Skip to main content

“கமல் சார் சிறந்த நடிகரே ஆனாலும்...”- நடிகர் பார்த்திபன்! 

Published on 26/08/2020 | Edited on 26/08/2020
parthiban

 

 

கடந்த 2015ஆம் ஆண்டு கமல்ஹாசன் நடிப்பில் வெளியான படம் உத்தம வில்லன். இயக்குனர் லிங்குசாமி தயாரித்த இந்த படத்தை நடிகர் ரமேஷ் அரவிந்த் இயக்கியிருந்தார். 

 


இந்த படத்தில் இயக்குனர் கே. பாலசந்தர், ஜெய்ராம், நாசர், ஊர்வசி, பூஜா குமாரி, ஆண்ட்ரியா, பார்வதி  உள்ளிட்ட பலர் நடித்திருந்தனர். இப்படம் ரிலீஸில் தொடங்கி பல பிரச்சனைகள சந்தித்து, ஒரு நாள் தள்ளியே ரிலீஸானது. மிகவும் கலை தன்மையுடன் எடுக்கப்பட்டதால் தியேட்டரில் இப்படம் பெரிதாக சோபிக்கவில்லை.

 

 

ஆனால், இந்த படம் இணையவாசிகள் மத்தியில் பெரும் விவாத்ததை உருவாக்கியது. தற்போது கமலின் நடிப்பு குறித்தும், அவருடைய திரைக்கதையில் சிறந்தது எது என்று பேசப்பட்டால் இந்த படத்தையும் குறிப்பிடுகின்றனர்.

 

 

அந்த வகையில், இந்த படத்தில் கமல்ஹாசன் தனது மகனிடம் புற்றுநோயால் தான் பாதிக்கப்பட்டிருப்பதை சொல்லும் காட்சியை ட்விட்டரில் ரசிகர் ஒருவர் பகிர்ந்துள்ளார். அந்த ட்வீட்டில் கமெண்ட் செய்துள்ள நடிகர் பார்த்திபன், “கமல் சார் சிறந்த நடிகரே ஆனாலும் அவரின் சிறந்த நடிப்பு இது. Best இதுவரை வந்ததில்...” என்று குறிப்பிட்டுள்ளார். 

 

 

சார்ந்த செய்திகள்

Next Story

“வெளியான முதல் நாள் கூட்டமே இல்லை...” - பார்த்திபன்

Published on 15/07/2024 | Edited on 15/07/2024
parthiban spoke about his teenz movie

இயக்குநரும், நடிகருமான பார்த்திபன் இரவின் நிழல் படத்தை தொடர்ந்து, ‘டீன்ஸ்’ படத்தை இயக்கியுள்ளார். பயோஸ்கோப் ட்ரீம்ஸ், அகிரா புரொடக்‌ஷன்ஸ் இணைந்து தயாரித்துள்ள இப்படத்திற்கு இமான் இசையமைத்துள்ளார். ஹாரர் திரில்லர் ஜானரில் குழந்தைகளை மையமாக வைத்து உருவாகியிருக்கும் இப்படம், இந்தியன் 2 படத்தோடு கடந்த 12ஆம் தேதி திரையரங்குகளில் வெளியானது. 

டீன்ஸ் படம் ரசிகர்கள் மத்தியிலும், விமர்சகர்கள் மத்தியிலும் நல்ல வரவேற்பை பெற்று வருகிறது. இந்த நிலையில், இப்படத்திற்கு ரசிகர்கள் கொடுக்கும் வரவேற்பு குறித்து பார்த்திபன் நெகிழ்ச்சியடைந்து கருத்து தெரிவித்துள்ளார். இது குறித்து அவர் தனது எக்ஸ் பக்கத்தில் தெரிவித்துள்ளதாவது, “உங்களின் அளவில்லாத ஆதரவிற்கு நன்றி. நான் சற்றே உணர்ச்சி வசப்பட்டவன்தான், என் கண்ணீர் மழைத்துளிப் போலத் தூய்மையானது. நேற்று டீன்ஸ் திரையரங்குகளில் அலைமோதிய அன்பு  கண்களை கடலாக்கியது. வெளியான முதல் நாள் கூட்டமேயில்லை, மறுநாள் டிக்கட்டே இல்லை. 

எத்தனை ஸ்கீரின்? எவ்வளவு கலெக்‌ஷன் ? இன்று வரை நான் பார்க்கவேயில்லை. பார்க்கவும் போவதில்லை. போதும் இந்த ஆனந்தக் கண்ணீர். கோடிகளை(2) என் கைகளில் கட்டிவிட்டாலும் நான் ஆனந்தத் தாண்டவம் ஆடப் போவது இல்லை. பணத்தை மீறி படைப்பிற்கான அங்கீகாரம் என்னைப் பரவசப் படுத்துகிறது. தொடரும் ஒத்துழைப்புக்கு நன்றி” எனப் பதிவிட்டுள்ளார். இப்படத்தை தொடர்ந்து பார்த்திபன், ‘52 ஆம் பக்கத்தில் ஒரு மயிலிறகு’ என்ற தலைப்பில் ஒரு படமும், இரண்டு படங்களையும் இயக்கவிருக்கிறார் எனக் கூறப்படுகிறது. 

