Skip to main content

மூன்று தலைமுறை பெண்கள்; ஒரே நேரத்தில் நேர்ந்த கொடூரம் - திலகவதி ஐபிஎஸ் பகிரும் தடயம்: 50

Published on 15/03/2024 | Edited on 15/03/2024
thilagavathi-ips-rtd-thadayam-50

மூன்று தலைமுறை பெண்கள் கொலை செய்யப்பட்ட வழக்கு குறித்து தமிழ்நாடு காவல்துறையின் முதல் பெண் இயக்குநர், ஓய்வு பெற்ற ஐபிஎஸ் அதிகாரி திலகவதி விளக்குகிறார்.

இந்தோரில் ஸ்ரீநகர் மெய்ன் என்ற ஏரியா, பணக்காரர்கள் வசிக்கும் நகர் அது. அங்கு 19.6.2011 அன்று நிரஞ்சனின் 70 வயது தாயார், 42 வயது மனைவி மற்றும் 22 வயது மகள் கொல்லப்பட்டு இருப்பதை கண்டு போலீஸ் அதிகாரிகள் வீட்டை நன்கு சோதனை செய்கின்றனர். இரண்டு துப்பாக்கி குண்டுகள் கண்டுபிடிக்கப்படுகிறது. அதில் ஒன்று அந்த மனைவியின் தலையில் இருந்தது. ஆனால்  இன்னொன்று எங்கிருந்து வந்தது என்று சந்தேகிக்கின்றனர். அடுத்ததாக கைரேகை நிபுணர், இந்த மூவர் இல்லாமல் இன்னொரு புதிய கை ரேகை இருப்பதை கண்டுபிடிக்கிறார் . அது ராகுல் சவுத்ரியுடையது தான் என்று சொல்கிறார். அது மட்டுமல்லாமல், அந்த இடத்தில, மூவர் ரத்தம் இல்லமால், இன்னொருவருடைய ரத்தம் கிடைக்கிறது. 

மேலும் வீட்டை சோதனை செய்ததில் அவர்களது பீரோ, லாக்கர் என அனைத்து இடங்களிலும் பார்த்ததில் நகை, பணம் என நிறைய தொலைந்திருக்கின்றன. ராகுல் என்பவனை பிடிப்பது காவல் அதிகாரிகளுக்கு மிகவும் சவாலாக இருக்கிறது.  இப்படி இருக்க 22.06.2011, காலை 6 மணிக்கு அருகிலிருக்கும் ஒரு எ .டி .எம் சென்டரில் ஒரு 22 வயது மதிக்கத்தக்க ஒரு பெண், ஒரு கார்டை வைத்து நெடுநேரம் எ .டி . எம்  மிஷினில் போட்டு போட்டு எடுத்து கொண்டிருக்க சந்தேகம் வந்து போலீசார் அந்த பெண்ணை கவனமாக பெண் போலீஸ் கான்ஸ்டபில்சுடன்  பிடித்து விசாரிக்கின்றனர். விசாரித்ததில் அந்த பெண்ணும் தான் இந்த சம்பவத்தில் உடன்பட்டிருந்ததை ஒத்து கொள்கிறாள். அந்த நிரஞ்சனின் மனைவியை பியூட்டி பார்லரில் சந்தித்து நட்பாக்கி, அவரிடம் அடிக்கடி பேசி, அவரிடம் தான் பியூட்டி பொருட்கள் விற்பனை தொழில் செய்வதாக சொல்லி, தனக்கு பிசினஸில் உதவ முடியும் என்று சொல்ல, இருவரும் நிரஞ்சனின் வீட்டில் சந்திக்க ஏற்பாடு ஆகி இருக்கிறது. 

