Skip to main content

“தமிழக அரசு தலையிட்டு நடவடிக்கை எடுக்க வேண்டும்” - பெஞ்சமின் வேண்டுகோள்

Published on 22/02/2024 | Edited on 22/02/2024
actor benjamin about trisha ex admk members issue

அதிமுகவிலிருந்து நீக்கப்பட்ட முன்னாள் நிர்வாகியான ஏ.வி. ராஜு அண்மையில் செய்தியாளர்களுக்கு அளித்த பேட்டியில், கூவத்தூர் விவகாரத்தில் நடிகை த்ரிஷாவை தொடர்புபடுத்திப் பேசியிருந்தார். மேலும் கருணாஸ் குறித்தும் அவதூறாகப் பேசினார். இது தொடர்பான வீடியோ சமூக வலைத்தளங்களில் வெளியாகி சர்ச்சையான நிலையில், திரைத்துறையிலும் பரபரப்பை ஏற்படுத்தியது.

இந்த சம்பவம் தொடர்பாக கண்டனம் தெரிவித்த த்ரிஷா, கடுமையான சட்ட நடவடிக்கை எடுக்கப்படுமென தெரிவித்தார். இதையடுத்து முன்னாள் அதிமுக நிர்வாகி ஏ.வி. ராஜு வருத்தம் தெரிவித்து வீடியோ வெளியிட்டிருந்தார். இதனிடையே த்ரிஷாவிற்கு ஆதரவாக  சேரன், ஃபெப்சி அமைப்பு, மன்சூர் அலிகான், விஷால், தென்னிந்திய நடிகர் சங்கம் உள்ளிட்டோர் குரல் கொடுத்தனர். இதையடுத்து ஏ.வி ராஜுக்கு த்ரிஷா தரப்பில் பொதுவெளியில் மன்னிப்பு கேட்க வேண்டும் என வக்கீல் நோட்டீஸ் அனுப்பப்பட்டுள்ளது.

இந்த விவகாரத்தில் தமிழக அரசு நடவடிக்கை எடுக்க வேண்டும் என நடிகர் பெஞ்சமின் தெரிவித்துள்ளார். சேலத்தில் திருமண நிகழ்ச்சியில் கலந்து கொண்ட அவர் செய்தியாளர்களிடம் பேசியபோது, “நமது இந்தியாவை தாய்நாடு என்று தான் சொல்றோம். நம்ம கூட பிறந்தவங்க எல்லாமே தாய்மார்கள். நம்ம குடும்பத்துல இருக்கிற பெண்களை பத்தி யாராவது பேசுனா நம்ம சும்மா விட்ருவோமா. சினிமாவில் த்ரிஷா மிகவும் புகழ் பெற்ற நடிகை. திருப்பாச்சி திரைப்படத்தில் அவுங்க கூட நான் நடிச்சிருக்கேன். அவ்ளோ மரியாதையா நடந்துப்பாங்க. நான் அப்போ புது நடிகர். எங்கிட்ட வந்து என்னை பத்தியும் என் குடும்பத்தை பத்தியும் தினமும் நலம் விசாரிப்பாங்க. அவுங்கள பத்தி கேவலமா பேசினது வன்மையா கண்டிக்கத்தக்கது. 

யாராக இருந்தாலும் சரி, ஒரு பெண்ணை கேவலப்படுத்துவது ரொம்ப தப்பு. அப்படி பேசக் கூடாது. அப்படி பேச அவுங்களுக்கு உரிமை கிடையாது. உங்க வீட்டுல உங்க பொண்ண பத்தி யாராவது தரக்குறைவா பேசினா நீங்க விட்ருவீங்களா. தயவுசெஞ்சி சொல்லுறேன், இனிமே சினிமா நடிகை மட்டுமல்ல, எந்த பொண்ணை பத்தியும் யாரும் தரக்குறைவா பேசாதீங்க. அதுக்கு யாருக்குமே அருகதை கிடையாது. தமிழக அரசு இதில் தலையிட்டு நடவடிக்கை எடுக்க வேண்டும். அவுங்களுக்கு உண்டான நீதியை கொடுக்க வேண்டும். அவுங்க பேருக்கும் புகழுக்கும் கலங்கம் வராமல் பாதுகாக்க வேண்டும்” என்றார்.

