Skip to main content

ஹிட் படத்தின் இரண்டாம் பாகத்தில் நடிக்கும் பரத்!

Published on 10/07/2024 | Edited on 10/07/2024
Bharath act kalidas 2 movie

இயக்குநர் ஷங்கர் இயக்கத்தில் வெளிவந்த ‘பாய்ஸ்’ திரைப்படத்தின் மூலம் அறிமுகமானவர் பரத். அதன் பிறகு வெளியான காதல், பட்டியல், எம் மகன், வெயில், என ஹிட் படங்களில் நடித்தார் பரத். ஆனால், பழனி, நேபாளி, ஆறுமுகம், தம்பிக்கு இந்த ஊரு என தொடர் தோல்வி படங்களை கொடுத்ததால், தமிழ் சினிமாவில் இருக்கும் இடம் தெரியாமல் போய்விட்டார் பரத். 

வெற்றிக்காக காத்திருந்த பரத்திற்கு, கடந்த 2019ஆம் வெளியான ‘காளிதாஸ்’ படம் அவரது வாழ்க்கையில் திருப்புமுனையாக அமைந்தது. ஸ்ரீ செந்தில் இயக்கத்தில் உருவான காளிதாஸ் படத்தில் பரத், ஆன் ஷீடல் ஆகியோர் நடித்தனர். திரில் சஸ்பென்ஸ் ஜானரில் வெளியான இப்படத்திற்கு ரசிகர்கள் மத்தியில் பெரும் வரவேற்பை பெற்றது. 

இந்த நிலையில், ஐந்து ஆண்டுகளுக்கு பிறகு காளிதாஸ் படத்தின் 2ஆம் பாகம் தற்போது உருவாக இருக்கிறது. ‘காளிதாஸ் 2’ படத்தையும் ஸ்ரீ செந்தில் இயக்குகிறார். பிரபல தயாரிப்பாளரான ஃபைவ் ஸ்டார் செந்தில் மற்றும் தயாரிப்பாளர் யோகேஸ்வரன் ஆகியோர் இணைந்து தயாரிக்கும் இப்படத்தின் தொடக்க விழா, பூஜையுடன் சென்னையில் நடைபெற்றது. இந்த பட விழாவை சிவகார்த்திகேயன் தொடங்கி வைத்தார். இந்த நிகழ்ச்சியில், சிவகார்த்திகேயன், தயாரிப்பாளர்கள் லலித் குமார், கதிரேசன், அம்பேத்குமார், ஃபைவ் ஸ்டார் கல்யாண், டாடா பட இயக்குநர் கணேஷ் பாபு, ஒளிப்பதிவாளர் வேல்ராஜ் உள்ளிட்டவர்கள் கலந்துகொண்டனர். 

சார்ந்த செய்திகள்

Next Story

'இரவுகள் இன்று நீளமானது...' - ‘லவ்’ பரத் & வாணி போஜன் (எக்ஸ்க்ளூசிவ் ஸ்டில்ஸ்)

Published on 29/07/2023 | Edited on 29/07/2023

 

 

 

பரத், வாணி போஜன் நடிப்பில் காதல், த்ரில்லர் டிராமாவாக வெளியாகியுள்ள படம் 'லவ்'. ஆர்.பி. பாலா தயாரித்து இயக்கியுள்ள இப்படத்திற்கு ரோனி ரபேல் இசையமைத்துள்ளார்.

படக்குழுவினரின் பிரத்யேக புகைப்படங்கள்: நவீன்

 

Next Story

"மன உளைச்சல் தருகிறது" - பரத்

Published on 15/07/2023 | Edited on 15/07/2023

 

bharath speech at love movie event

 

பரத், வாணி போஜன் நடிப்பில் காதல், த்ரில்லர் டிராமாவாக உருவாகியுள்ள படம் 'லவ்'. ஆர்.பி. பாலா தயாரித்து இயக்கியுள்ள இப்படத்திற்கு ரோனி ரபேல் இசையமைக்கிறார். ஜூலை 28ஆம் தேதி திரைக்கு வரவுள்ள இப்படத்தின் இசை மற்றும் டிரெய்லர் வெளியீட்டு விழா படக்குழுவினர் கலந்துகொள்ள பத்திரிகை, ஊடக நண்பர்கள் முன்னிலையில் நடைபெற்றது. மூத்த பத்திரிகையாளர்கள் இணைந்து 'லவ்' படத்தின் டிரெய்லரை வெளியிட்டனர்.

 

நடிகை வாணி போஜன் பேசியதாவது, "நான் நிறைய படங்கள் நடித்திருக்கிறேன். ஆனால் சில படங்களே மனதிற்கு முழு திருப்தியை கொடுக்கும். இந்தப் படத்தில் நான் ஒரு நல்ல கதாபாத்திரத்தில் நடித்துள்ளேன் என்ற திருப்தி எனக்கு உள்ளது. இந்தப் படத்தில் நானும் பரத்தும் நிறைய சண்டைகள் போட்டுள்ளோம், அடிகளும் பட்டன. ஆனால் அது படத்திற்காக மட்டும் தான். படம் எனக்கு மிகவும் பிடித்துள்ளது. உங்களுக்கும் கண்டிப்பாகப் பிடிக்கும். நன்றி" என்றார். 

 

நடிகர் பரத் பேசியதாவது, "இங்கு எனது 50வது படத்தில் உங்களுடன் இணைந்து கேக் வெட்டி கொண்டாடியது மகிழ்ச்சி. என் திரை வரலாற்றில் மோசமான படங்கள் செய்த போதும், நீ நல்லா பண்ணியிருக்க, நல்லா பண்ணு, நல்லா வருவ என எனக்குத் தொடர்ந்து ஊக்கம் தந்து வரும் உங்களுக்கு நன்றி. இந்தப் பயணம் மிகப்பெரியது. ஷங்கர் சார், ஏ.எம். ரத்னம் சாருக்கு இந்த நேரத்தில் நன்றி சொல்லிக் கொள்கிறேன். படம் செய்யும் போது மிகுந்த உற்சாகத்துடன் வேலை பார்க்கிறோம். ஆனால் படம் ரிலீஸ் என வரும் போது பெரும் பிரச்சனைகள் வந்து நிற்கிறது. மன உளைச்சல் தருகிறது. சினிமா இரண்டாகப் பிரிந்து போயிருக்கிறது. ஆனால் நான் எப்போதும் என் வேலையை சிறப்பாக செய்து வருகிறேன். அதுதான் முக்கியம். இந்தப் படம் எங்கேயும் உங்களுக்கு போரடிக்காது. ஒரு சிறப்பான படம் பார்க்கும் அனுபவம் தரும்." என்றார்.