Skip to main content

உலகளவில் கவனம் - பாலஸ்தீனத்திற்கு ஆதரவாக ஒன்றுதிரண்ட பிரபலங்கள்

Published on 29/05/2024 | Edited on 29/05/2024
actors support palestine by sharing all eyes on rafah poster

இஸ்ரேல் - ஹமாஸ் அமைப்பினர் இடையே நடைபெற்று வரும் போர் தொடர்ந்து நீடித்துக் கொண்டே இருக்கிறது. கடந்த ஆண்டு அக்டோபர் 7 ஆம் தேதி காசாவிலிருந்து ஹமாஸ் அமைப்பு இஸ்ரேல் மீது நடத்திய தாக்குதலில் ஆயிரத்திற்கும் மேற்பட்டோர் உயிரிழந்தனர். இந்தப் போரில் அதிகளவில் பெண்களும், குழந்தைகளுமே உயிரிழந்ததாக ஐ.நா கவலை தெரிவித்தது. இதுவரை 30,000க்கும் அதிகமானோர் பலியானதாகவும் 60,000க்கும் மேற்பட்டோர் படுகாயம் அடைந்ததாகவும் தெரிவிக்கப்பட்டது. மேலும், போர் நிறுத்தத்தை முடிவுக்குக் கொண்டு வர, அமெரிக்கா உள்ளிட்ட பல்வேறு நாடுகள் ஏராளமான முயற்சிகளை மேற்கொண்டு வருகின்றன.

அதே வேளையில், உலகில் உள்ள பல்வேறு மாணவர் அமைப்பினர், பொது மக்கள் என பலரும் இந்தப் போரை நிறுத்த வேண்டும் என கோரிக்கை வைத்து அவ்வப்போது போராட்டம் நடத்தி வருகின்றனர். இந்த சூழலில் கடந்த 26ஆம் தேதி இரவு இஸ்ரேலின் டெல் அவிவ் நகரம் மீது ஹமாஸ் அமைப்பினர், ஏவுகணை தாக்குதல் நடத்தினர். இதையடுத்து, இஸ்ரேல் அந்த ஏவுகணைகளை இடைமறித்து அழித்ததாக தெரிவிக்கப்பட்டது. அதனால், அங்கு எந்தவித உயிர்ச் சேதமும் ஏற்படவில்லை என்று கூறப்பட்டது. போர் சூழல் ஏற்படும் அபாயம் இருந்ததால், காசாவில் இருந்து வெளியேறிய ஆயிரக்கணக்கான மக்கள் ரபா பகுதியில் உள்ள முகாம்களில் தங்க வைக்கப்பட்டனர். 

actors support palestine by sharing all eyes on rafah poster

இந்த நிலையில், இஸ்ரேல் படையினர் ஹமாஸுக்கு பதிலடி கொடுக்கும் விதமாக தெற்கு காசாவில் உள்ள ரபா நகரம் மீது அதிரடி வான்வெளி தாக்குதல் நடத்தியுள்ளது. இதில் ரபா பகுதியில் உள்ள முகாம்களில் தங்கவைக்கப்பட்ட 45 பாலஸ்தீன மக்கள் பரிதாபமாக உயிரிழந்தனர். இந்த தாக்குதலுக்கு உலகளவில் பரவலாக பேசப்பட, பலரும் பாலஸ்தீனியர்களுக்கு ஆதரவாக குரல் கொடுத்து வருகின்றனர். 

actors support palestine by sharing all eyes on rafah poster

அந்த வகையில் திரைப்பிரபலங்கள் பலரும் உலக மக்களின் கவனத்தை ஈர்க்கும் வகையில் ‘ஆல் ஐஸ் ஆன் ரபா’  ‘ALL EYES ON RAFAH' என்ற போஸ்டரை அவர்களது இன்ஸ்டாகிராம் பக்கத்தில் பகிர்ந்துள்ளனர். இதில் த்ரிஷா, சமந்தா, துல்கர் சல்மான், அட்லீ, ஹன்சிகா, மாதுரி தீக்‌ஷித், சோனம் கபூர், இலியானா,  ரகுல் ப்ரீத் சிங், மலைக்கா அரோரா, நோரா ஃபதாஹி என பலரும் இருக்கும் நிலையில் அவர்களோடு விளையாட்டு வீரர், வீராங்கனைகள், பிரபலங்கள் என மொத்தம் 3 கோடிக்கும் அதிகமானோர் கடந்த 24 மணிநேரத்தில் இந்த போஸ்டரை பகிர்ந்துள்ளனர். 