அவள் இந்த திட்டத்தை தன் காதலன் ராகுலிடம் சொல்லி இருவரும் மனோஜ் என்பவனுடன் சேர்ந்து கொள்ளையடிக்க திட்டமிட்டிருக்கின்றனர். சொல்லியது போல அந்த பெண் நிரஞ்சனின் மனைவியை சந்திக்க 11 மணி அளவில் உள்ளே செல்கிறாள். அந்த பெண்மணியுடன் பிசினஸ் பேசிக்கொண்டு இருந்திருக்கிறாள். அது சம்பந்தமாக ஒரு ஃபார்மில் கையொப்பம் போட வரும்போது, தனது காதலன் இங்கேதான் அருகில் இருக்கிறார். அவரும் பார்த்து விட்டு ஃபார்மில் கையெழுத்து போடுகிறேன் என்று சொல்லி அவனை  போனில் அழைக்கிறாள். 

உள்ளே வந்த இருவரும் குடிபோதையில் பணம் எங்கே என்று அவசரமாக கேட்க, அந்த பெண்மணி சந்தேகப்பட்டு போலீசுக்கு தகவல் சொல்ல முயலும்போது சட்டென்று அவளை ராகுல் நாட்டு துப்பாக்கியால் சுட்டு விடுகின்றான். சத்தம் கேட்டு வெளியே வந்த மாமியாரையும், மகளையும் மிரட்டி பணம் எங்கே என்று கேட்க, அந்த வயதான பெண்மணி சொல்லி விடுகிறார். பூட்டி இருக்கும் லாக்கர் சாவியை மகளிடம் கேட்டு வாங்கி எல்லா நகையும் கொண்டு வந்திருக்கும் பையில் போட்டு எடுத்துக்கொள்கிறார்கள். அவசரமாக உதவிக்குக் கூச்சல் போட்ட பாட்டியை மேகா கத்தியால்  கழுத்தை அறுத்து விடுகிறாள்.

மேலும் அந்த மகளையும் கொன்று போட்டு விட்டு செல்கின்றனர். இதற்கிடையில் நகையை எடுத்து வைத்து வரும்போது, அந்த வயதான அம்மாவை சுட முயலும்போது வெடிக்காத துப்பாக்கி, திடீரென்று வெடித்து ராகுலின் காலில் சுட்டு விடுகின்றது. அதிலிருந்து வந்த ரத்தம் தான் அங்கே பின்னாளில் போலீஸ் எடுத்தனர். அடிபட்டிருந்த ராகுலை தனது ஸ்கூட்டியில் வைத்து அருகிலிருக்கும் மருத்துவமனைக்கு சென்று காலில் இருந்த புல்லட்டை எடுக்க டாக்டரிடம் கேட்கின்றனர். அவர் இதனை போலீசில் கம்பளைண்ட் பதிவு செய்ய சொல்ல,  தன்னை யாரோ ஒரு மர்ம நபர் ரோட்டில் போய் கொண்டிருக்கும்போது திடீரென்று சுட்டு விட்டதாக எழுதி கொடுத்துவிட்டு, ஒரு பெரிய மருத்துவமனையில் சிகிச்சை பெற்று கொள்கின்றனர். போலீஸ் ஏற்கெனவே அருகிலிருக்கும் மருத்துவமனைகளில் விசாரித்து வந்திருந்ததால், இவன் இங்கே சிகிச்சை பெற்றுக்கொண்டிருப்பது அறிந்து இவனையும் பிடித்து விடுகின்றனர். வழக்கம் போல முறையாக விசாரித்ததில், தான் உபயோகித்த கத்தி, துப்பாக்கி என அனைத்தும் அந்த அருகிலிருந்த பெட்ரோல் பங்கில் அழுக்கு குட்டை ஒன்றில் போட்டு விட்டதாக சொல்கிறான். அதன்படி போலீஸ் அதை கைப்பற்றுகின்றனர். மேலும் ராகுலின் பங்கும், மேகாவின் பங்கையும், மனோஜின் பங்கையும்  அவரவர் வீட்டிற்கு சென்று எடுத்துவிட்டு, மூவரையும் போலீசார் கைது செய்கின்றனர். இந்தோர் மாவட்ட நீதிமன்றத்தில், மூவருக்கும் மரண தண்டனை கொடுக்கப்படுகிறது. மூன்று தலைமுறை பெண்களை கொன்ற அரிதிலும் அரிதான வழக்கு இது என்று சொல்லப்பட்டது. அதுவே முதல் முறையாக ஒரே குற்றத்தில் மூவருக்கும்  மரண தண்டனை கொடுப்பது முதல் தடவை என்றும், சுதந்திரத்திற்கு பிறகு முதல் முறையாக ஒரு பெண்ணுக்கு மத்திய பிரதேசத்தில் தூக்கு தண்டனை கொடுக்கப்படுகிறது என்று குறிப்பிடப்படுகிறது. இதுவே உயர் நீதிமன்றத்திலும் ஏற்றுக்கொள்ளப்படுகிறது.

