது ஏதோ ஒரு வகையில் எங்கிருந்தாவது வரும்” என்று கூறினார்.

முன்னதாக ஆஸ்கர் விருது வென்ற போது எம்.எம்.கீரவாணி கூறியதாவது, “நான் தச்சர்களின் சத்தத்தை கேட்டு வளர்ந்தேன். இப்போது நான் ஆஸ்கார் விருதுகளுடன் இருக்கிறேன். என் மனதில் ஒரே ஒரு ஆசை இருந்தது. ஆர்.ஆர்.ஆர் படம் வெற்றி பெற வேண்டும், ஒவ்வொரு இந்தியனின் பெருமையும், என்னை உலகின் உச்சியில் வைக்க வேண்டும்” என்று கூறியிருந்தார் என்பது குறிப்பிடத்தக்கது.