Skip to main content

"பொன்னியின் செல்வனால் மிஸ் செய்துவிட்டேன்" - ஏ.ஆர். ரஹ்மான்

Published on 01/04/2023 | Edited on 01/04/2023

 

ar rahman missed nita ambani function due to ps 2 scoring session

 

தமிழ், இந்தி உள்ளிட்ட பல்வேறு மொழிகளில் இசையமைத்து வரும் ஏ.ஆர்.ரஹ்மான் தற்போது தமிழில் மணிரத்னம் இயக்கியுள்ள 'பொன்னியின் செல்வன் 2', ரவிக்குமார் இயக்கத்தில் சிவகார்த்திகேயன் நடித்துள்ள 'அயலான்', மாரி செல்வராஜ் இயக்கத்தில் உதயநிதி நடிப்பில் உருவாகி வரும் 'மாமன்னன்' உள்ளிட்ட சில படங்களுக்கு இசையமைக்கிறார். இது போக மணிரத்னம் இயக்கத்தில் கமல்ஹாசன் நடிக்கவுள்ள புதிய படத்திலும் இசையமைப்பாளராக ஒப்பந்தமாகியுள்ளார்.

 

இதில் 'பொன்னியின் செல்வன் 2' வரும் 28 ஆம் தேதி (28.04.2023) திரைக்கு வரவுள்ளது. அண்மையில் வெளியான இப்படத்தின் பாடல்கள் மற்றும் ட்ரைலர் நல்ல வரவேற்பை பெற்றது. ரிலீஸ் தேதி நெருங்கி வருவதால் தற்போது ப்ரோமோஷன் பணிகளில் படக்குழு ஈடுபட்டு வருகிறது. 

 

இந்த நிலையில் ஏ.ஆர்.ரஹ்மான், 'பொன்னியின் செல்வன் 2' பட பணிகளால் நீடா அம்பானியின் நிகழ்ச்சிக்கு வர முடியாமல் போனதாக தெரிவித்துள்ளார். பிரபல தொழிலதிபர் முகேஷ் அம்பானியின் மனைவியும் ரிலையன்ஸ் அறக்கட்டளையின் நிறுவனருமான நீடா அம்பானி, இந்தியாவின் தொன்மையான பண்பாட்டை விளக்கும் வகையில், 'நீடா முகேஷ் அம்பானி கலாச்சார மையம்' என்ற பெயரில் 4 அடுக்குகள் கொண்ட ஒரு கட்டடத்தை தொடங்கியுள்ளார். 

 

இதில் 2000 இருக்கைகள் கொண்ட திரையரங்கம், கலை நிகழ்ச்சிகளுக்கான அரங்கம், ஸ்டுடியோ, போன்றவை இடம்பெற்றுள்ளன. மும்பையில் அமைந்துள்ள இந்த கட்டடத்தின் தொடக்க விழா நேற்று பிரமாண்டமாக நடைபெற்றது. அதில் ரஜினிகாந்த், சல்மான் கான், அமீர்கான், ரன்வீர் சிங், தீபிகா படுகோன், ஆலியா பட், வித்யா பாலன், ஐஸ்வர்யா ராய் பச்சன், ஷ்ரத்தா கபூர், சித்தார்த் மல்ஹோத்ரா, கியாரா அத்வானி, கரீனா கபூர், பிரியங்கா சோப்ரா உள்ளிட்ட பலர் கலந்து கொண்டனர். இதில் கலந்துகொள்ள முடியாதது தொடர்பாக ஏ.ஆர்.ரஹ்மான், "பொன்னியின் செல்வன் 2 படத்தின் பின்னணி இசை கோர்ப்பு பணிகளை கவனித்து வருவதால் இந்த நிகழ்ச்சியை மிஸ் செய்துவிட்டேன்" எனப் பதிவிட்டுள்ளார். 

 

 

 

சார்ந்த செய்திகள்

Next Story

ஒரே நேரத்தில் 50 மருத்துவமனைகளுக்கு வெடிகுண்டு மிரட்டல்; போலீசார் விசாரணை

Published on 18/06/2024 | Edited on 18/06/2024
Bomb threat to 50 hospitals simultaneously; Police investigation

மும்பையில் 50 மருத்துவமனைகளுக்கு ஒரே நேரத்தில் வெடிகுண்டு மிரட்டல் விடுக்கப்பட்ட சம்பவம் பரபரப்பை ஏற்படுத்தியிருக்கிறது.

