Skip to main content

மகளின் வாழ்வைக் கெடுத்த பெற்றோர் - டிடெக்டிவ் யாஸ்மின் புலனாய்வு: 11

Published on 29/08/2023 | Edited on 29/08/2023

 

 lady-detective-yasmin-case-explanation-11

 

தான் சந்தித்த வழக்கு சார்ந்த அனுபவங்களை துப்பறிவாளர் யாஸ்மின் நம்மோடு பகிர்ந்துகொள்கிறார்

 

தன்னுடைய தோழி தனக்குத் திருமணமே வேண்டாம் என்று கூறி வருவதாகவும், அவளை யாரோ மிரட்டுவது போன்று தனக்குத் தோன்றுவதாகவும் ஒரு பெண் நம்மிடம் வந்து வழக்கு கொடுத்தார். தோழியை யாரோ அடித்தது போல் முகம் வீங்கியிருந்ததாகவும் கூறினார். அந்த வழக்கை நாங்கள் விசாரிக்கத் தொடங்கினோம். மருத்துவரான அந்தப் பெண் தன்னுடைய பணிக்கு மட்டுமே சென்று வருவதை அறிந்தோம். ஒரு நோயாளியின் உதவியாளர் போல் அவரிடம் நான் சென்றேன். அவரைச் சுற்றி ஏதோ ஒன்று நடப்பது தெரிந்தது.

 

அவரிடம் எனக்கு நட்பு ஏற்பட்டது. அவருடைய பிரச்சனை என்ன என்பது குறித்து விசாரித்தேன். அவர் என்னை சந்தித்தபோது கட்டுப்படுத்த முடியாமல் அழுதார். அவருக்கு திருமணத்தின் மீது மிகுந்த ஆசை இருந்தது. ஆனால் அவருக்கு வரும் வரன்களை எல்லாம் அவருடைய தாயும், தந்தையும் தட்டிக் கழித்து வந்திருக்கின்றனர். பெண்ணுக்குத் திருமணம் செய்து வைத்தால் அவரிடமிருந்து வரும் வருமானம் நின்றுவிடும் என்பதால் இதைச் செய்தனர். இதனால் அந்தப் பெண்ணை யாருடனும் பேசவிடாமல் தடுத்து வந்தனர். அந்தப் பெண்ணை எப்போதும் பின்தொடர்ந்து வந்தனர். 

 

இந்த விஷயங்களை அந்தப் பெண் என்னிடம் சொன்னபோது, அவருடைய தோழி தன்னிடம் வந்து வழக்கு கொடுத்த விவரங்கள் அனைத்தையும் கூறினேன். இதிலிருந்து அவர் எப்படி வெளியே வர வேண்டும், தன்னுடைய பெற்றோருக்கு அவர் எப்படி நம்பிக்கை கொடுக்க வேண்டும் என்பது குறித்தெல்லாம் அவரிடம் விளக்கினேன்.

 

 


 

Next Story

பெங்களூரு ஓட்டலில் மர்மப் பொருள் வெடிப்பு; என்.ஐ.ஏ. தீவிர விசாரணை!

Published on 01/03/2024 | Edited on 01/03/2024
Bengaluru hotel incident NIA investigation

கர்நாடக மாநிலம் பெங்களூரில் உள்ள ஒயிட்ஃபீல்ட் 80 அடி சாலை என்ற இடத்தில் ராமேஸ்வரம் கபே என்ற பிரபல உணவகம் ஒன்று செயல்பட்டு வருகிறது. இந்த சூழலில் இன்று பிற்பகல் 01.05 மணியளவில் திடீரென யாரும் எதிர்பாராத வேளையில் மர்மப் பொருள் வெடித்துள்ளது. இதனால் உணவகத்தில் தீ மளமளவெனப் பரவியது. இது குறித்து தகவல் அறிந்து சம்பவ இடத்திற்கு வந்த தீயணைப்புப் படையினர் தீயை அணைத்தனர். இந்த வெடி விபத்தில் உணவகத்தில் பணியாற்றி வந்த 3 ஊழியர்கள் மற்றும் ஒரு பெண் என மொத்தம் 4 பேர் படுகாயமடைந்தனர் எனத் தகவல் வெளியாகியுள்ளது.