Next Story

“இந்தியன் 2வை இருமுறை பார்த்துவிட்டாவது என் படத்தைப் பாருங்கள்” - பார்த்திபன் வேண்டுகோள்

Published on 05/07/2024 | Edited on 05/07/2024
 Parthipan pleads At least watch Indian 2 twice and watch his film

இயக்குநர் ஷங்கர் இயக்கத்தில் கமல்ஹாசன் நடிப்பில் உருவாகியிருக்கும் படம் இந்தியன் 2. இப்படம், இந்தியன் 3 அதாவது மூன்றாம் பாகமாகவும் வெளியாகவுள்ளது. லைகா நிறுவனம் தயாரித்திருக்கும் இப்படத்தில் காஜல் அகர்வால், விவேக், சித்தார்த், ரகுல் ப்ரீத் சிங், எஸ்.ஜே.சூர்யா, பாபி சிம்ஹா, பிரியா பவானி சங்கர், பிரம்மானந்தம், சமுத்திரக்கனி உள்ளிட்ட பலர் நடித்துள்ளனர். அனிருத் இசையமைத்திருக்கும் இந்தியன் 2 படம் தமிழ், தெலுங்கு, இந்தி உள்ளிட்ட மொழிகளில் வெளியாகவுள்ளது. கடந்த 1996ஆம் ஆண்டில் வெளியான இந்தியன் படத்தின் இரண்டாம் பாகமான இந்தியன் 2 படம், 28 ஆண்டுகளுக்குப் பிறகு வருகிற ஜூலை 12ஆம் தேதி திரைக்கு வரவிருக்கிறது. 

அதே வேளையில், இயக்குநரும், நடிகருமான பார்த்திபன் இரவின் நிழல் படத்தை தொடர்ந்து, ‘டீன்ஸ்’ படத்தை இயக்கியும் தயாரித்தும் உள்ளார். ஹாரர் திரில்லர் ஜானரில் குழந்தைகளை மையமாக வைத்து இப்படம், இந்தியன் 2 வெளியாகும் அதே தேதியான ஜூலை 12ஆம் தேதி வெளியாகயிருக்கிறது. பார்த்திபன் இயக்கியிருந்த இப்படத்தில் டி.இமான் இசையமைத்திருக்கிறார். 

இந்த நிலையில், இந்தியன் 2 படத்தை இரண்டு முறை பார்த்துவிட்டாவது தன் படத்தை பாருங்கள் என்று வேண்டுகோள் விடுத்துள்ளார். இது குறித்து பார்த்திபன் தனது எக்ஸ் பக்கத்தில் தெரிவித்துள்ளதாவது, “நண்பர்களே! இத்திரையுலகில் எல்லோருக்கும் நான் நண்பன் ஆனால், எனக்கு நீங்களே! இந்திய அளவிலான ஒரு பிரமாண்ட படத்துடன் நம் டீன்ஸ்! 12/07/2024 அன்று முதல்…

முதல் காட்சியிலேயே குடும்பம்/குழந்தைகளுடன் பாருங்கள், சிறப்பாய் இருந்தால் ஊருக்குச் சொல்லுங்கள் சொல்வீர்கள் என்ற நம்பிக்கையுடனே களத்தில் நிற்கிறேன். நீங்கள் என் மீது வைக்கும் நம்பிக்கையை ரிசர்வேஷன் தொடங்கிய உடனேயேக் காட்டுங்கள். நானே கமல் சாரின் தீவிர ரசிகன்தான். INDIAN-2-வை (இந்தியன் 2) இருமுறை பார்த்து விட்டாவது நம் TEENZ-ஐ (டீன்ஸ்) கண்டு கொள்ளுங்கள். TEENZ (டீன்ஸ்) அனைவரும் INDIAN-ஐ (இந்தியன்) பார்த்து பாராட்டி மகிழ வேண்டும். அதே போல INDIANs (இந்தியர்கள்) அனைவரும்  TEENZ-ஐ (டீன்ஸ்)…! உளப்பூர்வமான இவ்வேண்டுகோளை மீறிய விளம்பரம் நானென்ன செய்திட முடியும்? இச்செய்தியை உங்கள் நண்பர்களுக்கு முதலில் ஷேர் செய்யுங்கள் Please!(ப்ளீஸ்)” எனப் பதிவிட்டுள்ளார்.