சார்ந்த செய்திகள்

Next Story

“ஆதரவை வெறுப்பு பிரச்சாரமாக மாற்ற வேண்டாம்” - ஆசிஃப் அலி

Published on 18/07/2024 | Edited on 18/07/2024
Asif Ali REACTS To Ramesh Narayan Snubbing Him at Manorathangal Trailer Launch

மலையாளத்தில் ‘மனோதரங்கள்’ என்ற தலைப்பில் ஒரு ஆந்தாலஜி சீரிஸ் உருவாகியுள்ளது. இந்த சீரிஸ் மலையாள இலக்கியத்தில் புகழ்பெற்ற எம் டி வாசுதேவனின் 9 கதைகளைக் கொண்டு உருவாக்கப்பட்டுள்ளது. இந்த சீரிஸில் கமல்ஹாசன், மோகன்லால், மம்மூட்டி, ஃபஹத் பாசில், பார்வதி திருவோத்து, பிஜு மேனன், ஆசிப் அலி, அபர்ணா பாலமுரளி என ஏகப்பட்ட திரைப் பிரபலங்கள் நடித்துள்ளனர். பிரியதர்ஷன், ரஞ்சித், ஷயாம்பிரசாத், அஸ்வதி வி நாயர், மகேஷ் நாராயணன், ஜெயராஜன், சந்தோஷ் சிவன், ரத்தீஷ் அம்பாட் உள்ளிட்டோர் இயக்கியுள்ளனர். 

இந்த சீரிஸ் ஆகஸ்ட் 15ஆம் தேதி மலையாளம் மட்டும் இல்லாமல் தமிழ், தெலுங்கு, கன்னடம், இந்தி ஆகிய மொழிகளில் ஜீ5 ஓடிடி தளத்தில் வெளியாகவுள்ளது.  இதில் இயக்குநர் ஜெயராஜ் இயக்கிய ஒரு படத்துக்கு மலையாள மூத்த இசையமைப்பாளர் ரமேஷ் நாராயண் இசையமைத்துள்ளார். இந்த சீரிஸின் டிரைலர் வெளியீட்டு விழா அண்மையில் நடைபெற்றது. அதில் ரமேஷ் நாராயணுக்கு விருது வழங்கப்பட்டது. அந்த விருதை மலையாள நடிகர் ஆசிஃப் அலி மேடையிலிருந்து இறங்கி வந்து இசையமைப்பாளர் ரமேஷ் நாராயண் அமர்ந்திருந்த இடத்துக்கே வந்து கொடுத்தார். அப்போது அந்த விருதை அவர் கையால் வாங்க மறுத்த ரமேஷ் நாராயண், அதற்குப் பதிலாக இயக்குநர் ஜெயராஜைக் கொடுக்கச் சொல்லியுள்ளார். இதுதொடர்பான வீடியோ சமூக வலைத்தளங்களில் வைரலானது. மேலும் ரமேஷ் நாராயண் ஆசிஃப் அலியை அவமதிக்கும் விதமாக நடந்து கொண்டதாக விமர்சனங்கள் எழுந்தது. அதோடு ஆசிஃப் அலிக்கு ஆதரவாகவும் அவர் எந்த எதிர்வினை ஆற்றாமல் இருந்ததற்காக பாராட்டுகளும் குவிந்தன. நடிகை அமலா பால், ஒரு நிகழ்வில் கூட, “நாம் வாழ்க்கையில் எதிர்பாராத பல சூழ்நிலைகளை சந்திப்போம். ஆனால் நாம் அதை எப்படி எதிர்கொள்கிறோம் என்பது முக்கியம். ஆசிப் அலியை நினைத்தால் பெருமையாக இருக்கிறது” எனக் கூறினார். 