சார்ந்த செய்திகள்

Next Story

விவாகரத்துக்குப் பிறகான வாழ்க்கை - சமந்தா உருக்கம்!

Published on 16/07/2024 | Edited on 16/07/2024
Samantha talked about life after divorce!

தமிழ் மற்றும் தெலுங்கு சினிமாவின் முன்னணி கதாநாயகிகளில் ஒருவர் சமந்தா. இவர், விஜய், சூர்யா, சிம்பு, அல்லு அர்ஜூன், நானி போன்ற முன்னணி கதாநாயகர்களுடன் ஜோடியாக நடித்து புகழ்பெற்றவர்.

இதனிடையே, நடிகை சமந்தா டோலிவுட்டின் பிரபல நடிகர் நாக சைதன்யாவை காதலித்து  திருமணம் செய்துகொண்டார். திருமணமான 4 ஆண்டுகளில் நாக சைதன்யாவை தனிப்பட்ட காரணங்களால் விவாகரத்து செய்தார். இருவரும் விலகி தனியாக வசித்து வருகின்றனர். இதனிடையே, மயோசிடிஸ் நோயால் பாதிக்கப்பட்ட சமந்தா நடிப்பில் இருந்து தற்காலிக பிரேக் எடுத்துக் கொள்ளப்போவதாக அறிவித்தார். அதன் பின்னர், வெளிநாடுகளில் சிகிச்சை எடுத்த பிறகு நீண்ட நாள்களாக ஓய்விலிருந்த சமந்தா கடந்த ஆண்டுதான் படங்களில் மீண்டும் நடிக்க ஆரம்பித்தார். தற்போது, ஓய்விலிருந்து திரும்பி உடல் நலம் சார்ந்த விழிப்புணர்வை ஏற்படுத்தும் வகையில் ‘ஹெல்த் பாட்கேஸ்ட்’ ஒன்றைச் செய்து வருகிறார்.

இந்த நிலையில்,விவாகரத்து, மயோசிடிஸ் நோய்க்கு பிறகு ஏற்பட்டிருக்கும் வாழ்க்கை மாற்றம் குறித்து சமந்தா பேசியுள்ளார். இது தொடர்பாக அவர் கூறியதாவது, “நாம் அனைவரும் நம் வாழ்க்கையில் சில விஷயங்களை மாற்றிக்கொள்ள விரும்புகிறோம். அது போல், என்னிடம் இருந்த விஷயங்களை நான் கடந்து சென்றிருக்க வேண்டுமா என்று சில சமயங்களில் நினைத்து பார்ப்பேன். ஆனால், எனக்கு வேறு வழியில்லை. 

கடந்த மூன்று வருடங்களில் சில விஷயங்கள் நடந்திருக்கக் கூடாது என்று நினைத்திருக்கிறேன். இதை பற்றி, நான் சிறிது நேரத்திற்கு முன்பு என் நண்பருடன் விவாதித்தேன். ஆனால், வாழ்க்கை உங்கள் மீது வீசும் அனைத்தையும் நீங்கள் சமாளிக்க வேண்டும். சிலவற்றில் இருந்து வெளியே வரும் போது தான் நீங்கள் வெற்றி பெறுவீர்கள். நான் முன்பை விட இப்போது வலுவாக இருக்கிறேன். அதற்கு காரணம் ஆன்மீக ஈடுபாடு தான்” எனக் கூறினார். 

Next Story

‘என்னைச் சிறைக்குத் தள்ள வேண்டும் என்று சொல்வதா?’ - சமந்தா கண்டனம்

Published on 05/07/2024 | Edited on 05/07/2024
Samantha condemns doctors

தமிழ் மற்றும் தெலுங்கு சினிமாவின் முன்னணி கதாநாயகிகளில் ஒருவர் சமந்தா. இவர், விஜய், சூர்யா, சிம்பு, அல்லு அர்ஜூன், நானி போன்ற முன்னணி கதாநாயகர்களுடன் ஜோடியாக நடித்து புகழ்பெற்றவர். கடந்த 2010 ஆம் ஆண்டு ‘விண்ணைத் தாண்டி வருவாயா’ தெலுங்கு ரீமேக்கில் கதாநாயகியாக சமந்தா தொடங்கிய திரையுலகப் பயணம் குறுகிய காலத்தில் பேன் இந்திய அளவில் வளர்ந்துள்ளார். 