ஆனால் இந்த வழக்கு உச்ச நீதிமன்றத்திற்கு சென்ற போது அப்படியே எல்லாமே மாறிவிட்டது. ஒரு திறமையான வழக்கறிஞர் நினைத்தால் குற்றவாளியை கூட காப்பாற்ற முடியும் என்ற சிறந்த எடுத்துக்காட்டு இதற்கு பின்னால் நடந்தது. உச்ச நீதிமன்றத்தில் வக்கீலுக்கு பணம் கொடுக்காவிட்டாலும், தனது திறமையை காட்ட இது போன்ற வழக்குகளை வக்கீல்கள் எடுக்கும் போக்கு அங்கு இருந்தது. எனவே அஞ்சனா பிரகாஷ் என்ற வக்கீல் மனோஜ் மற்றும் ராகுலுக்கு ஆஜர் ஆகிறார்.  ஸ்ரீ சிங்க் என்பவர் மேகாவிற்கு ஆஜர் ஆகிறார். அவசரத்தில் போலீஸ் விசாரணையின்போது அவர்கள் தவற விட்ட பல முக்கிய குறிப்புகளை தனக்கு சாதகமாக எடுத்து  திறமையாக வாதாடுகிறார். அதாவது போலீசிடம், மேகாவை எ .டி . எம்  சென்டரில் பிடித்ததாக சொன்னாலும், ஏன் அதனை உடனடியாக அருகிலிருக்கும் காவல் நிலையத்தில் பதிவு செய்யவில்லை, ஏன் விசாரணையை மேகா வீட்டில் வைத்து செய்திருந்தும் அங்கேயே கைது செய்யவில்லை, அது பொய். மேகா காவல் நிலையத்தில் தான் வைக்கப்பட்டிருக்க வேண்டும்.

அதுபோல ஏன் கைது செய்தபோது, மேகாவின் தந்தையிடம் சட்டப்படி சொல்லவில்லை, திருட்டு போன ஒரு நகை பற்றி கூட கேஸ் ரிஜிஸ்டர் செய்யப்படவில்லை, சமர்ப்பிக்கப்பட்ட ஒரு பொருளில் கூட சீல் இல்லை, பொருள் ஒவ்வொன்றையும் சம்பவ இடத்தில் எடுத்ததற்காக ஒரு சாட்சி கூட இல்லை, பிடிக்கப்பட்டு 25 நாட்கள் கழித்து தான் ஐடென்டிபிகேஷன் பாரேட் செய்யப்பட்டிருக்கிறது, ஒரு அந்நிய ரேகை சம்பவ இடத்தில் எடுத்தாலும், அது அந்த வீட்டிலேயே புழங்கும் வேறொருவருடையதாக கூட இருக்கலாம், சம்பவ இடத்தில் எடுக்கப்பட்ட துப்பாக்கி குண்டின் கவர், காவலாளியோடதாக கூட இருக்கலாம். மற்றும் அவர்கள் சிகிச்சை எடுத்ததற்காக கூறப்பட்ட அந்த மருத்துவர் போலி டாக்டர் வேறு என்றும், கைது செய்த இருபத்தி நான்கு மணி நேரத்திற்குள் மேஜிஸ்ட்ரேட் முன்பு நிறுத்தி இருக்க வேண்டும், ஆனால் அப்படி போலீஸ் செய்யவில்லை. அதுமட்டுமின்றி மூவரையும் ஐந்து மணி வரை விசாரித்ததாக சொல்லியிருக்கும்போது, ஐ.ஜி மட்டும் எப்படி பத்திரிகையாளரிடம், மதியம் 12 மணிக்கே கைது செய்ததாக சொல்லிருக்கமுடியும். எனவே சிறு சிறு குற்றம் செய்து வந்திருக்கும் ராகுல் என்பவரை பொய்யாக  கிடைத்திருக்கும் சாட்சிகளை வைத்து கைது செய்ததோடு அல்லாமல், அவரது காதலி என்ற காரணித்தினாலும், மனோஜ் என்பவர் ஆயுதம் விற்பனை செய்பவர் என்ற காரணித்தினாலும், அவர்களை பொய்யாக குற்றம் சாட்டி கைது செய்திருக்கின்றனர் என்று ஆச்சர்யப்படுமளவுக்கு நிராகரிக்க முடியாத வாதங்களை எடுத்து வைக்கிறார். 

