Skip to main content

முன்னதாகவே தொடங்கிய அஜித்தின் ‘குட் பேட் அக்லி’

Published on 20/05/2024 | Edited on 20/05/2024
ajith good bad ugly updat

அஜித் குமார், தற்போது மகிழ் திருமேனி இயக்கத்தில் 'விடாமுயற்சி' படத்தில் நடித்து வருகிறார். லைகா தயாரிப்பில் உருவாகும் இப்படத்தில் த்ரிஷா கதாநாயகியாக நடிக்க அர்ஜுன், ரெஜினா கெஸாண்ட்ரா, ஆரவ் உள்ளிட்டோர் முக்கிய கதாபாத்திரத்தில் நடித்து வருகின்றனர். இப்படம், திரையரங்குகளுக்கு பின் ஓடிடியில் வெளியாகும் டிஜிட்டல் உரிமையை நெட்ஃபிளிக்ஸ் நிறுவனம் வாங்கியுள்ளது. இப்படத்தின் முதற்கட்ட படப்பிடிப்பு கடந்த அக்டோபர் மாத தொடக்கத்தில் அஜர்பைஜானில் தொடங்கியது. அப்போது கலை இயக்குநர் மிலன் மாரடைப்பால் காலமானார். இதையடுத்து படக்குழுவினர் அனைவருக்கும் மருத்துவ பரிசோதனை மேற்கொள்ளும்படி அஜித் அறிவுறுத்தினார். அதன்படி அனைவருக்கும் மருத்துவ பரிசோதனை மேற்கொள்ளப்பட்டது. 

கடந்த ஜனவரி மாதம் அஜர்பைஜானில் நடந்து வந்த இப்படத்தின் படப்பிடிப்பு முடிந்ததாக அறிவிப்பு வெளியானது. அடுத்தகட்ட படப்பிடிப்பு விரைவில் தொடங்கவுள்ளதாகத் தெரிவிக்கப்பட்டது. பின்பு கடந்த மார்ச் மாதம், அஜித் குமார் சென்னையில் உள்ள அப்பல்லோ மருத்துவமனையில் அனுமதிக்கப்பட்டார். அவருக்கு காதுக்கு அருகில் மூளைக்கு செல்லும் நரம்பில் ஏற்பட்ட வீக்கம் காரணமாக சிகிச்சை பெற்று வீடு திரும்பினார். பின்பு பைக் பயணத்தில் ஈடுப்பட்டார். அது தொடர்பான வீடியோக்கள் சமூக வலைத்தளங்களில் வெளியாகி வைரலானது. பின்பு கடந்த மாதம் விடாமுயற்சி படப்பிடிப்பில் அஜித்தின் கார் கவிழ்ந்து விபத்துக்குள்ளான வீடியோ வெளியாகி ரசிகர்களை அதிர்ச்சிக்குள்ளாக்கியது.  

இப்படத்தை அடுத்து ஆதிக் ரவிச்சந்திரன் இயக்கத்தில் நடிக்கவுள்ளதாக அறிவிப்பு வெளியானது. மைத்ரி மூவி மேக்கர்ஸ் தயாரிக்கவுள்ள இப்படம் குட், பேட், அக்லி என்ற தலைப்பில் உருவாகிறது. தேவிஸ்ரீ பிரசாத் இசையமைக்கும் இப்படத்தின் படப்பிடிப்பு ஜூன் மாதம் முதல் தொடங்கவுள்ளதாக தெரிவிக்கப்பட்டது. மேலும் பொங்கல் 2025ல் வெளியாகும் என அறிவிக்கப்பட்டது. இப்படத்தில் மூன்று வேடங்களில் அஜித் நடிக்கவுள்ளதாக தகவல் வெளியானது. இதையடுத்து தெலுங்கு இளம் நடிகை ஸ்ரீலீலா இப்படத்தில் நடிப்பதாக கூறப்பட்டது. பின்பு சிம்ரன் மற்றும் மீனா இருவரும் முக்கிய கதாபாத்திரத்தில் நடிக்கவுள்ளதாக தகவல் வெளியானது. 

இந்த நிலையில் இப்படத்தின் ஃபர்ஸ்ட் லுக் போஸ்டர் வெளியாகியுள்ளது. அதில் அஜித் ஒரே கெட்டப்பில் மூன்று முகமாபாவனைகளுடன் தோன்றுகிறார். மேலும் கலர்ஃபுல்லாக போஸ்டர் அமைந்துள்ளது. அதீடு படப்பிடிப்பும் தொடங்கி நடந்துவருவதாக போஸ்டரில் குறிப்பிடப்பட்டுள்ளது. கடந்த மார்ச் மாதம் வெளியான இப்பட அறிவிப்பில் ஜூன் முதல் படப்பிடிப்பு தொடங்கவுள்ளதாக தெரிவிக்கப்பட்ட நிலையில் ஒரு மாதம் முன்னதாக மே மாதமே படப்பிடிப்பு தொடங்கியுள்ளது. மேலும் தொடர்ந்து அப்டேட் வெளியாகி வருகிறது. ஆனால் இப்படத்திற்கு முன்பு ஆரம்பிக்கப்பட்ட விடாமுயற்சி படம் எந்த நிலையில் உள்ளதென படக்குழு அறிவிக்கவில்லை. விரைவில் அது குறித்து அப்டேட் கொடுப்பார்கள் என்று எதிர்பார்க்கப்படுகிறது. 

சார்ந்த செய்திகள்

Next Story

திருப்பதி கோவிலில் நடிகர் அஜித் சாமி தரிசனம்!

