Skip to main content

பிகில் படத் தயாரிப்பு நிறுவனம் ரூ. 65 லட்சம் நிதியுதவி! 

Published on 11/04/2020 | Edited on 11/04/2020


கரோனா வைரஸ் தொற்றால் இந்தியா முழுவதும் ஊரடங்கு உத்தரவு அமலில் உள்ளது. இதனால் தினக்கூலியை நம்பியுள்ள பணியாளர்களின் வாழ்வாதாரம் மிகவும் மோசமாகியுள்ளது. 
 

bigil

 

இந்நிலையில் சினிமாத்துறையில் பணியாற்றும் தினக்கூலி பணியாளர்களுக்கு பெப்சியின் வேண்டுகோளுக்குப் பின் சினிமா பிரபலங்கள் உதவி வருகின்றனர். அதேபோல தமிழக முதலமைச்சர் நிவாரண நிதி மற்றும் பிஎம் கேர்ஸ் (PM CARES) ஆகியவற்றிற்கும் நிவாரண நிதி வழங்கி வருகின்றனர்.

இந்நிலையில் தமிழ் சினிமாத்துறையின் பிரபல தயாரிப்பு நிறுவனமான ஏஜிஎஸ், நிவாரண நிதி வழங்கியுள்ளது. தமிழக முதலமைச்சர் நிவாரண நிதிக்கு ரூ. 50 லட்சமும் பெப்சி சங்கத்திற்கு ரூ. 15 லட்சமும் நிதி வழங்கியுள்ளது. 

 

 

 

சார்ந்த செய்திகள்

Next Story

'கோமாளி' பட இயக்குநரின் அடுத்த படத்திற்கு விஜய் பட டைட்டில்

Published on 04/07/2022 | Edited on 04/07/2022

 

comali movie director pradeep ranganathan next movie titled as 'love today'

 

ஜெயம் ரவி நடிப்பில் 2019-ஆம் ஆண்டு வெளியாகி சூப்பர் ஹிட் அடித்த படம் 'கோமாளி'. இப்படத்தின் மூலம் இயக்குநராக அறிமுகமானார் பிரதீப் ரங்கநாதன். சமூக கருத்துக்களை கொஞ்சம் காமெடி கலந்து பொழுது போக்கு படமாக வெளியான இப்படம் ரசிகர்கள் மத்தியில் நல்ல வரவேற்பை பெற்றது. இதனையடுத்து 'ஏஜிஎஸ் ப்ரொடக்ஷன்' தயாரிக்கும் அடுத்த படத்தை இயக்கி அதில் முதன்மை கதாபாத்திரத்தில் நடித்தும் வருகிறார் பிரதீப் ரங்கநாதன். இப்படத்திற்கு யுவன் ஷங்கர் ராஜா இசையமைக்கிறார். இந்த அறிவிப்பை சில மாதங்களுக்கு முன்பு  பிரதீப் ரங்கநாதன் தனது ட்விட்டர் பக்கத்தில் தெரிவித்திருந்தார். 

 

இந்நிலையில் இப்படத்தின் டைட்டில் மற்றும் ஃபர்ஸ்ட் லுக் போஸ்டர் வெளியாகியுள்ளது. இப்படத்திற்கு 'லவ் டுடே' என தலைப்பு வைக்கப்பட்டுள்ளது. இதனை தனது ட்விட்டர் பக்கத்தில் தெரிவித்து ஃபர்ஸ்ட் லுக் போஸ்டரை பகிர்ந்துள்ளார் பிரதீப் ரங்கநாதன். 'லவ் டுடே' என்ற தலைப்பில் ஏற்கனவே விஜய் நடிப்பில் 1997-ஆம் ஆண்டு படம் வெளியானது குறிப்பிடத்தக்கது.       

 

 

Next Story

"செஞ்சுட்டா போச்சு..." ராயப்பனை கையிலெடுத்த அட்லீ

Published on 26/05/2022 | Edited on 26/05/2022

 

atlee directing new film bigil rayappan story

 

'ராஜாராணி' படத்தின் மூலம் திரையுலகிற்கு அறிமுகமான இயக்குநர் அட்லீ, நடிகர் விஜய்யை வைத்து 'தெறி', 'மெர்சல்', 'பிகில்' ஆகிய படங்களை இயக்கியதன் மூலம் முன்னணி இயக்குநர் அந்தஸ்திற்கு உயர்ந்தார். இவர் இயக்கத்தில் கடைசியாக வெளியான பிகில் திரைப்படம் பெரும் வரவேற்பை பெற்றதோடு, அதில் வரும் ராயப்பன் கதாபாத்திரம் ரசிகர்களின் கவனத்தை ஈர்த்தது. 

 

இந்நிலையில் பிரபல ஓடிடி நிறுவனமான அமேசான் ப்ரைம் தனது ட்விட்டர் பக்கத்தில் பிகில் படத்தில் வரும் ராயப்பன் காட்சியை பகிர்ந்து முழு திரைப்படமும் ராயப்பனை மையமாக வைத்து எடுக்கப்பட்டால் எப்படி இருக்கும் என நினைத்து பாருங்கள் என்று குறிப்பிட்டிருந்தது. இந்த பதிவை பார்த்த இயக்குநர் அட்லீ "செஞ்சிட்டா போச்சு" என ரீட்வீட் செய்துள்ளார். இதனால் விஜய் ரசிகர்கள் தற்போது பெரும் உற்சாகத்தில் உள்ளனர். அட்லீ தற்போது ஷாருக்கான் நடிக்கும் புதிய படத்தை இயக்கி வருகிறார். இப்படத்தின் பணியை முடித்த பிறகு விஜய்யை வைத்து மீண்டும் ஒரு படம் இயக்கவுள்ளார். ஒரு வேலை அந்த படம் ராயப்பனை பற்றிய படமா அல்லது வேறு ஒரு புதிய படத்தில் ராயப்பன் கதையை இயக்கவுள்ளாரா என்பதை பொறுத்திருந்துதான் பார்க்க வேண்டும்.