இந்த மூவர் தான் உண்மையான குற்றவாளிகள் என்று புரிந்தாலும், உச்ச நீதிமன்றத்தால், இவர் எடுத்து வைத்த வாதங்களை நம்புமளவுக்கு இருந்ததால், அவர்களது மரண தண்டனையை நிராகரித்து கடந்த வருடம், மே மாதம், இவர்களுக்கு 25 வருட சிறை தண்டனை கொடுக்கப்பட்டது. மேலும் சிறையில், மேகா 'சர்தோஷி' என்ற அலங்கார தையலை கூட இருக்கும் பெண் கைதிகளுக்கு சிறந்த முறையில் கைத்தொழிலாக முன்னேற சொல்லி கொடுத்ததால், அவளுக்கு இன்டர்நேஷனல் அவார்ட் கொடுக்கப்பட்டது.

 

Next Story

ஏரிக்குள் கிடந்த மர்ம பீப்பாய்; வருடங்கள் கடந்து தெரிய வந்த உண்மை - திலகவதி ஐபிஎஸ் பகிரும் தடயம்: 53

Published on 12/04/2024 | Edited on 12/04/2024
Thilagavathi Ips rtd thadayam 53

ஒரு சிறிய ஸ்குரூ வைத்து ஒரு பெண்ணின் கொலை கண்டுபிடிக்கப்பட்ட வழக்கு குறித்து தமிழ்நாடு காவல்துறையின் முதல் பெண் இயக்குநர், ஓய்வு பெற்ற ஐபிஎஸ் அதிகாரி திலகவதி விளக்குகிறார்.

கொச்சின் பனங்காடு ஏரியில் நெடுநாட்களாக காலமாக ஒரு நீல நிற பீப்பாய் ஒன்று சந்தேகப்படும்படி மிதந்து கொண்டு இருக்கிறது. அந்த ஏரியை சுத்தம் செய்யும் போது தான் அந்த பீப்பாய் எடுத்து கரையில் ஓரமாக வைக்கின்றனர். கரையில் வைத்தவுடன் அதில் துர்நாற்றம் வீசுகிறது. அதை கவனித்த மக்கள் அளித்த புகாரின் பேரில் எர்ணாகுளம் போலீஸ் நிலையத்திலிருந்து வந்து அதிகாரிகள் அதை உடைத்து பார்த்ததில் உள்ளே கான்கிரீட் உடன் கொஞ்சம் எலும்புகளோடு ஒரு ஆணி போல ‘மல்லியோலர் திருகு’, அதனுடன்  ஒரு வாஷர், மற்றும் ஒன்றரை அடி நீளமுள்ள முடி கிடைக்கிறது. மேலும் மூன்று  500 ரூபாய் நோட்டுகளும் ஒரு நூறு ரூபாய் தாளும் பண மதிப்பிழப்பு நடப்பதற்கு முன்பு பயன்படுத்திய பழைய தாள்களாக இருக்கிறது. எனவே இது 2016க்கு முன்பு நடந்ததாக இருக்கலாம் என்று உறுதி செய்யபடுகிறது.

