Skip to main content

கரோனா ஏற்படுத்திய நெருக்கடி... அன்று ஒலிம்பிக் சாம்பியன்... இன்று உணவு டெலிவரி செய்பவர்! 

Published on 18/11/2020 | Edited on 18/11/2020

 

Ruben Limardo Gascon

 

கரோனா ஏற்படுத்திய பொருளாதார நெருக்கடி காரணமாக வெனிசுலா நாட்டைச் சேர்ந்த ஒலிம்பிக் சாம்பியனான ரூபென் லிமார்டோ கேஸ்கன் உணவு டெலிவரி செய்யும் வேலை செய்து வருகிறார்.

 

வெனிசுலா நாட்டைச் சேர்ந்த ரூபென் லிமார்டோ கேஸ்கன், 2012-ம் ஆண்டு நடைபெற்ற லண்டன் ஒலிம்பிக்கில் வாள்வீச்சு போட்டியில் தங்கப்பதக்கம் வென்றார். இவர் அடுத்த ஆண்டு ஜூன் மாதம் தொடங்க இருக்கிற டோக்கியோ ஒலிம்பிக் தொடருக்காக தயாராகி வருகிறார். கரோனா நெருக்கடி காரணமாக தற்சமயம் உலகம் முழுவதும் பல போட்டிகள் ஒத்திவைக்கப்பட்டதையடுத்து, சரியான ஸ்பான்ஸர்ஷிப் கிடைக்காமல் தவித்து வருகிறார். இதனையடுத்து, இந்த தற்காலிக நெருக்கடியை சமாளிக்கும் விதமாக உணவு டெலிவரி செய்யும் வேளையில் இறங்கியுள்ளார்.

 

இதுகுறித்து ரூபென் லிமார்டோ கேஸ்கன் கூறுகையில், "போட்டிகள் ஏதும் தற்போது நடைபெறாத காரணத்தால் போதிய வருவாய் இல்லை. என்னுடைய குடும்பத்திற்காக நான் சிறிது வருவாய் ஈட்டியாக வேண்டும். எனக்கு இன்னும் கனவுகள் உள்ளது. ஆதலால், விளையாட்டை விட்டுவிட விரும்பவில்லை. எங்கு சென்றாலும் என் நாட்டின் கொடியை பெருமையுடன் உயர்த்திப்பிடிப்பேன்" எனக் கூறினார்.

 

 

 

Next Story

“இந்தியா வர விருப்பம் இல்லை” - இந்திய வில் வித்தை பயிற்சியாளர் வேதனை

Published on 20/07/2024 | Edited on 20/07/2024
Indian archery coach Agony

சர்வதேச விளையாட்டுத் திருவிழாவான 33வது ஒலிம்பிக் போட்டி வருகிற ஜூலை 26ஆம் தேதி, பிரான்ஸ் நாட்டின் பாரிசில் நடைபெற உள்ளது. ஜூலை 26ஆம் தேதி தொடங்கும் இந்த ஒலிம்பிக் போட்டி ஆகஸ்ட் 11ஆம் தேதி வரை நடைபெறவுள்ளது. இந்தச் சர்வதேச போட்டியில், உலகம் முழுவதும் உள்ள 10,500 வீரர், வீராங்கனைகள் பங்கேற்க உள்ளனர். 

இந்த போட்டியில் கலந்துகொள்வதற்காக இந்தியாவில் இருந்து பல்வேறு வீரர், வீராங்கனைகள் அங்கு சென்றிருக்கின்றனர். அந்த வகையில், 6 பேர் பங்கேற்கக் கூடிய வில் வித்தை அணியும் அங்கு சென்றிருக்கிறது. ஆடவர் பிரிவில் தருண் தீப் ராய், பிரவீன் ஜாதவ், தீரஜ் பொம்ம தேவர் ஆகியோர் பங்கேற்கின்றனர். மகளிர் பிரிவில் தீபிகா குமாரி, பஜன் கவுர், அன்கிதா பகத் ஆகியோர் இந்த வில் வித்தை போட்டியில் இடம் பெற்றுள்ளனர்.  அவர்களோடு தென் கொரியாவை சேர்ந்த இந்திய வில் வித்தை பயிற்சியாளர் பேக் வூங்கியும் அங்கு சென்றிருக்கிறார். 