இதனிடையே இசையமைப்பாளர் ரமேஷ் நாராயண், இந்த சம்பவம் குறித்து வருத்தம் தெரிவித்தார். மேலும் ஆசிஃப் அலி எனக்கு விருது கொடுக்க வருகிறார் என்பது எனக்குத் தெரியாது என்றும் மேடையில் ஏற்றப்பட்டு விருது கொடுக்கப்பட்டிருந்தால், என்னை நோக்கி யாரோ விருது கொடுக்க வருகிறார்கள் என்பதை அறிந்திருப்பேன் என்றும் யாரையும் புண்படுத்துவது எனது நோக்கம் இல்லை என்று விளக்கமளித்தார். இந்த நிலையில் இந்த சம்பவம் குறித்து, ஆசிஃப் அலி செய்தியாளர்களை சந்தித்து பேசினார். அவர் பேசுகையில், “மத அடிப்படையில் இந்த சம்பவத்தை பார்க்கிறார்கள். அப்படி எல்லாம் ஒன்றுமில்லை. அந்த நிகழ்வு ஒரு தவறான புரிதலால் எற்பட்டது. நிகழ்ச்சி ஏற்பாட்டாளர்கள் தவறிழைத்ததால், இசையமைப்பாளர் குழம்பிவிட்டார். நீங்கள் வீடியோவை பார்த்தால் தெரியும், அவருக்கு விருது வழங்கிவிட்டு நான் நகர்ந்துவிட்டேன். 

இந்த சம்பவம் குறித்து அவரிடம் பேசினேன். ஆனால் அதற்கு முன்பாகவே அவர் என்னை அணுக முயன்று கொண்டிருக்கிறார். ஆனால் ஊடகத்தினர் என்னை தொடர்ந்து தொடர்பு கொண்டு சம்பவம் தொடர்பாக கேட்டதால், எனக்கு என்ன சொல்வதென்று தெரியாமல், என்னுடைய ஃபோனை சுவிட்ச் ஆஃப் செய்துவிட்டேன். பின்பு அவருடன் பேசிய போது, அவரது குரல் என் இதயத்தை உடையச் செய்தது. கண்ணீருடன் என்னிடம் மன்னிப்பு கேட்டார். தயவு செய்து எனக்கு கிடைத்த ஆதரவை அவருக்கு எதிரான வெறுப்பு பிரச்சாரமாக மாற்ற வேண்டாம், ஏனென்றால் அவரது வேதனையை என்னால் புரிந்து கொள்ள முடிகிறது” என்றார். 

Next Story

நடிகைக்காக ரசிகரைக் கொன்ற நடிகர்; சினிமாவை மிஞ்சும் ரியல் சம்பவம் - கதிகலங்கும் திரையுலகம்

Published on 17/06/2024 | Edited on 17/06/2024
Shocking information in Darshan Pavithra Gowda Renuka Swamy case

கடந்த ஜூன் 9 ஆம் தேதி பெங்களூருவில் உள்ள காமாட்சி பாளையா என்ற பகுதியில் இளைஞர் ஒருவரின் சடலம் கிடந்துள்ளது. தகவலின் பேரில் சம்பவ இடத்திற்கு வந்த போலீசார் இளைஞரின் உடலை மீட்டு பிரேதப்பரிசோதனைக்காக அனுப்பி வைத்தனர். தொடர்ந்து போலீசார் நடத்திய விசாரணையில், சடலமாகக் கிடந்தவர் சித்துரதுர்காவைச் சேர்ந்த ரேணுகா சாமி என்றும் அவர் மருந்தகத்தில் பணியாற்றி வந்தார் என்று தெரியவந்தது.   

இதனைத் தொடர்ந்து ரேணுகா சாமியிடம் பணம் கொடுக்கல் வாங்கல் தொடர்பாக ஏற்பட்ட தகாறாறு காரணமாக தாங்கள்தான் கொலை செய்தோம் என்று 4 பேர் காவல்நிலையத்தில் சரணடைந்துள்ளனர். இதனால் சந்தேகமடைந்த போலீசார் விசாரணையைத் தீவிரப்படுத்தினர். அதில் பிரபல கன்னட நடிகர் தர்ஷனுக்கு அவரது தோழியுமான நடிகையுமான பவித்ரா கௌடாவுக்கு தொடர்பு இருப்பது தெரியவந்தது.   