ஒரு சர்ஜனை கூப்பிட்டு அவரிடம் கருத்து கேட்டபோது, தாடை எலும்புகளை பார்க்கும் போது இது ஒரு பெண்ணுடலாக தான் இருக்கும் என்றும்  உயரம் குறைவானதாக 20 வயதுக்கு உட்பட்ட பெண்ணினுடைய உடலாக இருக்கலாம் என்று சொல்கிறார். கொலைக் குற்றமாக ஐ. பி. சி 302 இன் கீழ் வழக்கு பதிவு செய்யப்படுகிறது. இதற்கென்று ஒரு தனி படை அமைத்து விசாரிக்கின்றனர்.

அங்கிருந்து கடம்பு சேரியில் இருக்கும் மருத்துவக் கல்லூரிக்கு  கிடைத்த எல்லா பொருள்களையும் கொடுத்து எலும்புகளை வைத்து ஆராய்ச்சி செய்த போது  கணுக்காலில் அறுவை சிகிச்சை ஏற்படும் போது பயன்படுத்தக்கூடியது தான் இந்த  மல்லியோலார்  திருகு என்றும் அதில் PITKAR  என்று பொரிக்கப்பட்டிருந்ததை வைத்து அதை தயாரித்த நிறுவனம் மற்றும் பேட்ச் நம்பர் வைத்து விசாரித்ததில் அந்த பேட்ச்சில் மொத்தம் 161 திருகில் ஆறு மட்டுமே கேரளாவுக்கு கொடுத்திருக்கின்றனர் என்று தெரிய வந்தது.

அந்த ஆறு திருகுகள் எந்த மருத்துவமனைக்கு அளித்திருக்கிறார்கள் என்று கண்டுபிடித்து அந்த மருத்துவமனைகளுக்கு சென்று ரெக்கார்ட்ஸ் விசாரிக்கப்பட்டது. கிடைத்த 6.5 சென்டிமீட்டர் நீளமுள்ள இந்த ஸ்க்ரூ சகுந்தலா என்ற 60 வயது பெண்மணிக்கு பொருத்தப்பட்டு இருக்கிறது என்று கண்டுபிடிக்கின்றனர். எனவே ஹாஸ்ப்பிட்டல் ரெக்கார்ட்படி தொடர்பு கொள்ள வேண்டிய நபராக உதயம் பேரூரில்  இருக்கும் தனது மகள் அஷ்மதி பெயரை கொடுத்திருக்கிறார் என்று அறியப்பட்டு அஷ்வதியிடம் விசாரிக்கின்றனர்.

அவள் மூலம் போலீஸ் அந்த சகுந்தலா வாழ்க்கை பற்றி சில தகவல்களை பெறுகின்றனர். அவர் உதயம் பேரூர் என்ற ஊரில் பிறந்து ஆறு மாத குழந்தையாக இருந்த போது சரஸ்வதி அம்மா என்ற ஒரு பெண் தத்தெடுத்து வளர்க்கிறார். அவரை வளர்த்து தாமோதரன் என்று ஒரு முன்னணி கட்சியில் மிகுந்த ஈடுபாடு உள்ள ஒருவருக்கு திருமணம் செய்து வைக்கிறார். ஆனால், கட்சி தொடர்பாக ஒரு முறை இவர் மீது கொலை குற்றம் சுமத்தப்பட்டு ஆயுள் தண்டனை கைதியாக ஜெயிலுக்கு சென்று விடுகிறார். இவருடைய மகனும் விபத்தாகி பின்னர் மன உளைச்சல் ஏற்பட்டு தற்கொலை செய்து கொள்கிறான். அஸ்வதியும் வீட்டை விட்டு ஓடி செல்கிறார். யாரும் துணை இல்லாததால் தன் வாழ்க்கை வருமானத்திற்காக ஸ்கூட்டியில் லாட்டரி டிக்கெட் விற்பனை செய்து வருகிறார். அப்படி ஸ்கூட்டியில் செல்லும்போது தான் ஒரு முறை விபத்து ஏற்பட்டு அறுவை சிகிச்சையின் போது அந்த திருகு  வைக்கப்படுகிறது.