Published on 17/06/2024 | Edited on 17/06/2024
Darshan of Ajith Sami in Tirupati Temple!

அஜித் குமார், தற்போது மகிழ் திருமேனி இயக்கத்தில் 'விடாமுயற்சி' படத்தில் நடித்து வருகிறார். லைகா தயாரிப்பில் உருவாகும் இப்படத்தில் த்ரிஷா கதாநாயகியாக நடிக்க, அர்ஜுன், ரெஜினா கெஸாண்ட்ரா, ஆரவ் உள்ளிட்டோர் முக்கிய கதாபாத்திரத்தில் நடித்து வருகின்றனர். இப்படத்தைத் தொடர்ந்து அஜித் மார்க் ஆண்டனி படத்தை இயக்கிய ஆதிக் ரவிசந்திரன் இயக்கும் 'குட் பேட் அக்லி’படத்தில் நடித்து வருகிறர். 

இந்தப் படத்தின் ஃபர்ஸ்ட் லுக் போஸ்டர் வெளியாகி ரசிகர்கள் மத்தியில் பெரும் வரவேற்பைப் பெற்ற நிலையில், இந்தப் படத்தின் முதற்கட்ட படப்பிடிப்பு ஹைதரராபத்தில் நடந்துவந்தது. இதில் அஜித் பாடல் காட்சிகள் படமாக்கப்பட்டதாகத் தெரிவிக்கப்பட்டது. அண்மையில் முதற்கட்ட படபிடிப்பு முடிவடையும் நிலையில் இரண்டாம் கட்ட படபிடிப்பு இன்னும் சில வாரங்கள் கழித்து தொடங்கும் எனக் கூறப்படுகிறது. 

இந்த நிலையில் விடாமுயற்சி படத்தில் எஞ்சியுள்ள படப்பிடிப்பை நிறைவு செய்ய அஜித் வெளிநாடு செல்லவுள்ளார். விடாமுயற்சியின் 80 சதவீத படப்பிடிப்பு முடிவடைந்த நிலையில் மீதம் 20 சதவீதம் படப்பிடிப்பு மட்டுமே மீதி உள்ளது. இதையடுத்து இந்த மாத இறுதியில் விடாமுயற்சி படக்குழு வெளிநாடு செல்லவுள்ளது. இந்த நிலையில் தான் வெளிநாடு செல்லும் முன்பு திருப்பதி கோவிலுக்குச் சென்று நடிகர் அஜித்குமார் சாமிதரிசனம் செய்துள்ளார். பட்டு வேஷ்டி சட்டையுடன் வந்த அஜித், சாமி தரிசனம் செய்துவிட்டு அங்கிருந்த ரசிகர்களுடன் புகைப்படம் எடுத்துகொண்டார். 

Next Story

சிரஞ்சீவியை சந்தித்த அஜித் - புகைப்படம் வைரல் 

Published on 29/05/2024 | Edited on 29/05/2024
ajith mets chiranjeevi

அஜித் குமார், தற்போது மகிழ் திருமேனி இயக்கத்தில் 'விடாமுயற்சி' படத்தில் நடித்து வருகிறார். லைகா தயாரிப்பில் உருவாகும் இப்படத்தில் த்ரிஷா கதாநாயகியாக நடிக்க அர்ஜுன், ரெஜினா கெஸாண்ட்ரா, ஆரவ் உள்ளிட்டோர் முக்கிய கதாபாத்திரத்தில் நடித்து வருகின்றனர்.   

இப்படத்தை அடுத்து ஆதிக் ரவிச்சந்திரன் இயக்கத்தில் அஜித் கமிட்டான நிலையில் படத்தின் படப்பிடிப்பு சமீபத்தில் தொடங்கி விறுவிறுப்பாக நடைபெற்று வருகிறது. மைத்ரி மூவி மேக்கர்ஸ் தயாரிக்கவுள்ள இப்படம் குட், பேட், அக்லி என்ற தலைப்பில் உருவாகிறது. தேவிஸ்ரீ பிரசாத் இசையமைக்கும் இப்படம் பொங்கல் 2025இல் வெளியாகவுள்ளது. சமீபத்தில் படத்தின் ஃபர்ஸ்ட் லுக் வெளியாகியிருந்தது. 

இந்த நிலையில் அஜித்குமார் தெலுங்கு முன்னணி நடிகர் சிரஞ்சீவியை சந்தித்துள்ளார். குட், பேட், அக்லி படத்தின் படப்பிடிப்பும், சிரஞ்சீவி நடிக்கும் 'விஷ்வாம்பரா' படப்பிடிப்பும் ஒரே இடத்தில் ஹைதராபாத்தில் நடந்து வருவதாக கூறப்படுகிறது. அதனால் சிரஞ்சீவி பட படப்பிடிப்பு தளத்திற்கு அஜித் சென்று அவரை சந்தித்துள்ளதாக சொல்லப்படுகிறது. இது தொடர்பான புகைப்படம் வெளியாகி சமூக வலைதளங்களில் வைரலாகி வருகிறது.

'விஷ்வாம்பரா' படத்தை இயக்குநர் வசிஷ்டா இயக்க சிரஞ்சீவிக்கு ஜோடியாக த்ரிஷா நடிக்கிறார். யுவி க்ரியேஷன்ஸ் தயாரிக்கும் இப்படத்திற்கு கீரவாணி இசையமைக்கிறார். சிரஞ்சீவி நடிப்பில் கடைசியாக வெளியான படம் போலா சங்கர். அப்படம் அஜித்தின் வேதாளம் படத்தின் ரீமெக் என்பது குறிப்பிடதக்கது.