உணவகத்தில் மர்மப் பொருள் வெடித்தது குறித்து போலீசார் தீவிர விசாரணை நடத்தி வருகின்றனர். முதற்கட்ட விசாரணையில், இது சிலிண்டர் வெடிப்பு இல்லை என்பதையும் உறுதி செய்துள்ளனர். அதே சமயம் வெடி விபத்து நிகழ்ந்த இடத்தில் தடயவியல் நிபுணர்கள் குழு தடயங்களைச் சேகரித்து வருகின்றனர். மேலும் வெடிகுண்டு கண்டறிதல் மற்றும் செயலிழக்க வைக்கும் குழுவினர் ஓட்டலுக்கு வந்து அதிரடி சோதனை மேற்கொண்டுள்ளனர்.

இந்த சம்பவம் குறித்து உணவகத்தில் பணிபுரியும் காவலாளி கூறுகையில், “நான் ஓட்டலுக்கு வெளியே நின்று கொண்டிருந்தேன். பல வாடிக்கையாளர்கள் ஹோட்டலுக்கு வந்திருந்தனர். திடீரென பலத்த சத்தம் கேட்டு தீ விபத்து ஏற்பட்டது, இதனால் ஹோட்டலுக்குள் இருந்த வாடிக்கையாளர்களுக்கு காயம் ஏற்பட்டது" என்றார். இந்நிலையில் மர்மப் பொருள் வெடித்தது குறித்து தேசியப் புலனாய்வு முகமை அதிகாரிகள் (N.I.A) தீவிர விசாரணை நடத்தி வருகின்றனர். 

Next Story

சிக்கியது எப்படி? பொதிகை எக்ஸ்பிரஸில் அதிர்ச்சி!

Published on 01/03/2024 | Edited on 01/03/2024
 30 kg trapped; shock at Madurai railway station

பொதிகை எக்ஸ்பிரஸ் ரயிலில் பல கோடி ரூபாய் மதிப்பு கொண்ட போதைப் பொருள் சிக்கியது பரபரப்பை ஏற்படுத்தியுள்ளது.

சென்னையில் இருந்து செங்கோட்டை நோக்கிச் சென்ற பொதிகை எக்ஸ்பிரஸ் ரயில் பயணித்த சென்னையைச் சேர்ந்த சிலமன் பிரகாஷ் என்பவரிடம் வருவாய்த்துறை அதிகாரிகள் திடீர் சோதனை நடத்தினர். அந்த சோதனையில் அவர் வைத்திருந்த பெரிய அளவிலான லக்கேஜ் பேக்கில் 30 கிலோ எடை கொண்ட மெத்தபட்டமைன் எனும் போதைப் பொருள் சிக்கியது.

இதன் மதிப்பு பல கோடி என்பது விசாரணையில் தெரியவந்துள்ளது. ரகசிய தகவல் கிடைத்ததன் பேரில் மதுரை ரயில் நிலையத்தில் இறங்க இருந்த சிலமன் பிரகாஷை பிடித்து நடத்தப்பட்ட சோதனையில், இந்த போதைப் பொருள் கடத்தல் சம்பவம் வெளிச்சத்துக்கு வந்தது. டெல்லியிலிருந்தே சிலமன் பிரகாஷ் கண்காணிக்கப்பட்டதாகவும் பின்னர் அவர் பொதிகை எக்ஸ்பிரஸ் ரயிலில் ஏறி மதுரை வந்தபோது பின் தொடர்ந்து வந்த அதிகாரிகள் அவரை சுற்றிவளைத்து அதிகாலை 4.30 மணியளவில் கைது செய்து இருப்பது தெரியவந்தது.

அண்மையில் சினிமா தயாரிப்பாளரும், திமுக நிர்வாகியாகவும் இருந்த ஜாபர் சாதிக் போதைப்பொருள் கடத்தல் தொடர்பான சம்பவங்கள் பரபரப்பை ஏற்படுத்தியிருக்கும் நிலையில், மதுரையில் அதிக அளவிலான போதைப்பொருள் கைப்பற்றப்பட்டுள்ளது பரபரப்பை ஏற்படுத்தியுள்ளது.