அது செப்டம்பர் 15ஆம் தேதி 2016 அன்று ஆஸ்பத்திரியில் இருந்து டிஸ்சார்ஜ் செய்யப்படுகிறார். அதன் பின்னர் தான் மகள் வீட்டிற்கு சென்று தங்கியபோது சின்னம்மை போட்டு இருக்கிறது. அதனால் அஸ்வதி தன்  குழந்தைகளை கூட்டிக்கொண்டு லாட்ஜ் எடுத்து தங்குகிறாள். பின்னர்  26 ஆம் வீட்டிற்கு வந்தபோது தனது அம்மா அங்கு இல்லை என்று சஜித் என்பவனிடம் கேட்டபோது அவர் பாதுகாப்பாக பத்திரமாக இருக்கிறார் அவரை தேடாதே என்று சொல்லி விடுகிறான். இதுவரை தான் போலீஸ் விசாரணையின் போது கண்டுபிடிக்கின்றனர். அடுத்த கட்ட விசாரணைக்காக சஜித் என்பவரை சந்தேகித்து விசாரிக்கும் போது திருப்பணித்துறை என்ற ஊரில் சரிகா என்ற ஒரு பெண்ணுடன் திருமணம் ஆகி வாழ்ந்து வருகிறார் என்று கண்டுபிடிக்கின்றனர். அங்கு சரிகாவை விசாரித்த போது தனது அம்மாவிற்கு இரண்டாவது திருமணத்தின் போது பிறந்த குழந்தை தான் சரிகா என்றும், சஜித் என்பவரை 18 வயதில் திருமணம் செய்து கொண்டதாகவும், ஆனால் எட்டு வருடங்களாகியும் குழந்தை இல்லை என்பதால் சிகிச்சை எடுத்து வருவதாக சொல்கிறார். மேலும் தன் கணவன் அஸ்வதி என்ற பெண்ணை அறிமுகம் செய்து அவள் அனாதையாக இருப்பதாகவும் தான் தான் அந்த பெண்ணிற்கும் குழந்தைகளுக்கும் பண உதவி செய்வதாக சொன்னார் என்று குறிப்பிடுகிறார்..

கிடைத்திருக்கும் தகவலை வைத்து மேற்கொண்டு விசாரித்ததில் சகுந்தலா மகள் வீட்டிற்கு வந்து தங்கி இருந்தபோது சஜித் பற்றி உண்மையை தெரிந்து கொள்கிறாள். அவனிடம் கண்டித்து திருமணமானது பற்றி தன் பெண்ணிடம் சொல்லி சொல்லி விடுவேன் என்று கண்டித்து அவனை முந்தைய  மனைவியிடமே போய் வாழுமாறு சொல்லி பார்க்கிறார். ஆனால் அதைக் கேட்காததால் சஜித் சகுந்தலா உடன் வாக்குவாதத்தில் ஈடுபட்டு கொன்று தனக்கு தெரிந்த நான்கு நண்பர்களை வைத்து ஒரு பீப்பாயில் கான்கிரீட் நிரப்பி கொன்ற எலும்புகளை போட்டு அப்படியே செங்குத்தாக நிற்கிற நிலையில் நகர்த்திக் கொண்டு சென்று ஏரியில் போட்டு விடுகிறார். இதன் பின்னர் உண்மையை போலீஸ் கண்டுபிடித்து தன்னை போலீஸ் தேடுகிறது என்று தெரிந்தவுடன் விஷம் குடித்து தற்கொலை செய்து கொள்கிறான்

Next Story

பெண்களை குறி வைத்து கொன்ற சயனைட் மல்லிகா - திலகவதி ஐபிஎஸ் பகிரும் தடயம்: 52

Published on 23/03/2024 | Edited on 23/03/2024
thilagavathi ips rtd thadayam 52

பெண்களை ஏமாற்றி சடலங்களை குவித்த ‘சைனைட் மல்லிகா’ வழக்கு குறித்து தமிழ்நாடு காவல்துறையின் முதல் பெண் இயக்குநர், ஓய்வு பெற்ற ஐபிஎஸ் அதிகாரி திலகவதி விளக்குகிறார்.

