Skip to main content

"சென்ற ஒலிம்பிக்கில் எடைப்பளுவை தூக்கவே முடியாமல் பதக்கத்தை தவறவிட்டவர்" - நடிகர் ஆரி வாழ்த்து!

Published on 24/07/2021 | Edited on 24/07/2021

 

bgdshsdfbd

 

டோக்கியோ ஒலிம்பிக் போட்டிகள், நேற்று (23.07.2021) கோலாகலமான துவக்க விழாவுடன் தொடங்கியது. இந்தநிலையில், டோக்கியோ ஒலிம்பிக்கின் முதல் தங்கப் பதக்கத்தை சீனா வென்றுள்ளது. மகளிர் 10 மீட்டர் ஏர் ரைஃபிள் துப்பாக்கிச் சுடுதலில் சீன வீராங்கனை யாங் தங்கம் வென்று அசத்தியுள்ளார். இந்த துப்பாக்கிச் சுடுதல் போட்டியில் ரஷ்யா வெள்ளி பதக்கத்தையும், சுவிட்சர்லாந்து வெண்கலத்தையும் வென்றுள்ளது.

 

இதற்கிடையே, பளு தூக்கும் போட்டியில் இந்தியாவின் மீராபாய் சானு வெள்ளிப் பதக்கம் வென்று வரலாறு படைத்துள்ளார். மகளிருக்கான 49 கிலோ எடைப்பிரிவு பளு தூக்கும் போட்டியில் வெள்ளி வென்றதன் மூலம், ஒலிம்பிக்கில் வெள்ளி வென்ற முதல் இந்திய பளுதூக்கும் வீரர் என்ற சாதனையை நிகழ்த்தியுள்ளார். இவருக்கு உலகம் முழுவதும் உள்ள இந்தியர்களிடம் இருந்து வாழ்த்துகள் குவிந்துவரும் நிலையில், நடிகர் ஆரி அர்ஜுனன் வாழ்த்து தெரிவித்து ட்வீட் செய்துள்ளார். அதில்...

 

bfbfxnfdn

 

"2016 ரியோ ஒலிம்பிக்கில் எடைப்பளுவை தூக்கவே முடியாமல் பதக்கத்தை தவறவிட்டவர், இந்தமுறை ஒலிம்பிக்கில் இந்தியாவிற்கான முதல் பதக்கத்தை வென்ற மீராபாய் சானுவை வாழ்த்துவோம் ❤💐 தோல்வி நிரந்தரம் அல்ல.. #MeerabaiChanu" என பதிவிட்டுள்ளார். மீராபாய் சானுவின் வெள்ளிப் பதக்கம், டோக்கியோ ஒலிம்பிக்கில் இந்தியா வென்ற முதல் பதக்கம் என்பது குறிப்பிடத்தக்கது.

 

 

சார்ந்த செய்திகள்

Next Story

உழைக்கும் பெண்களுக்கு சர்ப்ரைஸ் கிஃப்ட் கொடுத்த ஆரி

Published on 13/03/2024 | Edited on 13/03/2024
aari arjunan gift to 10 working womens

நடிகர் ஆரி அர்ஜுனன் திரைப்படங்களை தவிர்த்து ‘மாறுவோம் மாற்றுவோம்’ என்ற அறக்கட்டளையையும் நடத்தி வருகிறார். இதன் மூலம் பல்வேறு நலத்திட்ட உதவிகளை மக்களுக்கு செய்து வருகிறார். அந்த வகையில் தன்னுடைய தாயின் நினைவாக உழைக்கும் பெண்களுக்கு தங்க நாணயம் கொடுத்து மகிழ்ந்துள்ளார். 10 பெண்களைத் தேடிச் சென்று அவர்களுக்கு இன்ப அதிர்ச்சி கொடுத்துள்ளார்.