பாரிஸில் ஒலிம்பிக் போட்டி தொடங்க இன்னும் 5 நாட்கள் உள்ள நிலையில், இந்திய வில் வித்தை சங்கத்தின் உடைய தலைமை பயிற்சியாளர் பேக் வூங்கிக்கு, இந்திய ஒலிம்பிக் சங்கம் ஒப்புதல் அளிக்கவில்லை என்று கூறப்படுகிறது. இதன் காரணமாக, அவரை மீண்டும் இந்தியாவிற்கு திரும்ப அழைப்பதற்கு இந்திய வில் வித்தை சங்கம் டிக்கெட் புக் செய்திருக்கிறது. இது குறித்து இந்திய வில் வித்தை பயிற்சியாளர் பேக் வூங்கி கூறியதாவது, “இந்தியா வர விருப்பம் இல்லை. தாய்நாடான தென் கொரியாவுக்கு செல்ல விரும்புகிறேன்” என வேதனையுடன் தெரிவித்தார். 

Next Story

நெருங்கும் ஒலிம்பிக் திருவிழா; இந்தியா வெளியிட்ட முக்கிய அறிவிப்பு

Published on 09/07/2024 | Edited on 09/07/2024
 the approaching Olympic festival; Important announcement

சர்வதேச விளையாட்டுத் திருவிழாவான 33வது ஒலிம்பிக் போட்டி வருகிற ஜூலை 26ஆம் தேதி, பிரான்ஸ் நாட்டின் பாரிசில் நடைபெற உள்ளது. ஜூலை 26ஆம் தேதி தொடங்கும் இந்த ஒலிம்பிக் போட்டி ஆகஸ்ட் 11ஆம் தேதி வரை நடைபெறவுள்ளது. இந்தச் சர்வதேச போட்டியில், உலகம் முழுவதும் உள்ள 10,500 வீரர், வீராங்கனைகள் பங்கேற்க உள்ளனர்.

இந்நிலையில் ஒலிம்பிக் தேசியக் கொடியை பி.வி.சிந்து ஏற்றுவார் என அறிவிப்பு வெளியாகியுள்ளது. ஐந்து முறை ஒலிம்பிக் பங்கேற்பாளராக இருந்த சரத் கமல் தேசியக்கொடி ஏந்தி செல்வார் என ஏற்கனவே அறிவிக்கப்பட்டிருந்த நிலையில் தற்போது ஒலிம்பிக் தேசியக் கொடியை பி.வி.சிந்து ஏற்றி வைப்பார் என்று அறிவிக்கப்பட்டுள்ளது. இந்திய அணியின் தலைவராக மேரி கோம் ஏற்கனவே அறிவிக்கப்பட்ட நிலையில் தற்போது துப்பாக்கி சுடுதல் வீரர் ககன் நரங் தலைவராக செயல்படுவார் எனவும் அறிவிப்பு வெளியாகியுள்ளது.

 the approaching Olympic festival; Important announcement

இந்த ஒலிம்பிக் போட்டியில் மகளிர் வீராங்கனைகளை பி.வி.சிந்து வழி நடத்துவார் என்றும் அறிவிக்கப்பட்டுள்ளது. இந்தியாவின் சார்பில் பங்கேற்கும் தடகள வீரர்கள் மற்றும் பேட்மிட்டன் போட்டி வீரர்களுக்கான பட்டியல் வெளியிடப்பட்டுள்ளது. பாரிஸ் ஒலிம்பிக் போட்டிகளுக்கு இன்னும் இருபது நாட்களே இருக்கக்கூடிய நிலையில், பல்வேறு தடகளவீரர்கள் தங்கள் இறுதிக் கட்ட பயிற்சிக்காக வெளிநாடுகள் சென்றுள்ளனர். இந்நிலையில் இந்த இரண்டு முக்கிய அறிவிப்புகளை இந்திய ஒலிம்பிக் சங்கம் வெளியிட்டுள்ளது.