அடுத்ததாக ஆறு வருடங்கள் கழித்து திட்டமிட்டு குறையோடு வரும் பெண்கள் அதிகமாக சேருமிடமான மருத்துவமனை, கோவில்கள் என்று குறிவைத்து தன் கொலைகளை செய்கிறாள். இப்படியாக கெம்பம்மா மேலும் 50 வயதான சாத்தனூரைச் சேர்ந்த எலிசபெத்  தன் பேத்தியைக் கண்டுபிடிக்க வர அவளை கோவில் வளாக அறைக்கு அழைத்துச் சென்று பலகாரத்தில் சைனைட் கலந்து குடுத்து கொல்கிறாள். மருத்துவமனையில் சந்தித்த 60 வயதான யசோதாம்மா சித்தகங்கா மடத்தில் கொல்லப்பட்டார். இப்படிதான் முனியம்மா என்பவர் யடியூர் சித்தாலங்கேஷ்வர் கோயிலில் 15.12.2007 அன்று கொல்லப்பட்டார். 60 வயதான பில்லாமா, ஹெப்பல் கோவிலுக்கு ஒரு புதிய வளைவை நிறுவ ஆசைப்பட்டதை அறிந்து அவருக்கு நிதியுதவி செய்வதாக கெம்பம்மா உறுதி அளித்து, அவரையும் தன் வழக்கமான முறையில் மத்தூர் வியாத்யநாதபுரத்தில் கொல்கிறாள். ஒரு 30 வயதுடைய பெண் தனக்கு ஆண் குழந்தை இல்லாததால் வேண்ட அவளையும் தன் இரையாக்கி கொல்கிறாள்

இப்படி நிறைய கொலைகள் ஆங்காங்கு ஆதாரமில்லாமல் நிறைய பிணங்கள் கிடைக்கின்றன. மேலும் 2006ல் ரேணுகா என்ற பெண் காணாமல் போய் சடலம் கிடைக்கிறது. கெம்பம்மா சமையற்காரராக வேலை செய்த இடத்தில் மணியும் வேலை செய்து வந்தார். கெம்பம்மா மணியின் சகோதரி ரேணுகாவுடன் பேசி பழகி அவளுக்கு ஆண் குழந்தை வேண்டும் என்ற குறை இருப்பதை தெரிந்து கொண்டு கெம்பம்மா கோலார் மாவட்டத்தில் உள்ள ஒரு யாத்ரீக மையத்தில் சிறப்பு வழிபாடு நடத்தினால் தனக்கு ஆண் குழந்தை பிறக்கும் என்று சொல்கிறாள். அதேபோல வரவழைத்து போலி பூஜை நடத்தி கொன்று விடுகிறாள்.  அப்போது   வேலைக்கு சென்றிருந்த ரேணுகாவின் கணவர் துபாயில் இருந்து வருகிறார். ஏற்கெனவே பிரபலமான முறையில் நிறைய கோவில் தொடர்பான கொலைகள் நிறைய பார்த்ததால் கணவர் போலீசில் புகார் அளிக்கிறார். ஏற்கெனவே நிறைய புகார்கள் இதுபோல பதிந்ததால் இந்த கொலையும் சேர்த்து மொத்தம் எட்டு கொலைகள் கெம்பம்மா  மீது பதியப்படுகிறது.

கோர்ட் விசாரணையின் போது திறமையான வக்கீலின்  வாதாடலால் எலிசபெத் வழக்கில் கிடைத்த எல்லா பத்து சாட்சியையும் உறுதியாக இல்லை என்று கெம்பம்மாவை அதிலிருந்து விலக்குகிறார். ஆனால் நாகவேணி கொலையின் போது மட்டும் அறை ரிஜிஸ்டர் செய்யும்போது ஒரே கையெழுத்தினால் தொடர்புபடுத்தி அதில் மாட்டி கொள்கிறார். இதில் முனியம்மா வழக்கின் மீது கிடைத்த ஆதாரம்  வைத்து அது மட்டும் முக்கிய வழக்காக கருதப்படுகிறது.