இது தொடர்பாக வீடியோ வெளியிட்டுல்ள அவர், “ஒவ்வொரு மகளிர் தினம் வரும் போதெல்லாம் பெண்களை கொண்டாடுறோம். வாழ்த்து சொல்றோம். அதைத் தாண்டி என்ன செய்றோம் என்ற கேள்வி ஒவ்வொரு மார்ச் மாசம் வரும்போதும் எனக்குள்ளே இருந்திட்டே இருக்கும். அந்த வகையில் இந்த மார்ச் மாசம், இந்த சமூகத்திற்கு வேலை செய்யக்கூடிய பெண்களை நம்ம ஏதோ ஒரு வகையில் மரியாதை செய்யணும் என்ற நோக்கத்தில் மாறுவோம் மாற்றுவோம் அறக்கட்டளையின் சார்பாக ஒரு சின்ன முயற்சி.

aari arjunan gift to 10 working womens

எங்க அம்மாவின் நினைவாக ஒவ்வொரு வருஷமும் தொடர திட்டமிட்டிருக்கிறோம். ஒவ்வொரு நாளும் சர்ப்ரைஸை நோக்கி தான் வாழ்க்கையே நடந்துக்கிட்டு இருக்கு. அந்த வகையில் பெண்களை கௌரவித்து சர்ப்ரைஸாக ஒரு கிஃப்ட் கொடுக்க வேண்டும் என்ற முயற்சி. உழைக்கும் பெண்களையும் சமூக மாற்றத்திற்காக உழைக்கக் கூடிய பெண்களின் வாழ்வை மாற்றும் முயற்சியாக எடுக்க இருக்கோம்” என்றார். பின்பு தூய்மைப் பணியாளர்கள் 3 பேர், பெட்ரோல் பங்கில் பணியாற்றும் 3 பேர், சாலையில் கூழ் கடை வைத்திருக்கும் 2 பேர் மற்றும் அவர் நடித்து வரும் ‘ரிலீஸ்’ படத்தின் படப்பிடிப்பில் பாத்திரம் கழுவும் 2  பேர் என மொத்தம் 10 பெண்களை நேரில் சந்தித்து தங்க நாணயம் பரிசாக வழங்கினார் ஆரி அர்ஜுனன்.

Next Story

ஆரி அர்ஜுனனுக்கு ஜோடியாக லட்சுமி மேனன்

Published on 08/02/2024 | Edited on 08/02/2024
lakshmi menon to pair with aari arjunan in next movie

ஆரி அர்ஜுனன் ஹீரோவாக 2018ஆம் ஆண்டு வெளியான நாகேஷ் திரையரங்கம் படத்தில் நடித்திருந்தார். பின்பு உதயநிதியின் நெஞ்சுக்கு நீதி படத்தில் முக்கிய கதபாத்திரத்தில் நடித்திருந்தார். இப்போது சமீபத்தில் சேரன் இயக்கத்தில் வெளியான ஜர்னி வெப் தொடரின் முதன்மை கதாபாத்திரத்தில் நடித்திருந்தார். இதனிடையே ஹன்சிகா நடிக்கும் மேன் படத்தில் வில்லனாக நடித்துள்ளார். மேலும் சில படங்களை கைவசம் வைத்துள்ளார். 

இந்த நிலையில் ஆரி அர்ஜுனன் நடிக்கும் புதி பட அறிவிப்பு தற்போது வெளியாகியுள்ளது. ராஜசேகர பாண்டியன் இயக்கும் இப்படத்தில் ஆரி அர்ஜுனனுக்கு ஜோடியாக லட்சுமி மேனன் நடிக்கிறார். மெட்ராஸ் டெக் என்டர்டெயின்மென்ட் நிறுவனம் தனது முதல் படமாக இப்படத்தைத் தயாரிக்கிறது. மைம் கோபி உள்ளிட்ட பலர் முக்கிய கதாபாத்திரத்தில் நடிக்கின்றனர். இப்படத்தின் படப்பிடிப்பு பூஜையுடன் இன்று தொடங்கியுள்ளது. 

லட்சுமி மேனன் நீண்ட இடைவெளிக்குப் பிறகு சந்திரமுகி 2 படத்தில் நடித்திருந்தார். அப்படம் சரியாகப் போகவில்லை. இப்போது யோகிபாபுவின் வானவன், ஆதியின் சப்தம் உள்ளிட்ட படங்களைக் கைவசம் வைத்துள்ளார்.