நடிகர் தர்ஷனுக்கு ஏற்கெனவே விஜயலட்சுமி என்ற பெண்ணுடன் திருமணமாகி பிள்ளைகள் உள்ளனர். ஆனால் தர்ஷன் தன்னை மிரட்டி அடித்துத் துன்புறுத்துவதாகக் கூறி அவரை விட்டுப் பிரிந்துசென்றுள்ளார். இது தொடர்பான வழக்கு நீதிமன்றத்தில் நிலுவையில் உள்ளது. அதே சமயம் நடிகையும், மாடலுமான பவித்ரா கௌடாவுக்கு ஏற்கெனவே திருமணமாகி விவகாரத்து ஏற்பட்டு கணவரைப் பிரிந்து வாழ்ந்து வருகிறார். இந்த நிலையில் தர்ஷனுக்கும், பவித்ரா கௌடாவுக்கும் இடையே பழக்கம் ஏற்பட்டு நாளடைவில் திருமணம் செய்து கொள்ளாமல் ரிலேஷன்ஷிப்பில் வாழ்ந்துவந்துள்ளனர். தர்ஷனின் ரசிகரான ரேணுகா சாமி தர்ஷனும் - விஜயலட்சுமியும் பிரிந்ததற்கு பவித்ராதான் காரணம் என்று பவித்ராவின் இன்ஸ்டாகிரமில் ஆபாசமாகப் பேசி குறுஞ்செய்தி அனுப்பியுள்ளார். மேலும் பவித்ரா பிரிந்து சென்றால்தான் தர்ஷனும், விஜயலட்சுமியும் ஒன்றாக வாழ்வார்கள் எனக் கடுமையான வார்த்தைகளில் பேசி ஆபாசப் படங்களையும் குறுஞ்செய்தியாக அனுப்பியிருக்கிறாராம். 

Shocking information in Darshan Pavithra Gowda Renuka Swamy case

இதனைப் பவித்ரா தர்ஷனிடம் சொல்ல, தனது ஆட்களை வைத்து ரேணுகா சாமியைக் கடத்தி வரச் சொல்லியிருக்கிறார். அதன்பேரில் அவரது ஆட்கள் தர்ஷனின் நெருங்கிய நண்பரான வினய் குமாரின் வீட்டிற்குக் கடத்தி வந்துள்ளனர். பின்னர் அங்கு வந்த தர்ஷனும், பவித்ராவும் தங்களது ஆட்களை வைத்து ரேணுகா சாமியைக் கடுமையாகத் தக்கியுள்ளனர். அதில் ரேணுகா சாமி சம்பவ இடத்திலேயே உயிரிழந்துள்ளார். தர்ஷன் - பவித்ரா இருவரின் உத்தரவின் பேரிலேயே இந்தக் கொலை அரங்கேறி இருப்பதாக போலீஸில் சரண் அடைந்தவர்கள் ஒப்புதல் வாக்குமூலம் கொடுத்துள்ளனர். 

இது தொடர்பாக போலீசார் ரேணுகா சாமி உடல் கிடந்த இடத்தில் உள்ள சிசிடிவி கேமராக்களை ஆய்வு செய்தபோது வினய் குமாரின் காரில் இருந்து ரேணுகா சாமியின் உடல் வீசப்படுவது பதிவாகியுள்ளது. மேலும் ரேணுகா சாமி கொலை செய்யப்பட்ட இடத்திற்கு தர்ஷனும் பவித்ராவும் காரில் வந்துள்ளதையும், இருவரது செல்போன் சிக்னல் அதே இடத்தில் இருந்ததையும் உறுதி செய்த போலீசார் தர்ஷன், பவித்ரா உட்பட 10 பேரைக் கைது செய்த போலீசார் தீவிரமாக விசாரணை நடத்திவருகின்றனர். மறுபுறம் தர்ஷனின் ரசிகர்கள் போலீஸுக்கு எதிர்ப்பு தெரிவித்து வருகின்றனர்.

இந்த நிலையில் ரேணுகா சாமியின் பிரேதப்பரிசோதனை அறிக்கையில், தர்ஷன், பவித்ரா மற்றும் அவரது ஆட்கள் ரேணுகாசாமி மீது மின்சாரத்தை செலுத்தி கொடூரமாகக் கொன்றிருப்பதாகத் தெரிவிக்கப்பட்டுள்ளது. கர்நாடக மாநிலம் முழுவதும் பெரும் பரபரப்பை ஏற்படுத்திய இந்த வழக்கில் நடிகை ரம்யா, நடிகர் கிச்சா சுதிப் உள்ளிட்ட திரை பிரபலங்கள் ரேணுகா சாமிக்கு நீதிவேண்டும் என்று போர்க்கொடி தூக்கியுள்ளனர்.