ஆனாலும் அந்த வழக்கில் கெம்பம்மா பக்கமுள்ள வக்கீல் போலீசாரிடம் இவர் தான் குற்றவாளி என்றால் பேருந்து நிலையத்தில் இவரை பிடித்த போதே அங்கிருந்த ஐந்து சாட்சியங்களை வைத்து அப்பொழுதே அவரிடம் கைப்பற்றப்பட்டதை வழக்கு பதிவு செய்திருக்கலாமே. ஆனால் அப்படி செய்யாமல் போலீஸ் ஸ்டேஷனுக்கு அழைத்துச் சென்று அதிகாரிகள் தான் சைனைட் கொப்பி வாங்கி, போலி சாவி, ரசீது என்று எல்லாவற்றையும் வாங்கி நீங்கள் செட் செய்திருக்கிறீர்கள் என்று மாத்தி விடுகிறார். அப்படி செய்தும் சாட்சியத்தின் போது அடகு கடை ரசீது வைத்து அந்த கடையின் உரிமையாளரை அழைத்து சாட்சியாக விசாரிக்கிறார்கள். அவரும் இந்த அம்மா காட்டி கொடுத்து அவர் வைத்த நகைகளையும் சொல்லி விடுகிறார். மேலும் அவருக்கு தான் தான் ரூம் அளித்தேன் என்று அந்த கோயில் வளாகத்தில் சாவி கொடுத்தவரும் சாட்சி சொல்லிவிடுகிறார். இப்படியாக கிடைத்த ஆதாரத்தை வைத்து இந்தியாவில் முதல் முறையாக மரண தண்டனை பெற்ற முதல் பெண் குற்றவாளியாகிறார் சயனைடு மல்லிகா. மொத்தம் எட்டு வழக்கில் எலிசபெத் கேஸ் தவிர பாக்கி ஏழு வழக்குகளில் இரண்டு வழக்குகள் தூக்கு தண்டனையாக கொடுக்கப்பட்டு மீதம் ஆயுள் தண்டனையாக கொடுக்கப்பட்டு பின்னர் எல்லா வழக்குகளுக்கும் சேர்த்து ஆயுள் தண்டனை கொடுத்து விட்டனர்.

இத்தனை கொலைகளுக்கும் இருக்கும் அந்த பெண்ணின் ஒரே பின்னணி தன் வறுமையின் காரணமாக செய்ததுதான். முதலில் ஆறு வருடங்கள் செய்யாமல் இருந்தாலும் தன் பெண்களை வேற இடத்தில் திருமணம் செய்துகொடுத்த பின்னர் டாக்ஸி டிரைவராக இருக்கும் தன் மகனுக்கு சொந்தமாக ஒரு டாக்ஸி வாங்கி கொடுக்க வேண்டும் என்ற எண்ணத்தில் தான் 2006ல் இருந்து இத்தனை கொலைகள் அவர் செய்து இருக்கிறார்.  எனவே பொதுமக்கள் அறிமுகம் இல்லாத நபர்களிடம் தன் குறைகளை கூறுவது தன் அந்தரங்க விஷயங்களை பகிர்வது என்பதை தவிர்க்க வேண்டும். மேலும் தன் குடும்ப உறுப்பினர்களுக்கு கூட தெரியாமல் அவர்களை அனுப்பிவிட்டு வேறு ஒரு நபரை தன் வீட்டிற்குள் அனுமதித்து அவர் சொல்வது போல செய்தால், இது போல தான் உயிர் போகும். அசம்பாவிதம் நடக்கும். எவ்வளவு மன உருக பேசினாலும் சுய பாதுகாப்பை மக்கள் தான் பாதுகாத்துக் கொள்ள வேண்டும்.