இதனிடையே, மயோசிடிஸ் நோயால் பாதிக்கப்பட்ட சமந்தா நடிப்பில் இருந்து தற்காலிக பிரேக் எடுத்துக் கொள்ளப்போவதாக அறிவித்தார். அதன் பின்னர், வெளிநாடுகளில் சிகிச்சை எடுத்த பிறகு நீண்ட நாள்களாக ஓய்விலிருந்த சமந்தா கடந்த ஆண்டுதான் படங்களில் மீண்டும் நடிக்க ஆரம்பித்தார். இதையடுத்து ஆங்கில வெப்சீரிஸான ‘சிட்டாடெல்’-இன் இந்தியன் ஸ்பின் ஆஃப் வெர்ஷனில் நடித்தவர், கொஞ்ச நாள்கள் எந்தப் படங்களிலும் கமிட்டாகாமல் ஓய்வெடுக்கப்போவதாகக் கூறினார்.

தற்போது, ஓய்விலிருந்து திரும்பி உடல் நலம் சார்ந்த விழிப்புணர்வை ஏற்படுத்தும் வகையில் ‘ஹெல்த் பாட்கேஸ்ட்’ ஒன்றைச் செய்து வருகிறார். மேலும் அதில் அவர், சிகிச்சை மற்றும் மருத்துவம் பற்றி குறிப்பு வழங்கி வருகிறார். இதற்கு எதிர்ப்பு தெரிவித்த மருத்துவர் ஒருவர், உடல்நலம் மற்றும் அறிவியல் தொடர்பாக சமந்தா படிக்கவில்லை எனவும், அவர் சொல்லும் சிகிச்சைகள் தவறானவை என்று கூறி இதற்காக அவரை சிறையில் தள்ள வேண்டும் என்று பதிவிட்டிருந்தார். இவரது பதிவு சர்ச்சையானது.

இதையடுத்து, அவருக்கு பதிலளிக்கும் வகையில் சமந்தா கருத்து தெரிவித்துள்ளார். இது குறித்து சமந்தா தனது இன்ஸ்டாகிராம் பக்கத்தில் தெரிவித்துள்ளதாவது, “கடந்த இரண்டு ஆண்டுகளாக, நான் பல வகையான மருந்துகளை உட்கொள்ள வேண்டியிருந்தது. தகுதி வாய்ந்த மருத்துவ நிபுணர்களின் ஆலோசனையின்படி பல மருந்துகளை நான் சாப்பிட்டேன். இந்த சிகிச்சைகள் பலவும் மிகவும் விலை உயர்ந்தவை. என்னால் அதை வாங்க முடிகிறது என்று என்னை நானே நான் எவ்வளவு அதிர்ஷ்டசாலி என்று எப்போதும் நினைத்துக் கொண்டிருப்பேன். அதே சமயம் அதனை வாங்க முடியாதவர்களை நினைத்துக் கொண்டிருப்பேன். நீண்ட காலமாக, வழக்கமான சிகிச்சைகள் என்னை குணப்படுத்தவில்லை. பல சோதனைகளுக்குப் பிறகு, எனக்கு அற்புதமாக வேலை செய்யும் சிகிச்சைகள் கிடைத்தன. 

25 ஆண்டுகளாக டிஆர்டிஓவில் பணியாற்றிய எம்.டி.யாக இருக்கும் உயர் தகுதி வாய்ந்த மருத்துவர் எனக்கு இந்த சிகிச்சையை பரிந்துரைத்தார். அதை தான் மற்றவர்களுக்கும் கூறி வருகிறேன். ஆனால், ஒரு ஜெண்டில்மேன் எனது பதவியையும் எனது நோக்கத்தையும் தாக்கி பேசியுள்ளார். அந்த ஜெண்டில்மேன் மருத்துவர் என்று நினைக்கிறேன். என்னை விட அவருக்கு அதிகம் தெரியும் என்பதில் எனக்கு எந்த சந்தேகமும் இல்லை. அவருடைய நோக்கங்கள் உன்னதமானவை என்று நான் உறுதியாக நம்புகிறேன். ஆனால், என்னை சிறையில் தள்ள வேண்டும் என்று கடுமையான வார்த்தைகளை பயன்படுத்தி என்னை விமர்சித்துள்ளார். 

ஒரு பிரபலம் என்பதால் இது போன்ற வார்த்தைகளை பயன்படுத்துகிறார் என்று நினைக்கிறேன். என்னைப் பின்தொடர்வதை விட, எனது பதிவில் நான் குறிப்பிட்ட எனது மருத்துவரை அவர் பணிவாக அழைத்திருந்தால் நன்றாக இருந்திருக்கும். எனக்கு பரிந்துரைத்த மருத்துவரை அவரிடம் விவாதம் நடத்த வேண்டும் என்று விரும்புகிறேன்” எனப் பதிவிட்டுள்ளார்.