ஏற்கனவே இந்தியாவில் உள்ள 50 விமான நிலையங்களுக்கு வெடிகுண்டு மிரட்டல் விடுக்கப்பட்டிருந்தது. ஆனால் காவல்துறை விசாரணையில் அவை அனைத்தும் புரளி என தெரிய வந்தது. இந்தநிலையில் தற்போது மும்பையில் 50க்கும் மேற்பட்ட மருத்துவமனைகளுக்கு ஒரே நேரத்தில் மின்னஞ்சல் மூலம் வெடிகுண்டு மிரட்டல் விடுக்கப்பட்டுள்ளது. ஜஸ்லோக், ரஹேஜா, செவன் ஹில் உள்ளிட்ட மருத்துவமனைகளுக்கு ஈமெயிலில் வெடிகுண்டு மிரட்டல் வந்ததாக கூறப்படுகிறது. முதற்கட்ட தகவல் படி மருத்துவமனையின் படுக்கைகள், குளியலறைகளில் வெடிகுண்டு உள்ளதாக சைப்ரஸ் நாட்டிலிருந்து வெடிகுண்டு விரட்டில் வந்திருப்பதாகவும், மின்னஞ்சல் மூலம் வெடிகுண்டு மிரட்டல் விடுத்தவர் குறித்து விசாரித்து வருவதாகவும் மும்பை போலீசார் தெரிவித்துள்ளனர்.

Next Story

இஸ்லாமிய குழந்தைக்கு மகாலஷ்சுமி என்று பெயர் சூட்டிய தம்பதி; பின்னணியில் நெகிழ்ச்சி சம்பவம்

Published on 12/06/2024 | Edited on 12/06/2024
Muslim couple names baby Mahalaxmi in mumbai

மகாராஷ்டிரா மாநிலம் மும்பை அருகே மிராரோடு பகுதியைச் சேர்ந்தவர் பாத்திமா காதுன் (31). இஸ்லாமிய வகுப்பைச் சேர்ந்த இவர் நிறைமாத கர்ப்பிணியாக இருந்துள்ளார். இந்த நிலையில், இவர் கடந்த 6ஆம் தேதி தனது கணவர் தய்யாபுடன் கோலாப்பூரில் இருந்து மும்பைக்கு மகாலஷ்சுமி எக்ஸ்பிரஸ் ரெயிலில் வந்து கொண்டிருந்தார். 

ரெயில் இரவு 11 மணியளவில் லோனாவாலா பகுதிக்கு வந்து கொண்டிருந்த போது பாத்திமா கழிவறை செல்வதற்காக சென்றார். அப்போது பாத்திமாவுக்கு பிரசவ வலி ஏற்பட்டது. இதில் பதற்றமடைந்த கணவர் தய்யாப் உதவிக்காக சக பெண் பயணிகளை அழைத்துள்ளார். இதனையடுத்து அங்கிருந்த பெண் பயணிகள் பாத்திமாவுக்கு உதவி செய்தனர். அதில் அங்கேயே அழகான பெண் குழந்தை பிறந்துள்ளது.

இந்த சம்பவம் குறித்து உடனடியாக ரெயில்வே போலீசாருக்கு தகவல் கொடுக்கப்பட்டது. தகவல் அறிந்த ரெயில்வே போலீசார் மற்றும் ரெயில்வே ஊழியர்கள் கர்ஜத் ரெயில்வே நிலையத்தில் காத்து கொண்டிருந்தனர். இதனையடுத்து, ரயில் கர்ஜத் ரயில்வே நிலையத்தில் வந்தவுடன், தாய் மற்றும் குழந்தையை மீட்டு அருகில் உள்ள மருத்துவமனைக்கு சிகிச்சைக்காக அனுமதித்தனர். 

இந்த நிலையில், மகாலஷ்சுமி எக்ஸ்பிரஸ் ரெயிலில் பிறந்த பெண் குழந்தைக்கு ‘மகாலஷ்சுமி’ என்று பெயரை பெற்றோர் சூட்டியுள்ளனர். இஸ்லாமிய குழந்தைக்கு இந்து கடவுளின் பெயரை வைத்தது குறித்து தந்தை தய்யாப் கூறுகையில், “என்ஜின் கோளாறு காரணமாக லோனாவ்லாவில் இரண்டு மணி நேரத்திற்கும் மேலாக ரயில் நிறுத்தப்பட்டது. இரவு 11 மணியளவில் மீண்டும் துவங்கியதும், என் மனைவி வயிற்று வலி இருப்பதாக கூறி, கழிவறைக்கு சென்றார். நேரமாகியும் அவர் திரும்பி வராததால், தேடி சென்று பார்த்த போது, பிரசவ வலியால் துடித்து கொண்டிருந்தார். பெண் பயணிகள் எங்களுக்கு உதவி செய்தனர். இதனையடுத்து எங்களுக்கு பெண் குழந்தை பிறந்தது. திருப்பதியில் இருந்து கோலாப்பூரில் உள்ள மகாலட்சுமி கோவிலுக்கு சென்ற சில சக பயணிகள், இந்த ரயிலில் எனது மகள் பிறந்தது மகாலஷ்சுமி அம்மனை தரிசனம் செய்தது போல் உள்ளது என்று கூறினர். அதனால் குழந்தைக்கு மகாலட்சுமி என்று பெயர் சூட்டினேன்” என்று நெகிழ்ச்சியுடன் கூறினார்.